Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊



追帖 打印

[其他] 《曼聯粉絲吹水帖第壹回:我係曼粉唔係暴徒唔好BAN我》



[隱藏]
引用:
原帖由 世民兄 於 2019-8-7 05:31 PM 發表
人仔國際化主因係一帶一路的實際需要,當人仔交易量增加,自然會成為國際主要流通貨幣之一。
但大陸先天既經濟結構,不容許人仔完全對外流通,需要一個點來調控人仔既國外流量。
所以不用擔心國內既民粹主義,商家佬既市場 ...




不過你講開民粹主義,我覺得中港矛盾,好大程度上,係班共青團搞到無得反轉頭。

回覆 引用 TOP

引用:
原帖由 惡魔旦丁 於 2019-8-7 07:23 PM 發表 當連雷射筆都可以係攻擊性武器 個社會荒謬到呢個地步 咁樣你平時出街都要小心啦 電話肯定係攻擊性武器. 電筒又係鉛筆原子筆都可以係 容乜易話你用黎插眼
喂再引述落去.書都可以係攻擊性武器 ...




佢依家不停拉人,就要你班年輕人驚,就算唔驚,都想屋企人反對或阻止你再出去,甚至移民。依家班後年,會驚死?會理屋企反對?林鄭仲用上一代做法,算數啦。

回覆 引用 TOP

引用:
原帖由 cctv9999 於 2019-8-7 08:05 PM 發表


我有鎖匙同大銀,好驚俾人拉




你鎖鎖匙同大銀都話可以放底。我排牙先慘,隨時話可以咬人武器。




回覆 引用 TOP

引用:
原帖由 惡魔旦丁 於 2019-8-7 07:50 PM 發表   
下下上火上加油 想引爆全香港人







深水埗長沙彎依家都見少左差佬行bit。抄牌直情無曬。

回覆 引用 TOP

[隱藏]
引用:
原帖由 惡魔旦丁 於 2019-8-7 09:00 PM 發表   
手腳唔算. 不過小心.屋企唔多唔少一定有攻擊性武器 佢上門話你係就係 所以千奇唔好帶攻擊性武器出街




我棚牙點算?咁大殺傷力

回覆 引用 TOP

其實香港衝到今時今日,已經係中央好大忍讓。對比同樣一國兩制澳門。早幾年嗰單野。帶頭嗰幾過早就被消失了。你大可以話香港班後生唔識死去衝,到最後只會香港埋單。但另一角度,佢地想爭取,唔想變成一個只會順從的香港。等同希望香港政府會係中央度爭取港人福利,而唔係唔理港人福利只會做中央隻狗一樣。


當然香港只係中國一小部分,大陸想放棄隨時可以,但眼見梁振英同林鄭係賣港去入人大。我就唔多高興囉。



我只係覺得,一件事可以有多個角度,今日班後生衝,可以係破壞,亦可以係爭取。取決態度係中央點睇。我又唔覺得中央同國內人士睇今次係港獨囉。佢地今次連顏色革命等字眼都好少。

回覆 引用 TOP

引用:
原帖由 世民兄 於 2019-8-9 03:18 PM 發表   

我同意得兄的觀點,今日香港即使齊齊攬炒,絕不只是勇武派的責任,係所有人都有份做成。
港豬只識批評,但又唔敢企出黎,自然會被其他肯企出黎既騎劫你既意願,你唔肯付出,自然係有代價。(即係我依類PK)
和理非雖然和理非非, ...




其實一講政治,就無得講咩對錯。同信教一樣。睇你信咩教。



老實講,唔係個政府仆街,會咁多人出黎遊行。遊行你唔理,班後生衝動咪衝囉。到衝左你先有反應,咁咪繼續衝囉。政府一開始唔理,就應該唔理到底。依家好啦。成個社會分裂到仆街。



中央仲想保一國兩制?保到都無用,都無人再會信。一國大於兩制係永遠事實,但人係有眼睇,一國下,隨時可以唔理兩制,仲保黎做乜。其他國家都唔會再信。



由反送中,港人就係怕莫須有引渡返大陸。依家香港政府就話俾你聽,莫須有唔洗引渡你返大陸。直接係香港都可以做到。

回覆 引用 TOP

引用:
原帖由 世民兄 於 2019-8-9 05:45 PM 發表   

所以香港既命運其實說來說去,就是中美兩國如何達成平衡。
北京強硬管治香港,破壞一國兩制,令外商投資信心崩塌,香港失去利用價值。
依一個前設係外商有辦法繞過香港而直接同北京交易打交道,而北京亦有方法在不完全對 ...







