Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊
追帖 打印

[球隊/球員討論] 對李城真係好牙煙



[隱藏]
引用:
原帖由 發明奴 於 2020-7-23 08:55 PM 發表 輸鳩硬

輸咗都仲可以鳩硬都叫做輸得有價值,對韋斯咸踢到鳩都軟埋都贏唔到就真係冇價值。
其實對韋斯咸跟本係例行賽事,除非有本事贏8 : 0。
爭前四可以控制嘅對手只係李城,對韋斯咸賽前,與李城得失球差平手,但係落後入球數4球,咁即係呢場如果贏到一個球數係李城反唔到身嘅球數,例如8 : 0,咁無論球差與入球數都領先李城,如果李城最後贏唔到曼聯4球都入唔到前4,咁就有價值嘞。
而家就主力盡出囉一分,下半場中段以後已經踢到唔識行,最後一場,李城可以休息多4日,希望班友仲識行啦。
表面上係和就得,不過好多時都係糖衣陷阱。不過都仲有一個機會嘅,歐霸奪冠都可以踢歐聯,起碼都係機會吖。

回覆 引用 TOP

引用:
原帖由 發明奴 於 2020-7-24 07:31 AM 發表


彭大叔,好耐無見

好耐冇見,曼聯就同以前一樣,曼聯除了賣波衫,都仍然賣海鮮,同埋做大俠,劫富濟貧。

回覆 引用 TOP

引用:
原帖由 發明奴 於 2020-7-24 11:29 PM 發表


但Bruno嚟咗同Greenwood上位都係好徵兆…希望keep住向好

般奴嚟到踢嘢幾場之後,就有媒體吹到佢係史高斯,但係前曼聯球員迪贊巴就話般奴只會係史高斯嘅後備。
般奴踢咗半季,數據就不得了,入9球,8個助攻,不過9球之中有5球12碼1球自由球,幾乎包辦了曼聯死球,踢法係類似派路,PLAYMAKER類型,呢類球員已經好少見。
不過,帶唔帶得起曼聯都係未知數,因為好多英超球員都係踢一年好波。




回覆 引用 TOP

引用:
原帖由 huskycss 於 2020-7-25 05:04 PM 發表 曼聯之前打到屎緊,其中一個主因就係個個都要人帶住踢(普巴只算半個,其他人直情冇 sense),只要比對手控制節奏就死得。


我有信心般奴就算唔刷數據,都可以穏定幫到隊波,因為佢嘅打法係靠走位控球連結成隊波。而未來曼聯買中 ...

般奴嘅視野,傳球質素,其實不下於史高斯,不過搶球及攔截嘅能力就及不上史高斯。
個人對出身於意甲嘅球員係有戒心,意甲三頭馬車,其他意甲球隊有好嘢都幾乎俾三頭馬車過一刀,除非球員係由三頭馬車流出,或者接近三十甚至年過三十。
般奴出身於烏甸尼斯,後轉會森多利亞,三年前轉會士砵亭,轉會費900萬磅。在意甲幾年都未去到豪門而轉戰葡超,轉會費只係900萬磅,我驚筍過頭。另一個可能係現今中場嘅追求傾向於全能型中場,可能其他豪門覺得般奴未夠全能。
一名球員嘅能力可能係取決於歐聯嘅表現,般奴只踢過一次歐聯,係代表士砵亭,可借分組賽只是排第三轉戰歐霸,不過當年與祖記及巴塞同組。般奴能夠踢歐聯,是加盟前士砵亭聯賽第二。
般奴在士砵亭兩季半,士砵亭兩次聯賽季軍,今年半季離隊,士砵亭聯賽第四。士砵亭聯賽唔得,但係國內盃賽就好得,兩年贏過三個盃。般奴亦協助葡萄牙奪得首屆歐國聯。
般奴在士砵亭三季都未能帶領球隊取得歐聯資格,今晚又有機會嘞,決戰李城。

回覆 引用 TOP



伸延閱讀
[按此隱藏 Google 建議的相符內容]
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!