Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊
追帖 打印

[吹水] 支持香港前線醫護人員罷工❤️



[隱藏]
good point

回覆 引用 TOP

回viclo0301

話班黑醫護疫前罷工是"撥亂反正"的才是偷換概念

拿你那個"元帥坐擁資源但又不提供足夠裝備重要大開中門叫敵人進入但又毫無對策"一句來看抗戰時代,沒錯蔣介石是獨攬了資源而不發派給下面班佔國軍大部份的雜牌兵,更畀人睇到佢係如何從918拱手讓出東北予日寇到77之後面對日寇時的一路走佬,但肉食者鄙的他起碼也沒有學汪精衛咁通蕃賣國,所以連跟蔣介石有血海深仇的共產黨也願意跟他槍口對外共同抗日。
那麼若這個時候有班國軍雜牌兵學你口中班黑醫護咁"有自己思想"地"訴求"咁,又話要求更好武器裝備更高人工待遇,又要國民政府聲明禁止一切從東北向南下的人士來"從源頭減少日寇漢奸進入",不然就罷戰,你會點睇?
至於疫前罷工黑醫護話"如社區爆發會重回崗位",跟國軍雜牌兵日寇攻來時敵前罷戰,等到日寇攻陷了城鎮來殺人放火、姦淫虜掠時才"重回崗位"冇分別。

而我係講緊如果要如你所願封關得冇咁兒戲的話就得在過關之前便將香港居民隔離,你卻當咗係講過關之後才隔離
另外所謂的"警察衛生防疫裝備會比醫護好",咪又係單憑一兩幅相的看圖作文

話說現在香港已經間屋水浸緊、個仔發緊高燒咩?
跟內地的情況比起上來,香港只不過是水浸到前園、個仔有少少唔舒服的程度喳

還有,若果到了2020年2月13日,你仍未認識清楚在這種時候也要追求降低成本的資本橫行嘅香港這個大市場體制下便會搞到官員做咁多怪誕嘢的話,咁就不得不懷疑你多年來是將香港看成何等的時間/空間/地域

回覆 引用 TOP

引用:
原帖由 viclo0301 於 2020-2-13 02:37 PM 發表
回覆 72#  samchu1036 的帖子

咁點解你又唔諗下政府在罷工點解唔回應? 醫護要求人工同林鄭睇齊? 要好似高官咁唔洗做, 以考察為名旅遊為實?

你講癌症病人做化療係受到影響, 但你有無諗過如果醫護唔罷工, 林鄭繼續 ...

你以一個有機會發生既野黎駁宜家已經發生既野都幾得意 宜家局部封關你覺得係醫護罷工促成?想太多了  現任政府係廢同慢但唔係傻

裝備真係度度都缺 你叫政府賣身都冇用啦 成日攞出黎講有用咩?




回覆 引用 TOP

情人節最強閃光彈
mobile_1.jpg

回覆 引用 TOP

[隱藏]
引用:
原帖由 sixshotz 於 2020-2-13 02:46 PM 發表
好簡單, 叫samchu1036 入去做7日. 佢某大愛!
成日話膽心!  我都自私.

原來你一直係用我講野 你唔引用我真係唔知你講緊野

冇人要求真係要大愛無私 但你睇班醫護講到好似隨時會死咁而罷工 情況到宜家有咁誇張?有醫護因肺炎而死?

隨隨便便放棄病人 遺背自己讀過既宣言 你覺得OK接受到我都冇野講

點解唔擔心 我屋企都有長期病患者要定期到醫院覆診

人係自私既 醫院都未爆發疫病就一堆自私既玩罷工

叫我代替入去做7日 反諗下點解你地唔代替醫護罷工

[ 本帖最後由 samchu1036 於 2020-2-14 03:06 PM 編輯 ]

回覆 引用 TOP

回ksskkkr

我既時空既歷史係蔣介石唔肯放過共產黨, 係張學良綁架蔣介石要共同抗日(西安事變, 如果不是謝指正), 所以我同你真係好有可能相處唔同時空.

