Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊
追帖 打印

[吹水] 朋友,定義係?



[吹水] 朋友,定義係?

[隱藏]
認同可以分享一下:


番工等放假嗰日想清屋汁屋汁到兩本紀念冊出嚟,成個櫃都係以前細個故事書,讀書筆記,證本、雜雜File..發現好多人名同簽名..好彩嘅話本紀念冊夾埋張對方個人相!(有啲似尋人啟事:
好多人已經唔記得咗,個腦海入面有少少回憶,但有種心酸,點解嘅呢?
睇番眼淚係咁想流出嚟,眼濕濕⋯⋯
因為呢啲先係最重要嘅人,最緊要嘅回憶。

或者咁樣講,已經搵唔番嘅童年同人。

睇番每段文字好似一個時空穿梭,好友愛,好親情,好窩心,大個咗之後冇人再咁樣寫俾我啦,「梗係啦,邊有人仲輕書信?」
「有㗎,不過真係極少有!」
「只可以講句幸運地你會遇到咁嘅人。」

有電話就夠啦⋯⋯

時間流逝,一個個節日咁過,今年2022疫情又多咗,明明上年好返啲,又取消咗煙花,好似都有三年了,單身有單身好,有你識咗好耐嘅朋友,中學朋友、小學朋友、幼稚園朋友,補習朋友,活動朋友,童年朋友..
一齊渡過難關,每一個閏蜜,甚至伴侶,你人生陪伴你經歷嘅身邊人,一直係你身邊、就算唔搵對方,對方依然記得你,唔係好難得咩?

以前我成日咁諗,成日想討好對方,想見面,但其實,事實證明唔係咁,見住中學同學一個個由初認識,由朋友,好朋友,見證佢拍拖,生埋bb,有自己幸福嘅家庭,我係好開心,雖然唔係我,時間總會遇到的,見到人哋成功例子,生咗b之後又要做咗媽媽,大把嘢忙,湊仔、煮飯,拖地掃地,仲忙過開工。
岩,女人要有建立自己家庭,組織生活。
為將來打算。先唔講伴侶,朋友為主,冇搵幾年(四年)為咗小事嗌交,已經斷絕聯絡了,到咗今時今日,因為一啲誤會,佢做錯咗,佢話佢冇心佢男朋友話佢貪得意,可能冇心,唔知點做?我又勸左,我又道歉咗我嘅語氣,但佢唔聽,之前男朋友叫我咁做,但我最後冇去搵人幫手解決問題,因為珍惜佢,四年了,今日2022年1月8號,換嚟啲咩?雖然唔捨得呢份中學友誼,嗌交之後,打咗百幾次電話一樣冇人聽,放棄咗一排, 琴日晏周再終於忍唔住了,我有衝動走咗去佢洗衣鋪工作地方搵佢試吓撞唔撞到佢..點知試咗幾次都唔喺度,只係見到佢親人係度開工,我企係到望住佢開工間舖我個心好痛,究竟我做錯啲咩?

如果,我唔珍惜呢段友誼,我喱幾年唔會搞咁多嘢要見到你,如果我唔想搵你,我一早搵咗人幫手去解決問題⋯⋯但我由始至終都冇咁樣害你同做過,做咩要嬲我嬲到要幾年?

我明我當時態度唔好,真係驚你出事。
你唔鍾意我咁樣話你:你唔應該咁。
再咁我搵社工幫你。

當時好驚有一刻你唔見咗,所以我想搵方法令你明白,但我完全唔知點做,好迷惘,直至我完全搵唔到你,知道呢段友誼真係完全冇咗。
我識咗你咁耐,你哋兩姊妹係我中學中四至中六同學一個咩性格我最清楚,另一個係咩喜好我又知,成日晚晚出街,搭叮叮,行路,睇嘢,食嘢,買嘢,有講有笑、去你屋企,拍你門,陪你媽咪,你病唔肯食藥,唔鍾意食藥,哄你食藥。同你店舖買魚蛋,食xx傢俬嘅牛丸?(好記得)熱狗,雪糕同汽水。以前放學放三點9,好鍾意放咗學問我食唔食。食學校小食部咖喱撈烏冬,鐘意匿埋一個地方小天地食,好少人,唔會好嘈,中學嘅時候
,我哋三個讀嗰間中學好易比人恰,轉左學之後,我又成為咗被欺凌對象,好驚同人溝通,所以一到小息或者lunch完全收埋自己,當時,中學嚴禁帶電話返學,一捉到就抹收,但其實有邊個中學時期唔守校規?乖的有,壞的有,只不過,個個上堂扮訓教卜喺嗰張枱度收埋個電話攞出嚟睇就真,以前我個班,日日寸老師,班主任,老師唔理,同學仔有啲掛住上堂訓、上堂化妝、睇漫畫、食零食、睇電話,老師問問題同學係到玩,得幾個(包括我)成碌木咁,聽老師講書,日光日白望住個黑板,一路寫筆記,但反而比班上嘅人話我係「怪胎」。連其他班嘅人都有壞嘅眼光,因為唔「合群」,冇「小圈子」,食煙落蒲吧打人佢哋咩都做齊,我同佢哋欠缺溝通能力,每日返學好似如同地獄一樣,簡直係魔鬼地方,但都忍咗幾年了,記得嗰時,最憎P.E堂,個個扮嚟M唔帶衫換,同Miss講我今日又冇帶呀。
(最緊要橋唔怕舊):

