Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊
追帖 打印

[其他] 《曼聯粉絲吹水帖第壹回:我係曼粉唔係暴徒唔好BAN我》



[隱藏]
引用:
原帖由 世民兄 於 2020-5-27 03:17 PM 發表


美國佬係二次大戰之後,實際上大規模既戰役打左三場,一場韓戰,一場越戰,一場波斯灣戰爭,三場入面有兩場係亞洲開打,一場係中東。

三場入面可以說係一勝一和一負,唯獨是亞洲兩場戰役,美國佬都無法戰勝及摧毀對方,韓戰直接同 ...



其實美國所發動既戰爭都是向全世界掠奪的借口.

其中以韓戰連面子都輸埋.

韓戰根本就是八國聯軍翻版, 十幾個國家打 中/朝/蘇.

中國人民志願軍係無裝備無足夠供應之下把裝備精良的聯軍打回三八線以南,

甚至直取漢城.

中國拍了很多韓戰的電影但記憶中美國好似一部都無拍過.


至於越戰美國以為贏硬更用埋橙劑去對付越共, 結果令大量平民死亡.

但最後美國大兵完全無法應付叢林戰而死傷慘重.


叢林戰或巷戰一向難打,

就如我好推崇的名導演 列尼史葛 那部巷戰經典作裡面情節,

就算講到美國大兵幾勁係索馬里咁既情況底下係完全無得打.


因此眾多越戰電影唯有講到佢地攻打越共係幾咁偉大,

又或者講到美國大兵受越共不人道對待有幾慘.


至於伊拉克戰爭就更加離哂譜,

凡係有大殺傷力武器既國家美國一定唔敢去打,

打下咀炮就得.

講左咁多年又唔見佢去郁肥仔金三仔爺?


當時已好多人懷疑伊拉克係多年制裁之後到底是否有大殺傷力武器,

而石油就必定係美國的目標,

兼且有傳說話係制裁底下有美國人用秘密渠道跟海珊買石油,

因此海珊的私人財產亦係目標之一.


講到呢度又令我諗起另一小型戰爭, 就係班加西大使館.

美國一直利用民宣洗腦講到卡達菲係希特拉再世,

一定要剷除佢為利比亞帶來民主自由.

結果利比亞跟伊拉克一樣, 係無左個所謂獨裁者變成所謂民主國家,

但人民生活仲衰過以前.


正所謂民主自由就係美國一直向全世界掠奪既借口,

但無辦法, 全世界領導的傳媒基本上被美國為首的五眼控制住,

而其他社交網站如 面書, 油管, 推特..........亦是美國向全球洗腦的工具,

全球好多人睇左呢堆訊息就當 fact checked.


因此我已經好耐無上面書呢個開放式瘋人院,

更加甚少跟人討論香江風雲, 講得最多算係跟大佬你吹水既時間.

回覆 引用 TOP

仲仲一田
引用:
原帖由 世民兄 於 2020-5-27 04:18 PM 發表


美國佬最出位既越戰英雄就梗係一個打九萬個既Rambo啦。

不過Rambo都係打輸越戰回國無嘢撈先重操故業。

其實當時靚仔唔識嘢,以為Rambo真係好撚勁,一個打哂成隊軍隊。但後來人大左,就會諗,唔撚係呀,如果美軍個個 ...



其實係睇 rambo 之前已睇過另一名作 獵鹿者.

係這部電影已知道眾多美國人對戰爭的厭惡,

之不過美國為自身利益一定要發掘各種各樣的理由去繼續發動戰爭.


至於講到美國有多仆街可以從另一電影睇到,

就係 jason bourne 系列.


再講返第一滴血, 我睇完全套片既感覺唔係史泰龍有幾勁,

係感受到越戰真係令好多美國大兵痴左線,

若然去美國呢個地方隨時有機會被呢類癲佬隊冧.

仲要一街都係鎗, 咁撚恐怖既地方真係你去埋我果份.


