Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊



追帖 打印

[其他] 《曼聯粉絲吹水帖第壹回:我係曼粉唔係暴徒唔好BAN我》



[隱藏]
引用:
原帖由 世民兄 於 2019-8-13 06:04 PM 發表   

我地既分岐,應該在於如何判斷中國的國力及國勢上升,從而推斷香港可以有幾大利用價值。
因此,得兄認為係香港地方政府唔夠強硬,由原本可以爭取到70變成得50,而我就認為是國際大形勢,令中國既討價還價能力不斷上升,香港能 ...




我係認為,香港過去係中央俾50時,香港政府話30已經夠。
而我唔覺得中央會將香港變成只係一個沿海城市。原因係金融市場同港幣。當然,你可以話人民幣國際化同上海深圳隨時可以取代香港。但之前你都講過,中國有結構性缺陷。完全對外開放係無可能,所以係香港有存在價值。如果中央選擇放棄,情況可能比依家唔聽話香港,甚至有港獨可能的香港更加威脅中國主權問題。中央無可能行一步可能真係會失控的棋。而無論美國佬點放風話取消香港特別關稅區都好。俾你取消,香港亦唔怕。除非你唔同中國做生意或者其他國家唔介意跟曬中國政策去做。香港呢個緩衝區,中央同各國係無可能放棄。

回覆 引用 TOP

引用:
原帖由 世民兄 於 2019-8-13 06:04 PM 發表   

我地既分岐,應該在於如何判斷中國的國力及國勢上升,從而推斷香港可以有幾大利用價值。
因此,得兄認為係香港地方政府唔夠強硬,由原本可以爭取到70變成得50,而我就認為是國際大形勢,令中國既討價還價能力不斷上升,香港能 ...




其實我總結,係香港仲有討價還價能力。國內人士可能話香港唔聽話唔愛國。但每個人對愛國態度不一,有d願意付出,有d沉默接受,有d不理政治,而我,只要唔背叛國家出賣國家就可以。每個人底線不一。

回覆 引用 TOP

引用:
原帖由 沙粉 於 2019-8-13 09:58 PM 發表    

普選性質有少少唔同....中央點引導都好...用咩名義都好...都已經無影響
普選已經係香港有共識嘅基本核心價值...本來親中仲可以玩循序漸進....但今時今日....中央或香港政府無可能再可以胡亂過關了....最遲下次 ...




依家環境,香港捱唔捱到10月都成問題。警方開始失控。越爆越黑。林鄭同政府,已經完全失去對警方話事權。




回覆 引用 TOP

其實你地估,沈默無壓力?沈默有時俾表態壓力更大。選擇沈默,好多時唔係因為對政治冷感自私。係因為睇清楚局勢。示威者行為啱?警察做法又係正確?兩邊都唔啱,兩邊都有錯,兩邊都用無限藉口都掩飾罪行。沈默除左被表態,仲要承受兩邊壓力,因為兩邊都會不停游說你去企邊。


最後講到底,咪又係林鄭政府搞出黎。佢尋日嗰記招出黎講幾句,我真係笑左。推香港落深淵正正係佢。佢唔止一次機會可以挽救,但一次佢都無做過。簡簡單單兩個字,死硬頸唔肯講。

回覆 引用 TOP

[隱藏]
引用:
原帖由 0dude0 於 2019-8-14 05:20 PM 發表
777的政治面子緊要吧




到到依一刻,佢仲有咩面子。每次佢開記招,我只係期望佢講兩個字。撤回!你講左,大家冷靜停下再傾。第一步唔肯做,就叫人停再傾。叫人冷靜自己就火上加油。推香港落深淵正正係佢自己本人。仲自認精英班子?仲話自己有反思?條8婆完全影衰香港精英班子。8個字就可以叫全香港冷靜落黎:撤回!對唔住,我錯了!

回覆 引用 TOP

引用:
原帖由 timstims 於 2019-8-14 05:51 PM 發表
如果一開始肯講撒回,就根本唔會有五大訴求,真係唔知係佢決定定北京




佢一日係香港特首,佢一日都有能力救回香港。就算中央命令佢。但佢開記招肯講撤回冷靜。就可以拉反香港出黎。當係中央命令佢唔俾佢講,佢又願唔願意犧牲自己救返香港?

回覆 引用 TOP

引用:
原帖由 faifai1234 於 2019-8-14 08:10 PM 發表


好明顯佢冇得揀,唔係話犧牲就得,阿爺一定有野揸手等佢唔敢逆意,要睇係d乜野,又或者要犧牲乜野,分分鐘而家佢想有咁亂得咁亂,逼阿爺出手收拾呢個爛攤子,反正佢民望都跌到落谷底 ...







講到尾都係想自保,犧牲香港都無所謂囉。不過我睇,事件結束後,佢都唔會有好日子過。中央唔似會放過佢今次搞成咁。所以話,佢未夠料,又貪做特首貪到要香港陪葬。仲話自己心愛香港。真係聽到都想毆。

回覆 引用 TOP

引用:
原帖由 lawrence4325 於 2019-8-15 01:04 AM 發表
對我黎講,我三個 撤回,撤消612暴動罪同埋成立獨立調查委員會
釋放全部示威人士我覺得可以係獨立調查委員會引伸出黎,即係要查差佬之餘,係今次示威違法既示威者都要查埋,無論差佬示威者都要查,個委員會唔可以全部都係政府 ...




