Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊
追帖 打印

[學會] [JS5181][JS5102][JS5103]科大理學院 生物化學BIOCHEM 最齊全Reg Day新生入學必睇攻略



[學會] [JS5181][JS5102][JS5103]科大理學院 生物化學BIOCHEM 最齊全Reg Day新生入學必睇攻略

[隱藏]
Hello各位靚仔靚女!
我哋係2021-2022年度香港科技大學學生會生物化學系及生物科技系學生會Biochemistry and Biotechnology Students’ Society, HKUSTSU, Session 2021-2022,簡稱BIOCHEM SOC (不過平時比較多用BICH做簡稱)(BICH讀音:必處) 而我哋就最 warm BIOCHEM Excos 啦!
DSE放咗榜啦,無論大家嘅成績點樣都好,都要讚下自己咁叻仔叻女闖過咗呢個難關!面對JUPAS放榜同之後嘅大學生活,大家應該都有好多疑問,我哋 BIOCHEM SOC 都會陪住大家㗎!如果大家對科大理學院 JS5181, JS5102 JS5103 有咩問題,或者想知多啲科大嘅資訊,都歡迎喺度提出,我哋一定會答㗎!


我哋提供各種唔同嘅資訊,包括:
1. 科大理學院簡介
2. 理學院課程及Major概覽
3. 聯絡方法 (生化)
4. JUPAS攻略
5. 科大交通
6. 科大設施
7. 科大飲食
8. 科大熱門景點
9. 科大運動設施
10. 科大宿舍
11. 最warm嘅BIOCHEM EXCO介紹
12. JUPAS 放榜TIPS



嚟緊仲會有更多關於科大Reg Day BIOCHEM SOC 嘅資訊會擺喺度!記住緊貼我哋呢個page,攞到最新嘅資訊!


WhatsApp Image 2021-08-05 at 9.50.29 AM.jpeg

[ 本帖最後由 USTBIOCHEM2122 於 2021-8-12 09:37 PM 編輯 ]

回覆 引用 TOP

1. 科大理學院簡介

科大理學嘅課程架構主要分為 JS5102(理學A組), JS5103(理學B組) 同埋 JS5181*(理學A組-延伸主修人工智能課程) 入咗其中一個之後,大家喺year 1暫時唔會有major住,會先讀一啲 Science Foundation Courses: Physics, Chemistry, Life Science, Mathematics 等等,等大家搵到自己嘅興趣再喺year 2讀心儀嘅major。


A組嘅major比較偏向數理方面,適合數理邏輯同分析能力較好嘅同學仔,喺入面可以揀 Physics, Mathematics, Data-analytics in Science (依個係新開架) 等等嘅major。如果對 Business/Engineering 有興趣嘅話仲可以揀 MAEC, RMBI, DSCT 等等唔同學院合辦嘅major㗎~

B組嘅major就比較偏向實驗性, 適合對化學同生物有濃厚興趣嘅同學仔 喺入面可以揀 Chemistry, Life Science (LIFS) 等等嘅major而且 Life Science (LIFS) 入面仲可以揀再專啲嘅 major。B組都有同 Business 有關嘅 Biotechnology and Business (BIBU) 可以揀㗎,如果對Business有興趣嘅同學仔就要留意啦~
  
* JS5181係今年新嘅課程 係為想同時應用人工智能(AI)嘅理科生而設, 但係只可以揀Group A嘅major咋!如果同學仔對AI應用有興趣就要留意多啲喇!
值得留意嘅係 Ocean Science and Technology同IPO提供嘅Environmental Management and Technology呢兩個major係A組同B組嘅同學都可以揀㗎


[ 本帖最後由 USTBIOCHEM2122 於 2021-8-5 10:06 AM 編輯 ]

回覆 引用 TOP

2. 理學院課程及Major概覽
學生會在Year 1修讀學院基礎課程,然後Year 1尾跟據自己所選的Major修讀唔同既課程

1. Biological Science (BISC) 生物科學
-動植物學、生物演化學及環境生物學等,讓學生了解當中的重要理論、概念及技術
-為學生提供生物學知識,著重科學探究及批判性思考
-出路 : 研究員、技術員或研究助理、教育、生態研究、護理界等

2. Biotechnology (BIOT) 生物科技
-着重生物科技產品的研究、開發及製造,質量檢驗等,包括:醫藥、化妝品、農業產品、食品及醫療保健器材
-提供各種基本和專門的生物科技知識,讓學生投身製藥業、農業、商業和教育的行業
-出路 : 商用醫藥業及農業界、護理、教育界、政府及私營機構等

