Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊
追帖 打印

關於地產代理佣金問題



關於地產代理佣金問題

[隱藏]
講開幾多佣呢個問題,法例係冇規定,不過幾間大地產代理通常做法都係以買賣價1%向買賣雙方各自收取,即係加埋2%,有da準會話呢d係行規,唔可以減,呢個講法值得商榷,行規可以講係行規,因為如果個個唔依行規做野,容易造成減價爭客既惡性競爭,對行業既發展不利,但係係唔係真係唔可以減佣呢?答案係:可以減佣,當然亦可以加佣,香港係自由市場,除左買樓賣樓可雙方議價之外,買賣雙方亦可以各自與提供服務既地產地代議價,即係佣金係可以傾既,仲係分開(買方--a準)或(賣方--a準)各自傾,至於幾時傾佣金,賣樓既人通常一開始會簽張放盤紙之類form,form上一般都會寫1%,而買樓既人去睇樓,一般都會簽張睇樓紙之類,上面通常都係填1%佣金,呢d都冇所謂,填幾多都得,當然唔好太誇張,因為呢d放盤紙或睇樓紙一般都時限或其他條件所限制,例如過期就失效之類,另一樣所謂條年限制就係指臨時買賣合約(簡稱臨約)上既條文,一般來講,當買賣雙方成交,都會簽一張臨約,臨約上會訂明樓價,同成交日期之類既重要日子,同埋,通常都會有一項捆綁式條文列明買賣各方支負俾a準既佣金款額,而呢份臨約係需要三方(買賣雙方+代理)簽署先有效,所以要傾佣金,就要最好響簽臨約前傾好再寫落臨約佣金一欄作實,一經三方簽署,基本上已成定局,雖然話之後修改都可以,不過要對方加簽,你估到時d a準會唔會肯減? 講返轉頭,咁之前簽左既放盤紙/睇樓紙上面寫左1%佣金會點?好簡單,會隨著臨約既生效而自動失效,因為臨約中通常都會有條條文取消之前同呢間代理之前簽既文件/口頭協議既效力,包括睇樓紙之類,係要同一間代理行,舉個例,如果你同a行去睇左單位,簽左睇樓紙,幾日後你再同b行去睇同一個單位,仲簽埋臨約,呢份臨約只能令你同b行既睇樓紙失效,a行張睇樓紙一樣有效,佢地一樣可以追你佣金,講多樣,a準既身份係代表間地產代理行,佢既簽署都係代表間行,有時聽到d人話叫a準減佣,再私人醒d俾佢,其實咁做已經犯法,會俾老廉拉。

回覆 引用 TOP



伸延閱讀
[按此隱藏 Google 建議的相符內容]
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!