Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊
追帖 打印

[小說] 前傳小青蛙 - 講得出的小說,聽得到的故事



前傳小青蛙 - 講得出的小說,聽得到的故事

[隱藏]
 
前傳 - 小青蛙 朗誦版    <<--按此收聽

話說,我出世晌大陸偏熱既地方,由外婆揍到我一歲半左右就交返比當時身在天津既媽咪,途經好多省份由唔同既親戚暫時照顧,終於到天津時我已經差唔多兩歲,開始識行,牙牙學語,如是者我就晌天津一直住到三歲。

一日,老豆忽然有興緻話向南遷居,話天氣暖d會好d,佢落返廣州一帶搵到地方,然後我地舉家搬去廣東,當時五歲的大哥已識得幫手執野,而我,一舊飯咁,唔打爛野都偷笑,幸好,我係細仔,特別得屋企人照顧,由其我大哥,佢好鍾意抱住我玩。

咁,準備好一切之後就搬,有架大貨車停晌門口,好多叔叔一齊搬野,媽咪大哥都要幫手搬,搬咗都幾耐吓,而我就一直坐晌車入面等。好喇,搬好之後開車,當時車程預計要大約兩日時間,因為有好多路都未起好,沿途去到一個唔知咩湖既上游,阿爸話不如落車睇風景,話係旅遊區,平時唔係好多機會嚟,咁咪一齊落車行囉。

本來都冇咩事,附近好多遊客,仲爭住上山頂想望落嚟睇晒成個景,我地一齊襯熱鬧,跟埋一齊上去。但上山條路越來越窄,而人就越嚟越多,越上得高就越多人迫埋一齊,就晌呢個時候發生意外,我拖住媽咪隻手突然比人撞甩,然後我身不由晌人群之中轉來轉去被逼到埋橋邊,更因為咁,我跌咗出橋,而橋下,就係條河。

以我當時得三歲遇到呢d情景梗係驚啦,一跌落水就沒頂,我仲比河水一直沖到去下游,當時媽咪大哥阿爸當然緊張,沿路跑返落去想救返我。而我,當然浸晌個水流都算急既河流入面,我諗住今次實死。但我又唔想咁樣死,點算好?我想大叫想喊但就不停咁飲水,今次同平時浸浴缸玩水唔同,我係知我會死。



[ 本帖最後由 計數佬 於 2020-10-20 11:35 AM 編輯 ]

回覆 引用 TOP

抬頭,係喇,抬起個頭,水流沖到我個人不停打轉,而我開始嘗試曲起雙手,雙手疊起放晌額頭,做咩?準備向下拍,因為當時我大哥曾經教過我一個叫「掌上壓」既動作,我模倣咗,雙手向下拍個人就會向上,個頭向上就有機會晌水面吸到一口氣,當然,我當時根本唔識游水,但我唔想死,我想呼吸,同埋,我要呼吸。

晌水入面我一直合埋眼,因為明知開眼都睇唔到野,但動作試咗一次得之後,就準備等個身型定d再吸第二啖氣,亦明白咗晌水可以呼氣,吸先要上水面,我希望咁樣可以支持到宜家趕緊嚟救我既大哥同阿爸阿媽,我 ..... 唔想晌我3歲呢個年紀就死。

漸漸水流冇咁急,而我領略到姿勢雖然應該幾肉酸,但吸到氣就好,水入面呼吸,全部用個口。如是者唔知過咗幾耐,我都好累。感覺到我個身開始撞到d野,要勉強開眼睇,我係比水流漸漸沖埋岸,有好多石頭,撞到我周身傷,但呢個係機會,我把握撞到既一舊石,我捉住舊石既邊,用盡全身所有力纏住呢舊石,抱住舊石爬上上面,手腳仲係比水沖住,但個身己經可以離開水面,正正式式喘住氣咁呼吸。

一個三歲細路既求生意志,今我今次救到我自己,事隔幾耐我屋企先搵到我?佢地話一個鐘,發現我之後,話我攬到舊石好實,個人無意識,只有微量呼吸,當然即刻要送院,不過當時醫院唔多,最近既路途都好遙遠。唯有先送去附近所謂診所,坐既車當然係本來幫我地搬屋既果架。

當晚,我雖然冇死,但開始發燒,唔知係浸水太耐,還是割傷感染細菌,總之發高燒,仲大鑊,當時既人醫護常識冇宜家咁豐富,有人甚至去廟求咗符水返嚟,唉。我要第日既中午,有人話打到電話某個醫院有位,同埋問埋個位置之後先運得我過去,入院,我係要我出事後既第三日。