3. Biochemistry and Cell Biology (BCB) 生物化學及細胞生物學

-研讀生物分子,在實驗環境(生物化學)和細胞中(細胞生物學)的運作
-學習生物化學和細胞生物學的基本概念和原理
-參與密集的實驗室培訓和研究工作
-出路 : 學術、醫學或生物化學技術的研究、醫療保健、生物科技及教育業等。

4.
化學Chemistry(CHEM)
呢個主修課程主要有,佢地分別係:

- 生物分子化學 Biomolecular Chemistry
- 環境及分析化學 Environmental Analytical Chemistry
- 材料化學 Material Chemistry
- 純化學 Pure Chemistry
入門課程包括:分析化學、無機化學、有機化學以及物理化學
專門課程包括:環境化學、醫學化學、納米/材料化學
出路:政府或私營化驗師(e.g.食品安全)、環境資訊公司、教育界、化學工程師、參與中醫藥研究、醫療公司、技術銷售工作、藥劑師等

5. 物理Physics(PHYS)
呢個主修課程主要有,佢地分別係:

- 應用物理 Applied Physics
- 物理及數學 Physics and Mathematics
- 榮譽物理 Honors Physics
學生有機會研習各種有趣的課題,包括量子計算、超導性、納米技術、夸克和黑洞
出路︰教育界、技術銷售工作、研究工作、法證工作等

6. 數學Mathematics (MATH)
呢個主修課程主要有,佢地分別係:

- 應用數學 Applied Mathematics Track
- 計算機科學 Computer Science Track
- 數學及物理 Mathematics & Physics Track
- 高級純數學 Pure Mathematics (Advanced) Track
- 純數學 Pure Mathematics Track
- 統計及金融數學 Statistics and Financial Mathematics Track
出路︰教育界、保險業、商界及銀行界、金融業或市場管理等公司工作

7. 海洋科學與技術 Ocean Science and Technology(OCES)
- 旨在讓學生掌握海洋科學和技術的全面基礎知識
- 注重海洋生態系統的教育和海洋生物科技的應用
出路︰政府機關(香港漁農自然護理處、香港環境保護署)、環境諮詢公司(環境影響評估、自然資源管理)及海洋生物技術研究工作

8. Data Analytics in Science

-着重數據科學和建模在科學各個領域的應用
-為具有不同科學背景(物理,化學,生物學)的學生而設計,側重學生的實踐
出路︰信息技術、工程和金融等行業發展事業、管理和銷售工作

9. Mathematics and Economics (MAEC)
-由理學院與商學院共同提供
-為學生提供有關數學和經濟學的基礎理論
-出路︰金融界、教育界、保險或市場管理定公司工作

10. Biotechnology and Business (BIBU)
-由理學院與工商管理學院合辦的課程,聯繫生物技術與商業
- 讓學生掌握生物科技和商業知識(會計,金融,經濟學,運營管理等)
-出路︰醫藥業、農業、商業管理、醫療保健等


11. Risk Management and Business Intelligence (RMBI)
-風險管理是指事先識別潛在風險,對其進行分析並採取預防措施以減輕損失
-分析商業數據,評估和最小化風險
-用於建立預警系統以監視公司的財務狀況

12. Data Science and Technology (DSCT)

-收集、儲存整合數據
-學習管理、計算數據的系統
-大多數將受僱於IT、工程、金融管理和銷售等3. 聯絡方法 (生化)  Biochemistry and Biotechnology Students’ Society, HKUSTSU

[ 本帖最後由 USTBIOCHEM2122 於 2021-8-12 09:46 PM 編輯 ]




回覆 引用 TOP

3. 聯絡方法 (生化)


Biochemistry and Biotechnology Students’ Society, HKUSTSU



Email: su_bcss@ust.hk

Instagram: biochem_iridophore2021



Facebook: Biochem_Iridophore 2021



Mewe: Biochem_Iridophore 2021



[ 本帖最後由 USTBIOCHEM2122 於 2021-8-5 12:33 PM 編輯 ]

回覆 引用 TOP

[隱藏]

4. JUPAS 攻略



3大途徑繳交留位費需在8月13日下午5時前透過以下途徑繳交港幣5000元的留位費:


1. 繳費靈(網上繳費)


2. 電子銀行服務(只適用於私人戶口)


3. 現金(東亞銀行)


備註:補選及第二輪補選後收到取錄資格者只能透過繳費靈(網上繳費)及現金(東亞銀行)繳交留位費,


確認繳交留位費的確認通知最遲會於8月15日透過以下方式通知申請人:


1.      電郵;


