Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊



追帖 打印

[其他] 《曼聯粉絲吹水帖第壹回:我係曼粉唔係暴徒唔好BAN我》



[隱藏]
引用:
原帖由 casshern2 於 2019-11-21 08:38 AM 發表
根本佢哋好多人都唔肯真正面對現實無得好講


這段時間圍埋吹水當然係傾今次的風波.

但真係好多人唔信今次係香港人黑仔被外國勢力選中作為顏色革命戰場,
其實對方先前應該用左起碼十幾年時間用某報章去進行洗腦才有這個效果,
再加上一流的文宣所以好多人認為共產黨及香港警察係仆街中之仆街,
佢地呼吸出黎的空氣都係帶有毒性.

今次雖然初步成功但不能像烏克蘭那樣可以直搗黃龍,
因為背後有中國撐唯一武裝的香港警察, 唔似金鵰部隊要集體下跪.
另外睇到外地的暴徒真係視死如歸, 唔似香港呢班大多數見到真鎗會四散.

洗腦洗到咁深都好難拆, 睇黎中央都應該會引爆然後再去執,
所以深圳升格及澳門作為另一個人民幣離岸交易中心都唔似係流.
只能祝香港好運.

回覆 引用 TOP

引用:
原帖由 最後武士 於 2019-11-21 09:55 AM 發表




但七警案係公義既表現。
亦話比警方聽社會唔容許警暴。even對住罪犯。如果可以酷刑犯人,就會去番5,60年代咁會有屈打成招。所以而家審犯需要有錄影。點解鏡頭會對准警方係因為警方係當權者&執法者。示威者有警方捉 ...


對的,
還記得仍讀緊書時警廉開大拖的事件, 之後殖民政府都知身有屎全部特赦,
之後要求投考督察的應徵者必須具備大專或大學學歷, 目的是要提升警隊文化及水平.

我自己跑很多地方, 發覺香港警察的整體態度真係比很多外國警隊優勝.
(當然小部份害群之馬不在討論之列)

至於話打個犯有無錯真係好睇法官大人的判斷,
但我從電視新聞畫面上外國警察打犯真係唔理佢無法郁動都係照樣出力打,
尤其是民主大國楊基.

我見香港警隊係呢方面真係相對上輕手.

當然顏色革命第一樣要做就是要解除及污衊當地的武裝力量,
以方便特工內奸更容易去排起事端.
而香港係67之後甚少發生這種大規模暴亂, 頂多只係果次南韓農民,
所以六月開始時我真係覺得警方手忙腳亂, 我睇新城巿果鑊都鬧緊班指揮官到底攪邊科.
到劉二回歸才見好轉, 到呢刻鄧一上場有明顯改善.

真係有排攪, 睇埋台灣省大選, 中美貿易談判, 英國脫歐 ...... 之後會否有轉機.

回覆 引用 TOP

引用:
原帖由 最後武士 於 2019-11-21 10:30 AM 發表




仲有點解警方唔一開始就捉係因為入面有自己人,要比隻鬼慢慢滲入組織內部,捉大佬。



至於警察質素。。。高層可能有既,前線就。。。以前藍帽子戊孤兒兵,呢批防暴可能仲激。 ...


當然, 睇戲都睇得多派UC唔會只捉佢老笠及爆格,
必定搵犯毒及謀殺的証據, 可能要花費大量時間,
就如陳永仁三年又三年十年都黎緊頭真係唔出奇.

整個警隊三萬人當然無可能每個人都有咁高既心理質素,
日日捱眼瞓捱肚餓仲要被人屌老母質素唔夠的會發癲係人之常情,
所以警方都話呢排的心理輔導都好重要.
因為佢地係呢刻唯一可守護香港既人, 若佢地癲左咁就大撚鑊了.
當然外國勢力就係想逼到班警察發癲.

亦因此警方只派出有一定經驗及訓練的 防暴, 黑龍 及 SDU 出勤,
我諗班大袋都清楚啲新紥師兄一定頂唔順.

到呢刻有一個話題係 林鄭 及 鄭律 兩位到底係鬼定係最佳女主角,
佢地好似真係跟警隊過唔去咁.
我地外人真係好難估, 而家唯有信中央.

我成日話, 若然中國仍係未入世之前果個中國咁香港呢舖真係香撚硬,
就算79年之前共產黨點唔好都要明白係呢刻中國強大香港先至有運行.

