Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊



追帖 打印

[其他] 《曼聯粉絲吹水帖第壹回:我係曼粉唔係暴徒唔好BAN我》



[隱藏]
引用:
原帖由 DuncanEdwards 於 2019-7-23 02:36 PM 發表

全部係班鄉紳既功勞.
所以我一路都話兩邊既small potato都係有勇無謀.


講起鄉紳我諗左兩日都未諗得掂到底元朗壇野係邊個卜鎚令警方因人手短缺而無辦法即時出現制止.

應該唔係一哥, 佢更有立場都唔會做啲咁 ON L 9 既事, 睇佢做訪問係完全唔知點兜果隻.

係中聯辦+林鄭+鄉紳+黑社會?
又好似太過複雜, 都係做返路人戊算喇.

[ 本帖最後由 ivanfit 於 2019-7-23 02:51 PM 編輯 ]

回覆 引用 TOP

引用:
原帖由 DuncanEdwards 於 2019-7-23 02:58 PM 發表

其實最難搞既唔係班o靚仔或者班鄉紳,而係班警察,所以唔係你話想搞獨立調查委員會就真係可以搞,因為仲要過警隊果一關,佢地玩野仲大獲過班o靚仔夾埋班鄉紳玩野。 ...


我一直認為警務人員並非電視電影咁講到係熱血沸騰充滿正義感,
當差皆因薪高糧準褔利好.
而家增加前線人手兩個人行必唔可以單獨行動,
除非咁黑仔撞到個葉繼歡二號或精神病患, 否則出事機會唔大.

所以我至諗到要呢班少爺兵去做啲咁吃力不討好既事真係會攪到佢地思覺失調,
希望班大袋重視呢單野.

回覆 引用 TOP

引用:
原帖由 linmola 於 2019-7-23 03:11 PM 發表

外面傳得好行是鄧二哥落柯打做野
呢個之前是元朗區做起,黑白兩道都食得開
一哥11月就解甲歸田,而家佢出來做靶都是為份退休金而做場戲
但二哥就比鷹派雄更鷹派 ...


衣, 又係姓鄧, 仲要曾被派駐元朗...............唔係原居民呀話??

其實執法者屬鷹派都係好事, 但拜託行動前用做一好切策應的謀略.
唔好再成為國際笑話.




回覆 引用 TOP

引用:
原帖由 世民兄 於 2019-7-30 02:33 PM 發表


咖啡兄你或者仍然可以站係班細路角度,睇死管治者唔敢攬炒亂黎,但有時你越係以為坐定粒六,現實往往事與願違。

我就勸各位做好心理準備。

特別係差佬前線依家表現出黎既仇恨,換轉你係差佬長時間係依種被咁多人敵視既 ...


有一排無上黎唔記得先前係大佬你定邊位師兄講及香港警察的紀律十分差劣.

睇到前線人員應該好多係80及90後, 佢地大多數係香港最舒服既環境中長大,
我唔相信佢地有超乎常人既心理質素, 即如奧脫褔班大帝.

無錯警察係紀律部隊, 但拍埋正規軍隊係我心目中佢地只係童子軍,
童子軍日日被人挑釁問候娘親唔排除佢地會發癲的可能性,
若出現"其中一個"真係突然上腦咁開鎗並唔係出乎意料之外既事.

好多人覺得昨天的發佈會內容空洞等如無講過野,
其實講左好多野只不過唔係講比我地呢啲港豬聽.
好相信係非常時期下任一哥將會係處理特首.

回覆 引用 TOP

[隱藏]
引用:
原帖由 世民兄 於 2019-7-30 02:56 PM 發表


阿爺撐差佬,只係維持槍桿子裡出政權的管治手法,解放軍不能用,香港既唯一槍桿子就係警隊。

所以其實都唔意外,講真,會同你和理非既,就唔係共產黨,特別係當你威脅到佢政權既管治。 ...


先前有睇過報導原來話香港警隊的裝備係相當先進及精良,
若然係咁對住磚頭雨傘鐵通無可能須要調動ZG車隊的.
所以前兩日係咁同人拗我話真係無須要出解放軍.

雖然我唔太欣常警隊的紀律及質素,
除非對方幕後重金禮聘 the expendables ,
否則我相信警隊可以控制好這場風波.
況且阿爺已落指示由武官去處理大局,
所以應該會係70大壽前完結.

至於話唔想見到流血, 其實攪革命邊話無得流血就可以成事.
而家只係想班細路適可而止盡量流少一點.

回覆 引用 TOP

引用:
原帖由 世民兄 於 2019-7-30 03:21 PM 發表


如果無返咁上下實力,全球咁多恐怖份子,晨早就搞鳩香港啦,咁多辦人係度搵食,無一隊常註保安做睇場,班老細可以放心?