今日腳痛呀-~

今日唔舒服呀~~~

唔見咗個體育衫呀…

今日M到呀Miss!

Miss十萬個反白眼🙄️
係我嘅話:真係唔想上,因為上P.E堂又要分組了,咁,我點算?企係到睇住人?我行上前但個個唔理我,好唔鐘意呢種感覺,人有我冇。
「佢有好似要曬命」。

中學生涯總算完咗,慶幸畢到業,但我一啲都唔開心,自從我轉左呢間學校,我完全冇出席過畢業宴,冇影過畢業宴合照,個個開開心心,著住條靚西裝靚裙靚高踭鞋靚個妝容,最開心呢個時刻,讀書最好嘅回憶,我問我自己,點解偏偏我冇?機會
點解偏偏我係弱者?
點解我要咁對我?
點解我冇嚟冇人關心我?
點解我人生要比你哋規劃?圍繞?

之後,我讀書越嚟越差,做咩都冇心機,搵份工都唔長,可能,比佢哋影響咗我前途,大大小小嘅習慣。
之後我不斷增值自己,去讀課程,學咖啡拉花,學寵物美容,酒店房務員,起碼有個證書傍身。
直至過咗好多年,我搵返我小學同學,佢係我小學最best fd….寫書信,交換紀念冊,行街,小息食零食,小息玩遊戲,揀睡衣(買咗一模一樣睡衣)當時我哋兩個好開心,同我屋企人同你食灣仔最出名嘅豬扒麵,係玩具街邊,嗯,而家冇呢個機會了,因為你選擇咗過去同現在嘅分別。

岩,過去嘅嘢,你會忘記,現在嘅你有更多嘅朋友,更多嘅工作朋友,自己嘅閨蜜,不再需要我了,不再記得當時兒時的一世好朋友約定,記得你整咗本自製嘅紙書仔比我,入面有我哋點識..😢😢發生咩開心事,唔開心….
仲有小學同學嘅關係,你仲記得嗎?
我打咗一大篇文字比你,你睇到,我好開心。
12月聖誕節了,講句聖誕快樂,已讀。✔️✔️
去咗邊到玩呀😚,已讀。✔️✔️
隔咗無耐,
我1月WhatsApp講咗句新年快樂….完全已讀…

最後..最後,已經搵唔到佢了。

我知道朋友,終於相信冇一刻永恆,我嘅痴心換嚟你對我嘅煩厭,我是多麼醜惡。我是多麼煩悶。

有陣時,我好攰,好想放空大喊一場,冇人傾訴,冇人安慰,抱住隻公仔要安全感,取暖,屋企人最好嘅陪伴,關懷,好鍾意自己一個,好唔鍾意群體生活,人要成長,要知足,要考慮自己。要善良、要用心去對待每一樣事情,朋友可以轉,但家人不可以。
家人永遠係你嘅家人。
我呢幾年我對得自己,做了,盡咗力,冇白費,朋友啊,人要睇清楚,諗返起有三個朋友問我借錢,叫我比錢,一開始冇見咁耐,第一個,叫我上人生課程,比大約8千幾,叫我分期付款喎,我當時冇應承,嗰時佢知我冇返工,個人好冇精力,咩可以學習人生意義,做到全新自己,價值觀會唔一樣,緊係洗腦啦..
我直接拒絕,太奇怪了,我冇諗過佢會咁,叫我搵個地方去我度坐度傾傾..唔通?
之後,我直接唔搵佢了。
第二個朋友,就係問我借錢。
有啲人就係好得意,唔搵你就唔搵你,一搵你就當你水魚,「你有冇錢借住嚟先?」,呢句野竟然出自我中學同學把口,睇佢ig 都幾有錢,又有多牌子嘢,去唔同地方,開Live做介紹化妝品,點會冇錢呢?
我咪即刻問佢:做咩事?
佢就話我要做手術😷
我話咩手術你男朋友知唔知?
佢唔答,佢唔答,佢唔答…
借幾多?
….有冇再多啲?
….我話冇
然後佢block咗我
呢個真係好笑

