7個DIY油漆翻新經驗總結｜新手避坑必看

宅男_DIY

原始人

Rank: 1

帖子: 1
積分: 1
註冊時間: 2023-11-23

短消息

1^# 大中小發表於 2023-11-23 07:03 PM 只看該作者

7個DIY油漆翻新經驗總結｜新手避坑必看

[隱藏]

翻新後

翻新前

本身道門連幅牆都係白色，感覺有啲單調，於是扚起心肝，DIY 自己重新髹過道門，最後變成上面見到嘅沙灘配色喇～髹完發覺有幾樣嘢都好緊要，唔係隨時變意外現場，如果你都想整呢道門嘅效果，一定要留意呢7點呀：

1）做Sample
髹落牆之前，先喺畫紙髹一次，可以睇睇係咪你想要嘅效果，唔洗等髹上牆之後後悔，以今次為例，係想睇吓藍色、白色同米色夾唔夾，同埋試一試顏色過渡位置嘅效果係咩樣。

2）預計顏色分佈
先貼膠紙上門分界，離遠2，3步睇各顏色會唔會佔比太多/少，OK 就用鉛筆輕手 mark 低，唔好太深色。特別留意：要喺門邊貼貼紙！以防過程中多次上油，條線走位。（係呀，我就係中咗伏～髹完淺藍同中間藍之後，發覺條線低咗啲，要再修改）

3）撈油要撈到夠先好髹
眼利嘅你都會見到藍色分咗3種唔同深淺，最方便嘅做法梗係買齊3隻色啦，不過想好似我咁，做吓慳錢大師，物盡其用，可以淨係買深藍色，之後加白色，溝出中間藍同淺藍色，記得唔好慳，溝到肯定夠油嘅份量，唔係之後唔夠用，好難溝返同一隻色！

4）3支油掃、報紙 ready
最少要有3支油掃，一支髹深色，1支髹淺色，1支掃勻巡，今次做幾隻顏色，預多幾支方便啲。喺交界位要髹過界，深色嗰支髹少少去淺色，淺色嗰支亦到髹少少去深色，然後用第3支油掃掃勻巡，留意第3支油掃多唔多油，略多就用報紙抹走，唔洗抺得太乾淨，過渡效果會自然啲，如果太多油就用水洗啦。

5）噴樽加水手法
髹到乾乾地，想加啲水，最好用噴樽噴水落油掃再髹上牆，如果直接噴水上牆/浸濕油掃，容易出現淚痕，特別係今次唔只一隻色，更易變災難現場。

6）眼看未為真
油漆濕嘅時候睇落會淺色啲、反光啲，到乾咗先會出真正效果，所以唔洗心急，做完等乾咗睇吓效果先，有需要再修飾。

7）膠枱布保護技巧
今次會修飾嘅位主要係顏色交界位，做之前將搞掂嘅部位用膠枱布遮住，以免彈到油漆，咁就可以放心，唔洗驚要執手尾啦。

你又會想屋企道門係點嘅樣呢？留言講吓吖，有機會我試吓整，下次再同你分享吓心得。

回覆引用 TOP

[按此隱藏 Google 建議的相符內容]

‹‹ 上一主題 | 下一主題 ››

提示：支持鍵盤翻頁 ←左右→

重要聲明：本討論區是以即時上載留言的方式運作，Uwants.com討論區對所有留言的真實性、完整性及立場等，不負任何法律責任。而一切留言之言論只代表留言者個人意見，並非本網站之立場，讀者及用戶不應信賴內容，並應自行判斷內容之真實性。於有關情形下，讀者及用戶應尋求專業意見(如涉及醫療、法律或投資等問題)。由於本討論區受到「即時上載留言」運作方式所規限，故不能完全監察所有留言，若讀者及用戶發現有留言出現問題，請聯絡我們。Uwants.com討論區有權刪除任何留言及拒絕任何人士上載留言 (刪除前或不會作事先警告及通知 )，同時亦有不刪除留言的權利，如有任何爭議，管理員擁有最終的詮釋權。用戶切勿撰寫粗言穢語、誹謗、渲染色情暴力或人身攻擊的言論，敬請自律。本網站保留一切法律權利。