Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊



追帖 打印

[新聞轉貼] 魔迷暴怒:蘇帥快點滾 ! 真令人作嘔 !



魔迷暴怒:蘇帥快點滾 ! 真令人作嘔 !

[隱藏]

蘇帥遭到球迷們怒斥

主場 2 - 2 戰平阿士東維拉之後,蘇斯克查(Ole Solskjær)耗盡了曼聯球迷最後的耐性。紅魔的擁躉希望球會能夠盡快的解聘蘇斯克查,聘請普捷天奴(Mauricio Pochettino)成為新任主教練。

在 14 輪比賽過後,曼聯僅拿到了 18 個積分,這是近 31 年來最差的開局。連續兩場戰平英超的升班馬,這令紅魔球迷抓狂了。在社交媒體上,到處都是「 Ole out 」的留言,他們不再信任蘇斯克查。

在曼聯官方 Twitter 下,紅魔球迷炸開了鍋。有球迷寫道:「 對不起蘇帥,但這成績真的絕對不能接受,太令人失望了。」

另一球迷寫道:「 難以置信,曼聯竟然對一名沒有在英超取得過任何成績的教練表示信任,這就是玩火自焚。」

還有球迷寫道:「天呐!33 場比賽僅拿到 7 場勝利,這是曼聯嗎?」

眾多曼聯的球迷希望球會盡快的解僱蘇斯克查,聘請普捷天奴。有球迷說:「 快滾吧,蘇斯克查,快點簽普捷天奴。」

還有球迷留言稱:「 這支曼聯已經令人作嘔,快點搶先簽下普捷天奴吧,他才是帶領曼聯走向復興的正確人選。」

看來,雖然有著曼聯的 DNA,但在糟糕不堪的戰績面前,蘇斯克查也已經失去了大部分曼聯球迷的支持。如果接下來兩場面對熱刺與曼城的比賽,表現仍然沒有起色的話,曼聯高層真的隨時有可能對蘇斯克查動刀。


https://soccer.sina.com.hk/news/210/20191202/10904566/

回覆 引用 TOP

換左咁多主帥,依家曼聯嘅問題,係咪換帥就可以解決呢?我對換帥都15,16,一方面球隊成績真係差,身為主帥責無旁貸,但係令一面睇,球員係咪一心一意去踼球呢?有無全力爭取勝利呢? 其實sob有幾多料,之前大家都應該好清楚,橫掂依家都無咩心水主帥接替,不如就繼續比佢試下,可能有奇蹟呢?

回覆 引用 TOP

我覺得俾蘇B試冇問題,不過就一定冇大牌或超新星會肯嚟。如果普捷天奴上馬,咁就至少有返D號召力。



回覆 引用 TOP

引用:
原帖由 賤兔 於 2019-12-2 05:29 PM 發表
換左咁多主帥,依家曼聯嘅問題,係咪換帥就可以解決呢?我對換帥都15,16,一方面球隊成績真係差,身為主帥責無旁貸,但係令一面睇,球員係咪一心一意去踼球呢?有無全力爭取勝利呢? 其實sob有幾多料,之前大家都應該好清楚,橫掂依家都無咩 ...
試唔係問題,問題係你見到佢有做過咩戰術部署?練波練過啲咩?臨場做過咩調動可以逆轉局面?係無呀。。。。以前椰絲,92或就Daddy踢啲波可能悶可能魚生粥,但sob教嘅組織攻勢仲差過榜尾嗰幾隊

回覆 引用 TOP

[隱藏]
以前我都係「同情教練派」 但摩佬之後我深深明白到
我哋本質上仲係太過追求「明君」
球會系統先係最重要
事實上頂級球隊好少因為教練變動而大走樣



但如果球會個系統有問題
豐富英超經驗嘅椰子
戰術大師V92
勝率拍得住費sir嘅摩佬
曼聯名宿So B
全部都搞唔掂

回覆 引用 TOP

引用:
原帖由 無雀腳仔 於 2019-12-2 07:14 PM 發表 以前我都係「同情教練派」 但摩佬之後我深深明白到
我哋本質上仲係太過追求「明君」
球會系統先係最重要
事實上頂級球隊好少因為教練變動而大走樣



但如果球會個系統有問題
豐富英超經驗嘅椰子
戰術大師V92  ...

