Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊



追帖 打印

[金魚] 代魚友出Post



代魚友出Post

[隱藏]
[金魚有話兒1]
大家好,我係一個已經養左金魚一年有多既人
近日因為本人同相熟既魚友均係一間金魚網店遇到極多不愉快經歷,並發現其眾多惡行,所以決左借此出Post,希望借本人經歷警醒各魚友,小心提防

話說哩間網店既老闆就自稱「X師兄」,就係地鐵綠色線其中一個站既工廠區,既一個廁所單位賣魚既
之前一直有幫襯哩間網店買唔少魚,係我無再幫襯哩間網店並正式「被退出」佢whatsapp grouo既前一排,我同我相熟既魚友發現哩間網店既魚缸水質十分有問題
由於哩間網店非常不幸,曾經係8月突然停電,以致佢店內有8成魚都死左,並經過長時間後先發現,所以有理由相信,缸內既濾材同水應該儲滿惡菌
相信有養開金魚既魚友,遇到以上狀況,都會選擇清洗或更換濾材,以免日後入魚時會有死魚及炒缸情況出現,雖然未知哩位網店老闆「X師兄」有無就以上情況去清洗或更換濾材,但之後發生既事,令我有種「佢無好好消毒濾材」既揣測
係佢炒缸後,佢再有新魚到店,我亦都有幫襯2條,分別係1條全白蘭壽同1條軟鱗白蘭壽。由於2條都係白色既魚,所以一有小問題就顯而易見。接回家第1日,對水同消毒後已係晚上11點,而2條魚仍在適應階段,所以無特別理,第二朝起身,就發現全白壽既頭裡面好紅,軟鱗白壽頭上就長滿油脂粒同身上有血絲,當日我懷疑係佢地未適應,所以落左鹽希望為2條魚殺菌。如是者第3日,2條魚既情況無改善之餘,軟鱗壽既頭同身上都長滿油脂粒,今次係我養魚以來第一次見金魚身上長滿油脂粒,而同缸既魚亦開始有紅頭情況出現,經過一番努力,終於醫好所有魚,唯獨果條軟鱗蘭壽係之後1日已經死左
起初我都以為係因為新魚落缸撞菌所致,其後分別同多個魚友討論,發現大家都有相同既情況,唯一唔同既,就係佢地所買既魚係爛肉,而唔係出油脂粒,但都分別係努力醫治下7日內死亡
係哩個時候,我已經發現哩間魚店既水好似有問題,所以已經停止左買佢既魚,而未有發現既魚友仍有繼續幫襯,災難來了,前後分別有多個魚友幫襯完佢之後發現缸內有鰓蟲,而鰓蟲既繁殖造成魚友炒缸及大量死魚,亦有魚友幫襯佢之後發現缸內入蝶蟲,經我地私下討論一番後,估計來源都係同一個地方,就係哩間廁所網店

當然,以上都係集合左多人既情況而推斷出黎。其後我會每1-2日更新更多有關我同我相熟既魚友係哩間網店被欺瞞既不愉快經歷,希望大家引以為戒。

回覆 引用 TOP



伸延閱讀
[按此隱藏 Google 建議的相符內容]
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!