Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊



追帖 打印

[新聞轉貼] 曼聯換帥條件曝光 一種情況可炒蘇B



[隱藏]
引用:
原帖由 簡傑碧朗 於 2020-2-13 02:00 PM 發表



我諗一間全球最多球迷(以前)既上市球會 有好多方面要交代 冇乜可能容許比3年時間佢慢慢執 理想同現實黑白好分明


時移勢易喇,再用話乜乜商業贊助理由去粉飾急功近利似乎行唔通。依個理由係老費剛退休果一兩年仲可以呃下人,依家已經無人信。

因為曾經重金禮聘現成球壇公認最即食既主帥都搞唔掂依班波,就已經證明俾班金主睇成功再無捷徑,除非一鋪過剷底重建,或者尚有一線機會。

班金主等唔切咪撤資囉,反正你估猶太鬼自己無諗過隨時賣盤跳船?反而算住度住仲合乎成本計算,依家再掟錢要先計下入唔入肉,如果使得太大,猶太鬼就算賣盤都未必冚得返條數,所以依家阿木計住度住咪反映了班膠層既心態囉。

係睇你接唔接受現實啫。不過你唔接受,現實都唔會改變。

回覆 引用 TOP

引用:
原帖由 faifai1234 於 2020-2-13 02:14 PM 發表



所以而家咪想整靚盤數,唔再出天價人工,轉會費打死狗講價,而家再炒領隊又係要洗一大筆,但又唔保証有成績


Ole上任一年買左四件,加加埋大約用了兩億,但渣古套現了七千五百萬,如果夏天普巴真係賣到億二至億五,條數剛好打個和。

猶太鬼即係完全無需要再自己掟錢俾Ole買人,純粹係拆東牆補西牆既方式重建,而Ole同時提升了幾位青年軍,再減磅幾件冗員,人工已經可以慳返一部份。

依家擺明就係幫緊猶太鬼慳住使,即使成績未見起色,但起碼唔使再好似雲方丈及摩佬咁不停開水喉,單係依點已經令阿木暫時唔會有炒Ole既動機,當然去到夏天埋單要再計數。

[ 本帖最後由 世民兄 於 2020-2-13 02:42 PM 編輯 ]

回覆 引用 TOP

引用:
原帖由 簡傑碧朗 於 2020-2-13 02:29 PM 發表
歐聯對曼聯太重要 重建路上不可或缺 亦都係好重要嘅資金來源 球迷可以等但贊助商唔會咁樣比時間你浪費 我地可以比時間sob 但贊助商得咩


咁咪換過批贊助商囉,密食當三番,大牌子唔吼曼聯,阿木咪搵多幾件cheap啲既品牌湊數,反正佢都只係圍大數。

都無諗過lego會同曼聯合作啦,我咪又係乖乖貢獻兩條嘢。

[ 本帖最後由 世民兄 於 2020-2-13 02:36 PM 編輯 ]




回覆 引用 TOP

引用:
原帖由 chiman0706 於 2020-2-12 07:23 PM 發表
咪理依啲傻佬。佢地睇曼聯既心態同當係條女一樣。我愛你所以要在屌你


都係依位師兄最清醒,睇波睇得咁辛苦,都唔知為乜?只有傻佬先會咁肉緊。

又或者好似師兄你咁講,唔吊又如何擦存在感?

早兩三年仲係方丈及摩佬揸旗,有幾條友又係乜都吊一餐,後來潛左水了,根本就為吊而吊。

[ 本帖最後由 世民兄 於 2020-2-13 03:16 PM 編輯 ]

回覆 引用 TOP

[隱藏]
引用:
原帖由 Totti888 於 2020-2-13 03:32 PM 發表
我諗冇一個真正嘅曼聯球迷會預期球會換新領隊之後係會場場踢西波兼不需要交出成績。

現在唔炒領隊因要俾一大筆解顧費兼唔保証有成績,完全係柒娥思維:今天不封關因會影響香港人從內地回港入境,也不保証不會再有本地感染 ...


幾年前已經講依個城市同曼聯好相似,又係曾經風光無限,今日不進則退,食老本坐食山崩。

膠層無能,一街习民。個個淨係懷念以前點威點威,又唔睇下今時今日自己乜嘢料。

班揸旗既換完一個又一個,越換越衰,但其實有甚麼樣的球迷,自然就有甚麼樣的球會。

回覆 引用 TOP

引用:
原帖由 簡傑碧朗 於 2020-2-13 04:46 PM 發表



師兄既層次係高一層 名句理論真係要再三咀嚼 「有什麼樣的球迷就有什麼樣的球會」 我諗呢度唔係好多人會明 包括我


或者咁講,今時今日既曼迷根本不配擁有一個英明領導層,咁係咪直接啲呢?

