Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊
追帖 打印

[普通交友] (長文慎入)刷單騙局入侵UWANTS,分享纏鬥經驗及共通點!!



[普通交友] (長文慎入)刷單騙局入侵UWANTS,分享纏鬥經驗及共通點!!

[隱藏]
已經有師兄開POST提過,近來有一班女人黎搵食,我本身睇呢一版都係想識女子既,不過發現好多奇怪既徵友POST,引起我強烈既好奇心,咁當然係一次過全陪試一試佢啦!!
呢D 搵食POST由9月中開始,我唔確定徵女友果邊有冇,眼見果邊既師兄徵友情況場面冷落,十分掙扎,要用意志力推POST! 反觀徵男友呢邊起淡季中算比較熱鬧!!
刷單黨由9月頭開始出POST,起初咩自介都冇,比起徵女友既師兄仲簡單,只係叫留WHATSAPP就算,第一個POST出應該師兄們都知唔岩咀型,刷單黨好快就再出第二第三個POST,之後就出現左一批,幾個唔同既POST,寫多好多野,而且都有自介,但其實全部都有共通點:

1.有繁簡體文字夾雜,有一D係全繁體,但係起網頁睇就會睇到係簡轉繁,會睇到字體大少有分別,呢個係網頁編碼問題,而且唔係本地溝通用語,文言文咁樣!!
2.就係COPY出黎,幾個A/C出文都有少少分別,但係大致上都係一樣,有D野多D,有D野就CUT左,但係CUT得太粗製濫造!!
3.全部自介都係20尾少數30頭(其實呢D歲數係先女人最好既時間,佢地用呢個應該有安排既,對上通殺3,4,50歲既男人,對下食到24,5剛出黎社會既有為青年!!
4.同年齡安排一想,高度全部16X,冇一個係有170以上或者15X內,因為16X呢個高度都係全男通殺!!
5.佢地多數一開波就自爆係新移民,仲會好CARE你會唔會好介意,佢地話通常都係用優才計劃黎,又或者係爸係香港人,媽係大陸人,起國內讀完書接左佢返香港生活!!
6.全部都係好努力工作既人,會計文員,連鎖店副店長,小秘書,自己開小公司啦,總之係有少少能力,工作又忙…收左工返屋企都有野跟進同一定一定一定有所謂,副業,極度有事業心!!
7.全部都係健康之人,佢地一係多數都係會做瑜伽,有D話做GYM,但係全部人都會日日去日日做!!
8.全部都係好有風骨既人,咩家人介紹有家底既男仔唔鐘意,朋友介紹富二代又怕佢花心,即係靚仔有D錢既同好Q有錢既有錢仔都係佢地要既!!
9.同我傾過既幾個之中,無一住公屋,無一住貧窮人口多既地區,全部都係住大屋苑,最平果個當係細單位,依照中原網上報價入場都要5球!!

佢地大概係點樣拎你中招,外在只係睇文字,未睇相已經聯想到冇咩打怪獸既風險,有想像力既師兄已經配對出佢既女神面貌,交談後佢地有D生動風趣,亦有善解人意,仲會有多少女友FEEL,如果再交換相睇,師兄們都會客套講一句,[妳好靚喎,點會冇男朋友架]!!

點樣破解呢?
1.佢睇到用既文字同出POST間隔,佢地好少回POST同推POST!!
2.全部係全部都係whatsapp,唔會有line,tg…佢地知道呢個年齡層唔多會用wechat,所以唔好見到用whatsapp就好開心!!
3.唔好睇到靚女又好身材就好開心,善用相片反向搜尋供能,的確有機會搜到出處既!! 有d醒目既send片,咁就反向搵唔到,但係通常係旅行片,格式上係ig拎人地既,仲蒙查查,只係睇到腿長同應該係靚女黎,如果睇到背景又知道係邊到,不妨問下佢其他地方好唔好玩,我試過睇到佢中環石板街張相,同佢講尖沙咀石板街係唔係好靚,佢答我……係!!
4.佢地話係新移民,但係對香港只有片了既了解,就連佢地屋企周圍有咩好野食都唔清楚,所以呢兩年發生咩事佢地都唔了解,無論係邊一方既支持者,其實點都會有一個說法,但係佢地唔會有,可能怕whatsapp會好似wechat咁會查水錶!!
5.佢地有d會用好長時間去了解妳,工作同收入,通常佢地見你收入唔高就叫你做刷單搵外快,每日做2至30單,如果你正正常常既,佢地一係就話m到好攰好痛!,一係就話病,總之今日既副業佢完成唔到叫你幫手做,佢會教妳!!

