Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊



追帖 打印

[新聞轉貼] 就嚟要護級 蘇斯克查仲話要贏利物浦



就嚟要護級 蘇斯克查仲話要贏利物浦

[隱藏]



曼聯作客0比1輸畀紐卡素,30年來開季最差紀錄不斷創下限,8場得9分排12位,距離護級區嘅愛華頓只差兩分,如果下場再輸畀利物浦,曼聯嘅排名將會繼續下滑,難得領隊蘇斯克查仍然樂觀,佢話國際賽檔期後又有一條好漢,到時火併利物浦將會係翻身機會。


先講曼聯現時所創嘅一系列下限紀錄,保持30年來最差開局,1989至90球季,曼聯開局8戰得8分,排13位,另外曼聯嘅作客成績,自今年3月作客擊敗巴黎聖日耳門,近11場作客僅得4和7負,亦係30年來最差,仲有就係名宿布魯士,佢成為領隊以來對曼聯22場從未贏過,但今場終於開齋贏波。


不過蘇斯克查似乎已經麻木晒,佢賽後竟然話,下場對利物浦係一個機會:「下場對利物浦,對我哋嚟講係完美一戰,國際賽檔期來得正好,可以畀我哋抖一抖,呼吸清新空氣,打完國際賽,煥然一新返嚟。」



回覆 引用 TOP

曼聯領隊蘇斯克查就連心嗰句都講埋出嚟,叫大家唔好再發夢,要接受曼聯強隊不再嘅事實!


「蘇B」話:「我哋已經唔再活喺90年代,已經唔再係統治英超。依家係個完全唔同嘅時代,我哋正喺度重建一個完全唔同嘅團隊。」


蘇斯克查依家打造嘅「紅魔鬼」,開始重用更多年輕球員,好似18歲嘅格連活特就得到唔少機會:「我知道,重建過程難免起起伏伏,但我已經做好準備畀班小朋友綻放光芒。冇第二間球會好似我哋咁,重點培養年輕人。」

回覆 引用 TOP



曼聯不敵紐卡素,開季8戰得9分排12位,距離護級區嘅愛華頓僅多兩分,以紅魔近期表現,降班絕對唔出奇。


有網友發現曼聯降班賠率急跌,已經熱過奪標賠率,由7月時嘅2500倍跌至200倍,暴跌12.5倍,至於奪標賠率,外國博彩公司有325倍,香港賽馬會亦有200倍!


有網友發現,曼聯現時嘅降班賠率比奪標賠率熱,可見紅魔今季奪標機會不大,反而降班機會唔低,因為季前曼聯嘅降班賠率係2500倍,有醒目嘅網友喺7月已經落注,買咗5鎊,萬一真係畀佢烏鴉嘴扑中,曼聯降班嘅話,佢嘅投注就會贏得1.25萬鎊(約12萬港元),認真和味。


現時曼聯降班賠率雖然冇咁好分,但依家隊波走勢好頹,200倍其實都唔錯,真係降班亦唔係奇事,歷史上曼聯降班並唔係冇試過,1974年就試過降班。


曼聯嚟緊賽程,下仗要對利物浦,12月初連續對熱刺同曼城,若然全部輸晒,再喺其餘賽事失分,捲入護級漩渦唔係冇可能。




回覆 引用 TOP

有買趁手喇

回覆 引用 TOP

[隱藏]
我驚到時曼聯零攻門

回覆 引用 TOP

馬會又送錢 大大注利物浦

回覆 引用 TOP

贏利物浦,哪裡來的自信? 上年,摩連奴就係對完利,比人強攻3 x次,之後炒左,祝你好運,so c

回覆 引用 TOP

引用:
原帖由 一世牛哥正傻仔 於 2019-10-7 12:39 PM 發表
我驚到時曼聯零攻門


又黎零中龍




回覆 引用 TOP

Rubbish

回覆 引用 TOP

[隱藏]
隊波衰到剩番把口,話後上奪冠都得架。

回覆 引用 TOP

老實講,唔係話唔培養新人,昨晚個陣,講句寸的,咁樣想爭標?爭前四;培養新人唔係咁架!大家其實可以講得出幾多個球員名,呢隊叫曼聯呀!在世界球壇長期前列,無論賺錢、成績(當然唔係依家),幾多次重磅交易有份呀?講新人,我睇車仔、阿仙奴都唔會差得過曼聯!

回覆 引用 TOP

黑柴除咗固執守舊,排陣不懂變通外,原來仲鐘意死撐,上場歐霸0射門,仲厚顏話攞1分係GOOD POINT(咁又係,唔輸偷笑),呢場打得咁樣衰,仲話下場打猁會翻身,人哋而家8連勝呀,你搵個鏡照吓自己啦。

回覆 引用 TOP

好,有志氣,但翻身仗可否不只是 "一場"呢?



回覆 引用 TOP

支持蘇B 😊

回覆 引用 TOP

[隱藏]
引用:
原帖由 Totti888 於 2019-10-7 02:33 PM 發表
曼聯領隊蘇斯克查就連心嗰句都講埋出嚟,叫大家唔好再發夢,要接受曼聯強隊不再嘅事實!


「蘇B」話:「我哋已經唔再活喺90年代,已經唔再係統治英超。依家係個完全唔同嘅時代,我哋正喺度重建一個完全唔同嘅團隊。」


蘇斯克 ...
我記得摩佬講過類似嘅嘢🤷🏻‍♂️

回覆 引用 TOP



伸延閱讀
[按此隱藏 Google 建議的相符內容]
 46 1234
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!