Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊



追帖 打印

[新聞轉貼] 數據唔呃你!車仔新星拋甩拉舒福特幾條街



數據唔呃你!車仔新星拋甩拉舒福特幾條街

[隱藏]


效力曼聯嘅英格蘭新星拉舒福特有幾勁,都毋須多講,佢唔止喺球會穩佔正選,就連國家隊都得到重用。不過如果話你知,其實「福仔」實力係唔差,但英格蘭有新人仲勁過佢好多,你又信唔信?數據唔呃你,車路士新星譚美阿巴謙根本勁過「福仔」好多,唔到你唔服呀!

車路士尋晚喺主場以2比0輕取水晶宮,為球隊先拔頭籌就係譚美阿巴謙,呢位同「福仔」一樣22歲嘅射手今季上陣12場已經入咗10球,追平咗「福仔」個人單季英超最多入球紀錄嘅33場10球,即係用少咗21場已經做到個入球數字,嚟緊睇怕都係破硬紀錄啦!


我哋再睇埋著名數據網站《Squawka》嘅資料,原來阿巴謙今場仲造出另外3個紀錄,包括成為今季英超第一個入球到達雙位數嘅U25球員;亦係車路士隊史第2年輕(22歲38日)入球數字雙位數球員,只係僅僅唔及最年輕嘅洛賓(21歲342日);同時仲係繼林柏特之後,第一位入球達雙位數嘅本土球員。

[ 本帖最後由 Totti888 於 2019-11-11 03:53 AM 編輯 ]

回覆 引用 TOP

福仔打正箭頭唔掂姐

阿巴謙打左翼咪一樣做唔到福仔啲野

回覆 引用 TOP

但阿巴謙的確比到球迷一個安心, 起碼佢會令前鋒線有遠景
而睇返曼聯班前鋒... 只有閃一閃... 馬迪爾比返件9號佢著, 初初黎團火都搵唔返




回覆 引用 TOP

今季埋單先計數

回覆 引用 TOP

[隱藏]
英格蘭d黑人進攻球員越越勁 白人無碇企 新生代福仔 艾巴咸 山曹都彈起晒 白人勢力要靠莫治同麥迪臣

環顧全歐洲球壇 兩位球皇就退休 中生代夏世三 迪布尼等之後嘅潛力球皇都係有色人種 麥巴比 沙拿 文尼 同 孫興文等等

以前球壇進攻球皇多數都係白人或巴西種嘅有色人 而加開始時勢變

回覆 引用 TOP

我唔洗睇數據,我都睇得出阿巴謙勁過條黑洞福幾條街。

回覆 引用 TOP

引用:
原帖由 Totti888 於 2019-11-12 01:50 PM 發表
我唔洗睇數據,我都睇得出阿巴謙勁過條黑洞福幾條街。


師兄唔係咁睇 我就覺得福頭係唔差 只係領隊戰術同擺位有問題 你睇係國家隊既福頭完全係2個人 威脅遠大於係曼聯

回覆 引用 TOP

始終覺得雙箭頭對馬仔同福都係好事



我係曼聯FANS~但我也是英超FANS!
所以我係抱住中立去睇波~
大家一齊享受睇波吧!!

回覆 引用 TOP

英軍超人!福仔動作十成似C朗




英格蘭於歐國外最後1仗,作客4:0大炒科索沃,英軍今仗派出唔少新仔上陣,但仍然踢出行雲流水嘅進攻足球。本身已屬前線正選嘅拉舒福特後備出場,中場自己策動、跟手突入禁區右腳第一時間射入,本身已經勁精彩;但今戰佢最勁、最吸睛嘅一幕,係先通對手坑渠、然後後腳鋤橫連過2名守衞,可謂速度、頭腦、技術集於一身,動作似足C朗十成!


曼聯今季表現麻麻,唔少球評家都話蘇斯克查,將福仔放於箭頭位置係錯誤選擇;蘇帥近期從善如流,於安東尼馬迪爾復出後,就畀福仔踢番翼鋒,佢亦都即時生猛晒,自10月尾於曼聯同國家隊喺各項賽事入面,近7場就入咗7球,狀態堅勇銳。


今戰佢於59分鐘入替赫臣奧杜爾,完全玩謝一班科索沃球員,其中引球連過2關一幕勁精彩,唔少曼聯球迷都話好有C朗嘅影子。福仔今場入波同過人,都係喺進攻左路完成,反映佢堅係適合踢翼鋒;而其實佢只係得22歲,仲有大把進步空間,只要曼聯肯將佢放於適合位置,相信福仔入球會滾滾而來。

回覆 引用 TOP



伸延閱讀
[按此隱藏 Google 建議的相符內容]
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!