Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊
追帖 打印

[上班哀怒] 難明打工心!



[上班哀怒] 難明打工心!

[隱藏]
由中學畢業後投身社會~已經有14年左右,經歷過唔小既工作,最近六年都一直從事一份叫支援服務助理既工作....工作內容總括而言就係場地清潔,簡單佈置排下坐位,簡單幫下客人手!
係一份直近0升職率既工作(最高升級做工目.....傳說中既三殺位人工加小小不過要日夜比人X※Y,因此冇人會自願頂上!),不過薪金唔錯,紅日放假,工時8小時連食飯,自問係份唔錯既終身職業,大機構好小炒人!

不過最近不知不覺間開始覺得返工一日比一日難受,心理一日比日難過!!

小弟真係唔明白一份簡簡單單既工作,同事間都要互相挑剔指責,冇事搵事嘈交!唔通挑剔完可以拎多份人工,大家輕輕鬆鬆返工收工等人工唔可以咩!

本身遇到一個偏心既工目已經好煩,成日工作偏心到可以將一個月前既工作,格硬延遲一個月等我地果組返早班果時先安排比我地做起(我地是分早班,晚班2組..1個月換一次)
明明係另一組人唔商議亂放假結果唔夠人返工,之後佢就自己調去幫手,結果搞到我地組由夠人返工變成唔夠人返工都唔緊要可以忍,不過佢竟然轉個頭竟話我地組亂放假玩野!!!
兩組人唔公平係正常我唔怪佢,人人都有私心,不過都唔好太過份,人地果組講咩野佢就信咩野做咩野,明知錯都做!我地果組就做咩野佢都唔滿意,明明係我地組幫佢做野補鍋......唔通真係因為我地組唔同佢同另一組一齊上大陸飯酒叫雞??,就係咁就要比佢唔公平對待!!

不過就算係咁我都仲可以忍耐,因為佢都60就退休......! 加上我有一班組員一齊可以一齊捱!(就算佢地有一兩個比較HEA唔做野自私D)起碼大家齊心!

但係最近我終於都開始崩潰.....因為最近我既組員同我講....<你最近一年真係唔知做咩事完全冇進步,成日同其他同事HEA,你同果D同事唔同佢地一年有好多外快而你冇,你唔做多D學多D你將來點呀!  我好失望,其實想一早同你講不過大家同級唔知點講! 你自己好好諗下啦!>

如果我份工係學術性工作的話,而我真係好HEA完全唔做野咁樣佢話我,我真係冇問題,我仲會好多謝提醒我!不過問題係掃地洗地,排位,清潔真係需要學咩.....我做6年真係唔熟咩!!至於佢講外快果D野根本就係運氣問題同實力無關,唔通要我拎槍去打劫....!至於HEA方面根本就係佢地兩個HEA王見我同其他組員只做本份加輕度支援留返工作比佢地做,所以不滿!(不過我認我今年真係比早年HEA左,不過就算HEA左我都起碼做凸我自己既本份,我只不過係做小左我其他組員果份)

我自問6年黎努力工作!幫到人都幫,有麻煩野做到我都做,遇到唔公平忍到我都忍,為既就係大家一班可以小D問題輕鬆D工作,開心D相處,大家日見晚見無謂敵對便宜外人.....!!

結果最後連自己組員都補我刀.........我都開始唔知自己辛苦維護左D咩~我真係唔明白D打工仔係諗緊咩~特別D老一輩損人不利己.唔通我出事,我唔識捉住大家一齊死咩??

可能打工真係唔可以話好心,講和平,說公平,談忍耐....真係好難受好崩潰!  唔知點做好?

[ 本帖最後由 lkyms2005 於 2021-1-29 12:35 PM 編輯 ]

回覆 引用 TOP



伸延閱讀
[按此隱藏 Google 建議的相符內容]
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!