至於你提及的 avengers 系列大美國主義漫畫電影又係取佳洗腦工具,

我身邊好多人由60後到90後都睇到如痴如醉.

我自己真係唔識欣賞.

回覆 引用 TOP

引用:
原帖由 世民兄 於 2020-5-27 04:54 PM 發表


Avengers果啲Hot toys模型呢,細佬我都有收藏,又真係幾有型既。

但你唔係真係信呀嘛?有腦既都知係假架喇。依度都有某師兄留言話美國會為正義出頭,打擊地球邪惡勢力,佢地真係信架喎。

其實大陸都唔好得去邊, ...



我係大陸跑咁多年當然睇唔少你講既抗日戰爭樣辦電視劇或電影,

我都理解好多中國人被日本仔攪到家破人亡心中充滿仇恨,

於是係藝術範疇盡情發洩亦無可厚非.

當然睇到一把曲呎有無限子彈,

或自己唔會中彈而子彈就有眼認住日本仔去射一定會轉台.


因此大陸廣管局多年前已出聲不能再見到呢類另類洗腦制作.


14億人一定乜人都有, 好戰又有, 反共產黨又有.

睇下時下大陸的公知便清楚好多人食碗面反碗底,

中國真係好大鑊, 缺乏好多東西但從來不缺漢奸.


有時我都想問佢地, 如大佬你講個個都係黃皮膚黑頭髮,

講緊中國方言寫緊中國文字, 仲要係食緊中國米飯中式菜餚,

飲緊中國茶及湯水, 咁到底邊一忽似西人呢下?


我真係想講唔好單單舉人地國旗嗌兩句口號就當自己係西人先得架,

我會強烈建議佢地盡快移民去融入佢地心目中的同胞大家庭.

但大前題係先學習好當地既語言及諗下點樣謀生.


我都好難理解幾十年前香港人無書讀無飯開但一句獅子山下精神就可以令香港富強起黎,

攪乜春到呢刻專上教育咁普及就一街都係至醬仲要打爛好多人既飯碗.

都係果句, 我一定會賴哂落阿千古罪人身上.




回覆 引用 TOP

引用:
原帖由 世民兄 於 2020-5-29 08:51 AM 發表

Gary師兄,中共雖然仆街,但你始終係中國人,除非你話你係白人金毛,係中美全面對抗,如果真係中國打輸,仆街幸家產既應該包括埋班漢奸。

你可以唔訓摷被共產黨管治,亦可以唔順超大陸佬財大氣粗。

但若在黃皮膚與鬼佬全面對抗 ...



其實我身邊真係有唔少人想美國打贏呢場仗,
我跟你一樣話若然中國輸左我地仆硬街喎,
佢地只回答因為共產黨實在是太仆街所以一定要佢輸.
(似唔似友隊自己贏唔到唔緊要, 只要曼聯輸波就開心到震?
我身邊真係有幾個人咁同我講)

我一開始已無乜點睇香港發生既事, 香港一直都只是隻棋子,
只是好多香港人認為宇宙的軸心是香港.

香港能成功當然人既質素佔有部份原因,
但最大原因係當年英國唔知攪乜春要左呢個爛漁港,
跟住又唔多點理, 最後中國亂哂龍兼統一之後半鎖國,
令唔少人才及資金過來避難, 之後英國佬見有數圍才開始理.
跟住三十年後再開國, 令香港人掘到個金礦.
咁既背景真係摷勻全世界都無咁既例子.
但後工業時代只靠炒賣我開始好撚驚....................

係去年賭局正式開始時正常人都會諗賭到咁大有無人偷雞呢?
由始至終都是美國在嗌注, 中國只是一直跟,
開頭賭注唔係大所以頭幾舖大家都冚牌.
我呢啲塘邊鶴好自然諗係咪要黎隻黑天鵝至有人曬冷呢?

頂佢個肺一係唔黎一黎就黎隻又肥又大兼且仲要黑媽媽既天鵝,
果時我係度諗唔通係上天既啟示?

