MrCU204

運用乜嘢手段嚟行使邊種方案達到點嘅目的，就係原理。  
穩壓，係目的，串聯，係方案，串聯穩壓運用嘅手段，係負反饋。

MrCU204

穩壓，到底係穩邊個嘅壓，可以點穩法，點解要用咁樣嘅方式嚟穩？！

MrCU204

點LED，直駁電芯得唔得？！  
得，不過，唔使幾耐就會兩敗俱傷！
LED，電壓稍為俾高些少，電流就大到無倫，
啲電流墜晒落嚿電芯嘅內阻度，啲功率損耗就喺晒電芯入便。

MrCU204

如果你駁電嘅 係燈膽仔而唔係LED，咁就唔會兩敗俱傷，  
不過，你駁 (並聯) 多啲燈膽仔落去，用萬能錶度住睇，你會發覺，每駁多 (或者拎走) 一粒膽，讀數都會變，但係，如果你啪隻LED落去再喐啲膽，讀數係冇乜點變嘅。

MrCU204

串啱電阻，LED就唔會㷫唔會燒，嚿電又都襟用，而且仲可以攞嚟做騷話：  
嗱，LED唔單止發光可以照明，仲可以穩壓添，穩壓二極管都係咁玩作㗎，喱個角色有個名叫做，假負載。

MrCU204

LED好，穩壓管又好，書教你，串嘅電阻係睇隻管過到幾多電嚟揀嘅，  
負載同隻管並聯，就係扯走隻管入便啲電，隻管過到幾多，負載就用到幾多，咁即係話，負載嘅火數仲細過隻管嘅標稱值，今時今日咁嘅水平，點有實用價值呀，所以……。

MrCU204

市電又好，電芯又好，啲負載習慣上係點駁㗎，係並聯吖馬！！  
電源，唔理你點勁，孭得起嘅菲終歸都係有限嘅，仲有內阻添係咪，
我哋擺啲嘢落去㧎位，將負荷加到最重，然後，有嘢要用電嗰陣就減走佢，咁負荷咪唔變囉，
負荷冇變，負載壓降就穩定嘞，喱個就係假負載嘅用處，如果電源嘅電壓有變化，一樣可以調較個假負載嚟就返，
不過，咁玩作咪即係搵電源嚟教飛，極限嘅電流枕長係咁谷晒落去電源個內阻度，電源真係唔得你死，所以始終都係串嘢好，將啲負荷俾晒個串聯電阻嚟受，電源就唔會㷫合合啦。

MrCU204

穩壓管嘅火數，真係老鼠尾生瘡，大極有限，指意佢做假負載點做到大project呀？！  
穩壓管又好，LED又好，如果將限流電阻嘅數值轉做跟據負載嚟攞，咁就可以擺脫隻穩壓管嘅火數限制，
仲有一樣嘢，穩壓管俾負載扯佢電，佢嘅壓降會變，即係話，如果你唔將穩壓管嘅電流fix死，負載嘅電壓係唔會穩定㗎，調較嗰個限流電阻，就可以順手將穩壓管嘅電流fix埋。

MrCU204

引用:

#8

嗱，咁玩作，就經已有串聯穩壓嘅雛形嘞，
電源波動同負荷變化一個元件通殺，唯一可以做到嘅就係假負載，即係並聯，
你要做嘅，就係要令到個限流電阻可以好似假負載咁。

MrCU204

咁即係話，要令到個限流電阻受穩壓管嘅控制，  
點控制呢，就要用負反饋喱種手段嘞，負反饋有個特性叫做〖虛短〗，負載壓降就係俾喱個虛短嚟同隻穩壓管綁死，
穩壓管嘅電係另外畀嘅，佢唔使做假負載，衹係食固定嘅電流，俾個固定嘅電壓出嚟就得，喱種用法就叫做〖基準〗。

MrCU204

有時候，我哋要嘅唔係穩壓，係分壓或者升壓，  
電源本身我算你穩過泰山，之但係，你分咗壓，負載壓降就會俾負荷影響到，
喱種情況其實就係我先前講過加減燈膽嗰樣嘢，米以為穩壓淨係針對電源，電源 (唔論有冇串嘢) 點硬，對負荷嘅變化係冇符嘅，所以一定要有外力干預。

MrCU204

並聯穩壓，就係搵假負載替代負載，令到負載嘅分壓唔變，  
並聯穩壓，如果用大功率管，規模都可以好大，比如100A，
問題係，限流電阻通常係固定的，負載太重，100A一樣會被扯清光，而且，冇負載嗰陣，喱100A就俾假負載嘥晒！

MrCU204

並聯穩壓究竟好喺邊，就係負載做嘢嗰陣唔會嘈到街外人，因為系統攞嘅電流固定，電網嘅負荷唔變。

MrCU204

引用:

#1，下便嗰幅圖

如果 Ui 係12V，Uo係5V，咁 Rw同Rι 嘅比例就係 7比5，因為冇咗個假負載，個Rw就要按比例跟住Rι喐。

MrCU204

串聯攞電，就係攞分壓，串聯穩壓，就係睇住 Rι同Ui 嚟調較個Rw，令到Uo永遠永遠唔會變，  
因為電阻唔係儲能器件，所以，對電源波動同負載變化嘅跟蹤整治根本就唔使時間，跟唔跟得貼，完全睇你擰個窩林夠唔夠手急眼快， 串聯穩壓唔使假負載，咁如果冇負荷，Uo究竟會係幾多，計正應該同有負荷嗰陣一樣，點解呢，
因為，負責誤差矯正嘅部門，係要靠訊號做嘢嘅，個輸入端駁咗落Uo位發覺冇input，就會嗌個Rw放水，直至Uo同有載嗰陣一樣。