Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊



追帖 打印

[新聞轉貼] 曼聯大鑊 馬古尼重傷抖成個月



曼聯大鑊 馬古尼重傷抖成個月

[隱藏]



曼聯8000萬鎊中堅哈利馬古尼上仗對曼城缺陣,結果慘敗1比3,賽後再傳出壞消息,馬古尼臀部肌肉撕裂,將會缺陣1個月,曼聯嚟緊幾場有排捱。

馬古尼於上仗足總盃對狼隊受傷,上場英聯盃4強首回合對曼城已經冇出,依家傳出佢臀部肌肉撕裂要抖成個月,將會錯過多場比賽,包括聯賽對諾域治、足總盃重賽對狼隊、聯賽對利物浦、聯賽對般尼、英聯盃4強次回合對曼城。

馬古尼缺陣之下,曼聯防線可用人腳唔多,嚟緊要繼續起用域陀連迪路夫拍住菲爾鍾斯呢對災難級組合,各位紅魔擁躉要有心理準備。

回覆 引用 TOP

【中後場崩潰】曼聯借人救亡 利物浦偷笑


曼聯剛啱於英聯盃主場1:3輸畀曼城,半場已經輸夠0:3,魔迷睇到擰晒頭。紅魔鬼現時中後場傷兵極多,隊長哈利馬古尼臀部受傷要抖4星期,連菲爾鍾斯都傷埋,依家剩番域陀連迪路夫1個中堅,連埋保羅普巴及麥湯米尼做緊十字軍,下輪英超作客利物浦,陣容天殘地缺。英國傳媒報道,曼聯希望今個轉會窗可以借入後衞應急,反映問題好嚴重。

全球最高身價後衞哈利馬古尼,於早前英足盃對狼隊受傷,雖然領隊蘇斯克查話佢唔算好大傷,但馬古尼證實肌肉撕裂,肯定要抖成個月,曼聯本身條防線已經唔多掂,馬古尼係較為穩陣嘅一個,冇佢領軍令人擔心。另外艾歷拜利、杜安薛比、馬高斯盧祖全部傷晒,連菲爾鍾斯於鬥曼城一戰都受傷,難怪曼聯要借人,同連迪路夫頂住中路防守。

曼聯今輪聯賽鬥完諾域治,之後就要作客死敵利物浦,不單後防中路大開,普巴剛做完手術,肯定錯過對利物浦嘅大戰,而麥湯米尼亦勢必缺陣,曼聯呢次堅讓晒車馬炮,紅魔鬼要接連2循環令利物浦失分難度極高。

回覆 引用 TOP

曼聯天價買馬古尼多得佢哋




曼聯季前用破後防世界紀錄嘅8,000萬鎊轉會費收購哈利馬古尼,唔少球迷都覺得曼聯做咗「水魚」。馬古尼顯然唔係華基爾雲迪積克嗰種「一個救全家」級數,今季表現亦唔算特別突出,不過睇到英聯盃4強對曼城一仗,域陀連迪路夫同菲爾鍾斯嘅災難性演出,球迷應該明白曼聯係焗做呢隻「水魚」。

「表情帝」菲爾鍾斯今季英超只踢過1場,就係上年11月作客錫菲聯,呢場波佢只係踢咗半場就立即被換走。估唔到今場關鍵大戰,菲爾鍾斯要頂替受傷嘅馬古尼再度擔正,結果就畀曼城攻擊球員玩殘,上半場輸嘅第3球,奇雲迪布尼只係輕輕一個假動作,就搞到菲爾鍾斯成個人跣低,目送對手深入腹地令隊友擺烏龍。

長坐正選嘅域陀連迪路夫,今季亦經常有個人失誤,今場冇咗馬古尼喺身邊更加患得患失,馬列斯入第2球就係多得呢位瑞典國腳連環出錯,頭槌解圍頂畀人之後,再作出一次冇準飛鏟,結果畀馬列斯輕鬆單刀射入。

哈利馬古尼在陣期間,曼聯防線雖然唔稱得上係固若金湯,但喺組織性同緊密性方面明顯好好多,比起陣中其他中堅係大大嘅Upgrade,呢8,000萬鎊絕對唔係冇價值。蘇斯克查賽後話馬古尼下場仲未出得,曼聯真係要自求多福。




回覆 引用 TOP

杜安巴比 唔係出得咩

回覆 引用 TOP

[隱藏]
一早話連迪路夫唔掂
要清人 真係輪都未輪到史摩寧

回覆 引用 TOP

屌,依區班磚家話要俾機會條懦夫成長㗎嘛,俾佢搞輸幾場波好少事啫,都未降班

回覆 引用 TOP

引用:
原帖由 tongsmith 於 2020-1-9 04:14 PM 發表
杜安巴比 唔係出得咩


好似傷緊,咁後生又係玻璃人...

回覆 引用 TOP

場場踢足,傷都仲要打足全場,仲唔打柴咩。



回覆 引用 TOP

其实曼联係米中左降头呢?依家就算神级球员嚟到曼联都会慢慢功力全失 慢慢沦为废柴一名 先有374 跟住LKK 跟住马古尼 依家占士、剎卡都开始秩紧watt啦 有乜計呢

回覆 引用 TOP



伸延閱讀
[按此隱藏 Google 建議的相符內容]
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!