普選邊有可能,唔係關時間事,問題在於人大已經釋法831決定。要接受,四年前已經接受左唔會有佔中。至於其他四點,除左撤回外,其他三點林鄭係可以做但就唔可能去做。
理性d去睇,獨立調查已經唔可能,因為事情發生到今時今日,已經唔係單單查警察查政治事,香港黑社會已經牽連入去。加上內地執法部門亦介入。仲點可能調查。




回覆 引用 TOP

引用:
原帖由 沙粉 於 2019-8-15 12:57 AM 發表 +



我係贊成撒回+成立獨立調查委員會嘅.....不過如果你用政府角度去睇...你就知成立獨立調查委員會好困難....政府同警方係同一陣線嘅...警方係幫政府維持治安秩序...政府唔希望再有佔中事件發生...所以612係激烈 ...




當黑社會同大陸執法部門牽連入事件內,仲點調查事件,查起上黎越爆越黑,邊個負責得起。



至於點收科,無㗎!用時間拖到你香港人唔玩囉。情況同台灣一樣。一直講武統同軍事演習嚇你,同依家深圳駐防同演習一樣。等你自己內閧。睇班和理非點睇事情發展落去轉邊囉。示威者易失控多過警察。加上無大台控制各有各做。遲早失民心,前日機場就最好例子,本身原意係和理非接機解釋,希望得到國際社會關注同理解。勇武入去就騎劫左。

回覆 引用 TOP

[隱藏]
引用:
原帖由 lawrence4325 於 2019-8-15 06:51 PM 發表
所以就係話如果硬係要普選既,只有一個辦法就係香港獨立
獨立調查會我都只係FF下姐,要做真係好難
都係嗰句,咁成咁呢個政府同777自己攞黎,唔怪得人

利申,不支持港獨 ...







一開始黑社會同大陸執法部門未介入,獨立調查我覺得係可以,好衰唔衰五大訴求有普選(好明顯係被民主派利用),結果你想有一樣都變無。



公道d講,和理非同示威者追求一樣。但做法上唔同。不合作運動,由佔中開始始已經知道無用同會引起社會反感。今次示威者可以搞,和理非就算唔認同你做但唔會反對。因為始終係香港事。香港人會明白。但搞到機場就過份曬。不合作運動去逼人認同你,同共產黨做法有乜分別?咁都算。為左逼政府回應,利用埋遊客做賭注,政府乜都唔洗做,已經贏反曬。本來原意接機解釋幾咁好。遊客可以理解,就算無咁方便上機但唔阻到行程,成個運動係正面。依家全部都係負評,一舖輸清。我真係睇唔出仲有咩籌碼去同政府講五大訴求。唯一可以俾人睇清楚係警方同黑社會有幾黑暗。不過可能我上左年紀,一早知道有幾黑暗。但對年輕一代,單純教育下,就可能覺得難以接受。

回覆 引用 TOP

引用:
原帖由 cctv9999 於 2019-8-15 08:28 PM 發表


即喺已經end game 之後派完$再通過逃犯條例?




個人覺得會直送廿三條,唔洗再再逃犯條例。



不過我情願攬炒出老解,反正都係一9樣,點都想要大陸失去d野(香港個市)先證明過香港人有爭取過。不過到時香港人有排受。

回覆 引用 TOP

引用:
原帖由 Kirkand 於 2019-8-15 08:48 PM 發表   



如果真係開到獨立調查,去到某D位應該已經有人攬哂上身唔會燒到中聯辦







中聯辦就一唔會燒到,但警黑點搞?仲有獨立調查係公開定直報特首或上報中央?公開分分鐘連班商家佬都要查埋。直報報特首或中央,示威者又會接受?基本上全部都係死結。

回覆 引用 TOP

引用:
原帖由 lawrence4325 於 2019-8-15 09:09 PM 發表
係呀師兄,普選真係好難,我支持同尊敬年輕人去捍衛翻自己應該有既自由,但想透過呢件事再爭取一d你本身冇既野,唔係唔得,你要有談判籌碼先得,但我唔覺宜家香港仲有乜嘢籌碼係手 ...




有,香港個股市。唯一談判籌碼。大家攬炒就唔要香港個市。其實你地唔覺得奇怪,香港個市係日日跌,但未有人講係股災。之前跌千幾點已經講到好似會死咁。今日仲夠力反升。




回覆 引用 TOP

引用:
原帖由 Kirkand 於 2019-8-15 11:41 PM 發表   



一般好似係公開同報告會交比政府,做得嚟最少都要2,3年,到時政府可以因應返當時嘅政治情況先決定告定唔告。好似南丫海難拖吓拖吓最後只係攞咗果船長祭旗。
不過政府一開獨立調查,警方高層好大機會同政府割蓆,如果到 ...




依家已經唔係單單香港事,已經牽涉中央。牽連咁大香港政府仲有乜能力去獨立調查?仲要公開?有乜可能。

回覆 引用 TOP

[隱藏]
引用:
原帖由 惡魔旦丁 於 2019-8-16 02:28 PM 發表 由誠哥都要登報紙.分2段比2邊陣型睇 我認為佢已經知中共已經對香港出兵制壓

誠哥係江派果邊.佢依家係叫當權者放過香港







睇返香港個市,就知中央唔會出兵。中央真係出兵,班大戶早就著草式走資。

回覆 引用 TOP



伸延閱讀
[按此隱藏 Google 建議的相符內容]
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!