2.      SMS;及


3.「大學聯招辦法」帳戶內更新後的「Payment History(付款記錄)」


繳交留位費後,記得留意電郵,院校會將註冊手續及資訊發送至你的郵箱,記得留意註冊時間/時段。由於疫情關係,今年的reg day亦大多以online形式進行,詳情需留意電郵內容。



[ 本帖最後由 USTBIOCHEM2122 於 2021-8-12 09:47 PM 編輯 ]

回覆 引用 TOP

5. 科大交通


北閘(近火雞):
巴士:
- 91 (鑽石山站去清水灣,經牛池灣村,即 彩虹地鐵站)
    - 收費: $7.8/$7.2 (科大上車)
- 91M (鑽石山站去寶琳,都會經牛池灣村)
    - 收費: $6.5/$4.6 (科大上車)
- 91P (鑽石山站去科大北閘,都會經牛池灣村)
    - 收費: $6.5 (*只限科大上課日,早上繁忙時間服務!)

小巴:
- 11 (彩虹站去坑口村,經坑口站)
    - 收費: $7.5/$5.5(科大上車)
- 11B (彩虹站同科大北閘來回)
    - 收費: $7.5
- 11M (坑口站同科大北閘來回)
    - 收費: $5.5
- 11S (彩虹站去寶琳)
    - 收費: $9.0
- 12 (西貢市中心/ 寶林)
    - 收費: $7.4 (科大上車)/$7.4 (井欄樹落車)/$11.4 (全程)
  
懶人包: 喺北閘搭車可以去到坑口、西貢、將軍澳同寶琳~ 的士站亦位於北閘,想搭的士記住要去北閘喇!



南閘(近李兆基商學大樓):
巴士:
- 91 (清水灣去鑽石山站)
    - 收費: $7.8
- 91M (寶琳去鑽石山站)
    - 收費: $6.5
- 91P (科大北閘去彩虹站)
    - 收費: $6.5 (*只限科大上課日,早上繁忙時間服務!)

小巴:
- 11 (坑口村去彩虹站)
    - 收費: $7.5 / $3.4 (坑口站落)
- 11S (寶琳去彩虹站)
    - 收費: $9.0
- 104 (循環線) (科大南閘同牛頭角來回)
    - 收費: $8.3 $8.3 / $6.6 (順利邨落)
  
懶人包: 南閘搭車可以去到牛頭角、彩虹同鑽石山~

[ 本帖最後由 USTBIOCHEM2122 於 2021-8-11 02:18 AM 編輯 ]

回覆 引用 TOP

6. 科大設施

學業與學術支援:

圖書館 (拉把)

共有五層,有海量嘅書不特止,仲有個海景俾你一路溫書一路欣賞。每層都有唔同嘅溫書空間俾咁多位同學仔。其中一層LG1係Learning Common (LC),每逢臨近mid-term、final exam嗰段時間就會超級搶手,大家記得要早啲到,如果唔係冇位俾你溫㗎啦!

Learning Common (LC)
位於LG1,喺Atrium電梯落一層都有個出口,不過自從疫情後就封咗。佢亦係科大唯一廿四小時開放嘅地方,不過疫情後就改咗。入面有十七間Group Study Room比大家book嚟一齊溫書㗎,另外仲有兩間E-learning Classroom俾同學book。同學平時溫完書仲可以喺入面嘅Refreshment Zone飲啖茶食個包放鬆下㗎!

Computer Barns
科大入面總共有三間Barns俾同學仔去印notes、scan嘢同用電腦等,分別喺Room4404、4580同Concourse出面嘅呢一間,或者喺科大任何地方有printer都可以印到嘢。每一位同學每年一開學都會有$120 printing budget自動入咗學生證入面,用哂就要去增值先可以print到嘢。一唔小心㩒錯咗彩色或者印咗白紙都好甘㗎,大家睇住嚟用啊~

Math Support Centre
每一位科大Science嘅同學,都一定要讀Math Course嚟fulfil school requirements。當你讀到成頭問號,想搵人問下?咁就可以搭Lift2/3上3樓嚟呢度搵Teacher Assistants (TAs) 幫手喇!

Language Commons
位於Lift2/3出面嘅Common,入面可以認識到一齊讀LANG嘅同學,又可以參加Language Community嘅活動,又可以預約LANG TUTOR 一對一嘅advising session.

Sci/Home
喺Concourse行入少少就係,平時啲advisors都會喺晒呢度㗎,入面仲有個Social area同有啲study rooms比同學傾下計或者溫下書㗎,喺Exam period有機會24小時開放比同學溫書㗎!

The Base
喺American Diner嘅右邊行入去就會見到The Base~呢度比唔同科嘅同學仔做一啲創意、創業相關嘅嘢,係由學生組織組成㗎!仲會定期舉辦唔同嘅活動比同學參加,例如研討會、工作坊、展覽、創業比賽、公司參觀等等,同學有興趣就留意下喇!

