Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊



追帖 打印

[其他] 【電子】講吓 PN結



【電子】講吓 PN結

[隱藏]
結,有 肖特基結 同 PN結 兩種,  
PN結,係由P型同N型兩種半導體構成嘅,

半導體,硅最大路,喺常溫常壓嗰陣,硅係唔過電嘅,想過到電就要溝嘢,係P定係N ,取決於溝嘅係咩料,而且,加料唔使多,ppm(百萬份之)就夠。

回覆 引用 TOP

PN結 ≠ 二極管 。  
二極管,係電子零件,PN結唔係,PN結,係 能動機構,

一PN結有用嘅地方,唔係P同N兩塊嘢嘅夾口(物理結面),而係夾口旁邊,成嚿嘢過唔過到電,就係睇挨住夾口兩邊啲載流子點行點企,出到門口就過到電,縮晒入後欄就唔過電,啲載流子點喐,就視乎點俾電,要 P駁正N駁負 咁至通嘅。

回覆 引用 TOP

一般 PN結 嘅特性係咁樣嘅,  
穩壓管用嘅係紅色嗰橛,二極管用嘅就係除咗紅色同深黃色之外嘅其餘部份。

[ 本帖最後由 MrCU204 於 2019-10-3 04:56 PM 編輯 ]




附件

pn.png(15.38 KB)

2019-10-3 04:51 PM

pn.png

回覆 引用 TOP

引用:
原帖由 MrCU204 於 3/10/2019 16:51 發表 一般 PN結 嘅特性係咁樣嘅……

可以見到,電流同電壓嘅關系唔成比例,咁嘅特性叫做 非線性,  

不過,呢度仲有一種關系,就係 電流變化同電壓變化 嘅關系,如果呢個關系成固定比例,呢橛就叫做 線性區,呢個固定嘅比例關系叫做 動態電阻,

睇吓紅色嗰橛,直筆甩兼戙篤企,電壓變幾多,電流就變幾多,完全成比例,橙色嗰段係 平方率 特性,唔夠直,叫 動態電阻 有啲勉強。

回覆 引用 TOP

[隱藏]
引用:
原帖由 MrCU204 於 2/10/2019 23:18 發表 …… 成嚿嘢過唔過到電,就係睇挨住夾口兩邊啲載流子點行點企,出到門口就過到電,縮晒入後欄就唔過電,啲載流子點喐,就視乎點俾電,要 P駁正N駁負 咁至通嘅。

調轉駁就唔通,呢個就係 單向導電性 嘅表現,不過,呢個電壓如果超過 Ubk ,個結一樣會通,慣常叫法係 擊穿,  

不過,同絕緣體嘅擊穿唔同,絕緣體一穿就壞,冇得返轉頭,PN結就唔同,如果有加限流,就算穿咗都係正常過電,唔會廢唔會爛,電壓跌低過 Ubk 就變返唔過電狀態,就好似壓力煲煲蓋個哇佬咁,壓力大到咁上下就頂開走氣,壓力細咗就閂返埋。

回覆 引用 TOP

以依家嘅水平,Ubk 造到過千伏唔係難,不過,  
PN結要做到嘢,必須有後欄,如果個結掂到零件引線或者其他結,就隔唔到電,呢種現像叫做 穿通,一般書係唔講嘅。

回覆 引用 TOP

三極管,真空管得一種,晶體管起碼有兩種,BJT 係其中之一,  
BJT係兩個PN結砌成嘅,兩個結背凭背或者面貼面咁排,呢個「凭」或者「貼」相當重要,有啲功能,一個結係做唔到嘅,呢啲功能涉及 近場效應,閒書同樣唔會講。

回覆 引用 TOP

BJT 嘅 Ic 究竟係邊個area呢?!  
睇3樓嗰幅圖,係啡色嗰橛,而 Icbo (集電結漏電電流) 直頭就係嗰條啡線,

Ic 係PN結嘅反向電流,但係同穩壓管嘅擊穿狀態(紅區)唔一樣,Ic 唔使限流而且淨係聽訊號話,電源電壓點變化都係冇反應嘅,就好似嗰條啡線咁。




回覆 引用 TOP

歐姆定律,高中會學到,  
跨導,轉阻,就係響唔同嘅環路道表現出好似歐姆定律咁嘅關系,

跨導,就係控制電壓同受控電流嘅關系,BJT嘅跨導,就係PN結(發射結)嘅正向特性!

