Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊
追帖 打印

[吹水] 支持香港前線醫護人員罷工❤️



[隱藏]
引用:
原帖由 patrickng6622 於 2020-2-14 10:31 PM 發表

有高見就坐咗中聯辦啦。

大家都係普通市民,政府係癈,市民係咪應該要賤?

首先,普通市民好好地諗下,而家嘅抗爭方式有冇收到預期嘅效果,一話係反效果居多?如果要繼續抗爭,請收起無謂嘅暴力同無謂嘅衝突。平心靜氣,一百萬二百 ...


所以我一早表明唔想將罷工同逃犯條例拉埋來講, 因為我都覺得逃犯/送中有小小變質或變得極端, 可能我係黃, 係送中問題上我覺得政府要付上最大責任, 因為佢地真係縱容警察做咗好多唔應該既嘢, 可能因為我係和理非, 所以有啲過激既行為我係唔會認同.... 好似越講越遠了, 講返罷工, 好多嘢唔試過係唔知結果, 而且醫護去到尾都無過激既行為, 都肯返回工作崗位, 而且仲好有可能會俾秋後算帳.....不過現在可能因為政府既不作為, 可能會蘊釀緊第二輪罷工啫.

唔知算唔算題外話, 正如坊間有一個論點, 選擇題要全錯只不過比全對易小小, 我個人覺得政府係防疫抗炎方面一係唔做, 肯做就做得唔好, 真係唔識其實可以抄澳門做法, 所以政府真係廢還是專登, 我諗大家心裡有數...

[ 本帖最後由 viclo0301 於 2020-2-15 12:16 AM 編輯 ]

回覆 引用 TOP

引用:
原帖由 ausping 於 2020-2-15 08:09 AM 發表
醫護的天職係?


元始人, 謝謝你呀😆

一定要照顧病人, 甚至付出自己生命? 在没有犠牲前, 點都唔好出聲, 甚至有犠牲都唔可退縮?

咁政府的天職係?

回覆 引用 TOP

引用:
原帖由 samchu1036 於 2020-2-15 12:49 AM 發表


所以我都話政府又廢做野又慢 林鄭好似唔睇新聞咁 次次等到情況不穩先後知後覺

但我話唔好拉埋政府黎講唔係講因果 而係好多人一直將政府既錯當成醫護罷工正義化 政府唔做野所以醫護罷工係正確?即係非對即錯?

點 ...


咁你答我, 如果政府做嘢到位或回應訴求, 咁醫護會唔會罷工先. 所以唔係正唔正義化罷工行為, 係佢地真係想用罷工迫政府做正確合適既防疫工作(無論為自己, 為病人和普通香港市民.  再講, 正正因為政府唔回應, 現在疫情已經逐步走向醫護預視最壞情況, 政府遲遲唔肯封關和兒戲到爆既健康申報(連大陸都串我地政府on9), 導致可能有大量患者係市區活動(開始有找不到源頭既患者), 不知所謂既隔離政策 (今天cctvb新聞報導說有隔離者私自離開自我隔離點去醫院專科求醫, 但隱瞞自己既狀況), 唔好講因為疫症所受影響既服務, 當其他/一般病人可以到醫院接受治療, 但如果他們一不小心受到啲咁既死仆街感染, 再回家感染家人或其他人, 咁疫症就係散播開去, 到最後就會社區爆發(你咪話我危言聳聽, 我都唔想發生).... 可能係其他地方唔應該非對即錯, 但企係防疫抗炎, 講緊有關影響全港700萬人生活/生命, 係應該宜嚴不宜鬆, 真係可講非對即錯(而且政府唔係做得唔好, 係真係做錯咗).

我諗你真係高估咗香港人道德同低估咗我們的奴性了, 連自已要爭取既訴求都唔肯去罷工, 你叫我地要醫護唔罷工然後去叫其他人去罷工? 你唔係諗多咗就係飲大咗啦, 加上真係有人為醫護去罷工, 醫護唔罷, 我可以好肯定咁講一定有人話醫護可恥, 連自己都唔夠胆罷工郤煽動其他人罷工, 以病人生命去威脅其他人來滿足自己既訴求, 諸如此類啦, 你又信唔信?