我諗係經過反復計算之後,阿爺認為香港差佬有足夠實力平亂,先會公開高調撐,如果有得妥協,早就妥協左,威脅到 ...


我常提及要面對現實及要保持冷靜.

雖然呢個生父極度黑人憎到每見到佢就想鐘鳩佢,
但佢發左達有財有勢都叫有個後花院比我地自己去經營咁咪一邊做一邊再睇.
若真係睇唔過眼可以出聲, 但唔係隨手擸把刀埋去同佢講數.
打又唔夠佢打人又唔夠佢多, 咁做即如我地講既廁所點燈.

唔好再諗養父果邊喇, 佢都泥菩薩過江,
都係自己努力去經營呢個後花院算喇.

與父謀皮係一件極高難度既事,
單單要思考能否做低隻老虎已可能要諗足一世,
呢啲野留返比阿仔及阿孫去諗吧.

回覆 引用 TOP

引用:
原帖由 世民兄 於 2019-7-30 03:45 PM 發表


轉捩點應該係衝擊中聯辦,搞政總,搞立法會,搞商場,搞差館,阿爺都仲可以當班細路唔識性,純粹係本地內部問題,尚有妥協餘地。

但當國徽被塗鴉,基本上已經係一場挑戰中共主權既亂局,仲要有細路唔識死對住鏡頭挑釁,阿爺根本唔會 ...


即如我地成日提及的例子,
揸把刀去美國領事館燒星條旗去話唔可以撤銷香港關係法,
又或者擸支棍去英國領事館燒米字旗抗議英國佬唔幫香港人,
若碰到咁情況唔係驅趕咁簡單.

我個人就算幾不滿執政者但認為必須百份百尊重國旗及國徽,
燒國旗及刑毀國徽係直接侮辱一個國家, 領導動用武力對付的正常行動.

至於點解當日無任何行動去防止中聯辦受騷擾我無法得知內情,
但出現這情況我頗肯定中南海必定出現有極端爭議是否港警無法控制場面.
而中美高峰會在即及顧及大陸在港資產好相信理性一派佔上風,
所以當奴才會講到習總理性處理事情及有昨天的發佈會.

以鎗桿子打出黎既政權唔似會這樣氣定神閒的去處理,
幸好在位的並非佢地用血打返黎既祖輩, 佢地應該擁有一定既視野.
之不過不妥協呢個就十分肯定, 離七十大壽還有兩個多月, 估計應該好快結尾.

回覆 引用 TOP

引用:
原帖由 世民兄 於 2019-7-30 04:57 PM 發表


和理非或者一班中立既港豬,一直爭取其中一個最多人提及既訴求,就係獨立調查委員會,依家阿爺公開撐差佬,即係話俾你地聽查差佬諗都唔使諗。

既然解決唔到和理非或港豬既訴求,即係反對派唔會有妥協空間,以硬碰硬成為唯一可 ...


所以剛才講昨天係聽到好多事情,
最明顯就如你講的支持警方去制衡暴亂亦即代表係阿爺眼中警方先前行動無犯錯,
咁即係唔須要再獨立調查.

無辦法係非常時期我呢隻港豬唯有接受無須獨立調查,
而此例一開就等同除了特首之外還有一哥可以直達天庭.

其實如先前所討論, 元朗事件係得到有權力人士認可才會發生,
特首辦及中聯辦唔知情係好難令人信服.
但只要再諗北面既思維唔難想像須要以暴制暴, 亦係貫徹殖民地管治思維.

就等如我地呢代的幼年時期, 文化唔高既上一輩係點樣教仔?
十個有九個都係打到佢地驚唔敢再犯為止, 其實又真係幾有效.




回覆 引用 TOP

引用:
原帖由 世民兄 於 2019-7-30 05:26 PM 發表


依個就係差佬坐大既可怕之處,但事已至此,根本返唔到轉頭。

雷老虎除了無上限武力之外,最可怕係地下秩序由其話事。


雖則呂樂年代我仍然好細個,
但都聽到大人們跟街邊雲吞麵, 艇仔粥........等小販檔老闆吹水話賺埋都唔夠進貢比班差人,
當然無人想返去果個時代.


但呢刻班細路話就算無飯開(無去查究佢地老爸有幾多零用比佢地)都要堅持理想及信念,
攪到店主唔敢開舖及一般打工仔返唔到工咪即係跟六十年代差不多?

所以好多人都想先制止佢地然後再跟阿爺申訴不滿.

呢鋪無架喇, 一定會開戰, 希望班細路知驚盡快收手.

回覆 引用 TOP

[隱藏]
引用:
原帖由 世民兄 於 2019-7-31 11:11 AM 發表


陪審團就要睇社會氛圍了。你話無政治傾向就假既,陪審團都係人,人或多或少都有主觀角度。

但點都好,重刑起訴點都有一定阻嚇力。

班友仔未拉到佢就當然話預左本死,但事實有眼見當一旦被起訴,你見到其實大部份都喊曬,如 ...