PN結嘅正向特性係平方率,不過,BJT嘅放大區叫做 線性區,呢個線性其實係 射極電流響訊號同功率呢兩個環路嘅分配關系 β 。

回覆 引用 TOP

[隱藏]
單向導電性,係PN結嘅手扳眼見功夫,  
作為閥門,過得爽閂得陷就可以,線性唔線性唔使理,

可以話,凡親反向唔通嘅PN結,正向都會有死區,藍色嗰橛就係,

有源器件可以做到嘅係,有增益,可以整啲原本冇嘅嘢出嚟,二極管究竟算有源定無源,通常係會當無源嚟睇嘅,

調幅(調制,解調)同混頻,係有源操作,但係,二極管居然玩到,嗰個標咗紫色嘅彎位就係「有源」區,可以做到呢啲嘢,而且,管唔使多,一隻就夠,問題係,一來冇增益,二來,個「有源」區得嗰雞爺咁多地方,想大啲動作都唔得。

回覆 引用 TOP

硅要溝嘢至過到電,純硅係唔過電嘅,  
喺有效範圍內,溝得越少,頂到嘅volt數反而越高, 溝得少過頭唔成事,溝多得滯會隔唔到電,單向導電性冇晒,好似電阻咁,
少到成唔到結,就成咗 Ⅰ 型,Ⅰ 型半導體過到電,PIN架構頂到嘅volt數更高,行到嘅頻率仲快。

回覆 引用 TOP

講PN結,慣常總係以佢嘅 哇佬 功能做起點,  
除咗 整流穩壓,PN結仲可以 發光,發電,做sensor ,或者當可調電容嚟用,

咁都唔止,攞嚟做 有源器件 都得,隧道二極管,耿氏二極管,UJT,jFET,呢啲都係靠一個結就玩到嘅。

回覆 引用 TOP

引用:
原帖由 MrCU204 於 7/10/2019 20:38 發表 講PN結,慣常總係以佢嘅 哇佬 功能做起點,  
除咗 整流穩壓,PN結仲可以 發光,發電,做sensor ,或者當可調電容嚟用,

咁都唔止,攞嚟做 有源器件 都得,隧道二極管,耿氏二極管,UJT,jFET,呢啲都係靠一個結就玩到嘅。 ...

呢啲都祇係單打獨鬥,仲有互動,結同結嘅互動,唔係就咁駁埋就得,  

結嘅互動,涉及嘅係 近場效應,需要嘅係無縫連接嘅通道同微米級嘅距離,

有位大陸網友話,啲人學 BJT ,往往就係俾二極管同穩壓管kick住,  
如果先對 PN結有全盤嘅認識,就唔使咁痛苦。




回覆 引用 TOP

多子,就係響自己身上佔多數嘅載流子,P嘅多子係空穴,N嘅多子係電子,  
PN黐埋,載流子會踩入對方領土,有 擴散同漂移 兩種踩法,漂移其實就係逆擴散,不過冇嘢散,過唔到電,

多子導電定係少子導電,睇嘅係載流子嘅走法,同點駁電無關,穿過結面嘅就係少子導電,唔使經過結區嘅就係多子導電,

二極管過電,載流子要運人哋嘅地頭行,我嘅載流子對於人哋嚟講就係少子,所以,二極管係少子導電,唔論順逆向。

回覆 引用 TOP

[隱藏]
引用:
原帖由 MrCU204 於 9/10/2019 19:01 發表 ……
多子導電定係少子導電,睇嘅係載流子嘅走法,同點駁電無關,穿過結面嘅就係少子導電,唔使經過結區嘅就係多子導電,   

二極管過電,載流子要運人哋嘅地頭行,我嘅載流子對於人哋嚟講就係少子,所以,二極管係少子導電,唔論順逆向。


呢樣有啲翹口磣手,搞清楚,電流性質同傳導模式,係兩樣嘢,  

P正N負,係擴散,係多子電流,P負N正,係漂移,係少子電流。

回覆 引用 TOP



伸延閱讀
[按此隱藏 Google 建議的相符內容]
 39 123
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!