Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊
追帖 打印

[球隊/球員討論] 討論曼聯現況與未來<30>



[隱藏]
引用:
原帖由 惡魔旦丁 於 2020-7-8 02:38 PM 發表
但我覺得如果你話簽賀蘭特
格連活就真係少左機會
如果蘇B係當佢係下一個英格蘭金童
好似費sir當朗尼咁培養
咁就未必要賀蘭特
蘇b教過佢亦知道佢到底d料起邊 ...


賀蘭特目前曼聯確實未有需要。

但過多兩年亦唔排除可能性,始終賀蘭特都講明係當多仔做跳板,如果一切順利,過多兩年曼聯真正復甦,重返歐陸豪強之列,以Ole與賀蘭特既關係,要買人應該會易入手好多。

而到時中鋒位置亦可能需要新衝擊,或者馬仔與綠木已經確定自己位置,即使再多一位頂級射手做內部競爭,對曼聯亦唔係壞事。

正如當年黑白四煞,大家輪流踢,既競爭又合作。

回覆 引用 TOP

引用:
原帖由 世民兄 於 2020-7-8 03:02 PM 發表


賀蘭特目前曼聯確實未有需要。

但過多兩年亦唔排除可能性,始終賀蘭特都講明係當多仔做跳板,如果一切順利,過多兩年曼聯真正復甦,重返歐陸豪強之列,以Ole與賀蘭特既關係,要買人應該會易入手好多。

而到時中鋒位置亦可能 ...

或者可以睇住哈利簡尼.唔覺得佢同摩連奴相處得到

回覆 引用 TOP

引用:
原帖由 魔b爸b 於 2020-7-8 02:57 PM 發表



衣個係事實,麥佳亞不時帶波上去幫手做波,甚至連迪路夫都可以生波時引球推進入對方禁區,一對中堅都可以咁做,自由度高到一個點
唔好怕失兩球,入番5球就可以🤣 ...

蘇b既自由度真係好高
進攻有時激進得可怕
費sir都未必好似咁顛.7個人起人地禁區外圍度
依家對手難搞既係你好難守到普巴 般奴
普巴又唔同你表演.有波就走
般奴又成場走.你無時無刻都要睇住佢
就算你好似巴黎咁.壓住個中場
2個中堅都可以帶波上去化解




回覆 引用 TOP

引用:
原帖由 惡魔旦丁 於 2020-7-8 03:08 PM 發表

或者可以睇住哈利簡尼.唔覺得佢同摩連奴相處得到


哈簡就年齡大左少少了,目前福綠馬平均年齡只係21歲,俾多兩年時間都係23。

賀蘭特都係千禧後,過多兩年亦只係22,正係福綠馬同一輩。

FF一下,如果兩年後,曼聯進攻三箭頭可以有兩套組合。

A馬仔+福頭+辛祖

B賀蘭特+綠木+柏豪

中場般奴+普巴+馬迪/麥湯。

FF都爽死。

回覆 引用 TOP

[隱藏]
引用:
原帖由 惡魔旦丁 於 2020-7-8 03:14 PM 發表

蘇b既自由度真係好高
進攻有時激進得可怕
費sir都未必好似咁顛.7個人起人地禁區外圍度
依家對手難搞既係你好難守到普巴 般奴
普巴又唔同你表演.有波就走
般奴又成場走.你無時無刻都要睇住佢
就算你好似巴黎咁 ...


成班後生仔,而且大部份都潛力未盡,太局限佢地分分鐘降低上限,俾多d自由佢地,見到有咩問題先再加以提點,對班後生絕對係好事

回覆 引用 TOP

引用:
原帖由 世民兄 於 2020-7-8 03:17 PM 發表


哈簡就年齡大左少少了,目前福綠馬平均年齡只係21歲,俾多兩年時間都係23。

賀蘭特都係千禧後,過多兩年亦只係22,正係福綠馬同一輩。

FF一下,如果兩年後,曼聯進攻三箭頭可以有兩套組合。

A馬仔+福頭+辛祖

B賀蘭特+綠木 ...


