Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊



追帖 打印

[討論] 2019-20 英格蘭聯賽盃第4圈 - 利物浦 vs 阿仙奴



[隱藏]
引用:
原帖由 foreveroi 於 2019-10-31 11:18 AM 發表
只睇精神片段⋯阿仙奴班後生仔踢得好出色,紅軍主場系完全冇優勢,米拿已經冇速度追到班後生仔,閘位應該考慮一下搵其他人替補,基達又受傷?真係的話就變成高普水貨的頭號人物,整場波最有印象系艾利洛,好有大衛施華影子,當然還有 ...



預期中事,阿仙奴中場幾個英藉後生仔係同一班底,當中美蘭尼爾斯係雲加嘅手作仔,己經唔算係青年軍,頂盡只可講係萬能後備,幾個後生都頗有默契,只係章法不足而矣。鋒線有早前歐洲賽中突然爆發嘅巴西新丁馬天尼利,本應冇幾多人知佢係咩嘢料子,經過呢幾場波發現佢簡直係奇兵一路,幸運童子之外亦有點硬實力,靈活積極兼有良好時間感,不宜打力量足球,但呢場被派落場都足夠令利物浦中後場頭痛。除咗佢之外,阿仙奴仲有個進攻中場伊美路維,賽前話會上陣但最終都未有出現,大家都仲係冇機會一窺佢究竟又有幾咁巴閉。今場阿仙奴後防人腳極盡只算副選,當中賀丁係上季重創之後正式回歸比賽,梅斯達菲係上季表現太 "優異" 被焞冬菇啫,左右二閘本來都係正選要員,其實成班人都曾經係三人防線時期嘅主力。

如果講讓賽,高普就擺明讓車馬炮,首先鋒線用比維斯達,之前咁多場非正式賽事都見到呢個球員不單連爭取一席一隊後備位置嘅能力都不具備,比賽準備亦十分差,睇完呢場波都難對佢寄以厚望,多 D 起用奧列治幫忙撐到季尾罷。中場擺呢三個出來其實做過實驗證明唔可行,可能等佢地操番比賽狀態罷,但變成中場線比對手輕易箝制住,一去到中場交戰即處於下風,抽走受傷嘅拿比基達其實最應該換捷利維拿,但高普選擇換入居迪斯鐘斯,而不將拉蘭拿獨立出來拉後控波或推前用波,中場繼續要捱打亦保護唔到後防,拉蘭拿做唔到防守只有毛手毛腳,張伯倫一上腳發動又會走空自已所負責區域,總之唔了解利物浦嘅人睇落會以為中場班友放水。後防就更奇怪,基賀華不能上場,就去青年軍求其拉一個右閘上來頂替,想輪換其實用洛夫雲拍祖高美斯或雲丹貝治都可以,下半場先作變動。今場咁擺法真係揭晒肚皮,比阿仙奴喺左右兩路盡情放肆,後場表現避動之餘一被刺穿就風聲鶴淚,左右二閘替補無人,代價就是如此,贏波真係只怪阿仙奴唔好彩,大好形勢都被追和兩次。利物浦沒有展現決心,陣腳又站唔穩,唯一可取係大部份球員都勤力,不熟識球賽嘅球員只得兩個,但就係無從發揮,今場磨練作用都頗有限。

[ 本帖最後由 meurette 於 2019-10-31 02:37 PM 編輯 ]

回覆 引用 TOP

引用:
原帖由 foreveroi 於 2019-10-31 06:47 PM 發表

對維拉⋯點睇都唔會係贏硬,不過對後生仔系一個好經驗,拚盡比高普睇睇自己實力有幾多。



維拉贏狼隊呢場盃賽係後場大換血,但狼隊訓身歐洲賽而且打得唔差,呢場係近乎全副選掛帥,本住應酬心態去擺陣,踢落隊波毫無協作性可言,令維拉容易掌握主動權,但總係貫徹唔到一鏡直落,只可以講踢落冇狼隊咁亂而矣。維拉其實整隊波班底唔係太差,弊在比較多奇珍異獸類球員而且合作日子短,一季時間難有可觀隊型,主帥甸恩史密夫又仿似唔適應處理英超比賽,變成隊波踢得好急,韌度不足傾向打士氣波。

但維拉上得英超又算做加碼擴軍,暫時未站穩陣腳,應該會喺盃賽度出力搏吓,至少贏番 D 誠意分及掌聲。下一場係盃賽八強又係聯賽首循環尾聲,亦係維拉主場,聯賽中維拉嘅對手係錫菲聯,修咸頓及諾域治之流,講能力應該捱得過去點都應該可以平穩應戰,本身實力中游要搏命亦係時候試試本事,有場盃賽踢吓就啱晒時候。

反觀利物浦喺呢場波之前,要解決最後一場歐聯分組賽,如之前對亨克及拿玻里稍有不測,爭一兩分鎖定出線淘汰賽階段,集中力一定放晒喺歐聯度,之後除盃賽之外,聯賽又要對較有實力嘅中游份子,睇怕都係用後生仔頂埋呢場聯賽盃八強賽事。不過最令人擔心嘅係假如期間出現個別人員傷停,特別係二閘出事以及同一位置有多於一人不能上陣,咁就非常麻煩,都唔可以再諗如何應付維拉了。實力上維拉應未及得上利物浦,但維拉人腳比利物浦充裕又不需分途出戰,利物浦排晒班副選出嚟比對手更似拉雜成軍,你識浪射但對家仲叻過你,大家鬥放棄中場對家又比你肯傳肯跑,變數比較大。

[ 本帖最後由 meurette 於 2019-11-1 02:28 AM 編輯 ]

回覆 引用 TOP



伸延閱讀
[按此隱藏 Google 建議的相符內容]
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!