Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊



追帖 打印

[新聞轉貼] 曼聯悶和狼隊 蘇B搞死費南迪斯!



曼聯悶和狼隊 蘇B搞死費南迪斯!

[隱藏]



1月轉會窗以高價入魔嘅波基斯費南迪斯,啱啱加盟就被領隊蘇斯克查委以重任正選登場,披上18號戰衣於奧脫福迎戰狼隊,最終雙方踢成0:0完場。費南迪斯全場多次起腳,上半場禁區外怒轟被門將救出,換邊後主射罰球亦中龍,但都係過唔到客軍門將。呢名葡萄牙國腳上半場以攻中姿態出現,多次嘗試作致命傳送;但下半場竟被領隊蘇斯克查調去踢防中,唔知呢名天價新將會有咩諗法。

費南迪斯剛由士砵亭過檔曼聯,轉會費可達8000萬鎊,魔迷均對呢名新兵寄予厚望;球隊續有保羅普巴同麥湯米尼缺陣下,蘇B亦即刻畀佢打正選。上半場曼聯畀佢踢攻中,左右兩隊配以丹尼爾占士及桑馬達,安達斯彭利拿及費特洛迪古斯就出任雙防中。

狼隊一向惡啃,上半場雙方踢成均勢,主隊最搶眼就係費南迪斯,33分鐘於禁區外25碼窄位勁射,可惜唔中目標,但睇到佢射門慾極強,腳頭亦都頗重。40分鐘曼聯左路發難,狼隊解圍唔遠到禁區頂,費南迪斯於唔多啱步韻下依然射出靚遠射,但被門將接實。費南迪斯初來步到,於前場肯跑肯走肯配合,亦多次嘗試傳出「冒險傳球」,創造力同靈氣絕對冠絕今日曼聯陣容。

但下半場費南迪斯卻同彭利拿調換位置,拉後一格踢防中,呢個並非費南迪斯最佳位置,佢只能於中場做駁腳角色,認真嘥料,加上佢身材較為單薄,好容易被對手扭過。而彭利拿推前後冇腳好波,唔好話起腳,佢仲多次斷纜拖垮曼聯進攻,睇到魔迷擰晒頭。費南迪斯下半場仍有2次射門,其中58分鐘主射罰球彎過人牆中龍,可惜未能入球。除此之外,桑馬達曾於禁區頂轉身左腳抽射柱邊出界,格連活特亦起過1左腳勁射,省中2個狼隊守衞2次折射,但狼隊門將依然翻身接實。完場前最後一擊,後備入替嘅達洛治近門頭槌亦唔中龍,最終互交白卷,曼聯近3場聯賽僅得1分,對爭前4造成打擊。

回覆 引用 TOP

曼聯鋒線毒瘤 入波變解圍

曼聯名宿加利尼維利早前講過,引入波基斯費南迪斯,絕不能即時解決球隊進攻問題,因為中前場問題千瘡百孔,紅魔鬼仲有排執。今輪曼聯主場鬥狼隊,又再次顆粒無收,失去拉舒福特、要安東尼馬迪爾打正前可謂得啖笑。呢名法國鋒將全場冇腳好波,踢踢吓自然拉邊令禁區周時冇人,下半場佢更無啦啦踢走個波、搞到踏順步韻準備抽爆網嘅桑馬達冇得起腳,難怪曼聯就算畀超貴人工,都要借中超射手恩哈路。

自福仔受傷重創之下,曼聯3場英超1和2負,最大鑊係1球都入唔到。輸畀利物浦冇嘢好講,但主場不敵般尼堅肉酸,今場鬥狼隊鋒線各自為政、進攻雜亂無章,打正箭頭位嘅馬迪爾完全起唔到作用,無論係對住龍門抑或背身攞波都未能造成威脅,而佢周時唔喺禁區,亦令曼聯前場失去目標人物,全場只能靠波基斯費南迪斯同桑馬達禁區外起腳。

馬迪爾下半場愈踢愈沉,可謂形同虛設,77分鐘曼聯難得做到個波去到18碼點,當時桑馬達已經衝緊埋去,如果起到腳極有機會打開紀錄,點知馬迪爾就發緊夢,多腳帶返個波向後,曼聯失分佢「居功至偉」。馬迪爾絕非打正箭頭材料,自己埋門又冇,為隊友鋪橋搭路又欠奉,曼聯球迷只希望恩哈路早日操起狀態落場。一日毒癗馬迪爾打箭頭,紅魔一日冇運行。

回覆 引用 TOP

馬仔除咗第一季表現可說驚艷之外,之後既時間可以話係得啖笑。



回覆 引用 TOP

馬仔真係要放棄,無普巴同福身邊就無晒威脅

仲要咁多點都無進步...

回覆 引用 TOP

[隱藏]
其實咁多年我哋比咗好多藉口去接受馬仔嘅不足 伊巴搶咗佢個9號令佢唔開心
山神搶咗佢個正選令佢唔穩定
結果?