零售及學生福利:

商務印書館


係科大入面唯一一間書店,但因為「三中商」嘅原因,唔少同學都盡量避免喺到買嘢。想買書同文具嘅同學,喺度出示學生證可以享有折扣優惠㗎!同埋如果想買你讀嘅course嘅實體書,都可以喺度買到。

Souvenir Shop

係一間賣啲印有UST校名或者校徽嘅T-shirts、Polo、Hoddie同其他Souvenir嘅鋪頭,不過平時就唔太見同學著,通常見同學著嘅都係Soc Tee嗰啲,之後我哋都會賣㗎~

SU Co-op Shop

呢度係LG5 M記出面。你見呢度寫住SU Co-op Shop,但其實之後呢度並唔係SU Co-op Shop。因為佢即將要變做24小時便利店喇!不過就唔會賣煙草同細樽水之類嘅嘢。

SU Print Shop

相信入到黎UST嘅各位同學仔好多時候都要print lecture notes,咁大家就可以喺McCafe隔離嘅Print Shop度print
notes,比起科大其他地方會再平少少㗎!仲可以用八達通比錢添。印完notes再用埋佢地提供嘅釘書機,係唔係好方便呢!

而啱啱講到嘅SU Co-op Shop嚟緊將會同Print Shop合併,而家仲裝修緊,所以入面黑孖孖~同學仔都可以喺呢度買文具、電子產品、畢業公仔等。如果大家做咗SU member嘅話,仲可以享有九折優惠!

Fusion

Fusion係科大入面唯一一間超級市場,大部分日子都開到12點㗎。所以好多同學仔(特別住hall嘅人)都會喺入面買日常生活用品、食物等等,如果同學出示科大學生證仲會有九七折添!

髮廊 (Mega Hair)

係科大入面嘅髮型屋,位於LG1 S.H Ho Sports Hall附近,價錢比起出面平好多,如果同學仔真係好急需要剪頭髮嘅,都不妨可以一試嘅,但係品質如何我地就唔敢保證喇。

獸醫與牙醫診所

科大入面設有一間診所,喺髮廊再行過啲。同學仔只要出示學生證,喺入面睇普通科都係免費㗎!不過有人稱呢度叫「獸醫」診所,質素就有待商榷喇。而診所對面就係牙醫診所喇~同學喺入面睇牙、洗牙價錢都好平!

其他:

Student Lounge


呢度係去Sports Hall嗰陣會經過嘅地方,想申請學生八達通都可以嚟呢度攞申請表格㗎。呢度設有枱凳、電腦同printer,得閒可以嚟hea下,或者等緊做運動嗰陣都可以喺到涼住冷氣先~

BBQ site

喺Seafront附近,行落一條樓梯就到㗎喇!不過而家疫情唔開,遲啲開返等Exco同你一齊去BBQ!!!

銀行與櫃員機





科大入面總共有三間銀行,分別係東亞、中銀同埋恒生,除咗一般銀行服務,仲會幫同學處理學費同宿費嘅事務~而櫃員機就喺Concourse門口嘅Barn隔離。

科大卡增值機





總共有3部,分別位於LG5電梯附近、Hall 1地下同埋Seafront入面。想入print budget、住hall嘅冷氣費同洗衫乾衣嘅錢之前都要增值咗學生證先,如果大家冇信用卡/FPS,就可以用呢部增值機入現金喇~

順豐智能櫃 & 換幣龍
兩個都位於LG3電梯隔離,平時同學上網買嘢都可以嚟呢度攞貨,換幣龍可以幫大家將啲銀仔入落八達通嗰啲入面,不過會收少少手續費,當然大家慷慨嘅都可以選擇捐贈。

九巴優惠

搭九巴嘅同學想慳錢就留意喇!!喺中銀隔離有個位擺咗啲飲品機,左手邊就有部九巴優惠機。只要用八達通嘟落去就可以攞到最多減4蚊嘅九巴優惠喇!

設施服務櫃檯

位於LG3,如果大家想租locker、book場或者借活動用品就可以嚟呢度填表再直接交俾counter啲姐姐。

保安中心


位於Atrium隔離,大家喺北閘巴士站落車行落嚟就會見到,如果大家執到失物就可以交俾保安中心安物主排認領,唔見咗嘢都可以嚟報失,而家喺保安中心門口出示學生證仲可以攞口罩。

校巴站

位於火雞前面,晏晝五點十就開始有校巴埋站,目的地有鑽石山、將軍澳、坑口、九龍塘、旺角、屯門同元朗,收費由免費去到20蚊不等,對於住市區同大西北嘅同學嚟講真係好方便,大家記住要帶學生證呀!

