catcat163

賣走路夫雲猶如賣走沙比阿朗素？
08-09年，利物浦衝擊冠軍。失敗後賣走咗沙比阿朗素。當時大家對於可以留住謝拉特、費蘭度托利斯、連拿等核心球員係最重要，無人覺得沙比阿朗素厲害至不可取替，結果之後成績一落千丈。19-20年，利物浦勇奪英超冠軍，對於陣中曾帶領克羅地亞奪得世界杯亞軍嘅中堅路夫雲，大家都不甚重視，甚至視為後防毒瘤，甚至獲得花名為懦夫雲。結果夏天，利物浦賣走路夫雲，卻沒有引入任何替代者。終於20-21球季後防線全面缺人，英超走勢無以為繼。

原來路夫雲嘅作用堪比沙比阿朗素

多年黎都錯怪咗佢

三一一三

糯夫雲如果未走輸罸球輸十二碼都輸死。

WCErnest

佢算係一個中規中矩嘅中堅，唔係咁兩極化。亦唔可能同沙比相提並論。

三一一三

引用:

原帖由 WCErnest 於 2021-1-30 01:02 AM 發表
佢算係一個中規中矩嘅中堅，唔係咁兩極化。亦唔可能同沙比相提並論。

記得佢對熱刺個埸差到半埸未夠就被換走

wyli4

引用:

原帖由 catcat163 於 2021-1-29 21:18 發表
賣走路夫雲猶如賣走沙比阿朗素？
08-09年，利物浦衝擊冠軍。失敗後賣走咗沙比阿朗素。當時大家對於可以留住謝拉特、費蘭度托利斯、連拿等核心球員係最重要，無人覺得沙比阿朗素厲害至不可取替，結果之後成績一落千丈。19-20年，利物浦勇奪英超冠軍，對於陣中曾帶領克羅地亞奪得世界杯亞軍嘅中堅路夫雲，大家都不甚重視，甚至視為後防毒瘤，甚至獲得花名為懦夫雲。結果夏天，利物浦賣走路夫雲，卻沒有引入任何替代者。 ...

兩者好難相題並論
沙比走左後都有買阿古蘭尼取代
中場冇大既傷患困擾亦唔算缺人
成績差係真係沙比質素既重要性

但路夫雲走左唔買人本身已經唔夠人
仲要同位置都多人受傷先搞到咁
所以佢走係陣容缺乏深度
佢走冇問題但唔買返個中堅先係問題

foreveroi

歸根究底係⋯今季英超系濃縮版，只係利物浦極之唔好彩，集中傷在中堅位置，其他球隊一樣有傷患潮，不過冇咁集中在某位置，高普自己都估唔到，還有碧福特的收山腳，系人為再加天災，阿朗素系純人為錯誤決定，同諾夫雲比較系牛頭唔搭馬嘴，一個系如日方中主力，另一個係老退中大後備，小弟並非扁低諾夫雲能力，其實佢當打時，有好多賽事都表演唔差，老退系運動員必經之路，只可以話今季愛隊系失運，無關賣走任何人問題，至於冇入手新中堅，季初小弟都覺得系冇需要，估唔到馬迪普已到純玻璃擺設狀態。

[ 本帖最後由 foreveroi 於 2021-1-30 10:26 PM 編輯 ]

smarboy

引用:

原帖由 foreveroi 於 30-1-2021 22:18 發表
歸根究底係⋯今季英超系濃縮版，只係利物浦極之唔好彩，集中傷在中堅位置，其他球隊一樣有傷患潮，不過冇咁集中在某位置，高普自己都估唔到，還有碧福特的收山腳，系人為再加天災，阿朗素系純人為錯誤決定，同諾夫雲比較系牛頭唔搭馬嘴，一個系如日方中主力，另一個係老退中大後備，小弟並非扁低諾夫雲能力，其實佢當打時，有好多賽事都表演唔差，老退系運動員必經之路，只可以話今季愛隊系失運，無關賣走任何人問題，至於冇入手新 ...

小弟認爲路夫雲係雲迪克加盟，雲迪克帶住佢先有改善進步，雲迪克未嚟嘅時候路夫雲經常錯漏百出，但當佢踢得好時佢已經年界接近30，所以無佢都未必可惜！只係賣走路夫雲高普並無買噃個頂級中堅幫輕雲迪克，反而買個中場“艾簡達拿”返嚟，本身球隊中場已夠人用，有人滿之患。

今個星期睇返近3場比場，眼看赢熱剌及韋斯咸諗住個勢返噃嚟，點知主場就輸畀白禮頓，回想前鋒無乜入球，應係本身中場指揮官“軒達臣”調往客串中堅，令派波畀前鋒機會少咗，變相入球機會少咗！好多時對住啲中下游球隊諗住同你守和泊大車變得拉牛上樹！希望1月收購的中堅可以盡快上場及發揮水準，從中將軒達臣調回中場分波，得以改善前鋒入球能力。

以上只是小弟個人睇法，如不認同勿插！🙏🏻

Y0da

大佬..... 沙比係世界級中場，同派路等同級，你將佢同一個中規中矩既露Bird云比？

三一一三

引用:

原帖由 smarboy 於 2021-2-6 12:33 PM 發表

小弟認爲路夫雲係雲迪克加盟，雲迪克帶住佢先有改善進步，雲迪克未嚟嘅時候路夫雲經常錯漏百出，但當佢踢得好時佢已經年界接近30，所以無佢都未必可惜！只係賣走路夫雲高普並無買噃個頂級中堅幫輕雲迪克，反而買個中場“艾簡達拿”返嚟，本身球隊中場已夠人用，有人滿之患。

今個星期睇返近3場比場，眼看赢熱剌及韋斯咸諗住個勢返噃嚟，點知主場就輸畀白禮頓，回想前鋒無乜入球，應係本身中場指揮官“軒達臣”調往客串中堅 ...

邊個敢插你

wyli4

引用:

原帖由 smarboy 於 2021-2-6 12:33 發表

小弟認爲路夫雲係雲迪克加盟，雲迪克帶住佢先有改善進步，雲迪克未嚟嘅時候路夫雲經常錯漏百出，但當佢踢得好時佢已經年界接近30，所以無佢都未必可惜！只係賣走路夫雲高普並無買噃個頂級中堅幫輕雲迪克，反而買個中場“艾簡達拿”返嚟，本身球隊中場已夠人用，有人滿之患。

今個星期睇返近3場比場，眼看赢熱剌及韋斯咸諗住個勢返噃嚟，點知主場就輸畀白禮頓，回想前鋒無乜入球，應係本身中場指揮官“軒達臣”調往客串中堅 ...

這正是我想法
開季時已經有講不夠中堅
上季四中堅都要用到老母神軒客串
不明白今季賽程更密情況下三中堅球會覺得夠用
列強中我都揾唔到一隊得三個一隊中堅用

唔係話艾簡唔好
但急切性一定係中堅位置
如果資金只能買一人一定係買中堅先再到艾簡

雲迪克唔好彩傷左係事實
但唔夠中堅本身都係事實
再講雲迪克高美斯大傷後球會更加要1月頭就要買至少一個中堅
係要等玻璃腳的馬迪普踢到傷埋先去買人已經遲
只能說最後都叫肯買人

[ 本帖最後由 wyli4 於 2021-2-7 09:31 PM 編輯 ]