我既總結同感想:
我唔會指出邊個邊個a/c係問題a/c,因為其實已經好明顯,我亦唔想阻人搵食,只要自己小心,理論上係唔會中招….我亦都唔怕而家講左出黎,佢地會修正,因為佢地根本性既問題係解決唔到,我本身唔討厭新移民,我同過新移民拍拖,亦認識佢既新移民朋友,都係正常有份工,努力工作,努力講廣東話,走入去了解香港文化同生活,當然樹大有枯枝,但唔好先帶起有色眼鏡睇人,反而佢地有心做,我地做陀地要幫人一把先係!呢兩星期算過得開心同充實,全部都係試到佢地開口叫刷單先停,起同呢幾個刷單黨糾纏既同時,我亦都有同過兩位師妹溝通,可惜係好快就俾佢收皮,反而其中有一個刷單黨叫做深刻少少,可能真係夾到咀型,亦傾到計,亦起細節上知道佢係女仔黎,就算我同佢講刷單呢d呃人野我係唔會做,佢仍然同我講,其實真係有唔開心可以同佢傾…不過最後我選擇全部close file!網上騙案全世界到到都有,日日都會發生,全部套路都係由生活所須開始,有人只係想靚d瘦d,有人真係想投資賺多少少買樓,有人只係想單純識一個伴侶……但係就出現一堆男人想食免費餐呃蝦條,一堆美容健身金融既呃錢仆街,人與人變單冷漠亦因為要自保開始,用討論區交友本身應該係比交友app單純,起合乎要求情況下發pm,理論上更易認識合要求既朋友,但係交友討論區變成覺得交友app唔安全,道路上好多壞人既地方,而選擇既為自己想識多d人既最後方法,師姐師妹們可唔可以用多少少時間,少一d自己既要求,識真了解下一個對手呢,交友app同討論區認識伴侶本身唔應該有,科技令我們可以變得即食,但首先要明白,大家已經算係失意既人,起一個應該拍拖結婚既年齡仲要用呢個方法識人,一定係有多少自身問題,唔好成日用圈子細就輕輕帶過,如果真係圈子細,去到網上係唔係更應該去睇多d,了解多d同妳傾既人呢? 對我黎講交友app更易識到人,起碼人好多都唔介意同妳吹水!! 各位無論係師兄或師弟,千萬唔好[鳩硬無朋友],搵女食既,呢到唔係好地方,可以講係食材不足,真係想識女友既,呢到既師妹師姐亦唔易交流,無啦啦有一堆樣靚,身材好,又善解人意既女仔,先諗諗何解我還是單身?點解咁好既女仔會冇人追? 自己係唔係咁好運? 再決定投放時間溝通!!

各位師姐師妹,我仲係搵緊我令一半,我唔介意搵我私下純吹水,師兄師弟都可以,我轉左聊天室,我亦有一個a/c係短訊,我有足夠耐性令妳了解我,但亦希望妳地有耐性用心去了解我,師兄弟想吹水我亦都歡迎!

睇到尾既刷單黨,金融黨,美容黨,就算係想搵食呃蝦條既個體戶,其實人係可以選擇做好人,唔一定係做呢d先搵到錢,而家起香港呃人,無幾多係捉唔到,希望你地可以收手做返好人!!

[ 本帖最後由 edmond211 於 2021-10-25 11:06 PM 編輯 ]

回覆 引用 TOP

提示: 作者被禁止或刪除 內容自動屏蔽,只有管理員可見
師兄真係有心機...
我都曾經遇過, 還好全身而退




回覆 引用 TOP

引用:
原帖由 edmond211 於 2021-10-25 11:02 PM 發表
已經有師兄開POST提過,近來有一班女人黎搵食,我本身睇呢一版都係想識女子既,不過發現好多奇怪既徵友POST,引起我強烈既好奇心,咁當然係一次過全陪試一試佢啦!!
呢D 搵食POST由9月中開始,我唔確定徵女友果邊有冇,眼見果邊既師兄徵友情況場面冷落,十分掙扎,要用意志力推POST! 反觀徵男友呢邊起淡季中算比較熱鬧!!
刷單黨由9月頭開始出POST,起初咩自介都冇,比起徵女友既師兄仲簡單,只 ...