衣個陣應該要掉多3億出黎🤣分3年去實行都有d機會既,但變左u23世界明星隊,到時個個都2,30萬磅週薪,搞唔搞得掂嫁

回覆 引用 TOP

引用:
原帖由 魔b爸b 於 2020-7-8 03:23 PM 發表



衣個陣應該要掉多3億出黎🤣分3年去實行都有d機會既,但變左u23世界明星隊,到時個個都2,30萬磅週薪,搞唔搞得掂嫁


如果係疫情未爆之前既球市,莫講三億,你俾夠五億都未必有人肯放。

但依家咩環境?根本就得返曼聯,皇馬,依兩三隊波可以自給自足之餘,仲有餘力去買人,就算一班土豪,由於市道唔好,無法再腦細泵水洗錢,而其他中型班出糧都成問題,多仔依類要出貨既球星超市,叫價能力大降。

依個時間正係曼聯仲有商業老底既球隊,趁冧市撈底既好時機。

至於人工方面,當然係要趁機講價,你估依家球員仲可以東家唔打,打西家?如果係得既,普巴就唔會有價無市,傳聞中辛祖都係十四萬週薪,曼聯要買人唔係無機會。

當然一切都係FF,但只要殺得返入前四,其實都好大機會下年曼聯可以重上正軌,我地今日所講既唔係無可能發生。

[ 本帖最後由 世民兄 於 2020-7-8 03:37 PM 編輯 ]

回覆 引用 TOP

引用:
原帖由 世民兄 於 2020-7-8 03:31 PM 發表


如果係疫情未爆之前既球市,莫講三億,你俾夠五億都未必有人肯放。

但依家咩環境?根本就得返曼聯,皇馬,依兩三隊波可以自給自足之餘,仲有餘力去買人,其他球隊出糧都成問題,多仔依類要出貨既球星超市,叫價能力大降。

依個時 ...


都岩,財政對曼聯黎講係優勢不過感覺上全部都係花無綠葉,養得掂都未必夾得好,如果真係買得晒衣幾件後生仔,加埋自己福綠馬,sob起碼要有費sir8成功力先搞得掂班馬騮🤣




回覆 引用 TOP

引用:
原帖由 魔b爸b 於 2020-7-8 03:36 PM 發表



都岩,財政對曼聯黎講係優勢不過感覺上全部都係花無綠葉,養得掂都未必夾得好,如果真係買得晒衣幾件後生仔,加埋自己福綠馬,sob起碼要有費sir8成功力先搞得掂班馬騮🤣 ...


依個就係重點,所以Ole要趁老費仲健在,有乜冬瓜豆腐,班馬騮作反都有太上皇撐,盡快建立成績以壓服球隊上下,才可以長期掌控球隊既生殺大權。

[ 本帖最後由 世民兄 於 2020-7-8 03:41 PM 編輯 ]

回覆 引用 TOP

[隱藏]
引用:
原帖由 世民兄 於 2020-7-8 02:31 PM 發表
史高斯里奧其實即係講緊,辛祖,柏豪,賀蘭特。

基本上係公開的秘密。

但我個人認為三個入面,黎緊個轉會窗,Ole應該只會入一個,除了轉會費的預算所限,其實有一點係大家都忽略。

當年老費既組軍方針,都係一年入一件可以提升 ...
曼聯如果買到中鋒,實力應該可以增強,但就無可避免犧牲現有人腳,我同意中鋒係冇咁迫切。

至於柏豪同辛祖,未必要二揀一。以前一年一星係因為曼聯本身已經係班霸,加上轉會費都係幾千萬頂盡。但有需要時,一樣會一次過夏格、拿尼、安達臣,又或者買完辣椒仔再買朗尼。