其實真係無得拆,過去咁多年,真心從未見過香港行到咁地步。感覺就算中美和解,香港分裂問題已經無得解決。最可怕係14年佔中,傳落老解d人都話識下驚,而家,你話落老解,d香港人話係就快d,最多以後放工唔出街返屋企瞓。



題外話,其實係咪真係咁多人傻,信曬報紙佬講既野。老實講,今年就算無大型示威,香港經濟都會因為中美貿易戰下滑,依家個個就瀨示威。香港人真心咁易呃?😂




回覆 引用 TOP

引用:
原帖由 世民兄 於 2019-8-12 03:24 PM 發表   

我認識既淺黃,到依一刻仲係認為只要政府撤回或者五大訴求其中之一解決,就會少好多淺黃既上街,剩下既深黃唔關佢地事,淺黃唔認為自己係搞港獨。
你話佢地係咪天真得可憐?
係中央政府角度,你地不論淺黃或深黃,訴求只有一 ...




係中央角度睇,港獨就係港獨,咁咪既係莫需有囉,同引渡條例一樣,中央要引渡你,你咪要被引渡回去一樣。今次風波,就係係引渡條例引起。港人怕就係怕莫需有,依家咪證明曬點解要反送中囉。



其實你講得無錯,係中央立場,一國為主權,港人亦知道同明白。但接受還接受,唔代表希望香港變成內地一樣,係有能力爭取時,保住兩制獨立性。中央同香港人睇法基本上就角度唔同,香港政府同中聯辦係有責任如實上報,回歸廿二年,董建華同曾任權年代,你都會睇得出,中央政府係好清楚同明白港人想法同意向,亦會盡可能係一國下盡量發揮兩制重要性。但梁振英上任開始到林鄭。個人同身邊朋友都覺得,中央已經失去對香港的真實情報,而前排東方亦報導過,中央駐港機構對香港情報上報有誤。大家自己諗下,點解香港搞到今時今日地步囉,



答埋其他網友關於經濟問題。今次風波影響中小企。我唔係話完全無,影響就一定有,但唔係好似各位講到咁大,乜都入曬示威者數。自己睇返,由中美貿易戰開始,經濟數據同消費意慾,都已經係一年前一直下降。點解無人吊中國做同順民去同美國和解或吊美國霸權主要要同中國開戰,影響佢地自己生意或中小企收入?一年多前中小企都已經開始因中美貿易戰而叫曬救命啦。依家入曬班示威者數,真係搞笑。



我話香港人蠢,就係一般人,只要政府話乜就信乜,今次瀨經濟下滑係因為示威,真係就入曬示威者數而無睇大環境。一年前就已經下滑,到近兩個月入示威者數。一個大話呃你十年八年,政府講就信足五十年,到依家都有深藍講,無中國,香港連水都無。五十年前一次大旱災,我地香港就白白買足五十年東江水去倒足五十年。由幾千萬一年到依家四十八億。如果再有旱災,狼來了左五十年,請繼續做港豬啦。我跑大陸都廿幾三十年,港人係大陸商界地位依然存在,但香港政府同港人自己仲識唔識爭取同利用自己港人身分,就共免之了。

回覆 引用 TOP

[隱藏]
引用:
原帖由 惡魔旦丁 於 2019-8-12 10:28 PM 發表   
依定我分析林鄭先係驚到腳震 警察可以將扮示威者都浮晒上面 林鄭無擔心過自己安全?
根本佢下一步.中共就係想製造更大既藉口 今日就話香港係恐怖主義苗頭.下一步我最驚就係 開始做更驚人既野.就好似當年美國一樣  ...




