MrCU204

同 RC或者係LR 嘅帶通型網絡比較，LC槽路係唯一唔使畀電都曉喐嘅，而且架埗勁簡單，電感電容每樣一個就夠。

MrCU204

諧振令人頭痕嘅地方，就是槽路阻抗！  
理想槽路嘅整體阻抗，串聯諧振嗰陣係零，並聯諧振嘅話就無限大，
之但係其實，Xʟ和Xᴄ駁埋嗰陣同散測係一樣嘅，呢個就係對諧振現像直觀認知嘅切入點 ！ ！

MrCU204

綫性電阻，電流同電動勢 (或者電壓降) 嘅比例關系，幾時都係固定嘅，
電感電容，set梗咗頻率，淨用是但一樣嘅話，電流同電動勢 (或者電壓降) 嘅比例關系一樣係唔變㗎。
先生教落，計算分數加減要通分母，諧振嘅表現其實一樣，就係將某個參數嘅值統一起嚟，比如標題幅圖嘅例子，要統一嗰個就係電流。

MrCU204

喺度先講定，啲電線同元件通通都係理想嘅，
即係話，L就係電感、C就係電容、R就係電阻，冇其他成份亦唔會有非綫性，簡單純淨，電線就完全冇阻力，
咁樣嘅話，L同C 自己本身嘅Q值，就係無窮大而且無窮得嚟唔論諧振響邊個頻率都係一樣大，組成槽路嘅話，槽路Q值同樣唔受諧振頻率嘅影響，淨係R話晒事，
好嘞，跟住幫啲元件設置參數，R係2Ω，Xʟ同Xᴄ都係300Ω，恆壓源係10V，恆流源係5A，至於啲電線嘛，自然通通都係0Ω啦，就係咁。

MrCU204

諧振唔論串並聯，無功行嘅路都係一樣，
10V同5A喱兩個電源，衹係〖R＝2Ω〗至會等效，L同C自己嘅Q值雖然無窮大，但係槽路Q值就衹有150，唔係無窮大。

MrCU204

恆流源，諧振唔諧振都係5A，恆壓源，諧振嗰陣出幾多電係R話事，
如果R係2Ω，咁Vʟ同Vᴄ就好似用恆流源一樣，都係1500V，如果R換咗做0Ω，情況又點呢？！
如果電源係恆壓，I 就無窮大，Vʟ同Vᴄ就冇停咁攀升，直至將空氣打穿為止，用恆流源，EMF就跌到零 (喱種工況，正正就同場致諧振近傍)。

MrCU204

恆壓源嘅輸出，物理學叫做EMF，
EMF，相當於水泵嘅 揚程，你將水泵駁去輸水管道，揚程就唔見咗，變咗做 流量，
我哋慣常嗌嘅 電流，反映嘅係負荷嘅輕重，恆流源嘅標稱電流，其實係EMF嘅另一個「法相」，
恆壓源，你用唔用，EMF都喺道，冇駁負載就唔會有電流，之但係，恆流源你做唔做嘢都照樣嘔電，喱種現像點解釋呢？！
其實一樣係EMF搞嘅鬼，EMF喺恆壓源度有定數，喺恆流源入便化身成咗流量，一樣係有額度嘅，喱個標稱流量 做係咁多唔做都係咁多。

MrCU204

3樓提過，喱個圖例 要統一嘅參數，係 I，之但係，個恆壓源得10V咁大把，如果用恆壓源嚟玩，點先可以響300Ω入便過到5A呢 ？！

MrCU204

有句嘢叫做：日本首相，左騰右騰。
無功嘅性質，可以話算係電動勢，諧振嗰陣，C嘅電勢總係同電源EMF極性一樣，即係等於串聯，所以，L每次嗦嘅能量都比先前多咗EMF嗰份，然後L又將加咗料嘅無功能量懟返畀隻C，重複又重複咁做，Vʟ同Vᴄ就會 隨住EMF嘅左騰右騰一路路唧高，直至R食晒成個EMF就停手嘞。

MrCU204

引用:

原帖由 MrCU204 於 8/9/2024 00:18 發表 3樓提過，喱個圖例 要統一嘅參數，係 I，之但係，個恆壓源得10V咁大把，如果用恆壓源嚟玩，點先可以響300Ω入便過到5A呢 ？！

仲有一樣，AM收音機收風靠咩呢，就係 磁棒線圈同可調電容，兩個元件夾埋 既係調諧器又係天線，
但係響喱條帖入便嘅案例，L嘅磁路係閉合嘅，C就用金屬殼包到陷，都係食唔到無綫電波嘅，收風靠嘅係導線，喱個電路如果每邊長1dm，想電流(I)有1A咁大，咁，籠罩喱個電路嘅無綫電波場強要幾大呢？！

MrCU204

箭頭，除咗表示電流方向，喺電源入便仲可以表示EMF，
將電源串入 I 位嗰度，如果喱個電源係純直流，咁EMF就係左負右正，
就好似 “㊀—I|—⊕” 咁樣，你話，個電路仲會諧振唔會呢，實情係，一樣得！

MrCU204

引用:

原帖由 MrCU204 於 18/9/2024 14:38 發表 箭頭，除咗表示電流方向，喺電源入便仲可以表示EMF，
將電源串入 I 位嗰度，如果喱個電源係純直流，咁EMF就係左負右正，
就好似 “㊀—I|—⊕” 咁樣，你話，個電路仲會諧振唔會呢，實情係，一樣得！

不過，隻C入便會有同EMF一樣高嘅電壓積喺度，但係想話繼續充電放電照樣冇限制，L兩頭嘅電位差始終係零，
所以對諧振嘅運作完全唔會有任何影響，無綫電波俾電路食咗之後，衹係會變咗做電容電壓身上嘅紋波，
另外，未駁電 (純直流恆壓源) 嗰陣，隻C係吉嘅，啱啱駁電落去嗰一吓，成個EMF俾L受晒，然後，L過電，隻C食電，
關鍵係，喺隻C嘅「水位」一路升嘅同時，L就開始由食電轉為嘔電，喱種情況會將隻C嘅「水位」迫到超過EMF，咁就會造成強烈嘅衰減震盪，然之後，電容入便嘅電壓就漸漸穩定落嚟同EMF齊頭。

MrCU204

喱個電路，初頭本來冇打算畫成咁死樣嘅，
之但係，畫到喱步，我突然諗到，想話切斷元件同元件嘅聯繫，或者將某撻位同系統分開，其實唔淨係open，有時，用short仲啱， 另外，LC槽路並聯電阻點解抑制到寄生震盪，我似乎有啲頭緒嘞，如果中間那條線冇任何阻力或者EMF，又或者個 Io 係純直流恆壓源嚟嘅話，喱個電路係完全諧振唔起來㗎！

MrCU204

引用:

原帖由 MrCU204 於 18/9/2024 14:38 發表 箭頭，除咗表示電流方向，喺電源入便仲可以表示EMF，
將電源串入 I 位嗰度，如果喱個電源係純直流，咁EMF就係左負右正，
就好似 “㊀—I|—⊕” 咁樣，你話，個電路仲會諧振唔會呢，實情係，一樣得！

不過，如果係恆流源，就唔得嘞，嗱，交流恆流源，I＝n•sinθ，恆嘅係n，而sinθ係正弦波必須嘅進程，純直流恆流個sinθ就唔識喐，L嘅作用就完全發揮唔起嚟，唔單止個槽路唔能夠同無綫電波諧振，隻C仲會俾恆流源叉爆添。