kk_30446350

最近好多客搵我地報價...而且好多趕係新年前....不過報完價之後又無曬消息?我地就唸...係唔係我地報得太貴呢?係唔係我地上去度尺度得唔好呢?係唔係自己同客傾計時言語間講錯左d咩呢?如果係....甘點解好多時又可以一睇位就成呢?個原因真係唸左好耐都唔明?


問左好多做同行既阿叔同舅父.....問埋同樣做裝修既老豆...係唔係而家d人搵裝修...只會考慮價錢....其他咩都唔重要呢?但係佢地有無唸過搵左太便既公司....同樣喱左錢出來....但係做左用唔耐,手工又麻麻...甘又係唔係值呢?過幾年又要返手再搵人裝過...甘唔麻煩咩?與其係甘......黠解唔直接搵間ok既去做呢???

真係唸左好耐都唔明呢......hoho....希望搵到答案la.....

[ 本帖最後由 kk_30446350 於 2010-1-11 12:35 AM 編輯 ]

墨家行者

系呢個討論區到打出來話報價的，我覺得好多都無誠意的，只不過穩我地來格價的，我是私人裝修的，無注冊公司的。但是我覺得好多人不是好信我呢種形式的裝修師傅，認為無保障。但是他地穩裝修公司又會有幾多保障啊？手工不好，態度惡劣。我地的手作仔，做的全部都是心機，有時候不是可以用金錢可以衡量件野值不值的。始終是一分錢一分貨，我出黎判野做的宗旨是：夠做就得！做自己的野始終舒服過打工。有時候我系度念，如果我都有間公司就好了，起碼都可以有機會在客人面前show下我地的手工同價錢。

kk_30446350

但係講真ar...我寧願做網上報價既客,都唔想做街客la......佢地又要便...又要in....唔係間間都做到...如果係開街鋪既...根本做唔到便價...做到既...不過係俾dcheap野你.....
唔似我地....下下講心.....哎.....我地既心意又有邊個知ar....

墨家行者

甘多位師兄想問問大家“從事裝修甘耐，是否有想放棄的時候？”

yoboutique

其實某情度係同業敗類所造成, 當然d客講價都係一個問題.

d客成都日都淨係識得講"乜咁貴架? xx公司都係咁既價錢...."
呢個都係其次
有d客俾左訂之後改野改到暈係度, 後加單同改野梗係收得貴啦..
一開始計好料錢人工先報價俾你, 個陣梗係計得準, 到改野既時候,
人工又要俾多d, 材料重覆又重覆
又d唔係可以攞住搭車架, 車費一次都幾十蚊啦
仲未計俾師傳人工
改一個鐘工夫又係要俾一日人工...

仲有又d師傳可能係新移民或者新出黎接單
平到嚇親人
真係打工好過做判頭....
打工都有600-800一日呀, 我又問過d判頭朋友, 佢地話一日400都無, 仲未計買料錢...

有個仲離譜.....
佢平一平接返黎唔係為揾錢, 係因為佢不停有野做, 佢就可以返大陸買料, 跟住就可以揾女人.....

唉...

之前睇過一個話題係講裝修師傳最多講既說話

咁以下係d客講得最多既說話
1) 你地有冇地盤可以俾我上去睇下你d手工?
   (如果你係嗰個單位既客人, 你會唔會俾d陌生人上去睇你屋企呢?
    你信個師傳先俾個單位佢裝修, 梗係唔可以隨唔想你亂帶人上去啦!!)

2)  d客係你行開既時候, 同你自己d師傳講, 呢度唔係咁做, 你幫我咁樣咁樣做啦!!
     (呀生! 裝修事項係你同判頭傾, d師傳係打判頭工, 你無權叫佢改野, 改野係要收費架...)