林鄭就算把啦。好明顯佢已經無權力再話事。佢已經係紙板一個。



至於中央政府方面,可能我自己比較樂觀,我個人睇法反而係中央基本上係唔急。會等埋選舉後再作打算。心急反而係西環。中央要對香港硬,香港基本上係無能為力。中央怕你香港咩呢?香港要自殘,隨便你,佢要救要打,一個命令就夠。到依一刻都未落依個命令,就係仲想打經濟牌去救香港,急既只會係西環。西環負責選票,如果選舉失敗,佢地又排負責。所以先出到又老黑又福建幫,想盡快平息風波。可惜背道而馳。今次選舉輸9硬。到時中央點做?個人估計咪不停派糖囉。派到你班中產唔出聲,不停要做野,做到遊行都無時間。但樓價就不停炒高,高到你賺幾多都唔可以無左份工,手停口停。中央以前係爛仔,爛仔收左火,雖然唔代表佢地唔爛,但唔代表佢地唔識進步去用其他手段要你收聲。當香港仲有利用價值,中央無可能放棄。錢?佢話自己有幾多就幾多,怕咩俾利益你要同你動手?



至於班年輕人,就比較難搞。想點?我真係唔知佢地點先識收?五大訴求就無可能,最重要嗰點係雙普選,要否定831,直接挑戰中央對港話事權。係中央眼中,雙普呢個訴求等同外國勢力搞港獨。其他四樣。都叫有d可能同機會,但最怕班後生不達五點不罷手。因為每個想法不一。任至,佢地自己都唔知想點收科。



個人睇下,你話我仆街我都係咁講,香港真係亂?我自己就唔覺得。有暴亂?火就已經放左,個車都未燒過一部叫放火?有人趁火打劫亂搶野未?明知你警力不足,d賊有老爆甚至打劫金舖銀行未?真係暴亂如果咁和平,世界就唔會有咁多人因為暴亂而死。畫面係好震撼,點解咁震撼咪因為香港太平左咁多年囉。今日搞完某個地方,聽日就可以開舖,元朗傳話有事,停一日第二日就回復一樣。馬會可以知道邊度有事,嗰區只停一日甚至仲可以開半日六點先收。亂到咁和平同有秩序,咁真係叫暴亂?

回覆 引用 TOP

引用:
原帖由 jeffcheng23232 於 2019-8-13 10:50 AM 發表
政府未講我已經話對經濟好大影響
由前中小企 及好多前線員工
唔好講成日示威開唔到鋪 就算開到以現正社會氣氛 仲有人有心情消費?

貿易戰當然有影響 但唔好講到示威對社會冇影響啦 ...




我無話示威無影響,但唔係你所講影響咁大。



中小企年初已經只貿易戰嗌曬救命。消費意慾同經濟下滑亦一樣。你講得啱,依家社會氣氛唔好會影響心情消費,但依家政府同一堆商家佬開一堆記招出聲,同你所講一樣,因示威影響中小企經濟,我就唔太同意囉。就算無示威,環球經濟一樣仆街,示威係有影響甚至你可以話係催化劑加速經濟下滑。我只係想講,真正令中小企嗌救命係大環境因素而唔好下下將問題推落示威度。

回覆 引用 TOP

引用:
原帖由 世民兄 於 2019-8-13 12:20 PM 發表   

其實得兄的觀點,只有一個方法可以解決,直接趕跑解放軍,你就可以自行決定香港可以想點。
一日解放軍仍然駐港,香港都無法脫離中國管治,中央政府肯俾幾多你,只能由中央政府決定,香港所謂爭取,只係能令中央政府考慮,但唔代表 ...







Sorry,我唔認為有需要趕走解放軍。香港唔係話自己想點就點。始終係一國,無可能分裂。我觀點係同中央打交道問題。世民兄我諗你其實好清楚點同國內人士甚至一些官員點打交道。除大至可分為兩種。

回覆 引用 TOP

引用:
原帖由 世民兄 於 2019-8-13 03:52 PM 發表   

得兄,難道事態發展到中央已定性港獨,在正常情況下與中央政府打交道的手段,你仍然認為有效嗎?
得兄屢屢強調不支持港獨,但又無法否定港獨的存在,因為事實上,真的有抗爭人士打出香港獨立的旗幟,我都想請問係如此情況下其他 ...