[ 本帖最後由 USTBIOCHEM2122 於 2021-8-11 02:14 AM 編輯 ]

回覆 引用 TOP

LG1 Canteen II

LG1 Canteen II 隸屬於美心集團,而且價錢唔算好平,而家好少同學會去食㗎喇!

McDonald’s & McCafe + LG5 Vending Shop

留意返呢間M記只係開到夜晚12點,唔係廿四小時營業㗎!不過M記對面有個 Vending Shop,廿四小時都可以買到杯麵、飯盒、點心、糖水等等,隔離仲有微波爐同洗手盆提供俾大家。

南北小廚

呢間酒樓都係隸屬於美心集團,平日11 點先開。入面啲點心會比出面平少少嘅,但聽聞質素令人卻步⋯我都係出返去飲茶先,你跟唔跟隊啊?


LG7 金飯碗

金飯碗又名金兜,都幾多嘢食選擇,由上海麵去到日式拉麵,再由焗飯去到雙餸飯都有,而且份量大、價錢又平。但啲嘢食質素以「伏」為主,例如可能會 食到未熟晒嘅嘢,或者有機會食完肚痛。不過點講都好,大家不妨試試再定奪。



LG7 Asia Pacific Catering

Asia Pacific其實就係大家樂嚟嘅,佢係LG7入面唯一有早餐供應嘅,亦都有米線同小菜等等唔同選擇,所以住Hall夜晚食飯想加餸都可以喺到買。而呢度啲嘢食都同出面差唔多水平㗎,可以算係 LG7 入面最好食~

LG7 TT Veggie


TT Veggie 就以素食為主,啲嘢食都唔差㗎,仲有提供啲健康飲品!同學仔食開素食或者間唔中想食清淡啲、食少啲都可以考慮下~

Grab-n-Go

喺Concourse門口嘅一間鋪仔,有啲普通飯菜賣,價錢都算平但係只有外賣,如果真係趕住上堂又好肚餓都可以試下嘅~

Passion by Gerard Dubois


Passion 位於 Academic Concourse,由朝早 8 點開到晏畫 5 點。呢度係食法國菜嘅,同埋仲有咖啡飲,所以自然價錢就會貴少少,間唔中想食好啲都可以嚟呢度食下㗎。

Hungry Korean

係科大入面嘅韓國菜,由韓國人經營,所以點餐嗰陣要用英文落單。嘢食質素唔洗問都係同其他分店相若,所以想食韓國嘢都唔使走出科大喇~

American Diner

最出名就係平靚正嘅下午茶,呢度啲漢堡簡直係 king size,啲咖啡都唔錯㗎。而喺 2019 年周同學嘅悼念集會期間,因為餐廳喺門口張貼告示哀悼周周 學,仲免費提供紙杯比同學擺蠟燭,所以被譽為良心食肆!同學得閒過嚟懲罰下,或者係堂同堂中間過嚟嘆返個 tea,叉叉電,正啊!

Diners @LSKBB
隸屬於美心集團嘅餐廳。位於 Business Building 入面,位置都偏遠,所以讀 Science 嘅同學仔都比較少去,加上價錢比起 LG1/LG7 都貴少少,可以話係靚啲 嘅 Canteen,但嘢食就未必好食啲嘅⋯

EBENEEZER’s Kebabs&Pizzeria @LSKBB

想食中東菜?科大入面都有!有沙律有飯又有 Kebab 而且味道唔錯~不過都係要付出代價,行遠少少去 Business Building 到~

Subway

有陣時想快快趣趣買個包食,但又唔想食M記包?咁就嚟買返個Subway走啦!喺Concourse行入啲去到鄭裕彤樓(CYT)落G樓就搵到佢㗎喇。位置方 便、價錢又平同味道又唔錯,所以平時都幾受同學歡迎㗎!

Starbucks


隸屬於美心集團,一間普通嘅coffee shop,買之前出示學生證就會有 7 折嘅優惠㗎喇!

Pacific Coffee

隸屬於華潤集團,位於LSK入面,平時都比較少人~

UniBistro & UniBar

間唔中想嚟啲高級享受?去UniBistro & UniBar就啱啦!佢位於盧家驄大學中心 (LKC),提供意粉、pizza 等西餐同埋各種酒精飲品,不過價錢就相對高少少~ 同埋佢係科大唯一一個可以飲酒嘅地方!