楊基直頭當左佢係地球老大,
屈南斯拉夫有大殺傷力武器喪炸, 炸埋中國大使館面不改容,
攪阿拉伯之春硬要塞入佢地果套民主令 利比亞, 突尼西亞, 斜利亞, 兩伊......仲衰過極權統治果時,
當庫爾德係避孕套打完ISIS便撤軍由佢自生自滅, 不過庫爾德又係黑仔被四個國家畍開.
仲有, 無國界唔出手可能係阿富汗果次楊基果次明知邊度有醫院都照炸死左十幾個醫生, 肯定怕左佢.

就如先前跟呢度啲師兄吹水, 民主/法治 只係用黎鳩吹, 邊有人會認真做.




回覆 引用 TOP

引用:
原帖由 香濃咖啡 於 2019-11-21 10:41 AM 發表
只要有"幾個"人附和,就開始大大力狂插狂抹黑⋯⋯點點點眉飛色舞真面目表露出嚟,先前咩和理非咩為人諗一大堆藉口左右不是人唔知為乜?
只是網上吹水都可以如此,現實這些人可以有多自私無恥,諗下都心寒 ...


咖啡師兄,

正確黎講應該係大台文宣及和理非在大力狂插狂抹黑至啱.
我地呢類小巿民真係唔會理有沒有民主, 或者特首點樣選出黎,
更唔會要求香港獨立.
還有係暴徒唔比正常巿民發聲, 電視見到好多發聲的巿民被黑衣人打到頭破血流.
師兄你好似把個情況倒轉講.

估計大部份香港巿民只係希望中國大陸及特區政府做出一些對香港有利的政策,
令大家有工開有飯食有屋住, 有無得去旅行買名牌都係次要.

呢刻係有小部份擁有較特別的個人理想或要求的人被煽動去發起暴動,
而去大力抹黑政府及警隊, 與及破壞香港社會令大部份巿民工作甚至生命受到威脅.

香港係少數一個任意上街遊行屌柒國家領導人燒國旗都無事的地方,
咁都唔算有民主自由睇怕呢個地球都好難再搵到樂土了.

回覆 引用 TOP

[隱藏]
引用:
原帖由 世民兄 於 2019-11-21 11:04 AM 發表


差佬只係政府既武器,真正既戰場仍然係中美雙方更高層次博奕,香港只是其中一個戰場,香港局勢係隨著中美兩國既互動而不斷變化。

其實美國佬都心知肚明最後都係要放棄香港依個據點,始終地緣問題,難道可以派美軍黎接管香 ...


其實整件事可以發酵成功就如我地先前討論的另一個背景因素,
因為聯繫滙率及高地價政策導致貧富懸殊差距日增繼而引致社會撕裂.

呢個係殖民政府埋下最強力既炸彈之一,
係咁既情況下只要有人稍為挑釁好容易令得唔到相應財富的人引爆心中忿恨及怒火.
情況就如前排跟法國客人吹水講到法國政府過去收納大量來自窮困地區的黑人及吉卜賽人,
令本土居民更難就業繼而被挑釁而發動黃背心一模一樣.

不過今次早爆好過遲爆, 而北戴河應睇到這個情況所以開設大灣區這相應措施.
亦如我地先前講香港人奴性較重所以怕改變及逼不得已都唔想變,
但無奈地呢刻好多後生仔都在思考緊到大灣區發展的可行性.

比起大部份先進國家及地區香港真係無足夠的實業去拉動經濟,
只靠高地價及金融肯定養唔到咁多人.
唔好講 AI智能 及 5G, 就簡單的科技項目都係完全空白,
大學畢業若唔係十分專門的 醫律會建 就只有搵機會去炒賣,
唔好講有今次風波, 再咁落去香港真係唔太樂觀.

回覆 引用 TOP

引用:
原帖由 世民兄 於 2019-11-21 11:45 AM 發表


當有人一邊口講革命,一邊計劃聖誕旅行,相信依種革命會成功的人,才是自欺欺人。

我已經講過,每個人心中都有把尺,而社會上每個人都係口裡說不,身體很誠實。

通過大眾既行徑,才能量度出社會上大多數人把尺,或者最大公約數 ...


對的,
就如這個星期睇到不論甚麼立場行路都要返工就知"核爆都唔割"呢個意識已經沒有門.

頭先講香港人特性除了奴性重之外還漏左一樣 : 現實到爆炸.
若然影響佢地個飯碗真係驚割得遲, 當然會死剩把口繼續盲撐.