世民兄,大家觀點唔同。我唔覺得中央有將今次定性為港獨。個人睇法,一直定性事件為港獨,都一直係大陸同香港極左人士同香港班怕共產黨的人。如果中央真係定性為港獨,國務院就唔會只派一個官仔出黎發報新聞同開始定性為恐怖主義。會直接說明港獨想分裂國家。



再講,我行出黎遊行,代表我支持港獨?如果呢個係你睇法,咁我無野好講。由支持反送中出黎行到今日都行出黎。原因的確係變左,變左係人地出黑社會我就要怕事做縮頭烏龜?以後係咪有人恰我,我就可以請南亞斬佢就可以解決事情?



你已有固定立場將今次事件定性為港獨,咁已經無野好講。點解同中央唔可以用正常打交道方式去解決今次事件?只要有人提議一個好方案,再包裝到中央有著數同落台位。依家中國外優內患時,點解中央會唔接受?問題在於香港政府一直做開點頭狗,跟本無主見。而班有能力大媽沙,只為利益看。如果真係有方案又識同上面打交道。問題在於上報中央係林鄭同中聯辦,佢地係唔會選擇犧牲自己如實上報方法。前排先同朋友討論過,如果有人肯上報中央,加上香港班大多數(港豬加和理非)支持,懇求中央係香港成立獨立調查今次風波加事件。情況同當年成立icac一樣。肯定中央即刻做嘢。因為中央要打黑打保護傘,而且有機會向全世界立威,同當年英國佬一樣。但回𣿬報中央係林鄭同中聯辦,佢地會俾屎自己踩?我同朋友討論呢個方案對中央有利,同時亦可以滿足五大訴求其一。



方法有好多,問題係有無方法令中央有利同港人妥協。中央很益會唔會多到可以犧牲林鄭。同時有能力者可以唔經林鄭同中聯辦上報中央。




回覆 引用 TOP

引用:
原帖由 世民兄 於 2019-8-13 05:04 PM 發表   

得兄,其實我唔係好明點解你會認為中央政府唔係定性港獨,港澳辦發言已經係公開演說,講明係有港獨勢力策動反中央政府的叛亂,港澳辦如果唔係得中央政府授權,又點可能公開發表?
究竟係我個人主觀,還是你選擇性無視港澳辦代 ...




如果中央已經將我定性為港獨,我早就唔可能出入大陸。我今朝都仲係珠海。
都係嗰句,如果清楚中央做法,定性為港獨,就會唔係港澳辦新聞辦出黎報讀香港新聞一樣。直接會由委員级甚至副總理級人士出黎發表,直接定性為港獨。我唔會無視國務員任何發報,但重視情況我會睇出黎講野官階而定。



世民兄,大家睇法同角度可以唔同,但係基本法下,我係有遊行權同集會權,每次我出黎行或集會,都會有警察不反對通知書先出。如果咁你都要標籤我為港獨或支持港獨。我無野好講。我只可以講,我仲可以自由出入大陸同就算過關,連查都無查過我。依家中央就無定性我為港獨,反而你我大家作為港人,你就認為我係或支持港獨。

回覆 引用 TOP

[隱藏]
引用:
原帖由 世民兄 於 2019-8-13 05:36 PM 發表   

得兄,我無將你定性港獨,我既觀點係指出中央政府已經定性今次事件為港獨,而有份參與其中的一份子,不論個人是否支持港獨,都被中央政府視為港獨一份子。
至於你個人仍然有出入國內的自由,當然係現實上中央政府都無可能全 ...




世民兄,其實大家睇法同角度唔同好正常。就算今日係你睇法正確,聽日就可能變成錯。中央最利害地方,係可以經常改變政策,觀點同方向。永遠都會留一線俾自己走位。正如基本法上,永遠有一條,中央有最終釋法權一樣。表面睇好正常,實際上就係我點演繹就點演繹。
大家都係吹下水,正如我同你都覺得中央給予香港幾多,香港就有幾多一樣的角度。但你觀點係中央話俾50,香港就只有50。而我觀點係中央開價50,其實港人係有權力去爭取到70。只要唔過中央底線過80-100。就無問題。但我個人覺得,近10年,中央開50,香港政府話30已經夠。角度一樣但觀點就唔同

回覆 引用 TOP



伸延閱讀
[按此隱藏 Google 建議的相符內容]
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!