[ 本帖最後由 計數佬 於 2020-10-20 11:36 AM 編輯 ]

回覆 引用 TOP

情況點?我唔知,我當時昏迷緊,到醫院我依然係昏迷,直頭出事既第五日,我入院既第三日,醫生同我阿爸講如果我今日再唔醒,準備定身後事。係晌我床邊同我阿爸講,呢句,我當時係聽到,我開始有意識,但個人真係郁唔到,睜唔開眼同講唔到野。

我唯一可以感覺到既,就係我呼吸,咁就呼吸,我學返我當時跌落水之後領悟既呼吸法,用力用口吸一啖氣,再用口慢慢呼出嚟,呼晒之後再大力吸一口氣,再慢慢呼氣,呼到終於有聲,就類似吹口哨既聲,同時間我手腳開始郁得,手指開始郁得,我感覺到我返嚟喇,雙手仲可以握拳,就一直保持咁樣呼吸同握拳動作。

而正當準備執野想離開醫院,將我唔得呢個消息話比我媽咪知既阿爸見到,佢即刻叫醫生過嚟,然後,我開始可以打開對眼,我唔想死,所以我對手一直仲做緊握拳既動作,呼吸一直係咁怪。

我見到我阿爸流眼淚,我跟住流,直到阿爸抱住我既時候,我開到聲,好用力咁叫:「爸爸.....」。然後醫生問我覺得邊度唔舒服,我就話,急尿,哈哈,飲咗咁多水,呢五日都冇去過廁所,唔急屎就有鬼。而佢地抱我去廁所,除我條褲睇住我個何b仔如江河缺堤咁巴巴聲,痾咗三分鐘先痾得清,幾勁。

醫生早在大約一個鐘前話我大概冇得救,但一個鐘後佢改口,話我一切正常,休息半日可以出院。自此,我唔怕水喇,返到新屋企時仲好鍾意浸住浴缸,而且,我望住由水喉沖出嚟既水,你地有咩咁可怕?嘿嘿。



全篇完


[ 本帖最後由 計數佬 於 2020-10-20 11:36 AM 編輯 ]




回覆 引用 TOP

引用:
原帖由 計數佬 於 2020-9-22 09:58 PM 發表
情況點?我唔知,我當時昏迷緊,到醫院我依然係昏迷,直頭出事既第五日,我入院既第三日,醫生同我阿爸講如果我今日再唔醒,準備定身後事。係晌我床邊同我阿爸講,呢句,我當時係聽到,我開始有意識,但個人真係郁唔到,睜唔開眼同講唔到野。 ...
好好睇,最精彩係
1)你寫跌落河,幫自己做掌上壓落個心嘅過程
2)喺醫院憑意志力令自己生存落去,逃過鬼門關

*如果將掌上壓改為心外壓,你點睇?

回覆 引用 TOP

[隱藏]
 
引用:
原帖由 maitinana 於 2020-9-22 22:49 發表

好好睇,最精彩係
1)你寫跌落河,幫自己做掌上壓落個心嘅過程
2)喺醫院憑意志力令自己生存落去,逃過鬼門關

*如果將掌上壓改為心外壓,你點睇? ...

唔係心外壓,係當初學識游水時既動作,個人向下推水,個身會自然向上,我係真係識游水架嘛。

回覆 引用 TOP

引用:
原帖由 maitinana 於 2020-9-22 22:49 發表

好好睇,最精彩係
1)你寫跌落河,幫自己做掌上壓落個心嘅過程
2)喺醫院憑意志力令自己生存落去,逃過鬼門關

*如果將掌上壓改為心外壓,你點睇? ...

青蛙仔晌爬上舊石頭開始,已經嘔返大半既水出嚟,唔使心外壓架。

回覆 引用 TOP

引用:
原帖由 計數佬 於 2020-9-22 10:53 PM 發表

青蛙仔晌爬上舊石頭開始,已經嘔返大半既水出嚟,唔使心外壓架。
原來係咁😂

回覆 引用 TOP

引用:
原帖由 maitinana 於 2020-9-22 22:58 發表
原來係咁😂
如果我話,呢個又係由我真實故事嚟改篇,妳信唔信?




回覆 引用 TOP

回覆 引用 TOP

[隱藏]
 
同場加插 ....


我想對你說baby  

回覆 引用 TOP



伸延閱讀
 
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!