得得p

引用:

原帖由 世民兄 於 2019-11-26 01:26 PM 發表   

咁就要睇下中共點睇今次依三百萬人既表態喇。
上一次五十萬人和平遊行，泛民之後區選大勝，大家都還可以說成和平理性，大家仲有偈傾。
今次雙方硬碰硬，黑警濫捕，但暴徒亦都無法無天，係和平空間被邊緣化之後，雙方是否仍然 ...

其實之前雙方都無落枱位，今次區選前和平左幾日，再加上區選後平靜，個人認為係一個時機。示威者無搞事，而政府肯做d野去緩和。事情應該可以平息。不過我個人唔睇好，因為林鄭做野永遠慢幾拍。如果下次衝突前搞唔做下野。又再次錯過時機，咁香港就有排先等到下次機會

得得p

[quote]原帖由 世民兄 於 2019-11-26 02:20 PM 發表   

既然得兄定義細佬係毛左，認為我只係站於大陸十四億的角度去睇，當然係你的自由。
但亦容我坦白，得兄似乎太睇得起自己的身價地位，香港的利用價值，不在於香港人，而是香港的制度，而制度沒法改，但人可以換。
你認為香港人無 ... [/quote





所以我從來都係講，我對香港有自信而唔係人。人係可以換，但你落人落黎，都要跟香港制度。
而的確，我係有自己對香港人優越感，就正正係你所講同鬼佬做生意。你話我反中都好，係鬼佬眼中，香港人就係有一份唔會偏幫大陸既感覺，總之制度就係制度，規矩就係規矩，中資又好外資又好，跟規矩制度做野，香港只係賺份水。
而你所講好多行都親中換血，的確，連港交所都換血換到親中成日諗點方便中資落黎集資，不過就算點親中，最後咪要跟足規矩程序，交足文件資料去做。所以一直話中國三大股票市場，上海深圳係國內股票市場，而香港先係真正國際股票市場。

得得p

引用:

原帖由 世民兄 於 2019-11-26 02:57 PM 發表   

你明白遊戲規則就最好，所以香港制度是否得以保留，與本地香港人是否需要存在係兩回事。
就如香港樓價與本地人均收入脫節，就係一個最佳例子。
你看看奧海城及九龍站上蓋住緊乜嘢人？今次事件奧海城與九龍站完好無損，奧 ...

所以呢個咪係我同你分別，你眼中只有中國，遊戲規則就只會向親中方面諗，而我係中國同世界橋樑。要保持中立，呢個就係香港人重要性。香港過份親中，人地外資不如直接同大陸deal，洗鬼經香港隔一層俾份水香港賺。香港就係要保持中立令中資同外資相方都得到最大利益同好處。



內地或西方國家就係過度民族主義同保護自身利益而忽略習近平所講合作共蠃。世界遊戲規則就係要有中立方去平衡同做橋樑，上面金融幫就知道玩法，而毛左就係過度民族主義而唔明世紀遊戲規則。係內地當然無問題，但要將中資走出去而跟你嗰套，現階段或未來廿年可以見到係無可能。所以我一直話你係毛左，就係我睇得出，你同上面班毛左一樣，事事認為中國可以控制任何事情。
香港係可以親中，同應該親中。但要識攞個平衡點。

得得p

引用:

原帖由 世民兄 於 2019-11-26 04:28 PM 發表   

其實你認為人地親中毛左，你自己又何嘗係中立？其實你同我一樣，只係你親美祟洋。
我就認為大陸市場太大，你唔做，大把人爭住做，你可以繼續與大陸保持距離，但你阻不了市場取向。
生意人係現實，正如美國貿易戰搞咁多嘢，無非最 ...

你之前自己都識講，內地經濟係有先天缺陷，中美係金融業永遠無可能傾掂數，呢個咪係香港重要地方。
問過你用邊度取代香港？你就話落人溝淡。依家出黎反得最勁，就係落黎溝淡嗰班下一代。
不過再討論落去，都唔會有結果，觀點唔同。大家等睇出年個結果啦。輸左請食飯

得得p

引用:

原帖由 世民兄 於 2019-11-26 05:28 PM 發表   

依樣最實際，輸左請食飯。
得兄，你可以繼續笑我毛左，但作為生意人，依類奶共，親中已經聽太多，無所謂。
做生意就唔會同錢過唔去，有人肯俾錢搞，自然有人落搭，殺頭生意一樣有人做，家家有求啫。
至於你話反得 ...

其實我同你觀點一樣，但睇法唔同。觀點一樣，係香港重要性同大陸唔會搞死香港。唔一樣地方，係所謂香港人分別。



我話你毛左，唔係貶意。如果有惡意，我會直接講奶共。因為毛左，對我黎講，只係上面其中一種派係稱呼。同金融幫一樣。



我明白你作為生意人睇法。廿年前我都一樣。不過今日，我自己睇唔好內地經濟。唔係話睇少或貶低大陸。係自己個人睇法同感覺身邊大陸朋友轉變。依家大陸，就有d似90年代初香港，如果從生意政治立場，中央唔難過到呢關。難過既係人民生活上。所以我自唔睇好。



再講，唔同地方有唔同做法，可能世民兄你同我做事城市唔同，所以有落差形成睇法差別。

得得p

引用:

原帖由 最後武士 於 2019-11-26 11:21 PM 發表   

香港有其獨特性, 對內地經濟有重大作用, 咁大陸係咪更要抓緊香港? 關鍵在如何係管治香港同保持香港優勢中取得平衡.