真正想吹水交友,唔會一開始叫你WS,好似我開帖,講明唔好pm我,只在版面上吹,而且可以吹得十幾廿頁

回覆 引用 TOP

[隱藏]
而家D PM流程就好似見工面試甘, 公底化就算條件岩都唔會想PM
引用:
原帖由 Lipmeiziclass13 於 2021-10-26 11:23 AM 發表

真正想吹水交友,唔會一開始叫你WS,好似我開帖,講明唔好pm我,只在版面上吹,而且可以吹得十幾廿頁

回覆 引用 TOP

提示: 作者被禁止或刪除 內容自動屏蔽,只有管理員可見
引用:
原帖由 沙田外圍的榴槤 於 2021-10-26 12:24 PM 發表
而家D PM流程就好似見工面試甘, 公底化就算條件岩都唔會想PM

係好煩,唯有唔覆

回覆 引用 TOP

引用:
原帖由 深潛牡羊 於 2021-10-26 01:13 PM 發表

交朋友連手機都唔駛交換都出到街啦
羊就試過啦 又唔係搵食 邊駛咁多公式。
網上交友 可以只限網上 只限文字交流。
當你真係好想現實中做朋友 見過第一次面 真人交流同網上交流真係可以係兩個人黎,都係果句又唔係搵食,唔合眼緣或者其他,自然下一次都係繼續做網友啦,畫公仔唔駛畫出腸

大把同事日日面對面,即使話題無數,都未必私下出來食過一餐飯,有時唔同人就有唔同嘅交友方式




回覆 引用 TOP

引用:
原帖由 深潛牡羊 於 2021-10-26 07:19 AM 發表

以下係其中之一 係出片
其實係咪呃人 好易分
一睇打字唔係香港口語化
同埋用併音打字 基本上都唔係港女架啦


唔係港女真係問題不大,當認識多一個唔同文化,不過扮港女真係唔多好

回覆 引用 TOP

[隱藏]
引用:
原帖由 沙田外圍的榴槤 於 2021-10-26 10:04 AM 發表
師兄真係有心機...
我都曾經遇過, 還好全身而退


我見有其他師兄講起,咁我我好奇心試完,不給分享下俾大家睇睇!!

回覆 引用 TOP

引用:
原帖由 Lipmeiziclass13 於 2021-10-26 11:23 AM 發表

真正想吹水交友,唔會一開始叫你WS,好似我開帖,講明唔好pm我,只在版面上吹,而且可以吹得十幾廿頁


其實都有既,本身有女仔都唔想太多人知,又唔會成日起到,用返通訊軟件方便,起版吹咁多人大亂鬥,點追到妳呀!!

回覆 引用 TOP

引用:
原帖由 沙田外圍的榴槤 於 2021-10-26 12:24 PM 發表
而家D PM流程就好似見工面試甘, 公底化就算條件岩都唔會想PM


就算俾你拎到聯絡又點,好多師姐師妹都話唔好只SAY HI,要多野講,結果好多問完佢知既野就冇咩講,其實係唔係咁目標為本呢,認朋友可唔可以了解多D呢?

回覆 引用 TOP

引用:
原帖由 深潛牡羊 於 2021-10-26 01:13 PM 發表

交朋友連手機都唔駛交換都出到街啦
羊就試過啦 又唔係搵食 邊駛咁多公式。
網上交友 可以只限網上 只限文字交流。
當你真係好想現實中做朋友 見過第一次面 真人交流同網上交流真係可以係兩個人黎,都係果句又唔係搵食,唔合眼緣或者其他,自然下一次都係繼續做網友啦,畫公仔唔駛畫出腸


起呢到真係好難,佢問完問題就見完工,交友APP反而見到面食飯,我唔明討論區既人應該係單純D,但係介心重到不得了!!




回覆 引用 TOP

引用:
原帖由 Lipmeiziclass13 於 2021-10-26 01:33 PM 發表

大把同事日日面對面,即使話題無數,都未必私下出來食過一餐飯,有時唔同人就有唔同嘅交友方式


同事就係太熟,有D計唔一定傾到,就正給拍拖前同對象可以咩都傾,但係拍拖耐左就唔會傾一D話題咁!!!

回覆 引用 TOP

[隱藏]
踩得落呢個坑本身都立心不良 中左招就只好怪自己唔精明

回覆 引用 TOP



伸延閱讀
[按此隱藏 Google 建議的相符內容]
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!




重要聲明:本討論區是以即時上載留言的方式運作,Uwants.com討論區對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。Uwants.com討論區有權刪除任何留言及拒絕任何人士上載留言 (刪除前或不會作事先警告及通知 ),同時亦有不刪除留言的權利,如有任何爭議,管理員擁有最終的詮釋權。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright © 2003- Uwants.com All Right Reserved.
版權所有,不得轉載。