Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊
追帖 打印

[球隊/球員討論] 完全諗唔明呢隊曼聯發生緊咩事...頭上好多問號????



完全諗唔明呢隊曼聯發生緊咩事...頭上好多問號????

[隱藏]
我覺得... 管理層方面...
-我一直都唔覺得後費sir年代所買入既球員,係領隊想要既。咁究竟 邊個負責決定買人?
-點解係買人既方面會慢到咁?買人除咗增強實力外,仲係提升士氣既方法,話比人聽你有目標有決心想搞好隊波,想攞冠軍。
-CEO有問題呢個就一定嫁喇,但點解一直都唔去解決?係錢問題...?定係背後有咩原因?
-背後既利益真係大於足球本身?
-從來無聽過CEO出黎講野,究竟佢諗緊咩?



教練方面...
-個人認為soB唔係最適合既人選,但唔用都用左...再換,又真係對隊波好咩?再換,又有咩選擇?好多名牌教練教過...都教到pat屎咁,咁呢樣,邊個先係最大既罪魁禍首?教練?管理層?球員?



球員方面...
-普巴,個人好鐘意呢個球員,覺得佢既質素,係世界級。但無可否認,態度係有問題。但有一樣野,我睇左佢幾年係曼聯踢既比賽,我都認為佢仲係一個唔適合佢既位置,佢進攻、特破一定係最強,但點解佢永遠都只係係防中隔離分波、駁腳、較炮、長傳??根本就用唔到佢最大既功用...
-中堅,真心覺得垃圾,係第隊踢得好地地,點解一黎到曼聯就好似變左炸彈咁?個個都係咁...幾時先可以搵到適合既中堅?
-明既,而家既足球主張用波,鐘意由龍門開始組織攻勢,但能力未夠就係能力未夠,點解要夾硬去做,我自己都係中堅出身,一個好既中堅就係要瓦解對手既攻勢,適當既時候就用個波上,唔適當既時候咪踢走,我地條後防根本就未學行先學走,防守都未做好,就已經想搓好個波。



問題其實仲有好多...個十日都講唔哂...

回覆 引用 TOP

Soc唔走都要換助教
普巴係好波,但冇態都死要出
後防冇理由可以差成咁,3場失11球,應該破晒紀錄。自爆之外,完全冇防守紀律,呢個係教練問題多個球員

回覆 引用 TOP

之前打聯賽盃後我已經講過,成隊波根本毫無隊形,球員亂咁走,尤其班後防,就好似小學生不甘心被安排踢後衛而成鳩日走咗上前追波咁!:『曼聯隊波無隊型,無戰術,上週踢聯賽盃雖然嬴波,但踢到好像小學生咁,球員都好努力跑動“追波踢“,攞到波就企圖靠自己一個人突破扭入禁區射門,完全沒有組織,唔知以爲係次級聯賽球隊比賽,你話係邊個嘅責任?』



回覆 引用 TOP

唔炒sob 就只係為一棵樹放棄整個森林
椰子,雲高爾,摩佬,有邊一個可以訓練到全隊波無球跑動互相配合
大家都話D人唔肯走位,事實上係佢哋完全唔知隊友點走位
好明顯就係日常訓練出問題,比對手打亂咗就重整唔到陣形

回覆 引用 TOP

[隱藏]
梳爾今季走甩對面右翼唔知幾多次

回覆 引用 TOP

可能班友中哂隱性新冠病毒,所以跑又跑唔郁,踢到一pat屎咁。

回覆 引用 TOP

引用:
原帖由 HongKong 於 2020-10-5 12:49 PM 發表
可能班友中哂隱性新冠病毒,所以跑又跑唔郁,踢到一pat屎咁。


但佢地呢樣野係未有新冠肺炎之前已經係咁嫁喇喎🤣

回覆 引用 TOP

引用:
原帖由 jordiyeung 於 2020-10-5 15:00 發表



但佢地呢樣野係未有新冠肺炎之前已經係咁嫁喇喎🤣



上季尾呢班勝利11人都冇咁差,搏到個聯賽第3,今季就場場西波,班副選仲有heart過佢地。




回覆 引用 TOP

成隊波都無form,踢條春咩,就算擺晒最強十一人都唔代表會贏晒,何況而家仲要唔係最強十一人!
其實真係睇唔出曼聯有咩form

回覆 引用 TOP

[隱藏]
2個主場俾人數左9球,笑話

回覆 引用 TOP



伸延閱讀
[按此隱藏 Google 建議的相符內容]
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!