成日話香港係內地對外既重要關口, 其實亦係外國滲透內地既重要關口, 關口一開, 美國特工進出 ...

係你眼中係外國滲入，係我眼中，正正香港就係為中國隔左一層既保護網。當然中國要管香港，但管得太緊，就會令外資止步唔再以香港為互太區為中心。自己睇返，自從689上台大做港獨逼中央用更強硬手段去管制香港，近六七年幾多外資已搬去新加坡設為總部。美國依家打香港派，就係打呢點。人地外資設總部係香港，想收情報同時，中央亦可靠香港得到鬼佬情報。

得得p

引用:

原帖由 最後武士 於 2019-11-26 11:21 PM 發表   

香港有其獨特性, 對內地經濟有重大作用, 咁大陸係咪更要抓緊香港? 關鍵在如何係管治香港同保持香港優勢中取得平衡.

成日話香港係內地對外既重要關口, 其實亦係外國滲透內地既重要關口, 關口一開, 美國特工進出 ...

而有乜野優勢，可以係自己可以控制地頭而又唔係核心地方玩情報特工戰。搬曬去新加坡呢個中立場，中國無曬優勢

得得p

引用:

原帖由 最後武士 於 2019-11-27 12:58 PM 發表   

視乎外資對中共發展有幾重要．以及重要性係上升緊定下降緊．

係睇香港對中央同外資有幾重要，聯合國俾香港地方加上中央俾香港一國兩制，可以幫中國同外資美國佬做幾多枱底野。



一個少少香港每年買400億美國科技材料技術，傻既都知係中轉港去深圳。仲有歐洲其他各國。
一首伊朗物資船，證明中國底個層有同伊朗賣買，隔一層香港，西方國家就隻眼開隻眼閉。可以避過西方國家制裁伊朗。
再講，當中國全國7成外資都經香港入大陸，中國要守外資滲入，本身只要守好香港呢個關就已經好好。開放中國市場就真係滿地開花，你防得邊個城市？

得得p

攬炒囉，當香港無得買美歐醫療貨。深圳廣州澳門等地無得經香港入貨。大家一齊用國產。幾咁愛國。到時內地入民唔洗再落黎就醫，反正同上面一樣。少左人落黎睇醫生，港醫療服務又可以減壓。幾好

得得p

引用:

原帖由 超人梅比斯2009 於 2019-12-1 05:23 PM 發表
茂名點解示威？反轉d警車又掟磚，一定是外國勢力入侵，咁唔愛國係到破壞秩序

係極端恐怖主義入侵

得得p

引用:

原帖由 超人梅比斯2009 於 2019-12-1 08:11 PM 發表
最重要是有人信

唔信就係被洗腦，信就係清醒醒目仔。你點揀？

得得p

引用:

原帖由 超人梅比斯2009 於 2019-12-1 11:34 PM 發表
我梗係冇d人咁清醒，所以我做不到醒目仔，只會比人洗腦

睇多d環球時報同人民日報，睇多d你就會醒目d

得得p

引用:

原帖由 jeffcheng23232 於 2019-12-2 03:17 PM 發表
人地要對付中國 也不會是因為你一個小小的香港

到依家你都認為香港係一個小小地方？香港地方雖然細，但今日地方係中英美全球各國合力打造出黎。唔該睇返下香港80年代開始政治背景歷史先講。由中英聯合聲明開始到美國香港政策法加上中國一國兩制。
唔該，唔好再矮化香港係國際社會地位。如果香港真係小小香港，中國都唔會咁重視。

得得p

再睇埋何君堯講野，話泛民可以明年搶立法會更多議席，去奪權。真係呃下d人就得。如果明白立法會選舉玩法，就好清楚，出年泛民最多只可以搶多一至兩席。控制權都仲係建制政府手上。泛民最多都係攞到否決權。立法會玩法，當又咩超區又功能組別，政府早就可以控制。

得得p

其實香港要攬炒，不如唔好同政府咩五大訴求。直接講取消一國兩制，唔要聯合國獨立關稅區，唔洗美國人權民主法。直接俾反中央全面管治。


反正藍絲話香港可有可無，中央隨時有其他地方取代。咩睇下香港咩都無曬時，澳門無左香港既優惠待遇時，澳門會唔會繼續有去取代香港囉。或者聯合國突然將香港優惠俾上海深圳。深圳無左香港會唔會繼續暗啞底可以每年買幾百億外國科技器材，繼續做高科技城市。



香港人應該請求中央，取消兩制，俾返一國個中國人身分我地。中國香港要咩兩制呀！真正受優都係鄰近城市。