Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊



追帖 打印

[討論] 歐聯抽籤



[隱藏]
引用:
原帖由 wyli4 於 2019-8-29 05:23 PM 發表
最緊要實際d唔好抽到咁遠
近近地作賽就最好



我反而覺得唔關遠近事, 因為近年歐洲賽事要利用交通及住宿去滋擾及削弱對手嘅可能性, 比起廿年前實在低至近乎係不可能成事的情況. 反而睇番自己, 近年利物浦要跌分嘅賽事, 作客球迷都不成氣候, 部份情況係撞期令人數大減, 亦有情況係根本路線陌生而成團人數少, 甚至因為洗費難以負擔而人數疏落. 而出國客場又跟之前一場本土賽事表現欠佳了無關係, 單純係自己忽然腳軟又掌握不了大局, 或去到下半場無以為繼. 總之球員一直太過習慣於縱溺於球迷強勢狀況之下, 根本不能咬實牙關完成整場比賽, 個別球員表現份外甩碌害事, 心理質素不能應付溫室以外環境, 以及場上風向轉變而形成嘅壓力.

此外, 辛尼特成為第一組之一真係令人感到意外, 因為論陣容連火車頭及中央陸軍都不及, 前者去咗第四組而後者去打歐霸, 可能造就成為山寨王. 但即使辛尼特如何不眾, 都應會比上屆要靠聯賽對手頻頻失手而攀上第四位, 喺歐霸踢到一仆一碌嘅利華古遜可觀, 仲有紅牛箂比錫, 打咗僅有嘅兩屆歐洲賽直情係毫無可觀性, 表現了無誠意水平差距很遠. 今屆德甲球隊可以分得四個席位實在太多, 歐聯及歐霸賽制實在冇理由要確保當中四個聯賽必然有七枝球隊可以參賽, 更將七隊中四隊掟入歐聯.

回覆 引用 TOP

引用:
原帖由 wyli4 於 2019-8-30 12:40 AM 發表
又拿玻里


未開季喺蘇格蘭友賽已輸三球, 睇落拿玻里冇上屆歐聯時咁有殺傷力, 其實係少了一陣急進嘅風塵味. 友賽冇可能見真章, 但已見拿玻里嘅氣場徹底不同, 成隊意甲大哥咁, 安察洛提收購比上手嘅沙里更為立桿見影, 感覺拿玻里可直接取代羅馬成為利物浦嘅襯家. 上屆拿玻里嘅決心及表現, 比巴黎更值得出線去淘汰賽階段, 但假波猖狂至明目張膽剝奪勞動者的應有收成.

今屆歐聯分組賽再遇拿玻里, 就要有跌分比佢嘅預算, 希望利物浦可以順利地喺神經刀亨克身上掃盡甜頭, 與拿玻里一齊正路地攜手出線. 同組仲有向來主攻兼且注重團隊合作嘅薩爾斯堡, 四隊各有明確目標, 所以可算作抽到好簽, 而利物浦作為衛冕冠軍就應表現出應有台型, 不求什麼刷數據戰果只求平穩上力, 此外唔知球迷們有咗上屆喺拿不勒斯負嵎頑抗嘅經驗後, 今季準備好人手去聖保羅球場嘈大交未.

其實總個而言今屆抽簽結果都算平均, 第一組之中巴塞比較難踢, 英超球隊中車路士最高風險, 佢地兩隊嘅 F 組及 H 組, 連同 D 組應該要打至最後一輪, 各隊對一分半分都特別計較, 應較有混戰味道. 論可觀性利物浦呢組亦都算不錯, 因為可幸全部對手都係認真的, 不需遇見巴黎及皇馬, 我要睇真足球. 我覺得不需為面對拜仁及曼城而擔心, 但亦為佢地各有自己一條線路, 不致要與佢地相遇而感慶幸, 呢兩隊作戲碼不單沒新鮮感亦沒質素保證.

[ 本帖最後由 meurette 於 2019-8-30 05:34 AM 編輯 ]

回覆 引用 TOP

引用:
原帖由 陰禪 於 2019-8-30 09:04 AM 發表

咁利記去季奪歐冠係咪假波?

p.s.不否認有假波存在


剛過去兩年重返歐聯, 利物浦有邊場對賽有假波成份, 有睇波的都心中有數罷. 我睇緊嘅利物浦如果有份合作打假波我會即時抨擊, 而且踢假波我亦唔會睇的. 我會講你知兩屆決賽利物浦都係打真軍的, 但個別球員抱住咩嘢態度應戰就惹人質疑. 如任何朋友有捉假的信念或想舉一反三, 我會很歡迎佢拿實證出來的, 因為實在可以討論.

舉個例子, 總有人喺街邊拮魚蛋, 魚蛋冇味時第一句就話人地 D 魚蛋係假的. 流嘢可以係沒水準, 也可以係騙人, 但千萬不要一下子將兩件事畫等號. 賣假不合成本效益, 可能性可以有多大? 潮州佬會講你知其實由第一天開始, 街邊魚蛋的成份本來都真極有限. 若然明白這個比喻的話, 大家都應知道歐洲賽事應以什麼心態去收睇, 總之自己不要騙自己之餘, 自己亦要知道正在放什麼落肚.




回覆 引用 TOP

引用:
原帖由 wyli4 於 2019-8-30 02:02 PM 發表
G組成組實力較接近
F組都好睇,三隊實力都好強


我覺得 H 組實力最平均, 其實 G 組頂多只係條件上此消彼長, 里昂要被迫到生死賽制先有嘢睇, 又係以率先搶入球為背後真正戰術, 賓菲加就遇強越強遇弱越弱, 死於悶場及窘局多於對手表現強橫, 總之未開波踢落都唔知係龍係虫, 而辛尼特始終都有俄超球隊慣性, 出國比賽成績不穩, 佢已經算好了潮水式起跌有路捉, 我覺得佢會贏里昂而大敗於賓菲加係十分合理的估計, 結果攪局多過為自己搶分, 而箂比錫就整隊波質素根本就係 32 隊中最差, 但所有對手對佢感到較陌生, 不過上述三隊不會當成一回事, 除賓菲加可能揸流攤跌一分之外.

回覆 引用 TOP



伸延閱讀
[按此隱藏 Google 建議的相符內容]
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!