UniQue

位於Conference Lounge,呢度係科大最高級嘅餐廳,有buffet又有高級啲嘅西 餐,平時主要都係Staff 或者Guests食嘅。入面有海景睇,有好嘢食,價錢就...,不過有陣時自助餐都幾抵㗎。

Seafront


手頭緊想食返啲平嘢?就去Seafront啦!佢位於Hall 6下面,平時有價錢親民嘅奶醬多、車仔麵同碟頭飯提供,仲有糖水食添~而且仲開到好夜,不過而家暫時夜晚 11 點就會截單。Seafront 係個一大班朋友聚下嘅好地方,而且被譽為養肥唔少同學嘅地方,遲啲我哋 Exco 就帶大家去食糖水啦~


懶人包:
- 上八半去想食個早餐: M 記、Vending Shop、LG7 Asia Pacific、American Diner、Subway(8點先開㗎唔好摸門釘啊)、落堂先食都可以去 9 點後開嘅 Hungry Korean~
- 高級享受assion、UniBistro & Unibar、Unique - 為何深夜總是餓:M 記(夜晚 12 點前!)、Vending Shop、Seafront
- 我食厭晒喇我要出去食啊啊啊:咁就要問下我哋 Exco 喇。


[ 本帖最後由 USTBIOCHEM2122 於 2021-8-11 02:35 AM 編輯 ]




回覆 引用 TOP

8. 科大熱門景點

青蛙路
  
喺北閘過馬路行入Atrium嗰條路,地下漆上咗「希望在於人民,改變始於抗爭」八個字,係師兄姊喺2014年雨傘革命期間寫㗎。聽聞係因為一落雨就會有青蛙喺度跳嚟跳去,所以又名青蛙路。


火雞
  
成日聽人講火雞係科大地標同象徵,但其實佢本身叫做日晷,係根據太陽位置嚟睇時間嘅,睇銀桿投射嘅影喺邊就知而家幾點㗎喇!咁點解會叫做火雞?就係因為佢火紅嘅顏色同埋外型好似一隻雀,就同火雞聯繫埋一齊~入到科大,又點可以唔喺火雞打返個卡呢!


Atrium


作為科大嘅中心地點,返學去邊都一定會經過呢度,所以有好多大型活動都會喺呢度舉行~例如romotion Period、SingCon、畢業禮咁。


蘑菇
  
喺Atrium直行,有個半圓形見到個天嘅地方就係蘑菇喇。嗰個位好近 Liba,有時溫完書可以行出去吹下風,吹下風睇下海好喇,唔好睇唔開啊!


智慧石

入到科大一定要挑戰下跳唔跳得過智慧石。傳說如果你唔小心踩咗上智慧石會爛龜,但相反你跳過咗,GPA就會過三爆四再 入 Dean’s List。我地有個 Ex-Co唔信邪踩咗上去,結果係點相信大家都知,唔知你又跳唔跳得過呢?


大字報

就喺 LG1 LC 門口隔離。曾經係科大連儂牆,亦都因為「撕紙」而出現過唔少衝突,於是校方就禁止再痴文宣喇。原本理應係同學自由表達意見嘅地方,但而家就未必喇。


Academic Concourse

呢個地方都係返學必定去過嘅地方,因為 Concourse 係Lecture Theater同課室嘅集中地,仲可以去到Sci home、唔同Lab、 Engine School 同LSK商學大樓~


李兆基商學大樓(LSK)


係Busi人上堂嘅地方,Science嘅同學仔可能會少啲機會去到~入面都有唔同餐廳同Café㗎!


鬥獸場

喺智慧石隔離條樓梯上去就係,個名好似好勁咁,呢度平時都無乜人行過。自問唔怕蚊蟲嘅大家可以喺度坐低抖下嘅~到咗夜晚呢度都係個唔錯嘅觀星地點嚟㗎!


偷情小徑

喺鬥獸場隔離,點解會咁叫?因為小徑沿路都種有高又茂盛嘅樹,又有長凳放置喺度,氣氛好適合⋯大家坐喺度傾吓偈咁啫~但同樣地既然周圍咁多樹,自然都係有好多蚊蟲。


風水亭

呢度係一個世外桃源!因為唔係好多人知,所以平時都好少人去。去到見到個景真係會睇到唔想走!可以欣賞到一望無際嘅大海,坐喺涼亭入面一邊吹水一邊吹風,正!