到呢刻大家既GDP都唔須要望, 肯定爛過擺左幾年既番茄.
我睇到既數據係美國為新冠撥款大約五千億,
目前預計財政赤字3.8萬億, 按去年GDP即是財赤是GDP的19巴仙,
是二戰以來最高.
再睇2018年軍費六千億, 2019七千三百億,
咁2020無錯從阿富汗及敍利亞撤軍但要打中國到底須要幾多億真係要專家至識計.

另外承諾吸引外地生產線回流美國將會減稅30%.
還有如先前提過美債已超過全年GDP,
咁即是說須要全天候加班開動印鈔機.

我唔會理其他人點講, 以我睇到雙方都似係會曬冷,
呢刻要睇既係到底有無人偷雞.
還有見到去年開始金價一直升,
我都驚是旦一方輸港元都會仆街,
到時我真係好驚一碗雲吞麵要200蚊.
我去銀行想話買實金但居然話無貨????

我都跟唔切地球既轉速, 唯有繼續抦埋做癈老,
希望仆街時都仲有碗雲吞麵食.

另外回應返大佬你最後果句,
係中國既歷史裡面無論個皇帝係聰敏又好係濕鳩又好,
欺君犯上及通番賣國永遠係最大既罪, 必定誅九族.

但比起民主大國原來新中國都係小學雞,
好多年前睇過 guantanamo bay detention camp 既資料真係大開眼界.
都仲未計斯艾雞果條數.

回覆 引用 TOP

[隱藏]
[quote]原帖由 世民兄 於 2020-5-29 10:20 AM 發表

師兄提起貧富懸殊,其實國內相比香港嚴重何止百倍。

我早幾年前去長江奉節出差,即係三國時代劉備釘蓋既白帝城,當地仍然係好撚窮,週街仲係著住開浪褲既細路,食一碗面都係兩三蚊人仔,佢地既生活水平係香港人想像不到咁底。
... [/quote



係改革開放後幾年開始跑大陸, 係果刻中國真的可以講係赤貧.
果時人口好似未夠10億而開始緊一孩政策.
碰到一些書記或老總都講國家好唔公平, 無理由阻此人地生仔.

我有跟佢地講要餵飽十億人根本係個艱辛的任務,
控制人口比增加農產係更適當的做法.
我地中國人都成日講先飽足才會知榮辱.

第一代領導人就係攪糧產攪唔掂才會出現階級鬥爭,
到第二代的黑貓白貓論就是暗示中國人係十分仆街,
一定有人以權謀私有人會中飽私囊, 但最重要是睇效果.
之後要入世保持發展機, 係外國受辱後回國還要被國民鬧呢個係正常現象.
再之後係經濟開始起飛便要研究怎樣脫貧,
再之後就是維穩及打貪.

係整體的成績好多國內人及我都如大佬你所講,
中間某些細節可能未到位, 但大致評分係合格.
而缺點我會歸究於中國人的劣根性, 跟政黨施政無太大關係.
無錯中國人係有好多優點, 但中國人仆街既地方又係其他民族比唔上.

雖然我未去過大西北那些比較窮的地方,
但我去過既省份碰到的同胞大多數都滿意目前的進展.
14億人要個個都識字及食飽真係個不可能任務,
若唔係咁樣管治一早已經解體.

回覆 引用 TOP

引用:
原帖由 世民兄 於 2020-5-29 11:04 AM 發表


中美貿易戰,記唔記得兩三年前阿侵上場時,Ivan兄你PM問過細佬點睇阿侵既路線,當時我回答你阿侵係一個生意佬,佢必定會借搞中國去搵著數,但佢知道條紅線係邊度,因為佢都只係做四年,頂多八年,之後既唔關佢事,玩大左佢落台之後 ...


呢幾年確實睇到商人管治跟政客管治的的分別,
川普一真係好似做生意咁樣, 只會選擇有利益的那方面,
並唔到好似一般政客咁要平衡各方的利益.