3)  做到一半既時候, d客會講 "同我想像中唔一樣, 唔啱喎, 要改" 但係唔係改少少野喎....
     (所有既裝修事項都係一開始就會講, 而所有既野都標準呎吋, 所有既材料唔可以一開二, 就會x2計數啦...
若果唔明可以問啫, 咁通常都會簡約講會點做, 一開始又話明, 到做左出黎又話唔明....   又要改過, 所有既材料唔係下下用得返, 唔環保, 又浪費錢時間)

4) 之前我都有睇過呢類裝修......既書, 或者呢類既工程.....我睇過人做
    人地都可以咁做, 點解我間屋唔可以??
    (每間屋既間格/呎數都唔同, 所有野都唔可以讀死書, 一本通書學到老啦...
    唔通咁簡單既野都唔明既....
梗何況人地可以俾幾十萬出黎裝修, 又或者係幾千呎地方, 鍾意點做都得, 你唔捨得俾則樓賺, 又要揾d判頭黎攪....
   到頭黎整到間屋不倫不類, 佢地d朋友上到話乜整間屋咁架, 但係佢又賴落個判頭囉...)

5) 點解時間咁耐既?
   (唔改野咪快囉, 由其是係d客自己訂野, 佢地訂野遲返又入判頭數
     大陸訂野幾時會準架, 係裝修佬訂野都未必咁準時啦....
    料又係你買, 時間又唔俾, 野又係你話要改, 時間又係得咁多, 你試下做啦....)

6) 仲有d客俾尾期個陣"你上黎執手尾, 執好我先俾你..."
    (執自己d手尾梗係無問題啦, 但係佢係執d佢無整過既野, 由其是報價無d個d喎... 仲要係咁拖你尾期)

7)  "下...咁裝支燈(裝其他野等等...)都要收錢架? 你都係順便啫, 當送啦!!"
     咁裝野洗唔洗人工時間先, 我唔介意借架生俾你自己裝, 但係你要揾判頭師傳裝, 佢地都要食飯, 都要出糧, 你係屋企樓揾人返黎裝野佢都收返你350啦....)


一個女仔, 由細到大都跟位屋企人走地盤, 到而家都睇到化晒, 純粹個人意見, 唔知各位同行有冇同感呢??

kk_30446350

放棄梗係有唸過......不過又唔捨得呢.....話曬係自己既興趣同專業....屋企人同親戚又係做呢行.....放唔過....
不過而家裝修既價又真係賤到唔想做...師傅人工都唔夠俾

kk_30446350

你講既中曬我地同行既心聲AR.....
有時遇到D無賴客既話....真係寧願無接過呢張單AR

有時有D客搞笑到....佢屋企D野上手杠黎就有問題..到你幫佢裝修個陣....發覺左呢個客人一直唔覺既問題...話返俾個客知......喂,你上手甘甘WO....佢就話係你整爛左...懶俾上手...真係好多時好心無好報GA....哎....D客成鬼日以為我地做裝修既...搵佢地好多.....其實我地根本係得個雞碎......全部去曬師傅人工.....係人都知出名裝修人工貴GA LA....郁下就話$800.....而家仲點同以前AR.....連我做裝修既個D世叔伯都話.....而家裝修多競爭....你貴人地唔搵你....報得太便....交公司租都唔夠......難.....真係講得無錯

而且而家...好客難求........

yoboutique

講真...若果我係客...我都會揾平靚正既裝修

但係都要合理呀, 無理由要貼錢幫你做, 好多野其實跟本包料包唔到
好似門鎖咁, 平既幾十蚊一個都有, 貴既去成萬蚊既指紋鎖又有, 咁點包呀....

都試過一個例子:

之前幫個女客戶裝修, 佢絶對對係一個好客, 仲要唔麻煩, 俾錢準時,
咁後來佢話佢媽媽屋企都要裝修, 問有冇得平少少,
咁心諗都起碼可以博下單生意有得做, 但係到幫佢媽媽裝修既時候,
呢個媽媽簡直........
頭單好少野整, 30日點都攪得掂, 跟住架生入場, 佢又整呢樣整個樣, 跟住報個價俾佢聽, 又話貴, 咁後來都照做啦, 仲要間屋漏水漏到落雨咁, 佢都話照做, 咁我地話咁樣做落去d牆紙我地唔包會發黃喎, 咁佢話ok, 我地咪照做啦, 但係但工程都攪到差不多兩個月先起到貨, (蝕人工都蝕嘔茄) 到後來收尾期個陣, 佢又話邊樣邊樣自己買, 你係返張報價單扣返錢俾我, (下....客人買料價錢點樣可以扣呀, 你唔貴唔買, 張單都只係咁既價錢咋....包料係有上下限呀....你買個十萬蚊既馬桶, 跟住又要我扣返俾你呀....佢自己買d陣列品返, 本身個樣野都問題, 但係佢又話係我地整爛, 又要我地賠, 裝修上問題又揾佢唔到, 咁唯有照做啦, 佢又話唔啱....總之就係離譜唔識形容...)