共振橋


嚟到科大除咗跳智慧石,都要嚟共振橋跳下。聽聞只要有兩個人一齊喺橋上跳,就會令到條橋震,幾過癮!想再震啲可以搵我哋Exco同你一齊跳。


天一泉

喺LG7 Canteen出面有個噴泉,你永遠都唔知佢幾時會噴水,亦都冇音樂嘅。有陣時見到有啲小朋友喺噴水嗰陣入去玩水, Exco 都想入去沖⋯玩埋一份。


蚊池
  
Hall 6 出面有一個大魚池,水嘅顏色好混濁,但 Exco 見到入面都有魚嘅⋯想一探究竟嘅你,可以去睇下,但就唔好貪玩跳埋落去喇,聽聞有同學驗過呢度啲水都幾污糟下,更加有同學試過擺隻腳落去之後出疹添。


Seafront


沿住大斜路一直行落去就會見到一個無敵大海景!唔少同學間唔中落嚟吹水同玩,夜晚望住星星同大海仲正添,遲啲歡迎大家搵我哋Exco一齊落嚟。

[ 本帖最後由 USTBIOCHEM2122 於 2021-8-11 12:49 PM 編輯 ]

回覆 引用 TOP

[隱藏]
9. 科大運動設施

S.H. Ho Sports Hall

入面有 1 個籃球場(分為 Court A 同 Court B)同埋 6 個羽毛球 場(分別係 4 個雙人場同 2 個單人場),可以喺 Counter 借 波。放假得閒或者堂同堂之間都可以約朋友仔黎 Sports hall 打 下波,順便儲下 HLTH1010 時數!



LG4 Fitness Center (Gym) & Squash courts & Climbing wall & LG4204 Multi-purpose Room (箭房)




Fitness Center:依度係科大最大,健身器材設施最齊嘅 gym room,想做 cardio 鍛鍊下心肺功能又得,做埋 weight training 練大隻又得。不過想做 Gym之前,就一定要上咗 HLTH1010 嘅 Fitness Training Class 先可以用到入面嘅器材喇! 而壁球場同攀石牆正正就喺 LG4 嘅 fitness center 隔離咋。

LG4204 Multi-purpose Room : 又名箭房,除此之外仲會做好多唔同運動,例如柔道、空手道同劍道。


Tsang Shiu Tim Sports Center (Seafront)

依個係距離教學樓比較遠同埋近海嘅運動中心,入面又可以打 籃球、羽毛球、排球、乒乓波甚至做埋 gym 都得呀,最重要係可以望住一覽無遺嘅大海景做運動。


Indoor & Outdoor Swimming pool


科大有室內同埋室外兩個游泳池,兩個泳池分別係夏天同冬天先會開放,只要帶學生證就可以免費入場,所以同學仔真係一年四季都可以暢「游」科大呀!


Fok Ying Tung Sports Center


Hall4 對出行落去就係人造草地足球場(ASP)喇,入面有標準嘅跑徑,足球場,撑竿跳高場地同埋跳遠嘅沙地。


Mini Soccer Pitch

5人硬地足球場,位置係 seafront 室外籃球場隔離。



Outdoor Basketball Court (Seafront)

係一個無冷氣嘅籃球街場,位置喺ASP下面。


Tennis court

總共有 8 個場,Court 1同2喺 Seafront,係學生最常用㗎~其他就分別喺Staff Quarters,LG7 同 Lawn area 附近。


Table tennis room

沿著Atrium長凳隔離嘅樓梯落去就會去到位於 LG1 嘅乒乓球室㗎喇!


Golf Practice Cag


位置就係同lawn area一樣嘅Phase3到,得閒想 chill 下嘅同學都可以係度打下golf啊!


Lawn Area

超大塊嘅草地,有softball打,又可以射箭,同埋俾田項(標槍,鐵餅,鉛球)嘅同學投擲㗎~



!!號外!! 鐘意做運動嘅你,又點可以唔加入BICH嘅 sports team呢? 單止有人陪你一齊練波,仲可以喺Intramural Sports Competitions (Intra)大展身手添! 我哋有籃球隊、足球隊、羽毛球隊、田徑隊、泳隊㗎!

[ 本帖最後由 USTBIOCHEM2122 於 2021-8-11 12:58 PM 編輯 ]

回覆 引用 TOP

10. 科大宿舍

Hall 1 社一

佢嘅代表顏色係黑色,係科大嘅第一座宿舍。宿舍入面只提供二人房,而出入都會有瓦遮頭,方便落雨同快啲行到去科大嘅課堂、餐廳同其他設施等。想做時間管理大師,用最短時間出門口、上堂唔遲到,就可以揀 Hall 1 喇。


Hall 2 翱峰

佢嘅代表顏色係紅色,宿舍入面提供二人房同埋三人房,出入都同樣有瓦遮頭,都近Academic Concourse同埋其他設施。如果自認好鍾意食宵夜嘅就可以考慮考慮,因為佢好近Seafront個 canteen。