今次這隻黑天鵝的出現我唔知各國領袖會係點樣去解讀,
可能川普覺得今次係天祐美國係打巢中國的好機會,
所以預計佢會賞試去踩紅線.

就如你提起的日本泡沫爆破可以睇到美國的一貫手法,
先把資金湧入去當地炒高日經及樓房,
令一眾實業家忘記本業齊齊炒股炒樓,
到日經三萬八千幾時抽走大部份資金,
日經一下子跌到落萬一點仲慘烈過二次大戰,
攪左咁多年都唔知幾時至見到家鄉.

亞洲金融風暴用既都係同一招數,
見到有效係雷曼未出事前再用呢招打中國,
結果中國係無辦法之下唯有係大量外資湧入巿場之後先造冧A股,
之後再發放四萬億退熱及救巿.
當然這四萬億有大部份落入醜陋的中國人口袋呢個係意料中事.

到近年無招可出唯有利用貿易逆差打貿易戰,
今次利用民主牌鴉片去發動新鴉片戰爭,
但又係果句無人諗到隻黑天鵝咁肥斯大隻,
仲要加多個5G而令八國聯軍開始出現分歧,
更加出現番鬼義和團燒5G基站.

係撤銷金本位之後基本上係美元雄霸世界,
但呢刻中東石油及澳洲礦產用人仔交易可見到去美元化的開始,
但美國根基實在太厚所以呢場仗係有排打,
因此保衛國家本土安全係呢刻的首要任務,
若然留有缺口必定有大量漢奸會通番賣國.
至於國家統一係無人踩紅線底下可以慢慢處理.

回覆 引用 TOP

引用:
原帖由 世民兄 於 2020-5-29 12:09 PM 發表


中國人既劣根性真係寫都寫唔完,醜陋的中國人嘛。

你睇下世上有邊一個民族國家會歷朝歷代不停出漢奸,仲要理直氣壯?

但即使係咁,你又不能否認華人既頑強生命力,世上無人能及。人類歷史上只有一個民族國家,可以兩度被外 ...


我地有一句老話 弱國無外交,
當時滿清腐敗不堪兼鎖國多年由上至下都是目光狹窄的井蛙,
孫大炮算叫做有少少視野知到唔改唔得,
但到北洋政府過渡到民國又係垃圾一堆,
就算唔被戰火殺害都會餓死, 每次睇到近代史真係擰哂頭.

最近呢十年算係整個近代史上最平穩最飽足既日子,
當然希望打後越來越好.
係國內有聽到投訴都係因為一些貪官污吏欺壓百姓,
鬧共產黨既反而唔太多.
但出現投訴最多而最利害既就係這個一千平方公里的小島.

首先我覺得香港簡直係一個自由得過份既地方,
金融無管制, 言論更無管制, 傳媒作新聞唔會有法律責任.
我估計係得香港呢個地方可以任意污衊國家及領導人與及燒國旗毀國徽公然叛國都唔會有事,
我唔相信其他民主大國可以容許呢種事情發生.

我好明白四十年前到呢刻的某些自由行大媽的行為係好難頂,
但現並非14億都是這樣, 呢刻大部份的大陸人確實比40年前進步好多.
所以我好奇怪為何咁有水平的香港人唔肯上大陸親身了解一下,
大陸是否如佢地所講到的一文不值.

其實香港而家環境咁惡劣並非共產黨做成,
罪魁禍首正正就是阿千古罪人及佢個腦細.

一國兩制只係當時無可耐何的權宜之計,
實際上係極難施政, 之不過好快會有解決方案.

回覆 引用 TOP

引用:
原帖由 世民兄 於 2020-5-29 03:59 PM 發表


正常,尋日同匯豐有個賓架食晏,都有問佢依單嘢有無影響?佢話點會無?但大戶暫時未郁,個人既離岸戶口,去年下半年已經開始排哂隊,香港地有錢佬多到你唔信。 ...