幾年前吊鳩莫天才既係你地,跟手吊雲方丈既又係你地,連摩佬都俾你地吊死埋,果果主帥都因為猶太人迫於球迷壓力換人,輪落到今時今日既田地,曼迷根本係自找。

依家又輪到Ole,你地咪繼續吊囉,吊死埋佢又有乜所謂,反正都睇唔到有邊個可以即時起死回生。

唯一曼迷吊唔死,又或者吹佢唔漲既係阿木,典解呢?因為曼迷無本事買起曼聯,趕走格拉沙咪話到事囉。但典解趕唔走?曼迷茅錢嘛。

一日猶太人揸旗,曼聯都係佢既私人資產,佢如果真係當球迷透明,就算你點吊都係唯有硬食。

之前三任都話因為格拉沙怕球迷嘈,驚金主撤資,所以急急換人,但依家睇果勢猶太人好大機會當你班友唱歌,除非有好突然既白武士出現,否則你地都係繼續你有你吊,猶太人啋你都有味。

黑衣人燒阿木屋企有鳩用咩?一係你就直接買起猶太鬼,但走左一件猶太鬼,一樣有機會出現另一件吸血鬼。

成件事幾時輪到曼迷話事?

典解班膠層咁廢都無有怕?鬼咩,你班友走得去邊?你地咪一樣一邊睇一邊買波衫一邊繼續吊。根本你唔睇曼聯咪無事囉。

[ 本帖最後由 世民兄 於 2020-2-13 05:12 PM 編輯 ]

回覆 引用 TOP

引用:
原帖由 waishun12 於 2020-2-13 05:12 PM 發表




呢張成績表就會係完季後既白武士 不過中期試呢張就唔敢比家長簽名


我個人黎講,就一定繼續支持Ole既。

但若果最後都係換人,亦唔意外,反正今時今日既曼聯,邊個教都係一鳩樣,只要膠層唔變,根本唔會有長遠規劃。

不過始終過去幾年曼聯雞左幾任主帥,唔多唔少都有一班前任教練粉絲懷恨在心,希望曼聯仆街,又或者其他人希望借機抽水,所以Ole成為箭靶亦都意料之內,曼聯主帥依個位,預左要幫膠層硬食。

作為老鬼球迷,我就睇化,曼聯變成點,叫做有生之年試過風光,無憾啦。

回覆 引用 TOP

引用:
原帖由 huskycss 於 2020-2-13 05:23 PM 發表
如果因為球迷壓力就會換人,我諗第一個換嘅就係阿木。
但又話球迷吊唔走阿木喎,咁即係即使有壓力,唔想換都唔使換。
咁就代表壓力根本唔係決定性因素,而係老闆話事。
跟配唔配有英明領導層,更加係完全無關。
做得領導層,原來 ...


利迷所以咪要等三十年先等到英明腦細,再搵到高主教囉,你覺得利迷有本事可以搵到英明腦細?咪又係等運到,所以曼迷慢慢等啦。

一味嘈格拉沙無用架,有本事就買起佢,咁你就可以話事。

格拉沙早幾年就係因為怕金主贊助流失,先俾你班友嘈完一件又一件,依家蝕到入肉,咪即管睇下佢係咪會因為你地嘈而開水喉,又或者繼續唔啱換到啱。

係格拉沙立場,主帥換人就無乜所謂,因為唔係幫格拉沙搵錢嘛,咪俾你班友當出下氣囉,但阿木就唔同,係格拉沙打手兼搵水,你地如果吊得走佢既,早就吊走左啦,使等到依家?

明知膠層點吊都唔走兼係罪魁禍首,主帥只係擋箭牌,球迷如果當日無吊得咁行,格拉沙唔使急急搵人揹鑊,前三任主帥有時間空間真係重建,咪或者唔使搞到今日咁囉。

作為球迷,唯一可以做就係不論球隊順逆,都一如既往支持球隊,能否堅持就係球迷質素既分野。

利迷有本事等足三十年而不大量流失,係人地值得擁有等到英明腦細既一天,依家就係考驗曼迷是否有此質素捱到再遇到英明領導既一日。

[ 本帖最後由 世民兄 於 2020-2-13 05:51 PM 編輯 ]




回覆 引用 TOP

引用:
原帖由 Macallan24 於 2020-2-17 12:05 PM 發表

唔好勸啦,唔會有結果,費sir之後每一個教頭都有一班人喊炒架啦


純粹情緒發洩為主,因對現實不滿但又無能力改變現況。

其實都係反映現今人類既行為模式,主因係網上發表不需負責任。

早前高比出事,有一篇文章提及高比的評價比不上波神,其中一個原因係高比生於酸民當道既互聯網時代,個人缺點比無限放大。

換轉波神生係現今世代,一樣被插到體無完膚。

回覆 引用 TOP

[隱藏]
引用:
原帖由 Macallan24 於 2020-2-17 12:40 PM 發表

特別係香港人

話說尋日再睇一次Joker,當中情節真係好似而家既香港,好多野好值得反思,噢!off topic


Macallan兄,唔講香港啦,鬼仔果邊咪一鳩樣,邊班友仔當年創先河,係主場放飛機拉banner吊柒自己主帥?

