Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊



追帖 打印

[其他] 《曼聯粉絲吹水帖第壹回:我係曼粉唔係暴徒唔好BAN我》



[隱藏]
引用:
原帖由 世民兄 於 2019-11-25 09:01 AM 發表

選舉係公平,三百萬選民揀支持反對派,政府應該反省件事已經咁worst,為何仍然會有人選擇支持反對派?

但作為一介平民,我相信鈔票多過選票,投票之後係咪唔使搵食,才是真正關鍵。 ...


不管做人或做管理人員 "反省" 呢樣野係十分重要,
我自已一直咁搏命搵錢連小朋友都唔敢要就係信唔過特區政府官員,
因為我個人對精英制度十分反感, (精英問題無須再重覆).

反而係呢一刻我信既係中央,
呢刻全港巿民正式表態不滿特區特府及(或)中央,
我好想睇下做管理既人會有甚麼後續跟進.

剛好周末有跟人討論大陸的管治法則,
我自己一邊跑山一邊睇到大陸係有不足的地方但在不斷進步中,
大多政策都係以惠民為依歸.
就拎爭拗好耐的眾多監控鏡頭係好事定壞事?
以前從沒見過 車輛遇到黃燈會停車,
車輛及行人係燈位或行人過路線會大家禮讓.
還有每有犯罪行為或車禍可以短時間內捉到涉案疑犯...............等等
國內人或我遇過的港澳人士都認為大陸的一線城巿是十分安全,
至於國家係街上監控各人我完全唔覺有問題, 除非我袋裡面的是白粉.

回覆 引用 TOP

引用:
原帖由 世民兄 於 2019-11-25 10:11 AM 發表


民主制度既鼻祖英國佬,公投決定脫歐三年之後,咪又係一樣彈出又彈入。

好似話如果工黨贏大選,會再舉行二次公投是否脫歐,吊,可以投完唔算數再投過。

何況香港依類假民主?

民主制度既優點係權力制衡,防止獨裁 ...


我昨晚一邊食飯一邊就係度諗就如你提到的,
工黨嬴出大選咁多數會出現第二次公投的要求,
與及明年立法會建制繼續大敗咁就會出現跛腳鴨.

一直講民主係小數服從多數, 咁將來既管治結果是否如國民所願真係好難預測,
之不過制度如此若唔滿意既只能選擇退場離開.
我呢類一介草民即如呢刻既曼迷一樣, 中游又好護級又好, 波都仍然照睇落去.

回覆 引用 TOP

引用:
原帖由 世民兄 於 2019-11-25 10:53 AM 發表


Yeah!

不論何時都係鈔票重要過選票。

民主自由是可以買的,只要能用錢解決到既問題,就從來都唔係問題。


我自己出差都帶住一至兩本書,
睇得較多除了舒緩神經的推理小說之外,
其餘都是講下兩國相爭/經濟黑幕/弱肉強食....呢類財經+政治書藉,
當中作者們引用得最多就係那兩個 民主大國.

跟住都提到要經濟發展最理想係某程度的權力集中,
否則全面推行民主以人性的貪婪及腐敗, 只會進入一個永遠內鬥的模式.

咁為何這兩個民主大國係以前行都咁順利,
咪就係打著民主旗號到其他國家地區掠奪資源去扶植自己的國家經濟.
所以我自己一直從無要求有選腦細的權利, 最緊要係跟著一個令我豐衣足食的好腦細.




回覆 引用 TOP

引用:
原帖由 最後武士 於 2019-11-25 11:02 AM 發表


民主係小數服從多數,但小數隨時會變多數,咁點?政策朝令夕改,個國家點work?

法院搞上訴都最多去到終審,英國脫歐可以搞無限公投。除非英國憲法有revoke公投結果既機制。

不過歐盟又比唔比你彈出彈入?呢幾年浪費左既時間 ...


呢個當然,
一程意見或立場係多數還是小數必定是由政權決策人的施政去決定,
若然國家或地區政府肯去改變都會隨時更改數目的比例.

所以我另外的發表都提到今次明顯係政府輸左呢場仗,
之後要睇民意能否逼到政府反省及作出適當的對應行動.

即如英國脫歐, 英國以外的人一般都會諗無可能會出現脫歐這結果,
大家都知脫歐並唔會為英國本土人士帶來巨大經濟效益.
只係制度如此人民就要承受一齊公投後所帶來的施政混亂及損失.

再回應返今次的區選結果,
呢刻都應該會集中睇這一界政府係餘下的兩年多的任期會有甚麼作為,
我地就如睇曼聯一樣就比少少耐性去睇下事態的發展.

回覆 引用 TOP

[隱藏]
引用:
原帖由 世民兄 於 2019-11-25 11:22 AM 發表


所以班鬼佬咪想發動第二次鴉片戰爭囉,不過今次係精神鴉片。


我係初期發現有金主呢樣東西已經講係鴉片戰爭2.0,
只不過今次的包裝招紙寫住 民主牌.

當年的戰爭係因為兩國貿易逆差所引起, 點估到今次係因為相同的因由,
歷史係不斷在重複中, 我讀書少所以睇完波得閒都會睇下書的.

回覆 引用 TOP

剛才又聽到有人講黑警所以想講下警暴問題.

好多人唔相信今次係顏色革命,

而顏色革命首要工作是要利用文宣及傳媒去抹黑及污衊當地政府武裝,

從而盡快解除整個武裝系統, 繼而有須要時要暗/明殺這些部隊.