第三個,明啦(又係上課程)
:

所以話朋友要真心好啲。

有事就搵你,冇事就bye-





當年的紀念冊,懷念。

[ 本帖最後由 山上冰凍的魚蛋 於 2022-1-10 08:23 PM 編輯 ]

回覆 引用 TOP

引用:
原帖由 山上冰凍的魚蛋 於 2022-1-10 08:21 PM 發表 認同可以分享一下:

番工等放假嗰日想清屋汁屋汁到兩本紀念冊出嚟,成個櫃都係以前細個故事書,讀書筆記,證本、雜雜File..發現好多人名同簽名..好彩嘅話本紀念冊夾埋張對方個人相!(有啲似尋人啟事: 好多人已經唔記得咗,個腦海入面有少少回憶,但有種心酸,點解嘅呢? 睇番眼淚係咁想流出嚟,眼濕濕⋯⋯ 因為呢啲先係最重要嘅人,最緊要嘅回憶。
或者咁樣講,已經搵唔番嘅童年同人。
睇番每段文字好似一 ...




打左好多字



@raining33458

你有冇感覺呢篇野



都幾長,可能有500字。😅

回覆 引用 TOP

引用:
原帖由 嘉儀wing 於 2022-1-10 10:34 PM 發表




打左好多字



@raining33458

你有冇感覺呢篇野



都幾長,可能有500字。😅


孔子講得好清楚乜係朋友,有益友,有損友:

「益者三友,損者三友。友直,友諒,友多聞,益矣。友便辟,友善柔,友便佞,損矣。」(呢句好易查,不作註解)

不過,學校同學、上班同事、生意伙伴客戶,都唔算係朋友,因為彼此都無共同利益時,就各走各路。




回覆 引用 TOP

引用:
原帖由 raining33458 於 2022-1-11 01:00 AM 發表

孔子講得好清楚乜係朋友,有益友,有損友:
「益者三友,損者三友。友直,友諒,友多聞,益矣。友便辟,友善柔,友便佞,損矣。」(呢句好易查,不作註解)
不過,學校同學、上班同事、生意伙伴客戶,都唔算係朋友,因為彼此都無共同利益時,就各走各路。




咁你都諗到詩意



係咪收埋好多詩再講下?

回覆 引用 TOP

[隱藏]
引用:
原帖由 嘉儀wing 於 2022-1-11 06:46 AM 發表




咁你都諗到詩意



係咪收埋好多詩再講下?


呢句唔係詩啦.... 普通古文

回覆 引用 TOP

最少1年見到1-2次
唔係有事要你幫幫手
先會搵你果D
先叫朋友

回覆 引用 TOP

太長唔好

回覆 引用 TOP

引用:
原帖由 raining33458 於 2022-1-11 08:33 AM 發表

呢句唔係詩啦.... 普通古文




我知你多睇書。




回覆 引用 TOP

引用:
原帖由 嘉儀wing 於 2022-1-11 11:21 PM 發表




我知你多睇書。


人人都應該要多睇書。

回覆 引用 TOP

[隱藏]
引用:
原帖由 raining33458 於 2022-1-13 05:54 AM 發表

人人都應該要多睇書。




都係,你最近有睇書?

回覆 引用 TOP

引用:
原帖由 嘉儀wing 於 2022-1-13 08:13 PM 發表




都係,你最近有睇書?


向來都有

回覆 引用 TOP

引用:
原帖由 raining33458 於 2022-1-13 09:51 PM 發表

向來都有




去邊睇,買定借?

回覆 引用 TOP

引用:
原帖由 嘉儀wing 於 2022-1-13 10:03 PM 發表




去邊睇,買定借?


買書睇




回覆 引用 TOP

樓主,人生如流水中的浮萍,所遇到的人和事.都是過去式.
只需把美好的事記在心中算了.不開心的,把它忘掉吧!
人生苦短,有幾多個十年?何必日日愁眉苦臉,
只有快樂地活在當下.才算在這世上,不枉此生.

回覆 引用 TOP

[隱藏]
引用:
原帖由 raining33458 於 2022-1-13 10:18 PM 發表

買書睇




一年幾多本書?

回覆 引用 TOP



伸延閱讀
[按此隱藏 Google 建議的相符內容]
 18 12
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!




重要聲明:本討論區是以即時上載留言的方式運作,Uwants.com討論區對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。Uwants.com討論區有權刪除任何留言及拒絕任何人士上載留言 (刪除前或不會作事先警告及通知 ),同時亦有不刪除留言的權利,如有任何爭議,管理員擁有最終的詮釋權。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright © 2003- Uwants.com All Right Reserved.
版權所有,不得轉載。