假如入到辛祖,入唔入柏豪好取決於曼聯放唔放到連美斯同彭利拿。因為放左,你仍然有需要買人加厚個板凳。唔好唔記得高美斯都會離隊,甚至乎有傳馬達都會走,所以係講緊三四個球員換辛祖同柏豪。

[ 本帖最後由 huskycss 於 2020-7-8 03:48 PM 編輯 ]

回覆 引用 TOP

引用:
原帖由 世民兄 於 2020-7-8 03:39 PM 發表


依個就係重點,所以Ole要趁老費仲健在,有乜冬瓜豆腐,班馬騮作反都有太上皇撐,盡快建立成績以壓服球隊上下,才可以長期掌控球隊既進退。


絕對無錯,領隊大唔過球員根本無可能長治久安,幾好波都係假,如果管唔掂就寧願拿拿林賣左佢,所以我對買辛祖其實都係5050,佢個底都花花地

回覆 引用 TOP

引用:
原帖由 huskycss 於 2020-7-8 03:41 PM 發表
曼聯如果買到中鋒,實力應該可以增強,但就無可避免犧牲現有人腳,我同意中鋒係冇咁迫切。

至於柏豪同辛祖,未必要二揀一。以前一年一星係因為曼聯本身已經係班霸,加上轉會費都係幾千萬頂盡。但有需要時,一樣會一次過夏格、拿 ...


其實柏豪主要係睇維拉能否護級成功,如果維拉成功護級,未必會輕易放人,始終多仔定位不同,多仔依家好似仲緊過曼聯,放哂風話出貨。

維拉如果護級失敗,曼聯當然有空間一次過食哂柏豪,辛祖,但要睇下阿木計唔計得掂條數。

回覆 引用 TOP

其實我有少少懷疑到底辛祖係咪適合
曼聯依家個戰術係雙核.囉波去做既係般奴同普巴
當初未開始大家一齊踢時最擔心就係會好似山齊士
咁佔中.依家睇到佢地識自動分開黎踢

而對比人地利物浦.佢地個中場係無創造力.但2個
就拉間空間俾沙拿同文尼去爆入去.有d似以前曼聯
用兩翼為主.最恐怖係佢兩隻閘都能夠出到波
佢得人驚起呢度

但依家曼聯係3個中場都出到波.2個有超強創造力
仲需唔需要多個辛祖爭波仔
而且辛祖都需要囉波.一個波夠唔夠分




回覆 引用 TOP

引用:
原帖由 huskycss 於 2020-7-8 03:41 PM 發表
曼聯如果買到中鋒,實力應該可以增強,但就無可避免犧牲現有人腳,我同意中鋒係冇咁迫切。

至於柏豪同辛祖,未必要二揀一。以前一年一星係因為曼聯本身已經係班霸,加上轉會費都係幾千萬頂盡。但有需要時,一樣會一次過夏格、拿 ...
續:如果高美斯走,馬達走,清埋連美斯同彭利拿,我個理想陣容裡面,中前場其實並唔係咁多人:


福仔(占士) 馬仔(哈老) 辛祖(綠木)
費南迪斯(柏豪)
馬迪(麥湯) 普巴(費特)

而前面幾個基本上可以調來調去,靈活性都好高

P.S. 恩哈老個合約去到下年一月
如果續唔到,更加有需要入埋柏豪

回覆 引用 TOP

[隱藏]
引用:
原帖由 世民兄 於 2020-7-8 03:52 PM 發表
其實柏豪主要係睇維拉能否護級成功,如果維拉成功護級,未必會輕易放人,始終多仔定位不同,多仔依家好似仲緊過曼聯,放哂風話出貨。

維拉如果護級失敗,曼聯當然有空間一次過食哂柏豪,辛祖,但要睇下阿木計唔計得掂條數。 ...
咁當然有好多變數嘅。如果維拉降班但叫天價,一樣都唔會入啦。

回覆 引用 TOP



伸延閱讀
[按此隱藏 Google 建議的相符內容]
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!