你係上一個post 都話支持封關, 又建議人地去罷工醫護唔好去. 你可以屌我鍵盤戰士(咁事實上我都係), 我係撐醫護罷工但我就唔敢去罷工啦, 你呢?




回覆 引用 TOP

回ksskkkr

其實唔同時空唔係偷換概念, 係純粹串你淨係活在自己世界啫...

唔怕坦白同你講其實好多時你講乜我堅唔明, 我比喻中既"元帥"係政府, "士兵"係醫護, "外敵"係肺炎, 咁你啲比喻又代表啲咩? 我知汪精徫係漢奸, 咁係抗炎佢代表....醫護? 林鄭? 肺炎? 市民?

你講歷史, 我記得當時教我歷史果阿sir話如果蔣介石唔係堅持一定要打低共產黨, 一開始就聯共抗日, 可能連南京大屠殺都阻止到, 不過共產黨應該翻唔到盤囉. (我知假設性問題没有假設性答案, 再講你都可以講你抗唔抗日都唔緊要, 最尾都係靠美帝兩粒原子彈搞掂日本仔), 但點解你好似講到老蔣無責任咁, 就係因為佢不抵抗政策所以才助長日本仔既氣氮喎, 佢同汪精衛都係五十步同一百步既分別啫...(因為真係放低書包太耐, 如有錯誤, 謝指正)

係度麻煩你講邊位網友駁倒我"恐佈份子邏輯"? 佢地同我討論都覺得政府係應該封關, 只不過唔認同醫護以罷工作脅逼啫, 我想大部份港人都認同訴求(我諗在港既內地人都認同, 如果唔係佢地唔洗狗衝來香港啦), 只不過係手法問題啫, 但我想政府既責任真係難辭其疚, 罄竹難書. 再講你美帝生化戰理論, 可能要唔知等幾多年再有特工去爆美帝大獲, 但現階段我真係睇唔到, 或你講下有幾多網友支持你既講法(麻煩唔好再貼你啲文宣刷存在感)

唔計隔離中心定址係民居附近既示威活動, 有關送中示威活動已平息不少. 我們普遍市民都等緊政府做場好戲來挽回民心, 但得到啲咩呀? 我諗你應該唔係學生, 大家出來做事都好怕外行對自己(內行)係度指指點點, 你咩都唔知就話醫護唔應該罷工, 唔係站在道德高地去指摘人係咩? 好似我剛剛回覆 samchu1036的留言, 現在疫情越來越向壞情況發展(係度不再論述了, 希望係我杞人憂天啦), 不就顯示了醫護訴求是先見明? 而且我全完睇唔到你所講既圍堵, 反而睇到政府一係唔做, 做就做得唔湯唔水啫 (其他網友都插政府廢, 你見唔見?). 一係你唔好空口講有人圍堵, 不如講實例講出啲人點圍堵, 好唔好?

"我話在過關前隔離,即是將香港人當做內地同胞一樣來隔離,等到查核他真的是香港居民及他在大陸到過的地方才放他過關去在香港自己隔離等等" 都係唔理解, 現在香港封淨三個關, 如果係經機場同港珠澳大橋來/反港, 入境處或海關(我想應該係佢地負責), 好簡單問是否從內地到港, 如果答不是就可以不用隔離, 深圳灣就唔洗諗啦, 經深圳灣就一定要隔離啦(不過係自我以自律+突擊抽查去檢測作隔離), 都不分港唔港人....(都係個句, 如不對, 請指正)

講起你條link, 用就用立場新聞張相, 但我係立場揾唔到所貼既社評(可能係我揾唔到啦), 但就揾到以下段嘢

-quote-

衛生署及醫管局今日召開記者會時,被問及使用PPE的標準,為何大廈駐守警員的保護裝備,較進入樓宇接觸病人的醫護人員配備更好防護裝備。醫院管理局總行政經理(病人安全及風險管理)何婉霞解釋,進行不同程序有不同的感染風險,例如在診症室會建議使用外科口罩;分流站建議使用竣目鏡、外科口罩或N95口罩、穿上黃色保護衣及即棄手套。
她續指,若要接觸病人,例如便入隔離營或監測病房,則要使用即棄N95口罩、全面罩、藍色保護衣及即棄手套,「例如插喉、抽痰,呢啲有機會霧化程序,會全套保護衣保護員工。」

