Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊
追帖 打印

[香港] 側田喪冧《巨聲》索女 何雁詩猛料起底 (忽然一周)



[香港] 側田喪冧《巨聲》索女 何雁詩猛料起底 (忽然一周)

[隱藏]
娛樂頂點

側田喪冧《巨聲》索女 何雁詩猛料起底
2009年08月07日

本周日( 8月 2日)播出第三集的《超級巨聲》中,只有 16歲的參賽者何雁詩,以一曲《 On My Own》攞到 17分(滿分為 20分),成為當晚最高分的參賽者之一,順利晉級。
當晚何雁詩唱完最後一句,全場拍爛手掌,感動到喪喊嘅何雁詩,即場俾主持劉美君同評判古巨基笑佢係側田嘅喪冧對象。其實外表 cute cute嘅何雁詩除咗唱得,仲係香港高爾夫球代表隊成員,攞過唔少獎項,非常猛料!


香港高球代表隊 
上周三,何雁詩在高爾夫球場跟同樣只有十幾歲的隊友齊齊接受訪問,隊友表示看到電視才知道她參加比賽,何雁詩笑住解釋:「咁早講入唔到圍咪好樣衰!」


16歲、家境富裕的何雁詩( Stephanie)雖然年紀輕輕,但加入香港高爾夫球代表隊已經超過 6年,而且多年來成績彪炳,今年已先後奪得香港業餘賽冠軍(不限年齡的香港女子公開賽)及中國青少年公開賽冠軍,她更寄望在明年亞運會可以獲獎。
上周三( 7月 29日)下午,何雁詩在佐敦城市高爾夫球場接受本刊訪問時表示,爸爸是生意人,身為家中獨女的她, 6歲開始學習高爾夫球,「爹哋媽咪想一家人有共同嗜好,於是一齊學,點知我成績愈嚟愈好,雖然我唔鍾意練波,但係我鍾意參加比賽。」現在她每星期練兩次波,星期日會跟家人到內地觀瀾湖操波。


上集喪喊

8月 2日播出嘅《巨聲》,何雁詩演唱完喊到豬頭咁,佢解釋:「我爹哋一直鍾意我打 golf多啲,但佢今日話支持我唱歌,所以開心到忍唔住喊。」


同伍樂城唔熟

對何雁詩而言,參加高爾夫球比賽易過食生菜,但參加正式的唱歌比賽,今次係第一次,「以前一直好鍾意唱歌,都有參加學校合唱團,中二參加學校(協恩國際學校)歌唱比賽得到季軍之後,對唱歌更加有興趣,嗰時先開始正式學唱歌,不過一直都係小組形式學,直到參加咗今次比賽,先轉為單獨學。」
何雁詩在伯樂音樂學院學唱歌 3年,由於院長伍樂城是《巨聲》評判,有指他有偏私造馬之嫌,但何雁詩強調跟院長伍樂城並不熟絡,「佢都冇教過我,唔係佢叫我參加比賽,係我想試吓自己實力先至報名。」


何雁詩喺香港高爾夫球界非常出名,連香港高爾夫球總會嘅官方雜誌都曾經搵佢做封面同訪問。



升呢潮 look 無綫安排進入 20強嘅參賽者大變身,經過專業嘅髮型師同化妝師改造後,何雁詩果然索咗唔少。




伍樂城呼冤:冇造馬

何雁詩一直喺伍樂城開設的伯樂音樂學院修讀唱歌課程,所以同只教音樂製作嘅伍樂城好少機會接觸,何雁詩話其實只係見過伍樂城幾次。


監製麥鎮東
對於造馬一事,《巨聲》節目監製麥鎮東否認其事,「一個評判又點可能控制成個賽果!」而伍樂城亦透過伯樂音樂學院發言人Tina表示,「絕對冇咁嘅事,我哋都係喺何雁詩參加咗先知,學院唔止佢一個學生參加呢個比賽,不過其他人入唔到咋,而報道指嘅另一位參賽者何晶晶唔係我哋學生。」



上周四(7月30日),何雁詩到伯樂音樂學院上堂,由曾經教過謝安琪同陳慧琳唱歌嘅聲樂系總監葉富生親自教授,葉富生大讚何雁詩有天分,「佢音域好闊,好多歌都可以唱到。」


側田喪冧唔尷尬
至於被評判側田喪冧一事,何雁詩坦承很欣賞對方,「我都有聽佢啲歌,多謝佢咁支持我,亦成為咗我嘅推動力。但係我唔覺得佢對我特別好,佢只係比賽完會同我講句『GoodJob』。其實佢對個個參賽者都咁好,佢都唔只攬過我一個女仔啦!所以唔會尷尬。」至於側田則透過經理人表示:「古巨基同劉美君都係講笑啫!」



下集側田攬攬
何雁詩一直係側田心水,能夠入30強都係側田揀。8月2日播出嘅一集,側田俾古巨基踢爆連食飯都提住何雁詩,仲要求男方即時上台攬女方,側田就話等對方贏咗先。點知下集何雁詩再以高分過關,側田即衝上台攬實對方,仲唔認係冧人!


[ 本帖最後由 lamsaihang 於 2009-8-8 03:54 AM 編輯 ]
hang

回覆 引用 TOP

講真在youtube 聽過原唱和外國其他人唱
感覺上何雁詩唱得和原唱有很大分別
根本不值17分
如果其他歌反而還可以




回覆 引用 TOP

我唔係專家, 但我覺得佢唱得好一般ja wo
係叫得大聲, 不過尾音一點震音都無, 好似無咩特別. 技術一般咁
係個樣算ok

回覆 引用 TOP

[隱藏]
提示: 作者被禁止或刪除 內容自動屏蔽,只有管理員可見
facebook好玩的空中戰艦真人對戰game
http://apps.facebook.com/battlestations/new.php?invite=Kidult_RZ
香港只要個樣嘛

回覆 引用 TOP

肥左d喎,林宛未仲好

回覆 引用 TOP

佢唱得好差,17分根本唔值



回覆 引用 TOP

點算係冧 索女 呀- -
好索咩

回覆 引用 TOP

[隱藏]
果然係有樣大哂...再好才華都冇用
      ~燕子語錄~
今夜思君又何知?風吹帶相思
月圓浮下憶歡顏,星殞留情痴
不為七夕,為伊也心嚮
滿月朦朧鵲不橋,期會在何時?

回覆 引用 TOP

引用:
原帖由 StormyNight 於 2009-8-9 10:56 發表
"索女"???


+2!!!!!!!!!!!!!!
對焦__她的愛*
對慢了[[[ 愛人會失去可愛 ]]]
----------------------------------------------
要拍照的事___可不少

回覆 引用 TOP

邊度索..............

回覆 引用 TOP

索女



回覆 引用 TOP

個樣好普通喎, 咁都叫索女

係旺角、銅鑼灣求其點一個女仔都好過佢啦

回覆 引用 TOP

[隱藏]
引用:
原帖由 briansam 於 2009-8-10 10:09 AM 發表
個樣好普通喎, 咁都叫索女

係旺角、銅鑼灣求其點一個女仔都好過佢啦


x2!!

回覆 引用 TOP



伸延閱讀
[按此隱藏 Google 建議的相符內容]
 49 1234
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!