這幾個月我聽得最多係見到電視上凡出現止暴制亂的影象之後身邊有評論話 :

"於不相等的武裝底下, 黑警唔應該胡亂喪打手無吋鐵既年青人及學生 ............. 要馬上解散警隊"



我自己屋企離開警局三個街口,

公司離開警局一個街口,

係今次風波之前差不多日日都碰見差人,

我雖然樣衰到連女生保險經紀都唔想跟我做保單但居然從來無被警察查身份證,

當然更無被搜身/背包, 連我自己都覺得警察係咪HEA左少少.



而我亦周不時見到 警察查身份證, 搜疑似黑社會份子身, 係公眾活動時維持秩序 時係表現得十分客氣,

至於小弟我當然有違泊/超速, 係被抄牌, 又或者過檢查路障或吹波仔 時警方都係表現得十分有禮貌.



若然平時係正義既朋友突然由六月變作魔鬼係唔太合邏輯.

軍裝凡有經過防暴訓練須要按時編制入防暴隊.



而按理性客觀去睇電視片段香港警察相比起 法國, 西班牙, 智利, 坡利維亞, 伊拉克 的政府武裝係克制及唔過份.

奇怪民主大國又無去當地立人權法案.



當然明白有既定立場係好難去理論,

只不過諗起這問題係度吹下水.

回覆 引用 TOP

引用:
原帖由 世民兄 於 2019-11-26 04:28 PM 發表


其實你認為人地親中毛左,你自己又何嘗係中立?其實你同我一樣,只係你親美祟洋。

我就認為大陸市場太大,你唔做,大把人爭住做,你可以繼續與大陸保持距離,但你阻不了市場取向。

生意人係現實,正如美國貿易戰搞咁多嘢,無非最 ...


哈, 我尋晚真係好認真咁同老婆傾類似問題.
我老婆細個只鐘意煲電視都唔記得佢中學有無畢業,
尋日佢DOWN左成日, 見新播果套劇集不知所謂同佢講左個故事.

當年有個老豆做下手作仔糊口今日唔知聽日有無米落肚,
所以送左個大仔比個有錢人家養.
之後個大仔學業有成準備創一翻事業之際養父家道中落,
於是話生父生意好轉叫養仔返回老家.
但大仔始終對生父充滿怨恨及睇唔起佢一腳牛屎字都唔識多個,
每日同生父傾計都用刀降住生父條頸咁傾,
之後仲慫恿細佬妹話生父無撚用, 快啲去養父個地頭搵個另一個老豆,
但呢個仔原來無去查生父唔再係騎樓底賣白糖糕,
雖然眉粗眼突但而家已經係幾家上巿公司的主席,
只係暫時差少少至做到首富.

我叫佢估下到底個生父應該點去應付呢位長子呢?
估到就知自己下一步要點樣做.

回覆 引用 TOP

引用:
原帖由 世民兄 於 2019-11-26 05:13 PM 發表


生意人從來都唔會有財大氣粗依個觀念,最緊要你唔好口爽荷包立,有錢找數就得。

你可以話大陸係暴發戶,似人多大曬,但其實你有本事,可以唔做佢生意,無人阻你。

至於美國佬又好,英國佬又好,甚至日本仔,何嘗未曾試過做暴發戶, ...


大家做開生意就會明,
一街都係貨無可能用支鎗支住客人個頭要幫襯我,
而家透明度高乜都通哂天,
若然任何一方係賴猫唔認帳或玩低裝對家一眼就睇到,
所以呢刻完全唔存在 地域, 經驗, 背景, 家底 呢類門面野,
一切要均均真真貨真價實.

還有中國中有句老話 (當年某位師父提醒我的),
萬頃良田你食得幾多斗米???
你隻船更大都呀唔哂個海!!!!
所以做生意要憑良心有底線地去做, 大唔一定代表好,
我地睇歷史中國係內須形, 並非外擴形,
唔會下下要跟人比拼誰是老大, 跟老外完全不一樣.
(蒙古及金人不作漢人計算)




回覆 引用 TOP

引用:
原帖由 世民兄 於 2019-11-26 05:59 PM 發表


八年前曾經旅遊去過法蘭克福,當年佔領華爾街之後,德國歐盟總部出面又搞左個佔領行動。

我當年去到八掛睇下班鬼佬咩料,好多帳篷搭曬係度,又有共享書籍,我手機入面仲有一幅相You play$, we pay.既標語。

依班友仲早過 ...


我覺得事情就跟小弟時常提及的 "能否面對現實" 有關,
就如我們都會面對 地產霸權, 金融霸權, 司法霸權, 而家還多左樣政治霸權,
有一百五十幾萬人支持違法達義無問題, 係民主社會確實係少數要服從多數.
而後續既路徑就如大佬你常提及的那兩樣 : 妥協 或 離場.

妥協就較為簡單, 只在乎怎樣去調較個人忍耐力.
但若然想離場的話就要謹慎考慮地點.
我未係外地居住過但跑既地方都唔少,
不管口袋是否夠深但人離鄉賤永遠無錯,
再加上各地的民粹主義抬頭確實唔知那裡才是樂土.

你話我好愛國又講唔上, 中國女排奪標及天安門升旗閱兵我又無乜感覺,
但我生係黃皮膚寫既係中文字講既係中國方言,
若然真的要離場就只能北上. (落後兼政治生癌既台灣省完全唔會考慮)
只係呢刻我仍能夠容忍身邊所發生的一切.

其實區選結果對我真係意義唔大, 由始至終我仍是信唔過特區政府官員.
呢刻要煩的都係中央及港澳辦/中聯辦兩位頭頭.

我唔係術數大師, 所以我會冷靜及耐心去睇事態發展, 兼且會繼續儲糧,
保持樂觀既態度但亦作審慎的準備.
我都同身邊既人講呢個時間發癲掟野係于事無補的.

回覆 引用 TOP



伸延閱讀
[按此隱藏 Google 建議的相符內容]
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!