Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊
追帖 打印

[新聞轉貼] 曼聯換帥條件曝光 一種情況可炒蘇B



[隱藏]
引用:
原帖由 世民兄 於 2020-2-17 03:37 PM 發表   

雀兄頭三段細佬我同意,唯獨我認為出問題正係最後一段"當情緒過去","客觀"事實就會浮現。
互聯網最大問題正係持續令民眾情緒主導事件發酵,因為無法分別真偽,人人都認為自己是真理,結果就各自越來越偏激,更難令大眾"情緒 ...




情緒嘅過去,可能係要以年計....
而且的確有可能未到「過去」個一日就消失係眼球前
無計,互聯網就好似工業革命咁
解放咗勞動力,但就失去咗失活嘅單純
直到有big brother之前
碎片化都會係互聯網嘅必然副產品
我哋哩啲老野唯有諗點共存

回覆 引用 TOP

引用:
原帖由 manc 於 2020-2-17 11:14 AM 發表 先炒亞木,再炒SOB 重日日講重建比機會佢,而家係曼聯呀,班霸球會呀,冇成績就炒就甘簡單!

其實阿木唔洗炒,只要加個總監同改善管理系統(例如球探同教練團)應該可以改善現有問題

回覆 引用 TOP

殿解個個師兄都寫千字文既 但又唔多次講緊曼聯 仲以為自己去錯討論區添



回覆 引用 TOP

引用:
原帖由 Macallan24 於 2020-2-17 12:05 PM 發表

唔好勸啦,唔會有結果,費sir之後每一個教頭都有一班人喊炒架啦


咩費sir後,就算費sir有一兩場踢得差或一兩季冇冠都叫炒啦

回覆 引用 TOP

[隱藏]
引用:
原帖由 Macallan24 於 2020-2-17 04:19 PM 發表

可惜部份曼聯球迷係完全唔會接受球隊要經歷就如利記既重低潮期,而家就只係睇到班人係咁叫換教頭,換完冇冠再換,重建球隊唔班你會唔會重建球會架構,總之換教頭第二年一定要奪冠,否則就又少媽拆蟹喊打喊殺又要換教頭,係唔會 ...


佢地會話利記都係不斷換領隊換左30年先等到高普,既然唔岩就要換換到岩為止

回覆 引用 TOP

引用:
原帖由 faifai1234 於 2020-2-18 09:57 AM 發表



佢地會話利記都係不斷換領隊換左30年先等到高普,既然唔岩就要換換到岩為止
咩人咪講啲咩出黎囉

回覆 引用 TOP

依家係即食年代,一個轉會窗如果無明顯進步,已經嘈。但大家唔知其實入面 腐爛不勘,需要好耐時間去執

回覆 引用 TOP

根本上而家曼聯由青訓系統, 一隊既訓練, 隊醫, SCOUTING, 球員買賣.....全部都係中游質素......



回覆 引用 TOP

回覆 1#  Totti888 的帖子good news

回覆 引用 TOP

[隱藏]
引用:
原帖由 n!cky 於 2020-2-18 11:50 AM 發表
根本上而家曼聯由青訓系統, 一隊既訓練, 隊醫, SCOUTING, 球員買賣.....全部都係中游質素......


過去曼聯運作體系只有費格遜能夠駕馭,依個係直到目前仍然存在的問題。有管理經驗者,必然明白建立一套運作系統,絕非一就可即,何況老費已經調教管理依套系統廿多年,用俗語形容,已經係人車合一。

曼聯過去系統落後,由青年軍揀蟋,到成年一隊買人運作,背後都由老費直接指揮定奪拍版,手底下既人只需跟從波士的命令去執行實際運作,但由於費格遜本身超凡的功力及多年運作對系統熟悉,因此運用出來的效果,達致爐火純青,所以能夠長期超水準維持競爭力,亦掩蓋了系統老化及過份倚賴費格遜的短板。

直到老費退休,莫天才上任,大家先發覺原來無人能夠指揮駕馭依副老爺車,加上因莫天才唔夠班鎮壓大牌而引發內訌,結果還沒來得及改革,莫天才已經下台,系統老化的問題不但未有改善,更加開始因群龍無首,而出現秩序混亂,傑斯臨尾幾場當替工主帥,正係依種問題惡化的表現。

到改由雲方丈掌舵,第一句對曼聯的評價,就是it's broken,當時人們還以為指的是人腳班底,但其實雲方丈可能已經意識到球隊指揮系統運作有問題,所以需要進行改革。方丈亦確實大刀闊斧拆曬原有體系,但拆容易,重建難,方丈又係一個短命主帥,又是拆完還沒來得及重建,雲方丈又玩完。曼聯原本已經殘破的運作秩序就更加七零八落。

繼任既摩佬雄心萬丈地接過紅魔帥印,但其實曼聯當時運作系統已經嚴重支離破碎,而摩佬本身長於短時間內發揮系統極限,要逐步建立運作體系非其強項,所以能夠兩年內衝到第二,可能正如摩佬自己所講,對住曼聯依部老爺車,佢已經盡做。

結果去到今時今日,Ole打正老費路線重新出發,即使用回原有老費嫡系管理班底,但經過長時間大規模破壞拆卸,要重整又談何容易,所以仍然出現吊足幾年,走位配合有幾難的基本老問題。

而事實上如果球隊沒有一套長期完善由青年軍開始統一指揮建立的運作及戰術理念教育,一時三刻又真係未必能夠令球員建立一套運作熟練的方針。

其實到依一刻曼聯的問題,既有舊有問題累積,亦有近年產生的問題,兩者交叉感染,又產生更多問題,要改善,除了逐步由基礎重新建立,別無他法。

但總有人認為只要換掉某某就可以即時改變,如果真係換人就可行,當年曼聯就唔使由畢士比老爵爺退休,尋找多年,才等到費格遜的出現,再花六年時間衝冠;同樣利物浦亦唔使由上世紀,等足三十年先遇到高主教,仲要再花四年時間才有機會貼近冠軍。

不願付出,只問收鑊,世界上沒有如此便宜的事。

就拿軍醫問題舉例,既然大家都明知軍醫有問題,為何不改革?但我想問一下,如果你係管理者,你又如何去肯定新來的軍醫靠得住?信口碑?睇履歷表?還是要觀察應聘者一段時間?

