Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊
追帖 打印

[追求] 我係咪要積極正面啲?



我係咪要積極正面啲?

[隱藏]
我知道,人都係鍾意笑容滿面,充滿正能量嘅人。但有時候,真係好難控制。

事源我最近轉咗工,之前番office文職,而家番PR,咁啱之前經朋友介紹嘅一個男仔都喺入面做,但我地只曖昧過幾個月,最後佢覺得我比較靜,佢鍾意啲活潑可愛衣著性感少少型,所以最後放棄咗,而佢而家未有女朋友,但聽聞有追求緊嘅女仔,但我仲未放得低佢,而且我大佢兩年。

我就新入職,好多野唔明,有時都會問佢,但佢做野好忙,有時都未必問到,佢叫我同其他同事多啲,可以問多啲。我都明咁係應該,可能我諗多咗,覺得佢唔係好想我搵佢。

其實,如果我做番個鍾意笑嘅女仔(因為我啲朋友話我無以前咁鍾意笑,因為我放唔低)、工作上肯多啲主動問其他人,俾佢見到我積極啲正面啲,有啲成就,我仲會唔會有機會可以吸引到佢,同佢一齊到呢?

回覆 引用 TOP

你地都講得啱,我好似都鑽咗牛角尖,想改變自己性格咁,我,份人俾人感覺太正經咁,又或者個女仔嘅笑容吸引到佢呢,我未見過個女仔,淨係知個女仔後生過佢幾年,當然呢啲我都無權去理。


係佢放棄我,哈哈



係啊,有時佢講野仍然會俾到少少希望我,但理智地睇番,就知道佢完全放低咗,當我係普通同事。



所以我就諗,會唔會我再upgrade下自已,外型又符合佢想要嘅,就會考慮番我呢?好似變咗乞求佢咁,哈哈

回覆 引用 TOP

引用:
原帖由 00ligirl 於 2019-9-10 01:05 AM 發表   
我覺得改下形象冇壞🙂
你本身抗唔抗拒活潑可愛,或者性感嘅打扮先?😶




我本身唔抗拒嘅,其實我打扮都偏可愛型,係情緒起伏唔會太大,望落比較文靜,亦俾人覺得好恰咁,性感呢,我就有肚腩仔,但望落唔肥嘅




回覆 引用 TOP

引用:
原帖由 心有思屬 於 2019-9-10 11:23 AM 發表   

除非發自內心, 如果唔係唔好為取悅對方而改變自己。否則會非常痛苦。 總有識欣賞你既人。但如果你自己都認為有須要去改變, 就去面對一D你平時唔會去做既事。 突破左自己界限, 你就會知自己潛力可以去到幾遠, 其他 ...




我其實識咗佢之後都改變好多,大膽咗好多,以前我係唔多敢同心儀男性講野,同事朋就另計,亦都學多咗興趣班,豐富自己生活,不過可能呢啲都唔係「女朋友」feel,唔啱玩掛



我今年最大突破就係轉咗個完全唔同嘅行業,我係果啲唔多同陌生人講野嘅人,但而家做PR,就要不斷去識人去應酬

回覆 引用 TOP

[隱藏]
都係嘅,如果學懂享受事業、享受生活,個人係會charm啲吸引啲嘅

回覆 引用 TOP

引用:
原帖由 心有思屬 於 2019-9-10 11:52 AM 發表   

咁我見你咁講, 其實都有唔少轉變, 不過你自己對比較返2年前, 會唔會見到自己有d咩成長既位。 唔係講你尼兩年既生活事情經過,而係心路歷程。好似D人會成日話經歷過D咩咩, 已經睇化晒, somethings like that。 通常 ...




都會啊。我好記得佢同我講過一啲野,我本身個人係去到陌生環境會好唔自在好膽怯嘅,但就因為諗起佢嘅說話,我會定好多,大膽啲,亦由一個對陽光100%抗拒嘅人,變成鍾意咗做運動、可以陽光下戶外活動。另外最主要係佢放棄咗之後,戀愛心態方面我慢慢學識男人嘅承諾,係行動先係最實際,甜言蜜語聽下就好了(我戀愛經驗好少),發覺自己原來對婚前性行為亦唔係太抗拒,但前提係要係男女朋友關係,唔係SP,亦要佢值得我咁做。

回覆 引用 TOP

引用:
原帖由 心有思屬 於 2019-9-10 01:12 PM 發表   

其實男唔男女朋友, S唔SP唔係重點, 因為尼D關係只不過係一D人生階段。試左冇壞, 唔試可能會係遺憾。反而係你既人生觀, 生活態度, 性格上有冇因為尼D事, 關係而有好的轉變。如果KEEP左尼D關係, 你發現你既人生路程 ...