圍差館聲援被拘留人士我只諗到得一種人會咁做,
亦從未見到咁樣圍差館會收到預期作用.
更甚者是一旦上庭法官會更加慎重考慮被拘留及聲援人士的行動,
可能會判處最重的刑罰.

回覆 引用 TOP

引用:
原帖由 DuncanEdwards 於 2019-7-31 11:28 AM 發表

如果雷明登裝布袋彈或者橡膠子彈通常會改用橙色槍托, 所以琴晚果把好可能係裝左實彈.
琴晚既情況裝實彈出黎唔會係問題, 向人群舉槍就值得商榷, 不過只要未真係開槍都唔會有人理. ...


如昨天所討論,
呢刻應該係警方高層認為已經領正牌開鎗係無問題.

如報導所見到光頭時沙舉散彈鎗指向示威群眾必定得到指揮官默許,
否則咁做時沙一定有手尾.

回覆 引用 TOP

引用:
原帖由 世民兄 於 2019-7-31 11:48 AM 發表


就算你可以玩到過埋農曆年,結局都係唔會改變。

經此一役,中央政府已經放棄現時依一代香港人,除非你做順民,搵國內人口溝淡必定會加快進行。

當中央完成滕籠換鳥,依一代香港人就會消失於歷史。

我得出依個判斷,係因為 ...


我住西環三十年本來自成一角一直相安無事,
近年逢星期日都要留意有否攪活動才決定是否出街.

大約十多年前開始所住大廈及附近越來越多講普通話的人居住,
佢地大多係後生仔女, 可能是在薄扶林道諗書,
又或者是在香港工作.
藤籠換鳥應已進行了一段頗長時間,
到時可能連我都分唔到那些才是香港人.

回覆 引用 TOP

引用:
原帖由 世民兄 於 2019-8-2 11:05 AM 發表


選擇罷工係個人自由,只要準時完成手頭工作就可以了。


令我諗起八九六四之後支聯會號召的罷工,
而我當時的助手真的響應無返工(主因佢較為懶散),
腦細知道後屌柒我於非常時期為何容許佢罷工?
我回答腦細說每人都有各自的選擇自由, 你唔滿意可以炒左佢,
而工作方面我做大既唔瞓都會死掂佢.

我個人係尊重每個人的主觀意願,
所以處於身邊壁壘分明的"朋友"們之間我完全沒有回應任何題問,
由得佢地各自表達立場.

資本主義社會好現實亦都好殘酷, 唔須要我呢類港豬出聲,
社會制度自然會批判每一個人.




回覆 引用 TOP

引用:
原帖由 世民兄 於 2019-8-2 11:10 AM 發表


如果有長期與鬼佬打交道或工作上交流,基本上鬼佬一樣有好多問題,不見得比亞洲人優勝。

反而祟洋果批係自卑心理更多。

但亞洲人特別中國人,有一樣問題存在,一係自大,一係自卑,好少可以不亢不卑。 ...


身邊有人不斷嘈點解香港可以亂成咁,
我話乜你忘記96-97呢兩年我地跟英國老總傾左乜咩?

老總都承認話佢地表面紳士內裡偽善, 最叻就係玩政治.
跟住老總咪問我地點睇回歸之後既香港及一國兩制既,
其他唔講, 我有話到只會越黎越衰, 因為中國人的劣根性及缺點比鬼佬衰一百倍,
由中國人(包括香港人)管理既地方唔會有好日子過.

跟住仲跟老總講笑話我地只求努力搵錢不談政治所以可以放心比多啲訂單我地.
而鬼佬係實事求是的人, 見到地咁搏命真係調左好多舊腦細及其他公司既單過黎.
...............十年之後我果位港式醒目仔+精英舊腦細(真係精甩尾係人都怕左佢)劈低間公司著左草返大陸.

回覆 引用 TOP

[隱藏]
引用:
原帖由 世民兄 於 2019-8-2 12:19 PM 發表


義士都要食飯先有氣力罷工抗爭,咁老闆要有貨交俾客人,先可以收到錢出糧俾義士食飯,咁義士罷工起唔到貨,老闆又點會有貨交,又點出糧俾義士食飯呢?

依個就係資本主義既自我調節機制,所以我唔反對義士罷工,但義士自己要諗一 ...


我同事話陰公囉原來被拉果44個大部份係廿零歲既小朋友?
我話就係因為佢地未有社會經驗又無經濟壓力所以有空間去攪咁多野,
若然佢地父母三餐不繼須要佢地幫手搵錢養家係完全另一回事.

回覆 引用 TOP



伸延閱讀
[按此隱藏 Google 建議的相符內容]
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!