Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊



追帖 打印

[新聞轉貼] 普巴翻版!曼聯2位潛力新星自由身走人



普巴翻版!曼聯2位潛力新星自由身走人

[隱藏]



曼聯領隊蘇斯克查聲稱會重用年輕球員,但陣中2位新星鍾塔西、安祖高美斯卻苦無上陣機會,由於兩人將於明夏約滿,屆時可以自由身離隊,隨時重演2012年7月保羅普巴免轉會費加盟祖雲達斯事件。


下月就20歲嘅鍾塔西司職翼鋒,近2季都有參加曼聯季前集訓,一度被睇好會成為傑斯接班人。呢位荷蘭小將上季英超有2次上陣機會,英足盃亦踢過1場,並喺上屆歐聯16強次回合對巴黎聖日耳門後備披甲,表現備受好評。


不過,鍾塔西今季英超加埋只踢過24分鐘,歐霸盃68分鐘,大部分時間踢預備組,佢早前對米杜士堡,射入2球及1次助攻,踢預備組超晒班,但卻未能佔一隊席位,令佢非常冇癮。


至於19歲中場安祖高美斯今季上陣機會更少,英超只上陣踢咗9分鐘,2場歐霸盃加埋只踢158分鐘。呢位英格蘭新星腳法細膩,往往可以憑個人技術突破對手防線,創造入波機會,曼聯現時正需要呢種中場,可惜佢始終得唔到蘇斯克查信任。


鍾塔西、安祖高美斯只剩下半年合約,可於明年1月開始同其他球會傾加盟問題,就好似保羅普巴2012年1月就同祖雲達斯簽加盟協議一樣。


曼聯並冇優先續約權,而2人都傾向走人,其中荷甲勁旅燕豪芬一直想簽鍾塔西。


普巴免費離隊4年後,曼聯用9000萬鎊收購番佢,成為球壇笑話,如果鍾塔西、安祖高美斯真係走人,將來兩人身價又升至過億鎊,加埋就2億鎊(約20億港元),紅魔鬼再破費買番佢哋,咁就真係笑死人!

回覆 引用 TOP

Gomes 真係太太太細粒
佢要練到好似James 下盤咁穩先得

回覆 引用 TOP

Gomes無乜打唔知,但Chongs 暫時真係上唔到一隊住。。

[ 本帖最後由 n!cky 於 2019-11-11 09:05 AM 編輯 ]




回覆 引用 TOP

傷左出唔到又話無機會

回覆 引用 TOP

[隱藏]
兩個都根本未夠班上一隊,呢個係事實。

回覆 引用 TOP

兩個都唔夠班。。。

回覆 引用 TOP

唔續約係一回事,唔夠班係另一回事。唔夠班又唔外借係咩玩法?

回覆 引用 TOP

都係個句,夠班點會唔用?而家人又唔係夠,蘇B亦明顯想年輕化球隊,但都唔用,總有原因



回覆 引用 TOP

應該外借

回覆 引用 TOP

[隱藏]
鍾太粗枝大葉,高美斯連聰明仔也比不上

回覆 引用 TOP

外借提升是必須!年輕人要吸收多點比較經驗才能快速成長

回覆 引用 TOP

引用:
原帖由 最後武士 於 2019-11-11 02:16 PM 發表
唔續約係一回事,唔夠班係另一回事。唔夠班又唔外借係咩玩法?
唔續咗約先又點外借

回覆 引用 TOP

講真佢地仲後生加上真的未有長期一隊正選的料, 但蘇B上季都用多了佢地, 我1唔覺得是曼聯錯. 當然如果最終免費走人會可惜, 不過真係咁都無計...



回覆 引用 TOP

普巴要派路同維度爾帶住先有機會成長到而家離開左佢地成長左幾多?好似冇成長過仲多埋壞習慣 仲要心態有問題

返番呢2位年輕人 曼聯又有邊幾個帶到佢地成長?要番青訓唔緊要 但最小要有大半隊1線球員壓陣/領隊既能力要好高先可以做到 好明顯呢2樣就係而家曼聯冇既野

摩佬都要敗走既情況下又有幾多有能力有名氣既領隊會選擇曼聯?

回覆 引用 TOP



伸延閱讀
[按此隱藏 Google 建議的相符內容]
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!