都係嘅,人一世物一世,咩都應該要試下,就算最後唔可以一齊,都會係我好好回憶,因為我有努力令自己變得更好,多謝你

回覆 引用 TOP

引用:
原帖由 00ligirl 於 2019-9-10 05:43 PM 發表   
性格文靜又好難扮活潑,反而文靜配合性感可以好突出🙂 有肚腩仔冇問題,衣服有幾可show肚腩,反而show腿最普遍🙂




其實性格係好難改變,不過我而家份工需要outgoing同主動,我諗會慢慢變,不過都好嘅,話唔定越識越多人,越多野做就唔會諗住佢




回覆 引用 TOP

引用:
原帖由 心有思屬 於 2019-9-10 08:49 PM 發表   

無錯, 咁先叫對自己人生負責, 對我來講SP都唔係問題, 因為你鐘意佢嘛, 好多都係由SP做到最後拍拖, 先後次序而已, 好多都係同居試婚先結婚。現今世代已經唔係封建,做覺得啱既事。 ...




但SP硬係覺得對自己無保障,好隨便咁。但我又接受到同居,好似好矛盾,哈哈

回覆 引用 TOP

[隱藏]
引用:
原帖由 心有思屬 於 2019-9-10 09:19 PM 發表   

名稱來啫, 如果呃, SP最多係食左你隻豬, 但如果呃你感情, 你會痛苦N倍。如果同人發展, 除非你覺得對方係有心搵另一半果D人。不過如果唔係, 就SP都唔好做, 費事自己受傷。同居唔同, 同居係大家承認左對方嘛 ...




呃感情。其實,我都好矛盾呢方面。我都理解,一日未確定關係,人地一日都仲有得揀,就算同咗第二個一齊,都唔關我事,無得say no,而且人地話只係幾個月,好小事。但另一方面,其實就算係曖昧,我都擺咗好多感情落去,個心真係會痛,可能我太少經驗,所以太快沉船,太認真吧。



佢外型其實係好smart果啲,又細過我,所以我都無咩自信,我見佢啲女性朋友個個都好似KOL咁好靚,我都會打扮,但就日系果種,淡妝斯文為主,佢就鍾意濃啲妝

回覆 引用 TOP

引用:
原帖由 00ligirl 於 2019-9-10 10:33 PM 發表   
應該話你越識越多人,識到個更好,自然唔會諗住佢




呢個真,而家有時候都好多野做,都開始諗少咗佢,而且佢喺其他人面前都對我好保持距離同冷淡

回覆 引用 TOP

引用:
原帖由 宇宙仔 於 2019-9-10 10:35 PM 發表 算吧啦,小心係食家




其實我地識咗無耐佢有叫過我半夜上佢屋企,哈哈,我拒絕咗,但佢好孝順父母,所以我都唔知係咪食家了

回覆 引用 TOP

引用:
原帖由 心有思屬 於 2019-9-10 10:47 PM 發表    

YES, 食家, 而且佢做既野係會傷你感情, 不過我覺得有D野你唔試個心唔會死。但唔好訓身比自己石沉大海。 感情唔會係人生全部, 記住尼個POINT




係啊,我一直都覺得自己已經好獨立好理性,情緒起伏一向唔大,佢唔係我初戀,但識咗佢之後我先發現原來我嘅心情完全因佢而起伏,所以果段時間情緒好極端,一係好開心覺得好幸福,但去到後期,我down到以為自己有抑鬱症,做咩都無心機,日日喊。



而家好番好多,雖然見到佢仍然會心痛,但起碼唔係成隻鬼咁。完全明白晒「感情唔係人生全部,你的世界不應只有他」呢句說話。




回覆 引用 TOP

引用:
原帖由 宇宙仔 於 2019-9-10 10:48 PM 發表


孝順父母都可以係食家,對父母係對內,食女係對外,為何食家要不孝順,照你咁講,唔洗小心添啦,一定係食家添啦




哈哈,都應該係

回覆 引用 TOP

[隱藏]
引用:
原帖由 Wmimiq 於 2019-9-10 11:13 PM 發表   SP又點同同居呢? SP係冇愛,只為性慾,同居就係同心愛男仔一齊生活,身體亦係只有呢個男仔擁有 我正正係同居緊,比到二人世界嘅感覺 ...




會唔會覺得無私人空間?不過睇你地都應該好甜蜜好享受

回覆 引用 TOP



伸延閱讀
[按此隱藏 Google 建議的相符內容]
 25 12
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!