對於回應其他警員的裝備問題,她則表示「唔同部門有唔同程序,佢哋(警方)點樣考量風險,呢個可能我就唔知佢哋咩程序,但係我哋程序其實係好標準、有準則。」她補充,警方的程序其實她並不了解,所以較難去評論或批評。

-unquote-

[url=]https://www.thestandnews.com/politics/武漢肺炎-警-重裝-過醫護-醫管局-唔同部門唔同程序-我哋好有準則/[/url]

真係連衛生署同醫管局都解釋唔到, 真係尷尬到呢....

[ 本帖最後由 viclo0301 於 2020-2-15 01:05 PM 編輯 ]

回覆 引用 TOP

[隱藏]
引用:
原帖由 samchu1036 於 2020-2-15 01:57 PM 發表


我見各國防疫都係逐步收窄入境權 當然有D係一開始就拒入 而我地政府係慢幾拍但都係逐步收窄 我唔知政府有冇考量醫護罷工因素 如果有你支持既醫護係有作用 如果冇咁醫護罷工有咩用?罷工期間病人受到既傷害又點? 所 ...


真係講到我自己都唔知講咗幾多次, 醫護除咗封關之外係仲有其他訴求, 唔講保障自己既裝備同設施, 嚴肅跟進應隔離人士呢? 而且我唔係諗住去說服你, 我都曾經有留言講過, 其實每個人有自己立場, 大家睇嘢既出發點都唔同, 你唔支持其實係好正常, 因為真係可能影響咗你或你身邊既人. 但我點都覺得佢地賭上前途去所提出既訴求點都唔應該俾人狠插, 更君唔好講用逃兵, 黑醫護等去攻擊(唔係話你)? 我唔係想合理化或正義化佢地罷工行為, 但我想我地攻擊既對象唔係應該是政府嗎? 政府唔止一步錯, 簡直去到步步錯, 抗疫已經唔敢旨意佢, 叫佢做啲利民舒困既措施, 不論建制/泛民都要求全民派錢, 咁最後呢? 除咗受疫症影響既飲食/零售的老板之外, 一向受緊政府既福利既人就能享有更加多既福利, 我地哩啲一向都無既就繼續食自己. 所以我都有話過佢地要係無腦, 懶得諗或諗唔到既就抄澳門啦, 你睇下澳門雖然無封關但做得有幾好, 直頭嬴盡掌聲啦. 題外話, 澳門連主要經濟命脈賭場都敢叫停, 我地有行會成員公開話考慮要停戲院, 卡拉ok等娯樂設施, 林鄭大巴大巴咁星落去話唔會....

其實你都知口係生係人地度, 加上欲加之罪可患無辭, 你唔會咁講, 但實有人講. 而且以我所知香港人既奴性(包括我自己), 邊有咁易去叫人去罷工呀, 唔知你有無睇, 我同k先生既討論, 佢到現在都係講話黃屍黑暴搞到政府防疫搞到咁失敗, 講地產霸權搞到政府買唔到口罩等等...還是你係認同佢講既嘢? (我真心想知)

最尾, 其實都係自己on9, 自己明白你有你立場, 我有我想法, 我又無諗住去改變你, 但見你回, 我又忍唔住覆, 所以你有一樣嘢我係認同既, "就係咁啦"

回覆 引用 TOP

回ksskkkr

其實我上一個post 已經無講唔同時空了, 你唔好係度見我用就係咁話人偷換概念.



其實你真係知唔知自己講咩喎, 你一邊接受我話蔣介石"不抵抗政策"要趕絕共產黨, 係張學良扣押蔣介石去脅迫蔣介石聯共抗日, 但又講"但蔣介石好歹也肯在政治方面做下少少嘢來給予真正實牙實齒地抗日的共產黨一個在政治上的立足之地讓反法西斯抗爭更加有效"你思覺失調呀? 食藥未? 而且林鄭幾時有搞大和解呀? 就係係灣仔同市民對話, 俾人插到暈之後都無再搞個次?