先前跟一位已上岸的朋友討論如何避險.
佢都話呢刻真係全部都係爛橙爛蘋果,
所以唯有只好擺返港元(即美元)與及持有一些澳元.
亦提到美債數字咁高川普並非鳩嗡真係可能唔認帳,
我地驚還驚但新推出的美債仍是超額認購,
所以聯儲開衡部印鈔機都未必會咁快爆.

各國停擺咁多個月一定大幅影響各個國家的經濟,
話唔定通脹未黎之前先黎個通縮, 所以啲金及銀升到含含聲.
亦知道我朋友周時都拎錢走去利昌.

人仔始終未算係國際流通貨幣,
會密切留意今次賭局進展及國際貿易對人仔的認受性.




回覆 引用 TOP

引用:
原帖由 世民兄 於 2020-6-1 11:45 AM 發表


祟洋,媚外,因為自卑。

鬼佬有其優點,同樣有其缺點;同樣華人有其短處,但亦有其可取之處。

正如中國人係咪唔可以睇英超?唔可以捧曼聯?戇膠!

唔通鬼佬唔可以溝華人?鬼佬唔可以鍾意飲茶食點心?
根本就唔應該側埋一邊。

依 ...


過去兩日直頭無睇過新聞, 等川普真正出招至再睇.

講認真種族歧視係永遠都唔會停止的.
白人不管當權, 富人或窮人都覺得地球應該由佢地管治,
其他有色人種只配做奴隸或下賤工作.

好多年前有一位前輩過去唔記得美定加探佢讀書個仔,
香港有錢仔過到去開賓馳係理所當然.
前輩有日見到個仔及華人同學仔比班鬼仔圍,
鬼仔話賓馳係你地啲黃種人開既咩, 開高檔車係白種人既權利................

前輩一聽完唔係吋班鬼仔, 係即刻叫佢個仔及其他同學仔馬上換車,
被人燒車事小, 咁攪法隨時有生命危險.

再講到好多年前巿區樓價仍係兩千蚊一呎時,
我個舊腦細未富先驕屎忽痕換左架新七系寶馬.
被老外老總見到吋左佢超過一年 :
阿乜生你唔係話好窮既咩, 而家賺好多啦, 好掂啦....................

鬼佬就係咁, 佢就算買唔起都唔認同黃種人可以用呢類高檔貨,
因此小弟咁多年好多朋友睇唔過眼我架錢七甩皮甩骨話換部二手賓馳啦,
好少咪數友情價好抵玩........點點點.
我就係次次開架凹哂甩哂油既日本車去接佢地機,
我真係問佢地唔介意呀可?
佢地話你公司無乜錢賺咁樣啱架喇, 總之唔好行行下死火就得喇.

至於美國發生乜事我真係話之佢, 我自己都未顧得掂呀.

回覆 引用 TOP

[隱藏]
引用:
原帖由 世民兄 於 2020-6-2 03:20 PM 發表


阿侵今次係辣著由美利堅立國第一日已經存在既白人與有色人種種族衝突炸彈,根本無得拆。

佢地大鑊過香港好多,因為美國人合法持鎗,不出軍隊好難平亂,但出軍隊就徹底撕破美國佬既虛偽假仁假義道德面具。

所以默克爾班 ...



我呢幾日都無心情去睇美國發生乜事,
只不過有時老婆轉過去新聞台聽到少許.

我係諗緊今次攪齊咁多個州真係民眾自發?
民主黨或歐洲有無出手呢下?

另外睇到G7開唔成就清楚了解真正政客既行為,
完全唔似川普果種戚起條筋就去做既商人治國.

先前我一直估美元/美國個底咁厚應該無事,
但正如你講出軍隊又唔係, 唔出又驚唔知點攪.
若然到獨立日都未收到科咁就大件事了.
因此我都唔太肯定美國會唔會爆.

呢刻香港既情況都唔係好得佢地幾多,
真係要穩住份工及儲多個錢傍身.

回覆 引用 TOP



伸延閱讀
[按此隱藏 Google 建議的相符內容]
 100 1234567
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!