至於香港未來行一條點既路真係好睇中央的 藤籠換鳥 的決心及進度.
因為解放後那廿年浩劫再加上洗腦恐怕部份香港人的反共情緒已經入到骨髓,
但有大部份應該移唔到民, 甚至大灣區都唔想或去唔到的是另一個大考慮.
係咁情況下香港仍然埋藏埋一個威力唔算大但波幅唔細的炸彈.

正如你提及任何國家地區都有反對派, 就睇下中央係安撫完之後有無效果,
若真係拆唔掂唯有效法新疆及西藏的做法, 但這個都好影響香港係國際間的地位.

回覆 引用 TOP

引用:
原帖由 世民兄 於 2019-11-21 12:12 PM 發表


子華既人生三大矛盾咪就係香港人既核心價值囉,其他通通廢話。

搵食啫?犯法呀?我想架?

任你如何武功蓋世,面對七百萬搵食係最核心價值既順民,你都只能接受現實。革命?同志仍需努力!

Ivan兄指出的問題,細佬都有思考過,點解 ...


其實無一個政權或政黨係完美,'每個國家都有人民反對政府, 當然北面14億都會有部份人分對共產黨,
亦因應中國有九百幾萬平方公里有五十幾個民族十四億人若行民主必死無疑,
所以要管就須要強硬的管治手腕.

過往革命成功大部份出於民不聊生, 養十四億人呢個先至係浩大工程,
如大佬你講搵食絕對唔係一件容易既事.
我個人唔會睇共產黨的政治手腕, 我從來唔會盲撐或盲插共產黨,
呢刻只會睇仲有無人窮到無飯開會餓死街頭.
我有認識朋友真係走去窮困山區送救援物資,
雖然某些地區仍然落後交通不便, 但按佢地既評價中國近年係扶貧方面做得算十分唔錯.

香港較麻煩一樣就係如先前討論過胡漢混雜太多年,
有很多漢人基本上已被洋化亦作洋人自居,
係咁情況下自然只認洋鬼子為老豆而視共產黨為洪水猛獸,
所以中央要用甚麼方法去管香港都係十分頭痡既事.
但呢刻我漸漸發覺共產黨已經有政治潔癖,
唔會夾硬做些會被人圍插的事情.
就比啲耐性睇事情發展.

回覆 引用 TOP

引用:
原帖由 zhangan 於 2019-11-21 12:30 PM 發表

非常同意師兄所講
但年青人心内是否真的一心只為追求所謂民主?
我接觸過好幾個年青人,佢地深信中國就係邪惡國家,香港就快成為新疆,以後生活就在集中營内,所以要不惜代價要脱離中國管治,佢地會埋怨上一代唔爭取,覺得其他 ...



其實我呢幾個月跟人討論都係圍繞著師兄你提出的各點.

一開始林鄭擺送中修訂條例上檯我果時忙緊又病病地無去睇整個修訂係乜,
到忙完睇哂全遍之後完全唔覺修訂及那四十多條罪行有大問題,
但我第一個反應就係大撚鑊肯定有好多人會反政府檯.

我明白中央想特區政府推呢條修訂目的何在, 係要打大老虎.
我係大陸跑左三十幾年若真係要拉既應拉左我九世,
但估計共產黨無咁多閒米養我呢類閒人.

但那些罪行又真係可以被解讀為凡上親大陸都有機會犯,
所以一般人睇完肯定嚇到精神失常. (但我都懷疑有多人係睇哂)

呢個係我第一樣不滿林鄭政府的地方,
到底係王志民比壓力你定係你認為一定過到,
仲要為拉商界票減去九條, 心諗你無野呀?

所以出來遊行示威的人應該夾雜著不同要求及目的,
有恐懼修訂的人, 有追求雙普選的人, 有不滿政府的人, 有仇富的人,
當然還有被洗腦仇警仇共的人, 更唔少得收左金主錢的顧傭兵.
所以我一開始都睇到無論政府或警方係面對咁大棚有不同訴求及目的人既時候係方吋大亂.

而係討論過程凡引述我先前提出各點時一定出現非常激烈爭吵,
我自己已經做到西口西面更唔想爆血管,
唯有齋聽唔出聲.
只覺得若堅持既定立場唔客觀去睇整件事真係無須要再討論落去.




