做返個人

銀行貸款、卡數、TE數、電話數，基本上乜型式借貸都試過哂，四年前破產，就快畢業，從新做人，開呢個帖係想分享不同經歷，大家選擇借貸產品前一定要三思，真係還得到先好借，因為萬一你還唔到，唔單止係自己嘅事，仲連累身邊至親嘅人。

做返個人

因為自己份人工都叫有咁上下，高峰時期欠落銀行百幾萬，TE數四十幾間，個個月最怕就係出糧日，因為一出糧就係還債日，10個煲7個蓋，成份糧還哂仲要不停續數、跑數，最終頂唔順同屋企灘牌後就搞破產。

做返個人

係呢度真心同咁多位辛苦跑數嘅師兄講，唔好怕，襯仲返到轉頭，同屋企人好好商量，如果屋企人幫到就一次過解決哂啲債，寧願日後努力搵錢還返俾佢哋都好過不停俾錢啲財仔，千其唔好到爆煲先求救，到時屋企人想幫都未必幫到你。

不願透過姓名

引用:

原帖由 做返個人 於 2020-11-18 02:21 AM 發表
銀行貸款、卡數、TE數、電話數，基本上乜型式借貸都試過哂，四年前破產，就快畢業，從新做人，開呢個帖係想分享不同經歷，大家選擇借貸產品前一定要三思，真係還得到先好借，因為萬一你還唔到，唔單止係自己嘅事，仲連累身邊至親嘅人。

破産時係咪乜數都冇還？聽人講二線死追，追到頒令都有可能繼續騷擾。

做返個人

引用:

原帖由 不願透過姓名 於 2020-11-18 03:33 AM 發表



破産時係咪乜數都冇還？聽人講二線死追，追到頒令都有可能繼續騷擾。

選擇得破產就當然唔還，就算你想還亦唔可以還，因為破產條例唔容許你私自還款俾任何人。

好多人怕二、三線破咗都要還，我就一毫子都無還過俾二、三線，追上門就預咗，但只要佢係持有放債人牌照嘅財仔，你通知咗佢你破產，如佢繼續追你，不論電話又好，上門都好，你只需要send個email通知破產管理署、警察牌照科，同時cc俾間財仔，一定唔會再搵你。

做返個人

頒令前就好睇自己功力，盡量拖，唔好俾佢知你搞緊破產，但因為頒令時間唔到自己控制，所以最好啱啱供完一期就去入紙搞破產，起碼有一個月走盞。建議大家真係搞就搵三姓律師搞，佢會答到你近期破產大約要排期幾耐，同埋所有上庭手續佢哋會搞掂哂，千其唔好俾錢中介搞。

不願透過姓名

引用:

原帖由 做返個人 於 2020-11-18 03:57 AM 發表
頒令前就好睇自己功力，盡量拖，唔好俾佢知你搞緊破產，但因為頒令時間唔到自己控制，所以最好啱啱供完一期就去入紙搞破產，起碼有一個月走盞。建議大家真係搞就搵三姓律師搞，佢會答到你近期破產大約要排期幾耐，同埋所有上庭手續佢哋會搞掂哂，千其唔好俾錢中介搞。

想了解下破産係咪要交齊好多文件？eg.月結單，同埋等頒令前要凍結所有户口，如果份工係autopay，呢期又要等3～4個月先頒令，户口可以解凍幾耐？

做返個人

引用:

原帖由 不願透過姓名 於 2020-11-18 04:02 AM 發表



想了解下破産係咪要交齊好多文件？eg.月結單，同埋等頒令前要凍結所有户口，如果份工係autopay，呢期又要等3～4個月先頒令，户口可以解凍幾耐？

基本上都係銀行戶口紀錄、借貸合約、還款狀況，呢啲律師會叫你準備好再同你睇哂你個case。頒令前戶口唔會凍結，只係頒令後先會，頒令後搵破署寫信俾你去開新戶口出糧。

不願透過姓名

引用:

原帖由 做返個人 於 2020-11-18 04:09 AM 發表



基本上都係銀行戶口紀錄、借貸合約、還款狀況，呢啲律師會叫你準備好再同你睇哂你個case。頒令前戶口唔會凍結，只係頒令後先會，頒令後搵破署寫信俾你去開新戶口出糧。

謝謝解答！最後想知一件事就係上繳方面，到時生活開支個啲要自己同人傾，定會有律師幫手？生活開支又會點幫你計呢？比如我一個月食飯錢要5000，佢會cut到你3000嗎？

做返個人

有啲人會申請緊破產時，搵律師出信通知全世界，以為可以停哂啲收數，記住銀行、大財係可以，佢哋會打俾你確認，然後即停收數，但二、三線就唔好喇，你話佢知你準備走佢數，即係搵自己笨，一定盡量拖延。

不願透過姓名

引用:

原帖由 做返個人 於 2020-11-18 04:14 AM 發表
有啲人會申請緊破產時，搵律師出信通知全世界，以為可以停哂啲收數，記住銀行、大財係可以，佢哋會打俾你確認，然後即停收數，但二、三線就唔好喇，你話佢知你準備走佢數，即係搵自己笨，一定盡量拖延。

邦X通知佢破産會追到頒令嗎？因我供左佢一期，怕佢告我詐騙。

做返個人

引用:

原帖由 不願透過姓名 於 2020-11-18 04:14 AM 發表



謝謝解答！最後想知一件事就係上繳方面，到時生活開支個啲要自己同人傾，定會有律師幫手？生活開支又會點幫你計呢？比如我一個月食飯錢要5000，佢會cut到你3000嗎？

每個人唔同，要睇到時邊個主任或邊間外判跟你個case，屋企日常支出、是否單身、有冇小朋友等等，所以好難答你，律師係會俾意見你大約你可傾到幾多生活費，但只作參考，因為最後係你自己上去主任/外判度傾，我個時就傾到比律師預期嘅多。

做返個人

引用:

原帖由 不願透過姓名 於 2020-11-18 04:18 AM 發表



邦X通知佢破産會追到頒令嗎？因我供左佢一期，怕佢告我詐騙。

我個時無邦x嘅數，答唔到你，但一般大財通知咗佢搞緊破產就唔再會追你。

不願透過姓名

引用:

原帖由 做返個人 於 2020-11-18 04:22 AM 發表



我個時無邦x嘅數，答唔到你，但一般大財通知咗佢搞緊破產就唔再會追你。

多謝樓主意見！

做返個人

引用:

原帖由 不願透過姓名 於 2020-11-18 04:23 AM 發表



多謝樓主意見！

唔好客氣，我只係過來人，希望係呢度分享吓資訊，我好明白大家日日諗點跑數嘅心情，其實只要有心同屋企人商量，無論是否選擇破產，一定捱得過，加油！