其實馬仔唯一擅長位置就係後備左翼屈體 但個個位,哩一年球王福屈速反而比較實用
馬仔啲所謂盤扭成功率都唔知有冇20%



夏天中鋒同右翼點都要買
我真係睇唔到福馬占哩個組合會有咩大突破

回覆 引用 TOP

心態問題 條友無得救

回覆 引用 TOP

絕對相信馬仔晚晚玩到腳震,個樣好似精盡人亡咁
尋晚馬達拉晒弓準備抽射,無啦啦佢走黎截糊
一個彭球王就1打3,1個馬神就夢遊....

回覆 引用 TOP

提示: 作者被禁止或刪除 內容自動屏蔽,只有管理員可見
引用:
原帖由 無雀腳仔 於 2020-2-2 06:12 PM 發表
其實咁多年我哋比咗好多藉口去接受馬仔嘅不足 伊巴搶咗佢個9號令佢唔開心
山神搶咗佢個正選令佢唔穩定
結果?



其實馬仔唯一擅長位置就係後備左翼屈體 但個個位,哩一年球王福屈速反而比較實用
馬仔啲所謂盤扭成功 ...


我地既偉大領隊話佢個愛將馬屎呀 呢排係因為好疲倦 所以表現得唔好啫 佢話仍然100%信任佢同支持喎

回覆 引用 TOP

波費值得擁有更好

[隱藏]



英超曼聯貴價新兵波基斯費南迪斯完成加盟手續唔夠兩日,尋晚就即刻為「紅魔鬼」首演,仲要踢足全場交出上佳數據。賽後有令人意外一幕發生,「波費」未有保存起佢首次披起嘅曼聯波衫,反而係走去搵狼隊同鄉魯賓尼維斯去交換波衫,仲要即刻着起。賽後唔少網友都搞笑話,「波費」可能頂唔順曼聯太廢,已經準備跳船逃生喎!

雖然未至於係神級數據,而且曼聯仲要係同狼隊互交白卷,但今場交出包括傳送、射門同中框等數據(見下表)都係全隊第一嘅「波費」,仲獲曼聯官網選為今場最佳球員。呢位25歲中場今場瞻前顧後,防守唔錯,仲有威脅射門,睇嚟「紅魔鬼」應該冇入錯貨,但你班隊友配唔配得起人哋先?

最搞笑係,賽後有電視鏡頭追住「波費」,見到佢搵狼隊老友交換波衫,要知道狼隊包括領隊同唔少球員都係葡萄牙藉,如果「波費」過去狼隊,堅可能仲啱踢呀!事後網民瘋狂留言包括:
「波基斯已經想走喇!大部份球員都想留住為新球會首次上陣波衫,但佢除都除唔切。」
「波基斯明顯想跳船,佢已經着起狼隊波衫想扮魯賓尼維斯。」
「波基斯費南迪斯最尾換咗件狼隊波衫,明顯係佢想加盟狼隊啦!」
「波基斯費南迪斯代表曼聯踢一場後,宣布轉投狼隊。」
「波基斯費南迪斯好決斷馬上除低曼聯波衫,然後換上狼隊波衫。這是第一個夜晚。」
「波基斯頂唔順曼聯,所以佢換狼隊波衫着。」

波費首演數據全面睇:88次傳送(全場最多)44次前場傳送(全場最多)5次射門(全場最多)5次攔截(中場球員第3多)3次射中目標(全場最多)

回覆 引用 TOP

「波費」唔係曼聯要嘅10號!




曼聯喺1月份用近7,000萬鎊收購葡萄牙中場波基斯費南迪斯,大家對佢嘅超高入球數字同遠射腳頭印象深刻,認為佢就係曼聯一直渴求嘅「10號」王牌。不過,原來數據真係會呃人,據前士砵亭教練卡路士卡維奴爆料,搵「波費」踢進攻中場係錯誤,踢「8號位」嘅Box to Box先發揮到佢最大威力。

喺09/10球季執教士砵亭嘅卡路士卡維奴,對「波費」嘅冒起一直密切注視,佢就話:「費南迪斯根本唔係10號球員!雖然佢已經進步到可以入波、可以助攻、可以突破防線,但佢仍然係一個Box to Box球員,因為佢閱讀球賽能力好好,可以後場組織同作出長距離傳送,當球隊失去控球,佢可以好快反應咁去搶番,佢最佳位置係8號位。」

近期頻頻傳出曼聯夏天想簽占士麥迪臣、基亞利殊等進攻中場,似乎曼聯亦意識到「波費」長遠發展會係8號位,如果夏天真係簽多個頂級10號,曼聯條中場線都咪話唔得人驚!

回覆 引用 TOP



伸延閱讀
[按此隱藏 Google 建議的相符內容]
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!