單係請人一環,你已經唔肯定係咪一定搵啱人,一些看似簡單細微的運作,若真正由你抉擇拍板,你就明白做一個決定唔難,做一個對的決定就很難。

[ 本帖最後由 世民兄 於 2020-2-18 04:30 PM 編輯 ]

回覆 引用 TOP

引用:
原帖由 bmwwmb 於 2020-2-18 11:06 AM 發表
依家係即食年代,一個轉會窗如果無明顯進步,已經嘈。但大家唔知其實入面 腐爛不勘,需要好耐時間去執


球迷就梗係乜都可以講得出,買齊邊個邊個,再搵幾個夠卡士既教練,咁咪得囉!

哦,買完返黎唔使教既?真係就咁叫佢地自己落場就識走位?咁平時教佢地走位,佢訓練時好地地,一出到場係唔知點解又走樣,咁你係教練又可以點做?

你R爆頭都諗唔明問題出係邊,可能你問球員佢自己都唔知點解會係咁,咁係咪就再換過另一位教練又一定Ok呢?之前已經換左三個,球員亦換左幾批,都係咁喎,又點解釋?

講就更係天下無敵,到你真係落場又係另一回事。

回覆 引用 TOP

世民兄講嘅嘢,我好耐之前喺 uwants 已經講過,所以大致係同意。重建係需要時間,但重建條路岩唔岩,係另一件事。球會有冇野心,係另一件更加基本的事。而呢個野心,係賺錢丫,定係發展體育,又係另一件事 -- 我諗,都好多人甚至局內人指出過曼聯個問題,唔洗重複。

個問題拖到今日,你都睇唔到球會個決心。繼續用商人思維去搞球會,呢度補下洞,嗰度執靚下,但都係問題多多,咁就算比你等到第二個費格遜,都好可能只係浪費左佢。等得耐,有時候係有原因。

好似世民兄舉軍醫個例子,下個請返來岩唔岩,唔緊要。重點係你有冇能力發現個問題出係邊,係個系統要 upgrade?係個團隊有問題?定係訓練出錯?如果搵唔到問題,有冇決心成個系統改革?冇企業係冇問題,冇公司係唔會做錯決定,問題係你個管理思維。

我唔介意曼迷佛系付出耐心靜靜咁等,但同時間有一些球迷係有的放矢,唔等於佢地唔願意等唔明白個難處,亦唔係不願付出只問收鑊。係因為作為球迷,根本冇野可以做到,惟有屌管理層。佢地只係唔想付出嘅時間比管理層浪費左。

學球迷話齋,輸贏其次,最緊要打場好波。

回覆 引用 TOP

引用:
原帖由 huskycss 於 2020-2-18 05:12 PM 發表
世民兄講嘅嘢,我好耐之前喺 uwants 已經講過,所以大致係同意。重建係需要時間,但重建條路岩唔岩,係另一件事。球會有冇野心,係另一件更加基本的事。而呢個野心,係賺錢丫,定係發展體育,又係另一件事 -- 我諗,都好多人甚至局內人指 ...


所以我亦係經常提及作為球迷,係球隊處於低潮時,最重要係調節自己心態。

世上是沒有長盛不衰的皇朝,亦沒有永遠不敗之師,三十年河東,三十年河西係必然的大自然定律。

如何在逆境當中,保持心境平靜,耐心守候光明重臨,是放之任何時候做人做事都合適的態度。

與其怨天由人,令自己心態難以平復,其實只係同自己過唔去,根本就沒有任何益處。

靜觀其變,勝不驕,敗亦不餒,才是中庸之道。




回覆 引用 TOP

如果覺得破左好多什麼恥辱紀錄就令閣下都好有恥辱感!  我建議閣下轉去支持其他球隊!  我鐘意左曼聯咁多年,睇住佢好多次高低潮!  當年費sir1986年接手咪一樣都係差d被炒,雲格初到英國時,費sir點樣講嘢?  提拔七小福時,都有其他領隊話唔可以用青年軍攞英超!  最後所有結果如何?  當然現今唔可以同以前比,但我想講!  需要咁快為sob下定論?  有好多場波明顯係球員問題多過sob,輸比利記第二球,我又唔覺有幾核突喎!  一個人大病完都要時間復原啦,咪有得利記今季威囉!  都威左咁多年,個獎杯柜仲有無位呀!  我相信五年內會復甦......

回覆 引用 TOP

[隱藏]
支持曼聯又唔代表要盲撐soc的 正如愛香港就要愛林鄭?凡事都唔可以以套餐形式對代既 利申:對soc冇偏見 季尾成績及球隊打法進步與否再論成敗

[ 本帖最後由 簡傑碧朗 於 2020-2-19 12:43 PM 編輯 ]

回覆 引用 TOP



伸延閱讀
[按此隱藏 Google 建議的相符內容]
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!