最後俾佢扣到淨返少少, 仲要拖左成半年都俾唔晒
咁都不特只, 後尾女客人介紹d單都無晒影, 前前後後損失左好多....

好客難求, 但當遇上衰客時, 真係有苦自己知.....

仲有d樣樣都話計人工, 料佢地買... 報個價俾佢地
咁不如揾班伙計幫你開日工好過啦, 起碼人人有份人工揾, 又唔洗下下計住日數,
佢又可以自己控制晒所有, 大家好!! 但係佢地又諗縮數, 打日工咪預唔到數, 仲可能俾師傅拖....
我叫你判人工, 又咩延期各樣可以入判頭數, 到時又可以扣錢.....

總之就係判人工又唔係, 連工包料又唔係......

mekie595

因為好多客人都唔識裝修呢行既野......當佢地諗住拎一筆錢出黎裝修......當然想搵個信譽良好,有保障,做左好長時間既公司......再唔係就搵熟人介紹或搵熟人做......好少街客會上網搵裝修......所以係呢度報價其本上係廢既......加上d客根本就冇裝修常識......又唔識睇報價......又唔識問問題......淨係識拎住份報價左格右格......份報價有咩係包有咩唔包佢地又唔知.....有d咩技術上或隱藏左既後加野仲更加唔知......比人tum左落搭做得唔好又嗌晒救命......一分錢一分貨呀大佬~~~~~邊有咁多又平又正既野~~~~~

[ 本帖最後由 mekie595 於 2010-1-13 11:03 AM 編輯 ]

kk_30446350

唔好話你..我都遇過la...
個客既大佬係起樓既係大陸...即係唔係裝修la
佢又要扮識裝修既野...係甘安排我要點做點做..最後搞到7國甘亂....自己買左個toto馬桶....唔知點解花左..就屈係我地整既...裝蓮縫花灑,根本無花,又話花左..最後我x個師傅.....搞到個師傅不滿..係我第二個盤玩野...損失慘重..仲害左個好客.......個師傅即時炒左.....你話....我地俾客害個陣...又有邊個知ar.....

kk_30446350

廢又唔會既..都接到單....
d客成日話大公司點點.....其實就係用料差...手工一般...又會拖工期....
搵熟人介紹既介慘....做得唔好又無得出聲...又唔可以講價.....通常收貴唔收便la....唔熟唔食ar ma
我地之所以係網上報價...都係因為無地鋪姐...唔係因為咩...提高下知名度姐.....
分分中我地做既仲好過街鋪個d la

墨家行者

點講都好，我始終認為還是包料比齋判人工的好，起碼有錢系度周轉先拉。之前都試過齋判人工，到最后連的架生的損耗都無埋， 好慘啊。

墨家行者

一直以來我都認為我地做得比的街鋪好的，仲有良心好多，起碼我不會拖人地先，雖然用料不是最好，但都落足的。起碼我自己做的柜不會用大陸夾板先拉，都會用臺灣或者馬拉板。當然價錢夠的我會落好料的，我念大家都是甘的念發。

墨家行者

前年金融海嘯，我系屋企打左足足成半年蛇餅，我系度念覺得香港太受外圍影響，個市不好，就好多牛鬼蛇神，當時真是好想放棄香港的市場，返大陸投靠我的同學，雖然我不是香港出世，但是系度時間長左，覺得仲是呢度最好，唯有等，等個市好返再搏過，鬼叫自己的興趣同事業都是裝修呢行，我從讀完書出來從學師做起，從未做過其它行，以前未做過其它行，而家無念過轉行，將來都不會。或者變的有可能是地方而已。

墨家行者

想問問大家的年紀同做左幾耐？
我今年剛剛好30歲，做左六年。