根本就係憎人富貴厭人貧中外皆然,只係以前資訊無咁發達,都係靠主流媒體鞭屍,班老屎忽教頭咪無咁大壓力,可以有較大空間生存。

費格遜之後再無費格遜,應該都走唔甩。你咪睇利物浦高主教依一刻無限風光,因為高主教四年前入主,利物浦條底線已經底無可底,反而無乜包袱。

當今日既利迷嘗過甜頭之後,未來有乜差池,只要成績稍為回落,隨時又再喊打喊殺,乜嘢當日豐功偉績,通通唔記得。

曼聯正經歷依個階段,而且比過去球會歷史上低潮時更顯人性既弱點。

回覆 引用 TOP

引用:
原帖由 無雀腳仔 於 2020-2-17 03:22 PM 發表




「互聯網=情緒主導=酸民當道=放大缺點=失去準確評價」
哩個推論咁啱我最近都有反思
客觀人性黑暗面係真實
但並不能論證互聯網時代嘅評價不及舊媒「客觀」



以前大眾係靠幾間大報同電視台接收資訊
資訊的 ...


雀兄頭三段細佬我同意,唯獨我認為出問題正係最後一段"當情緒過去","客觀"事實就會浮現。

互聯網最大問題正係持續令民眾情緒主導事件發酵,因為無法分別真偽,人人都認為自己是真理,結果就各自越來越偏激,更難令大眾"情緒"平復,變成"客觀"事實越來越難浮現,甚至反過來出現指鹿為馬的現象,只要受眾夠多,聲音夠大夠迥響,就是真理。

亦即係誰大誰惡誰正確。

其實依個現象不獨是出現在後費格遜時代的曼聯,好多體壇明星,又或各行各業的風頭躉,只要夠搶眼球,自然會招來不同既批評或攻擊。有些批評根本已經不是論事,而是純粹為攻擊而攻擊。

舉個例,唔知有無人留意F1,其實黑帝世界冠軍數目,已差不多追平車神,但為何到目前係普羅大眾聲音中,仍然只有舒麥加係車神,咸美頓名聲仍然及不上前者?

是黑帝不如車神?還是人們的標準訂得太離地?

[ 本帖最後由 世民兄 於 2020-2-17 03:50 PM 編輯 ]

回覆 引用 TOP

引用:
原帖由 Macallan24 於 2020-2-17 04:19 PM 發表

可惜部份曼聯球迷係完全唔會接受球隊要經歷就如利記既重低潮期,而家就只係睇到班人係咁叫換教頭,換完冇冠再換,重建球隊唔班你會唔會重建球會架構,總之換教頭第二年一定要奪冠,否則就又少媽拆蟹喊打喊殺又要換教頭,係唔會 ...


正如T2預言 Skynet係人類共孽,人類以為自己可以控制Skynet,但結果反被Skynet控制。

近期經典例子 Best WFH activity 幾位"精英",令我聯想起曼聯一班Ig達人,其實依家既人係咪唔post上網會驚無人知佢地做過乜?又係咪真係咁多人想知佢地做過乜呢?究竟係佢地自己想post上網令人知,還是其他人想知令佢地post上網?

Skynet正係令人類越來越難自拔,結果最後一鋪清人類袋。

吞pop唔係大罪,最大罪係你希望其他人知你吞pop,依樣先係膠到無倫既智障邏輯。

連膠唔玩咁多Ig,其實邊個知佢咁膠?咁咪無咁多負評囉,但偏偏佢荒死人唔知佢膠,咁酸民咪可以又有位入囉。

[ 本帖最後由 世民兄 於 2020-2-17 05:06 PM 編輯 ]

回覆 引用 TOP

引用:
原帖由 n!cky 於 2020-2-18 11:50 AM 發表
根本上而家曼聯由青訓系統, 一隊既訓練, 隊醫, SCOUTING, 球員買賣.....全部都係中游質素......