講成績,而家去睇摩佬頭2年根本超哂值,但問題係第三年點解大跌watt?
因為摩佬之前已經有所謂第三年魔咒,而忽略曼聯自費Sir退休後,由上而下的氛圍改變先最大問題
阿木完全生意人,就算無論傾新球員或續約舊球員,從續約肥朗可見,係用錢去傾,十萬唔得二十萬,二十萬唔得三十萬,就算同高普傾,都係用曼聯有幾賺錢、市場佔有率有幾大、市場價值有幾高去傾,但就冇多講關於足球嘅嘢,高普因而唔考慮曼聯
所以球會的文化,搞到球員只看重人工、自己的市場價值,只爭取個人表現和利益(馬仔同普巴呢方面好明顯),只要求領隊教練排個有利自己表現的陣式和打法,到問題出現,高層礙於球員已有一定市場價值而唔輕易放走,變成惡性循環,球員只顧自己而唔係整體利益
如果呢個由上而下嘅問題唔解决,點換領隊都冇用
當然,老實講,SoB就真係點都要換

回覆 引用 TOP

由佢放棄LKK 374 爆炸沒有挽留靴里拉 堅持用新人 季初錯判形勢早早就表示已經滿意球隊陣容 搞到依家要人冇人要陣冇陣 對住升班馬冇法贏對歐洲3流球隊仲要輸埋 試問有乜資格帶領曼聯復興 係米要真係要搞到季尾睇佢打互級戰先安樂?

回覆 引用 TOP

換多十個教練又如何?
根本成隊波十一個裡面除了新買果幾個全部出曬問題
成個英超大型球會只有阿仙奴同曼聯真係差到爆炸
基本上接近無得救

[ 本帖最後由 yym4038 於 2019-12-2 10:12 PM 編輯 ]




回覆 引用 TOP

呀木一日仲係而家個位,點換都執唔番正隊波

再者,我覺得屌帥會啱用過普捷天奴,普d調動又係麻麻

回覆 引用 TOP

[隱藏]
反觀車仔,今季同樣由新晉領隊執教,最初也是下台大熱,但就越踢越好;

上場對曼城雖然輸波,但車仔真係踢得好好,控球傳波仲好過曼城,林伯看來教車教得不錯。

回覆 引用 TOP

教練同ceo呢2個位不是共同改變,曼聯應該無限loop

回覆 引用 TOP

最應該走係班高層同班主... 就係呢班人搞到曼聯宜家死水一壇

回覆 引用 TOP

引用:
原帖由 zhangan 於 2019-12-2 08:07 PM 發表

講成績,而家去睇摩佬頭2年根本超哂值,但問題係第三年點解大跌watt?
因為摩佬之前已經有所謂第三年魔咒,而忽略曼聯自費Sir退休後,由上而下的氛圍改變先最大問題
阿木完全生意人,就算無論傾新球員或續約舊球員,從續約肥朗 ...


中哂points




回覆 引用 TOP

引用:
原帖由 Totti888 於 2019-12-3 04:25 AM 發表
反觀車仔,今季同樣由新晉領隊執教,最初也是下台大熱,但就越踢越好;

上場對曼城雖然輸波,但車仔真係踢得好好,控球傳波仲好過曼城,林伯看來教車教得不錯。 ...
車仔班新仔話曬全部都係英冠浸過1-2年
Abraham、Mount 同 Reece 都係主力

曼聯班仔
上星期仲係踢緊U18啊陰公

回覆 引用 TOP

[隱藏]
引用:
原帖由 er9olsen 於 2019-12-2 06:21 PM 發表

試唔係問題,問題係你見到佢有做過咩戰術部署?練波練過啲咩?臨場做過咩調動可以逆轉局面?係無呀。。。。以前椰絲,92或就Daddy踢啲波可能悶可能魚生粥,但sob教嘅組織攻勢仲差過榜尾嗰幾隊 ...


蘇B 真係唔掂咩?

"問題係你見到佢有做過咩戰術部署?"
今季唯一一隊可以令利記失分.....

"練波練過啲咩?"
季初對完車仔之後, 12場只係入咗10球...而最近9場波卻入咗19球.......好明顯有練過進攻啦..

"臨場做過咩調動可以逆轉局面?"
對錫菲聯個場, 蘇B 都盡咗最大努力去逆轉局面啦...最後比人入返球, 點怪都係怪在場D球員先啦..

換過新教練, 佢咪又係要買過晒D人先得, 但問題係而家曼聯無晒吸引力, 跟本爭唔嬴....焗用呢班人, 你又覺得佢地可以做到咩出嚟呀?

[ 本帖最後由 n!cky 於 2019-12-5 06:49 AM 編輯 ]

回覆 引用 TOP



伸延閱讀
[按此隱藏 Google 建議的相符內容]
 27 12
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!