其實你由頭尾攞打仗同抗疫去比本身係有問題, 不過我係跟住你既邏輯去講. 而且講來講去, 醫護既訴求本身不是過態嘢, 係合情合理, 完全没有提及人工和過人福利, 係政府唔理醫護訴求啫. 講返你用我個比喻, 我反而覺得係, 敵軍未到前罷工訴求, 到兵臨城下亦會奮勇一戰. 而且你唔係醫護, 企係道德高地去指摘人就梗係勁架, 如果你有要求人咁既英勇而你又咁愛國, 點解唔上內地抗疫呀, 幾時出發? 好讓我去送你一程呀.

大哥點叫過關前隔離? 係大陸隔離? 咁佢隔離完經大陸返香港, 香港海關又要佢返大陸隔離, 無限loop? 而且現在事實上係過咗關係香港隔離(不過係兒戲到核爆, 有傳有隔離人仕離開隔離點, 自己去求醫, 但又要隱瞞), 所以又一次証明我地係唔同時空啦.

唉...古語有云"有圖有真相", 咁你堅持話人地看圖作文, 咁我點同你"討論"落去? 你永遠抱著我唔聽, 我唔理, 我一定啱, 難聽啲講咁你同自己打飛機有咩分別?

其實大家都係打比喻啫, 好多其他地方/國家捐物資係事實, 香港唔夠口罩, 普通市民瘋撲口罩亦都係事實(不過你都可以繼續話我地係看圖作文, 根本唔係事實), 不過亦都可能係時空既錯, 你身處既香港現在市民都安居樂業, 淨係中國水深火熱. (但你又會知我地哩邊有醫護罷工咁神奇)

聽你咁講淨係香港係行資本主義, 其他台灣/澳門/新加坡唔係共產就帝制, 唔係點解人地政府做到係我地政府做唔到? 仲要唔好講香港政府咁多儲備, 現在咁既環境都仲要玩價低者得, 唔通真係只用來做大白象工程來利益輸送?

[ 本帖最後由 viclo0301 於 2020-2-14 10:55 PM 編輯 ]

回覆 引用 TOP

我見好多人都支持,雖然未必100%,但好大成數都支持
https://www.youtube.com/watch?v=33knenw82o8

回覆 引用 TOP

引用:
原帖由 samchu1036 於 2020-2-14 02:53 PM 發表


你以一個有機會發生既野黎駁宜家已經發生既野都幾得意 宜家局部封關你覺得係醫護罷工促成?想太多了  現任政府係廢同慢但唔係傻

裝備真係度度都缺 你叫政府賣身都冇用啦 成日攞出黎講有用咩? ...


係, 你絕對有權話我諗多咗, 甚至可以話其實一早政府想封關, 係最衰班醫護以罷工作脅, 所以林鄭才遲遲都唔封關和逐步封關(大家都知林鄭唔衰得+包"咬"頸). 但你話我 "以一個有機會發生既野黎駁宜家已經發生既野都幾得意" 你有無諗過其實醫護們一早已經預見到呢? 我可能講得比較極端, 但現在無醫護罷工啦, 不過因疫情問題, 醫院好多非緊急服務都受影響(sorry我真係唔知化療是否有影響), 如果當初政府肯回應醫護訴求, 再甚至好似澳門咁果斷, 你話會唔會更好?

裝備, 係現在度度都缺, 但現在中學自己揾到口罩派俾弱勢社群, 連杜文澤都揾到(唔好講什麼萬寧/屈臣士啲大集團), 但點解偏偏係政府揾唔到(你唔係話杜文澤有錢過政府呀, 定係又外國勢力呀), 係真係揾唔到定扮揾唔到? 大家心中有數啦.




回覆 引用 TOP

引用:
原帖由 samchu1036 於 2020-2-14 03:04 PM 發表

原來你一直係用我講野 你唔引用我真係唔知你講緊野
冇人要求真係要大愛無私 但你睇班醫護講到好似隨時會死咁而罷工 情況到宜家有咁誇張?有醫護因肺炎而死?
隨隨便便放棄病人 遺背自己讀過既宣言 你覺得OK接受到 ...




