star_platina

打機都有秘技，揾工面試點會冇？


知唔知道第一印象可以令到面試官取錄你？


有冇諗過第一印象可以做出嚟？


知唔知點樣答啲二選一嘅必死問題？





知唔知點樣即時知道面試官覺得你得唔得？



知唔知點樣可以講到面試官笑住叫你嚟second in？



如果以上嘅問題你全部都唔知，你想唔想知？



見工唔成功，想唔想知係衰喺邊度？



如果份工明明你有能力做又好想做，想唔想佢請你？



白金兜巴星第一次免費教你面試技巧，可以提升你嘅取錄機會到百分之九十，仲有百分之十就要睇你份CV寫得好唔好，同埋你係咪有咁嘅料做份工喇。😬

same-same

好啊，請賜教

westleung

剛剛先睇左本書，先知道面試係有環節，好似選香港小姐咁
唔好以為背好左對白，印齊ｃｖ就可以去
原來每一關都要練。。。。。
由自我介紹，去到場景題，假設題，再去到深入既性格分享，故事傾談
樣樣都係有重點，要學點樣引領面試，或者跟進面試
唔好成舊飯咁，諗住有人問野就開口答，死路一條

waterchiman

仲要識優化自己缺點。因為缺點好容易比人放大。要解決對方對您既憂慮。

westleung

引用:

原帖由 waterchiman 於 2019-11-25 10:22 AM 發表
仲要識優化自己缺點。因為缺點好容易比人放大。要解決對方對您既憂慮。

呢個就係成功元素之一
人係貨，人地係客，你點樣令自己出到市場
係對家問你野果陣，你要記得條友問過咩野，有冇背後意思

1.進修唔係唔好，但你時間分配
2.你平時同人溝通年齡範圍係?
3.你最多試過同幾多個組別合作?
4.你究竟係想要咩野工作?

唔好以為答左就得，你見到佢問呢樣野，好多時最後就出大絕
點解我要請你?意思就係要你組織哂之前講既野比個滿意答案佢

就如，我進修係因為學海無涯，強化自己，改善自己，幫助公司
不過時間分配得好，我過往都同好多組別做過野，可能同時間2-3組人
所以我有能力面對工作管理同時間管理

我希望自己可以投身有規模既公司，業務又服務大眾，開自己眼界，學更多野
貴公司就係有包括我想要既理念，希望你地可以請我，謝謝

見工，其實係打動人心，而唔係過份推銷產品
件件一樣，講最尾都係心。。。。。。
最近我就係中招，當有人問左一連串問題，結尾問點解要請你
竟然無組織所有重點，反之講左其他野，講咩野裝備好自己
服從紀律，保持心境，呢樣野只係表面既野

就如女人問你野，你答佢"我愛你"
已經乜都得一樣。。。。

[ 本帖最後由 westleung 於 2019-11-26 11:02 AM 編輯 ]

超級邊緣的P圖

請賜教秘技

waterchiman

最後都係自己執生, 有D人唔鍾意聽您吹水,就算您真係好勁, 態度又唔可以太串.

我遇過有個就淨係吹水, 講下買樓, 興趣。都請左我。

另一份，要做Test, 9成我都係空白既....但我IN個時又解釋到, 又係請左。所以執生，同經驗同您in之前有幾多準備係好重要。至少上網CHECK 下間公司做咩。呢條問題一定會問。

引用:

原帖由 westleung 於 2019-11-26 11:01 AM 發表


呢個就係成功元素之一
人係貨，人地係客，你點樣令自己出到市場
係對家問你野果陣，你要記得條友問過咩野，有冇背後意思

1.進修唔係唔好，但你時間分配
2.你平時同人溝通年齡範圍係?
3.你最多試過同幾多個組別合作?
4.你究 ...

westleung

引用:

原帖由 waterchiman 於 2019-11-27 09:48 AM 發表
最後都係自己執生, 有D人唔鍾意聽您吹水,就算您真係好勁, 態度又唔可以太串.

我遇過有個就淨係吹水, 講下買樓, 興趣。都請左我。

另一份，要做Test, 9成我都係空白既....但我IN個時又解釋到, 又係請左。所以執生，同經 ...

好多人以為面試就係背好左對白，拎齊文件去見，對答問題就得
其實根本錯哂，又要睇人地公司風氣文化，又要睇埋佢理念
跟住又要講到自己係想加入，同公司有一樣既志向
之後佢既問題，又要表面同埋內在
佢想你答內在，你答表面就唔貼題

問你進修方面，你就係咁講自己會，跟住又話強化自己，接受挑戰
但人地其實係想你答，我會根據職位需要，同埋公司方針，作出相關進修
希望自己學到既野用返工作上，幫助公司
咁成句就唔同哂，仲有有時想問你究竟想點發展
係想知道你究竟想唔想投資時間係佢公司，一路爬上去
如果佢聽得出，你只係黎打工，打到咁上下又走，跟本就唔鐘意呢間公司業務
咁又係死，所以面試其實係有答案架，答錯就收工。。。。。

漁民樂

回覆 1#  star_platina 的帖子樓主講來講去都唔講重點

哈囉橙色

仲要識睇人眉頭眼額呀

star_platina

引用:

原帖由 same-same 於 2019-11-24 08:53 PM 發表 好啊，請賜教

睇下想見咩類型嘅工啦，見文職定見工程都有一定嘅要求，CV寫得好臨場表現唔好都冇機會功虧一簣。
寫好CV係自己首要做嘅。臨場表現先係我要教嘅目標。講多少少師兄想見咩類型嘅工，試過見完失敗嘅例子，阿星盡量同你分析下幫你度身訂做計劃😬

star_platina

引用:

原帖由 westleung 於 2019-11-25 10:11 AM 發表 剛剛先睇左本書，先知道面試係有環節，好似選香港小姐咁 唔好以為背好左對白，印齊ｃｖ就可以去 原來每一關都要練。。。。。 由自我介紹，去到場景題，假設題，再去到深入既性格分享，故事傾談 樣樣都係有重點，要學點樣引領面試，或者跟進 ...

師兄有啲領悟咁喎，努力呀😬

star_platina

引用:

原帖由 waterchiman 於 2019-11-25 10:22 AM 發表 仲要識優化自己缺點。因為缺點好容易比人放大。要解決對方對您既憂慮。

完全同意優化缺點呢樣，或者可以考慮下點樣將佢變成優點俾人發現，咁樣效果會更加好😬

star_platina

引用:

原帖由 超級邊緣的P圖 於 2019-11-26 05:47 PM 發表 請賜教秘技

師兄，你想見咩類型嘅工？講啲俾阿星知，睇下點樣幫你設計😬

star_platina

引用:

原帖由 漁民樂 於 2019-12-1 12:33 PM 發表 回覆 1#  star_platina 的帖子樓主講來講去都唔講重點

終於有位師兄留意到阿星講完長篇大論都冇講出重點喇。係呀，其實呢度講哂出嚟又會有幾多人會花心機睇？
免費嘅嘢係唔馨香嘅，收費又唔會個個俾得起錢去學，一般人都諗住有工就見，漁翁撒網見一百幾十份希望中，唔知道自己如果好好準備嘅話一份就即得。
問師兄一個問題：通常見工，面試官叫我地介紹自己，通常會點答？😬