過去曼聯運作體系只有費格遜能夠駕馭,依個係直到目前仍然存在的問題。有管理經驗者,必然明白建立一套運作系統,絕非一就可即,何況老費已經調教管理依套系統廿多年,用俗語形容,已經係人車合一。

曼聯過去系統落後,由青年軍揀蟋,到成年一隊買人運作,背後都由老費直接指揮定奪拍版,手底下既人只需跟從波士的命令去執行實際運作,但由於費格遜本身超凡的功力及多年運作對系統熟悉,因此運用出來的效果,達致爐火純青,所以能夠長期超水準維持競爭力,亦掩蓋了系統老化及過份倚賴費格遜的短板。

直到老費退休,莫天才上任,大家先發覺原來無人能夠指揮駕馭依副老爺車,加上因莫天才唔夠班鎮壓大牌而引發內訌,結果還沒來得及改革,莫天才已經下台,系統老化的問題不但未有改善,更加開始因群龍無首,而出現秩序混亂,傑斯臨尾幾場當替工主帥,正係依種問題惡化的表現。

到改由雲方丈掌舵,第一句對曼聯的評價,就是it's broken,當時人們還以為指的是人腳班底,但其實雲方丈可能已經意識到球隊指揮系統運作有問題,所以需要進行改革。方丈亦確實大刀闊斧拆曬原有體系,但拆容易,重建難,方丈又係一個短命主帥,又是拆完還沒來得及重建,雲方丈又玩完。曼聯原本已經殘破的運作秩序就更加七零八落。

繼任既摩佬雄心萬丈地接過紅魔帥印,但其實曼聯當時運作系統已經嚴重支離破碎,而摩佬本身長於短時間內發揮系統極限,要逐步建立運作體系非其強項,所以能夠兩年內衝到第二,可能正如摩佬自己所講,對住曼聯依部老爺車,佢已經盡做。

結果去到今時今日,Ole打正老費路線重新出發,即使用回原有老費嫡系管理班底,但經過長時間大規模破壞拆卸,要重整又談何容易,所以仍然出現吊足幾年,走位配合有幾難的基本老問題。

而事實上如果球隊沒有一套長期完善由青年軍開始統一指揮建立的運作及戰術理念教育,一時三刻又真係未必能夠令球員建立一套運作熟練的方針。

其實到依一刻曼聯的問題,既有舊有問題累積,亦有近年產生的問題,兩者交叉感染,又產生更多問題,要改善,除了逐步由基礎重新建立,別無他法。

但總有人認為只要換掉某某就可以即時改變,如果真係換人就可行,當年曼聯就唔使由畢士比老爵爺退休,尋找多年,才等到費格遜的出現,再花六年時間衝冠;同樣利物浦亦唔使由上世紀,等足三十年先遇到高主教,仲要再花四年時間才有機會貼近冠軍。

不願付出,只問收鑊,世界上沒有如此便宜的事。

就拿軍醫問題舉例,既然大家都明知軍醫有問題,為何不改革?但我想問一下,如果你係管理者,你又如何去肯定新來的軍醫靠得住?信口碑?睇履歷表?還是要觀察應聘者一段時間?

單係請人一環,你已經唔肯定係咪一定搵啱人,一些看似簡單細微的運作,若真正由你抉擇拍板,你就明白做一個決定唔難,做一個對的決定就很難。

[ 本帖最後由 世民兄 於 2020-2-18 04:30 PM 編輯 ]




回覆 引用 TOP

引用:
原帖由 bmwwmb 於 2020-2-18 11:06 AM 發表
依家係即食年代,一個轉會窗如果無明顯進步,已經嘈。但大家唔知其實入面 腐爛不勘,需要好耐時間去執


球迷就梗係乜都可以講得出,買齊邊個邊個,再搵幾個夠卡士既教練,咁咪得囉!

哦,買完返黎唔使教既?真係就咁叫佢地自己落場就識走位?咁平時教佢地走位,佢訓練時好地地,一出到場係唔知點解又走樣,咁你係教練又可以點做?

你R爆頭都諗唔明問題出係邊,可能你問球員佢自己都唔知點解會係咁,咁係咪就再換過另一位教練又一定Ok呢?之前已經換左三個,球員亦換左幾批,都係咁喎,又點解釋?

講就更係天下無敵,到你真係落場又係另一回事。

回覆 引用 TOP

[隱藏]
引用:
原帖由 huskycss 於 2020-2-18 05:12 PM 發表
世民兄講嘅嘢,我好耐之前喺 uwants 已經講過,所以大致係同意。重建係需要時間,但重建條路岩唔岩,係另一件事。球會有冇野心,係另一件更加基本的事。而呢個野心,係賺錢丫,定係發展體育,又係另一件事 -- 我諗,都好多人甚至局內人指 ...


所以我亦係經常提及作為球迷,係球隊處於低潮時,最重要係調節自己心態。

世上是沒有長盛不衰的皇朝,亦沒有永遠不敗之師,三十年河東,三十年河西係必然的大自然定律。

如何在逆境當中,保持心境平靜,耐心守候光明重臨,是放之任何時候做人做事都合適的態度。

與其怨天由人,令自己心態難以平復,其實只係同自己過唔去,根本就沒有任何益處。

靜觀其變,勝不驕,敗亦不餒,才是中庸之道。

回覆 引用 TOP



伸延閱讀
[按此隱藏 Google 建議的相符內容]
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!