回覆 引用 TOP

引用:
原帖由 香濃咖啡 於 2019-11-21 01:02 PM 發表

"估計大部份香港巿民只係希望中國大陸及特區政府做出一些對香港有利的政策"
朦住雙眼對所有"政府"一個本應為民服務,"警察"一個本應保護市民,對佢哋所有旁門左道手段縱容和包庇?呢D唔係自私係咩
自私可以係人性,總有好多人要搵 ...


首先講一下傍門左道的問題.
每一個領導人不管係國家元首, 商業機構CEO, 足球領隊....既目的大致都係勝過別人爭取最大利益/潤.
係目標為本先決下係可以游走於灰色地帶去達標, 只要唔犯法便無分錯與對.

另外講到政府及警隊我一直承認有不足,
但一直以來我唔覺得佢地既操作有令我難以容忍的地方導致去政總警總反佢地檯的地步.

當然每個人心中有一把呎, 所以我一直對不同政見不同立場的人抱著包容的態度,
這幾個月完全無跟人嗌交.
係咁情況下我相信唔存在自私的問題.

當我睇到好多報導尤其是13歲小朋友三個月都可以賺幾皮野便確信這是顏色革命,
凡係顏色革命係國與國之間的博奕.
香港只係一個特區, 係無能力可以係唔違背中國大陸利益底下去平亂係正常結果,
所以一開始既感覺政警係 畏首畏尾 及 毫無方吋.
一般巿民更加無從參與, 這個跟黑白是非亦唔覺有太大關係.

剛才我都有提及凡是民眾運動若無明確及正義的旗號最後多數出現互相差疑鬼打鬼的情況,
現在睇到泛民, 和理非有出現割蓆情況, X登亦出現埋怨字眼,
兼且現在出現共產黨最常用的 圍點打援 的手法, 應該有高人教路,
效果明顯比先前有分別.

至於巿民見到兩位大叔一位被火燒一位中磚身亡並不是完全沉默,
有人出街打黑衣人, 有人幫手搬走路障, 有人集資係報章登頭條,
有人響應CY懸紅去篤灰, 有人自制撐中央撐警文宣....................
似乎出現了顏色革命尾段的民鬥民的情況.
始終香港後面有中國係度, 估計金主未必夠膽如烏克蘭那樣請狙擊手無差別地射殺雙方人士.

呢場戰爭由外國勢力開始我地只可以耐心等待中國大陸去完結.

回覆 引用 TOP

[隱藏]
引用:
原帖由 Kirllam025 於 2019-11-21 01:48 PM 發表
唔好玩啦,香港可以燒國旗
好多嘢你地都視而不見,如果過咗逃犯條例,香港仲剩幾多言論自由?
香港嘅自由呢幾年已經急促下滑,連法治都級級可危,法工委嘅聲明相信你地都唔會認為有問題。
其實721同831你地係咪都覺得警方冇問 ...





已經有人燒國旗有證據都只係判社服, 我無記錯刑毀國旗係須要坐監的.
亦可以拉另一單係美領塗污外牆即坐四個月, 法治呢樣野已經有嚴重偏頗的地方.

有聽過某些人講話燒下你支國旗毀壞你個國徽對共產黨有乜野損失呀?
我想講一個中國人點可以做出呢啲行為而可以唔會面紅兼且仲有咁理據去反駁,
到呢刻我真係見唔到共產黨有做出對唔住香港人的政策, 若然咁都唔滿意唯選擇應該盡快移民.

睇到師兄你另一個論點都係解釋咁多人恐懼修訂條例的問題,
那條逃犯條例係針對係大陸犯法的在逃人士, 係香港鬧共產黨係唔會被送中的,
只不過能否再北上就唔敢擔保了.

另外我唔懂法律所以我唔敢講法工委的聲明及李國能大人的論點邊個啱.
但基本法其中一條第18條當係緊急情況下人大係可以係香港頒布實施國內的大陸法,
即是說大陸憲法係可以在香港實行.
當然咁做是否變成一國一制咁就要由法律界人士去決定, 我都唔識去討論.

黎黎去去都係721及831這兩個點, 真係講到好閹悶.
以我從電視報章等正規渠道睇到721當晚林卓廷帶住大批人入元朗,
無人知佢做乜亦無人去查證, 入到去元朗被一班穿白衫既人打.
當時有另一大批示威者係中聯辦攪破壞, 中聯辦係中國大陸駐香港辦事處可當作領事館看待,
所以據報從各區抽調大批警察進駐到香港島各地以防發生大暴亂係正常調動.
若然係咁我會信新界北沒有足夠警力.