根據你咁講,醫護一日無人死都唔可以罷工? 我地唔係醫護,我唔知實際情況有幾惡劣。裝備唔再講,但今日先有報導屯門醫院設施有幾惡劣,要隔離既病人(不論內地人和香港人)質素有幾仆街你應該知道,而且無疫症既情況下,公營醫療爆煲係大家都知道,所以根本就係醫護有先見知明。



你有家人受到影響我都覺得很難過(我屋企人都有長期病患,但佢地都體諒同支持),如果受影響既係我或我家人,我都會唔高興,但醫護罷工既初衷都係保護自己,保護病人和香港市民,希望你能諒解。

回覆 引用 TOP

[隱藏]
引用:
原帖由 viclo0301 於 2020-2-14 05:19 PM 發表


係, 你絕對有權話我諗多咗, 甚至可以話其實一早政府想封關, 係最衰班醫護以罷工作脅, 所以林鄭才遲遲都唔封關和逐步封關(大家都知林鄭唔衰得+包"咬"頸). 但你話我 "以一個有機會發生既野黎駁宜家已經發生既野都幾 ...

我係支持封關 但唔支持醫護罷工

如果醫護一早有預見 咁有冇預見佢地罷工會令到病人死亡 前幾日先見到新聞話9X歲阿伯係病床摔到頭搶救不治 家屬懷疑病房因罷工事件令到人手不足 看護不及 會查明情況之後告罷工醫護

如果醫護有預見 點解唔聰明D聯署簽名 再叫支持醫護既人罷工幫醫護向政府要求封關而醫護繼續緊守崗位

回覆 引用 TOP

引用:
原帖由 viclo0301 於 2020-2-14 07:07 PM 發表




根據你咁講,醫護一日無人死都唔可以罷工? 我地唔係醫護,我唔知實際情況有幾惡劣。裝備唔再講,但今日先有報導屯門醫院設施有幾惡劣,要隔離既病人(不論內地人和香港人)質素有幾仆街你應該知道,而且無疫症既情況下,公營醫 ...

本身罷工就係極端行為  你自己都識講公營醫療爆煲 再有幾千人罷工一星期?

但醫護罷工既初衷都係保護自己,保護病人和香港市民,希望你能諒解

醫護罷工保護自己我信 都罷工將病人當作談判籌碼 仲點保護病人和香港市民  真係以為自己救港英雄?嘥氣

回覆 引用 TOP

引用:
原帖由 viclo0301 於 2020-2-14 07:07 PM 發表




根據你咁講,醫護一日無人死都唔可以罷工? 我地唔係醫護,我唔知實際情況有幾惡劣。裝備唔再講,但今日先有報導屯門醫院設施有幾惡劣,要隔離既病人(不論內地人和香港人)質素有幾仆街你應該知道,而且無疫症既情況下,公營醫 ...
你呢一番說話,同光復香港有咩分別?

先破壞已後冇建設,久而久之,咪又係一班為破壞而破壞嘅垃圾。政府係扒街,佢哋咪杏家剷囉。唔好講到咁大人大義先得㗎。

回覆 引用 TOP

封關先可暫緩疫情



回覆 引用 TOP

引用:
原帖由 samchu1036 於 2020-2-14 08:06 PM 發表

我係支持封關 但唔支持醫護罷工
如果醫護一早有預見 咁有冇預見佢地罷工會令到病人死亡 前幾日先見到新聞話9X歲阿伯係病床摔到頭搶救不治 家屬懷疑病房因罷工事件令到人手不足 看護不及 會查明情況之後告罷工醫護 ...




我唔知你講係幾多日前,可能不幸既事正正係罷工日子發生,但係咪無罷工就無意外?再講我個人覺得無可能醫護無同醫管局反映就罷工,而且佢由組織工會到真係罷工搞咗幾多日?醫管局同政府有咩回應?回應佢地既訴求真係咁難?甚至連傾都唔傾?

回覆 引用 TOP

[隱藏]
引用:
原帖由 samchu1036 於 2020-2-14 08:17 PM 發表

本身罷工就係極端行為  你自己都識講公營醫療爆煲 再有幾千人罷工一星期?
但醫護罷工既初衷都係保護自己,保護病人和香港市民,希望你能諒解
醫護罷工保護自己我信 都罷工將病人當作談判籌碼 仲點保護病人和香港市民 ...




如果係真香港人,我諗大家都知道講極端真係無人夠政府極端。可惜係罷工迫唔到政府就範,佢地最後都係失敗告終。始終佢地保護既方式係從大處著想,佢如果真係能從源頭減少病人和嚴肅跟進懷疑/已確診者,無論對自己,對病人和普通市民都係一種保障,加上如果政府係回應訴求,根本就保罷工哩一回事。

回覆 引用 TOP



伸延閱讀
[按此隱藏 Google 建議的相符內容]
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!