Hall 3 冰川

佢嘅代表顏色係藍色,宿舍入面提供二人房同三人房,但係路程會比較遠。勝在頭三層設施比較新,同埋房間比較大,仲有海景睇。


Hall 4 嶄越

佢嘅代表顏色係綠色,提供二人房同三人房。房間都比較大, 但一邊房間望住海,一邊房間望住蚊池,睇同學彩數喇。勝在近運動場同游泳池,啱晒鍾意做運動嘅你。


Hall 5 卓毅

佢嘅代表顏色係黃色,宿舍只有提供二人房。因為本來係PG宿舍,所以房間相比其他hall都細,同埋路程都遙遠。不過獨特設有音樂室,鍾意音樂嘅你可以諗諗。



Hall 6

宿舍提供二人房同埋三人房,最方便就係樓下有 Seafront,啱晒夜晚唔想煮同凌晨想食宵夜嘅你。


Hall 7

宿舍設有單人同二人房間,有獨立洗手間同沖涼房俾二人房共用,唔需要好似Hall 1至Hall 6咁,成層共用。房間比較大、 設施又新啲,而且一邊都可以有海景望,不過價錢就比較貴喇。


Hall 8

同Hall 7 一樣,宿舍提供單人同二人房間,有獨立洗手間同沖涼房俾二人房共用。再勁啲嘅係樓下更加設有Gym room,啱哂鍾意做gym嘅你。有啲房間仲設有獨立common room 俾你煮嘢食同唞吓,真係豪宅啊,但當然都係豪宅價。


Hall 9

而家暫時唔開放做學生宿舍,以防不時之需可以攞嚟做隔離用途。入面同Hall 8一樣都係豪宅嚟㗎!

[ 本帖最後由 USTBIOCHEM2122 於 2021-8-12 09:26 PM 編輯 ]

回覆 引用 TOP

11. 最warm嘅BIOCHEM EXCO介紹

[ 本帖最後由 USTBIOCHEM2122 於 2021-8-12 09:47 PM 編輯 ]

附件

454F4A26-F043-42EB-B229-A165A53816FA.png(1.71 MB)

2021-8-12 03:16 AM

454F4A26-F043-42EB-B229-A165A53816FA.png

F805F4B4-1FDD-4DA5-86F9-74DB8695F283.png(1.72 MB)

2021-8-12 03:16 AM

F805F4B4-1FDD-4DA5-86F9-74DB8695F283.png

E3AC4347-F1B0-43F6-BF1A-E1A08FE4A6E2.png(1.9 MB)

2021-8-12 03:16 AM

E3AC4347-F1B0-43F6-BF1A-E1A08FE4A6E2.png

89ED462B-5098-4978-AA47-F2516A35A546.png(1.83 MB)

2021-8-12 03:16 AM

89ED462B-5098-4978-AA47-F2516A35A546.png

760D618F-1216-4974-B174-2DCB0A62BE37.png(1.69 MB)

2021-8-12 03:16 AM

760D618F-1216-4974-B174-2DCB0A62BE37.png

回覆 引用 TOP

12. JUPAS 放榜TIPS

記得12/8朝早9:00就可以登入返JUPAS account睇返你哋嘅offer result‼️ 之後記得要喺13/8 17:00前根據指引交返$5000留位費💵再完成返相關註冊手續🙆🏻‍♂️🙆🏻‍♀️
— 仲有嘢要留心💚💚

1. 記得留意返時間去聽Science School各個program嘅talk‼️

2. Reg HLTH1010 Orientation Talk📢有唔同時段揀,每個時段都有限人數,唔聽會fail㗎❗️

3. 12/8-15/8 如果有需要可以申請住hall🏠Year 1嘅Freshmen係guarantee有一個sem可以住㗎❗️

4. Activate返你嘅ITSC同Outlook✅佢會陪住你四年㗎❗️

5. 留意掛號信📩學生證會以郵寄方式俾你哋📇喺科大出入一定會用到佢❗️
6. 留意返自己reg科嘅時間📋

7. Reg ELPA Test✅佢會用嚟決定你英文堂(LANG)嘅分班❗️

[ 本帖最後由 USTBIOCHEM2122 於 2021-8-12 09:36 PM 編輯 ]




回覆 引用 TOP



[按此隱藏 Google 建議的相符內容]
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!




重要聲明:本討論區是以即時上載留言的方式運作,Uwants.com討論區對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。Uwants.com討論區有權刪除任何留言及拒絕任何人士上載留言 (刪除前或不會作事先警告及通知 ),同時亦有不刪除留言的權利,如有任何爭議,管理員擁有最終的詮釋權。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright © 2003- Uwants.com All Right Reserved.
版權所有,不得轉載。