還有講話警方容許白衣人打巿民, 咁有人集結繼而動武唔可以一口咬定係警方默許,
同埋日日都有黑社會集結無可能每個區都派一隊人去看守.
另外有人話打999打極都無人接, 咁999熱線數量有限我真係唔知有無其他有心人同一時間齊齊撥999.
我唔係撐警, 只係盡量客觀去睇每一件事,
可以話警方處理得唔夠迅速, 之後有拉到幾個白衣人亦唔覺警方有偏袒任何一方.

到725定726林卓廷又再次帶人入元朗亦都唔知佢想做乜,
今次警方學到教訓人未到元朗已截停佢地勸佢地離開.

至於831我講既次數就更加多.
有一日我真係好得閒向朋友列舉所有環境證據去解釋831有死人的機會有幾大, 有, 唔大過0.00001巴仙.
至於話亂打巿民, 大家都睇到暴徒換衫畫面亦唔須要再講.
至於點樣打犯人或暴徒至叫做合適既武力留待事件完結由警監會去決定.

總結一句, 若然每件事都預設好立場及答案真係好難討論落去的.
但呢刻我地唔靠警隊去平亂唔通真係每人擸把菜刀同暴徒互片咩, 我自問年紀大無咁既能力.

回覆 引用 TOP

引用:
原帖由 世民兄 於 2019-11-21 02:16 PM 發表


班細路以為係既,大佬,之前幾次過百萬人上街,又確實係威係勢。

不過無罷工既人雖然把口死撐,但行動上已經出賣左佢地。

無罷工都算,有人係不停share post甚至有份懞面遊行,之後去睇樓入埋市,講到明就係想搏亂上車。

你 ...


你講得啱呀,
剛才落去銀行攞錢吹水問按揭做緊幾多厘,
好平仍是P減2.5, 但要排期等2-3個月至可以批錢..............唔係呀化?

咁就知道香港人係 炒賣 呢個專業上面真係博士級.

回覆 引用 TOP

其實跟朋友討論期間我引出一個頗嚴重的問題,

就係有十分多的 消防, 海關, 入境處 的紀律部隊參與暴動,

柳記好似都有一兩個.



佢地薪高糧準有前途甚少機會被炒, 到底對政府及社會有何不滿?

就算中央出甚麼所謂惡法都唔會影響到這些紀律部隊.



我都好想政府調查這件事等巿民了解是否政府架構出現大問題,

或是有法例漏洞令這幾個部門人員感到有不公平的地方.

回覆 引用 TOP

引用:
原帖由 Kirllam025 於 2019-11-21 06:31 PM 發表
逃犯條例你選擇相信中共我無意爭拗。
721我建議你睇睇鏗鏘集好似叫元朗黑夜(可能記錯)清楚組織咗事件嘅時序,根據時序上要怪林卓廷係站不住腳,故不作爭拗,當然你可以認為港台偏頗。
831我唔係想話死人,因指控嚴重需要好so ...


師兄你講得好對,
每個人心中有各自一把呎是十分正常, 而傳媒機構更加有各自的立場,
因此我地每日收集咁多訊息真係要十分客觀及拉闊視野去觀看及分析才能分清真假,
若完全不能分辦就當小說咁睇無須動氣.
所以我無跟人嗌交, 因為好多時大家都係靠估可能離真相還十分遠.

我到呢刻都只係堅持一個立場 : 不管甚麼理由破壞香港設施傷害香港人一定係錯.

身邊很多人在講黑警亂打人黑警亂放催淚彈.................
我認真問我的朋友為何 警 = 黑.
因我時常在大陸相知道一些警察違反守則傷害巿民的事件好讓我了解真相.
佢地既答案差不多全集中在今次風波從各媒體看到的事情.

我朋友當然唔會相信這是顏色革命, 所以我只可以用另一途徑跟佢地溝通,
呢刻事實睇到有人放火掟磚傷人殺人,
巿民的日常生活/事業/工作/治療/甚至生命都受到不同程度的影響,
還有因警力不足已出現很多行劫及爆竊等罪案,
既然你地都唔想見到武警, (我更加唔想否則會如外國勢力所願)
若唔靠三萬警察咁我地可以靠乜野去平亂,
另外對警方既處事手法若有異議可以等事情完結再去找警監, 甚至向美國或聯合國投訴,
佢地聽完都係仍然照舊鬧黑警.