貴圈既睇法同普世既睇法唔同都唔係第一次, 唔知你仲記唔記得有一個post 我同你講個文革, 六四和低端人口, 你都話文革係中央打貪, 六四無死人係顏色革命, 驅趕北京低端人口係中國人俾資本主意教壞, 所以你話日本二戰投降唔關美國事我真係見怪不怪了(sorry, 離題了)



我終於明白你講恐佈分子邏輯係咩了(唔該晒), 你講醫護以罷工既手法勉強都講得通, 但我覺得係要講動機的, 就好似張學良扣押蔣介石本身係錯的, 但佢扣押既目的要聯共抗日, 唔通你話佢錯? 佢應該任由蔣介趕絕共產黨, 而對日本既侵略不作抵抗? 咁你熱愛既共產黨就GG了, 而且你用既例子我亦唔認同, 交通黑點要死, 正常都是死唔依規則果個. 但係抗疫上, 政府既政策係會影響全港市民既生活同生命, 所以唔可以混為一談. 所以其他人唔支持都醫護罷工但都理解佢地既訴求.



"搵返封關的事來做例,如果政府真的全方位認真封關,就連香港居民都在過關前勒令扣查以防他其實是講大話的內地人,這種真的如你們所願能夠"減少源頭感染機會"的做法,"如果認真封關, 只準本地居民回居, 回港後隔離14天是否確診, 真係咁難明同咁難做? 你有無身份證? 回鄉咭? 你覺得入境處唔識分? 人地用電腦按兩嘢你咩資料都睇到啦, 點解你覺得要分是否香港人咁難? (你有身份證, 人地過機又有你資料, 咁抵比你過啦, 但咁勁點解唔去歐洲或美國?)而且事實上香港封淨三個關, 都講明咩情況下要隔離, 你仲有咩唔明? 現在林鄭都講封關無意思啦, (即係有意思時唔做, 現在做都無意思啦) 要講隔離, 不過我地既隔離政策做得on9同兒戲啫(有幾on9同兒戲, 真係唔想再講了).



事實上, 你口中既泛民政棍, 毒媒等, 係政府要防疫抗炎有阻撓嗎? 而且已林鄭"好打得"獨斷獨行既作風, 有人可以阻到佢咩, 行會成員林正財公開表明: 強制檢疫靠自律無用 政府可再出招關閉戲院, 但林鄭點回應? 咪大巴大巴咁車落去話唔會考慮囉. 好似剛剛既"利民舒困"措施, 各方既共識(建制/泛民, 起碼大部份香港人, 我無講全港呀, 起碼林鄭唔係咁諗啦) 係全民派錢(唔通你唔想?), 但最後除咗受指定受疫症影響行業既老板同員工之外(我做貨運代理, 我都受影響, 但政府唔理我地啫), 然後就是一向享受緊政府既福利既人能享有更加多福利, 我地哩啲一向都無既就繼續食自己. 除咗中央, 我真係諗唔到仲有邊個可以影響到林鄭. 所以唔好咩都話有外國勢力, 如果自己做得好, 施政得宜, 邊有人想亂? 再講你估中央無資助/無揾人去搞美國? 係佢搞唔到啫, 陰謀詭計係唔分人種.



你講美帝生化戰, 我無絕對咁話無可能呀, 但如果係點解中國唔譴責美國? 點解中央要禁止人食野味? 你講什麼什麽, 咩黃種人, 白種人, 基因我真係唔懂, 但中國人衛生方面真係強差人意, 唔好講內地, 香港教育水平都算高啦, 你睇下我地啲公廁, 諗起都想嘔啦.



講咗咁耐我真係覺得要停, 特別係你, 你認唔認同, 支唔支持對我來講真係一點都不重要, 而且我要講既都講晒, 甚至不斷重復, 係我自己犯賤見你講我忍唔住覆. 而且你講的好多都無事實根據, 大部份都係你自己穿鑿附會. 所以我唔再覆你了. 最後一句, 小心身體, 如果未睇醫生就快啲去睇, 睇咗記得準時食藥, 唔好放棄治療. 共勉之啦.

回覆 引用 TOP



伸延閱讀
[按此隱藏 Google 建議的相符內容]
 21 12
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!