Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊
追帖 打印

[其他] 【玄幻】修真狂想



【玄幻】修真狂想

[隱藏]
修煉嘅境界:
淬体、开元、气动、离合、真元、神游、超凡、入圣、圣王、返虚、虚王、道源、帝尊、入神、神王、混元、合道、造化、星窍、封门、太虚、斩厄、混沌、天神、圣祖、补天、乾坤、始源……仲有冇?!

回覆 引用 TOP

萬事開頭難,淬體,修為建立起嚟嘅過程,身體要作出整改嚟適應,
聽睇聞摸,呢幾樣感官普通人都有,到咗「神遊」境,就開始有「感應」嘅能力,

到咗「入神」境,就係「成仙」嘅開始,不過照我理解,修真嘅「仙」係帶住肉身嘅,唔單單係靈魂。

回覆 引用 TOP

氣功,武學,術法,陣法,魂技,醫道,煉丹製器……,一大拃嘢要識,
修真,要用到真氣,氣功點可以唔識,本來,氣功唔係咩虛幻神化嘅嘢,普通人都可以學,
之但係,修真呢家嘢係拼道行駁升呢嘅,修為係建基於氣功嘅,練功出偏開壞咗頭,以後仲點發展呀。




回覆 引用 TOP

修真升呢,前階段靠氣功,往後就要搵工具幫手,
想入道源境,至少先悟一種道,要邁進入神境以至去到更高嘅境界,冇仙器就米使指意,
每個境界都分做幾級,神遊境之後,每步入一個境界都會俾雷劈餐懵,分分鐘就算唔戰死都會俾雷劈死,究竟係咪個個修煉者都要俾天老爺咁糟躓,我就唔清楚嘞。

回覆 引用 TOP

[隱藏]
俗世,就係地球,咁,靈武大陸,神國,域外,上界,呢啲又係咩地方呀?  外太空?  
嗰啲慘遭收押同封印嘅上古大能又係乜東東,唔通係史前文明嗰陣嘅武林高手同科技專才?
報滅門之仇,為民除害,係武俠小說嘅套路,人修真究竟為乜,唔通要好似玄魅同科幻小說講嘅咁,上天入地打餐懵?!

回覆 引用 TOP

光速,每秒 三十萬公里,
星球之間嘅距離,光都要幾分鐘甚至幾粒鐘至去得到,星系之間就更加唔使講嘞,數以光年計,
強大嘅重力冇錯係可以將光綫稍微屈攣,但係攣嘅程度有限,而且改變唔到光速,想快啲去到目的地,除非用埋「蟲洞」,
修真小說入便講嘅「空間傳送陣」,可能就係人工蟲洞,《笑談外星人》仲置緊頂嘅,本來想喺嗰度搭嗲,不過嗰個帖經已封咗,唯有響處回應。

回覆 引用 TOP

有冇發覺,修真有兩樣係唔少得嘅,靈氣同真氣,
真氣,要調動至有用,問題係,普通人要調動真氣根本冇辦法,學會氣功,至可以掌控真氣,
靈氣,係修為嘅磚瓦,有功法,至可以吸收靈氣提升修為,而普通人,想入修真之門一定要先學會咗功法。

回覆 引用 TOP

引用:
原帖由 MrCU204 於 9/9/2020 00:28 發表 5樓

十年前,有位姓葉嘅哥仔,因佢老豆見到有人拐賣細路,出手叉窩咗,結果俾人上門尋仇,佢阿媽臨死將佢一掌打落河,

五年前,葉哥仔重現人間,明查暗訪半年搵到真兇,姓林,居然係全國排名第一嘅高手,葉哥仔一輪苦戰,將林某廢咗,修為冇晒而且手跛腳折,

本來,事件到呢度就可以結束,之不過,林家原來有幕後黑手,呢班黑手係昆崙嘟啲人,本來經已俾葉哥仔親手救咗出嚟嘅父母又俾呢班黑手捉咗去,葉哥仔自然又要搵嗰班趴街算帳,
剷晒班黑手,救返阿爸阿媽出嚟,仲未收得科,越踩越深,家陣經已征戰域外,硬仗連場,仲話上界有人想喐佢添,如果葉哥仔佢搞得上界班友掂,係咪就可以安樂晒呢?!




回覆 引用 TOP

天堂路,地獄門,外星人基地嘅出入口,修真世界嘅通道,普通人係睇唔到嘅,或者,佢哋可以穿越一切,門對佢哋根本冇意義,
修真法訣,煉丹製器之術,問天問地攞唔到,失傳,No,而係根本就不見經傳,連口口相傳都唔會,要教,就用 氣血或者神魂 嘅力量將信息射入徒弟嘅識海,有啲似手機經藍牙收Apps,收咗即刻裝得用得咁樣。

回覆 引用 TOP

[隱藏]
術法,唔單止勁揪,仲有好多科學解釋唔到嘅神妙功能添,
不過有樣嘢大家一定要重視,如果遇到阻礙或者俾人破咗,出術者就會俾術法反咬。

回覆 引用 TOP

小說,主角係一個起兩個止,打機,同一個遊戲,有啲玩家可以爆機,有啲就落筆打三更,開波冇耐就出局,
「現實」世界就冇咁簡單,闖蕩江湖嘅唔會得嗰一個半個咁少,大家闖蕩江湖,大方向應該會係一致嘅,不過經歷就個個唔同,佢哋可能會有共同嘅仇家,可能會面對同一個(或者一班)敵人,想擸嘅可能係同一件寶物,
雖然志同道合,四海之內皆兄弟,但畢竟係獨立個體,每個人嘅決策同舉措,都會影響其他同道中人嘅利益同發展,甚至因而影響成個江湖未來嘅局勢。

回覆 引用 TOP

煉精化氣、煉氣化神、煉神還虛、煉虛合道、煉道歸元、煉元成聖、煉聖歸真。
呢種係道家嘅修真理念,係純個人,冇競爭心,非戰鬥性嘅,追求嘅係天人合一(忽然諗起六祖慧能嘅佛偈,如果本來無一物,咁呢六代佛祖又係乜呢?!)。

回覆 引用 TOP

呢首歌嘅意韻同場景,攞嚟拍修真武俠片又好似幾夾啵。
https://m.youtube.com/watch?v=sbSHq6-5HOY




回覆 引用 TOP



伸延閱讀
[按此隱藏 Google 建議的相符內容]
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!