我只可以話若然立場係堅定到這樣子與及唔會接受任何其他聲音係完全不能再討論,
反正我自己身體唔好假日都只係食過早餐買完餸返屋企睇下波煲下劇,
就當我呢類港豬怕左佢地.
而我目前會集中睇中美博奕的進展, 因為極度影響香港的一切事務.




回覆 引用 TOP

引用:
原帖由 世民兄 於 2019-11-21 12:54 PM 發表


就拿國泰做例子吧,大家已經好似忘記了早兩個月搞機場時,果批被炒既國泰空服,我就留意到係social media現時已經無乜國泰空服敢share或洗版。

原因不言自明。

一定會有人死剩把口,但極其量真係得把口,係so-call "民主 ...


忘記左回覆你.

楊基出左名無口耻, 先前那些甚麼 TPP, 巴黎協議, 北美自由貿易協議........話退出就退出,
至於民主法治都唔須要再講, 單係睇美警殺有色人種及佢地國內人間蒸發的數字便一清二楚.
所以我都想知川普級手果隻係煙還是二仔.
有熟識經濟的朋友講, 川普級手果隻何止唔係煙, 連公仔都唔係.

另外從國泰及滙控事件都睇到中央係幫緊香港處理今次風波,
我都有跟反中的朋友講, 這22年來無從香港抽過稅,
好多政策都係幫香港, 好似23條及逃犯修訂並唔係針對香港人,
目的係要制止一切反中亂港的行為, 我唔覺中國在香港實施緊所謂既惡法.

藤籠換鳥除左人都應該加入唔少中資機構,
係今次事件初期聽講話有唔少本地金主我當初都唔太相信,
到後來睇到一切跡象知道事實真係咁殘酷.

其實都無問題, 資金一向都係各處流走, 兼且首富呢刻所持的份額亦唔高,
要撤都唔會有太大問題, 反正佢既堡壘已經建築係日不落帝國.
而我都會留意脫歐進展, 雖然呢刻生意淡薄但點都會影響公司業務.

所以我每聽到支爆及中國崩潰論都唔會出聲,
就睇下係中國爆先定係楊基爆先.

回覆 引用 TOP

[隱藏]
正如先前討論提到每個人都有固定立場,

所以我個人唔會圍繞"立場"這個話題去糾纏.



今次區選係全民向中央及特區政府全面表態,

投票率會高之餘必定係立場先行, 跟地區工作無太大關係.


有次跟人談到到底兩邊比例會係幾多,

以我自己接觸計估計反中反政府唔會少過六成,

而高知識份子更加會去到七至八成,

因為發覺無論本地精英或海派精英的反中仇中情緒非常強,

雖然我自己沒有睇或聽過共產黨有做出危害香港人的事情.

但這幾個月我完全無意欲跟人為今次風波嘈吵,

都只係在這個地盤發表下個人意見.

因為要去反洗腦係完全無可能.



至於睇到一些斷絕朋友/親戚/甚至夫妻關係更加係無奈.



而我接觸到自己業內跟我一樣的草根基層都唔太關心政治,

邊個做腦細或點選出黎真係無所謂, 只要唔好再亂可以繼續搵食便可以.

好多朋友如我一樣搏左咁多年已經五癆七傷, 唔想再去做甚麼抗爭,

只求過安樂日子.

例如好多人話走過連儂牆會感到十分厭惡及忿怒甚至去撕掉文宣,

但我對於這類文宣又無乜特別感覺.

有時還企定定睇下佢地到底係抱甚麼理念或有甚麼訴求,

只係覺得佢地既思維及所爭取既東西頗為離地.



我自己覺得大台的文宣工作做得相當有效果,

相比之下政府及建制的公關工作完全係垃圾級,

係咁情況下客觀去睇以民意為依歸的區選, 本土及泛民無可能會輸.



香港實在是一個十分自由的地方,

任何人上街合法地去表達訴求甚至閙共產黨或政府絕對無問題亦唔會被拉.

但我只想講于是非黑白的事情上絕對唔可以含糊不清, 某些事情是錯就是錯,

若然唔按良心及邏輯去繼續爭拗我唯有收聲.



我一直覺得今次顏色革命的第二波的開頭確實是收到如期效果,

至於怎樣結尾好睇中美貿易談判的結果.

若然中美談判順利大家營造一個大和解氣氛而令今次風波暫時停頓,

估計不久將來會有第三波出現.



只可以祝香港好運.

回覆 引用 TOP



伸延閱讀
[按此隱藏 Google 建議的相符內容]
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!