Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊 微博



追帖 打印

[吹水] 《一個由負數開始的人生》



《一個由負數開始的人生》

[隱藏]
Hello,首先自我介紹先,我現時主要運作我的wechat shop同part time讀書.由於難得依家時間多返小小,所以想做一D有意義的事情.於是我唸咗一個禮拜關於做D咩⋯⋯突然意識依家的社會狀態係處於好多人都覺得自己好唔幸運的,所以我決定用我的人生經歷以故事的形式同大家分享,除咗可以滿足我鍾意寫野的愛好之餘,希望可以給予大家多一些幸福同正能量!

回覆 引用 TOP

《第一篇》 那年,我媽媽16歲於街頭因給我爸爸24歲撞跌手袋而相識.故事發展得有點快,半年後我媽媽便懷上了我,我爸爸也順理成章地令我爺爺麻麻接受我媽媽過門.相信你們很好奇為什麼有了我才能入門吧⋯⋯我爸爸屋企是經營飯店及4/5間服裝店的,而我媽媽只是一個鄉村出來但樣子不錯及身材幾辣的女子.雖然外在是時尚的,但由於家中經濟不好及太多姐妹,我媽媽已是家裡最高學歷的了—小五.言歸正傳,我爸爸那邊很耐之前開始已是非常重男輕女的了,我媽媽曾經講:爺爺麻麻在我沒出世之前好堅決不要我,就算出世都扔了.但我媽媽知道我是入門的本錢,雖然不是男仔,但有了還是會結婚的.婚後,我媽媽每天只會打麻桌及出去玩,而我爸爸也是經常出去玩.我麻麻及工人負責帶我的.3年後,我有了弟弟.當然在日常的生活中,更明顯了—重男輕女!有一天,我麻麻帶了我去一個很熱鬧的街上讓我在那裡等她去買些東西就回來接我,我等了很耐也沒有見人,我在那之前已經知道他們不喜歡女仔了,我雖然當年得2-3歲,但我知道他們想做什麼.我唸了一陣,我決定問士多舖的姨姨借電話給我打回家,我那一刻已經決定了最多18歲便要離開這個屋企,於是我開始講所有人給我的錢都儲起(雖然對比起弟弟,他們很少很少給我零用錢,這或者就培養了我儲錢的能力吧!我很早就知道,我將會承受一系列的被討厭行為,所以我要自己將每一件不好的事演變成可以學習到好品質的事⋯⋯也許就是為什麼我依家對自己,身邊的事和物都要求那麼高吧!



回覆 引用 TOP

support



回覆 引用 TOP

「2-3歲… 那一刻已經決定了最多18歲便要離開這個屋企」

咁細個就咁有決心,仲可以諗得咁長遠,將來必成大器

回覆 引用 TOP

[隱藏]
引用:
原帖由 002boy 於 2019-6-11 04:16 AM 發表 「2-3歲… 那一刻已經決定了最多18歲便要離開這個屋企」
咁細個就咁有決心,仲可以諗得咁長遠,將來必成大器

想知道依家的我就要繼續追貼啦!

回覆 引用 TOP

支持

重男輕女公平對待
# 酒一再沉溺 何時麻醉我抑鬱 過去了的一切會平息
孟子曰:「天將降大任於斯人也,必先苦其心志,勞其筋骨,餓其體膚,空乏其身,行拂亂其所為,所以動心忍性,增益其所不能。」
> 睇開一點,放開一點,簡單一點,單純一點,輕鬆一點 <
* 傻傻似隻豬, 原來有好處; 隨時隨地有事, 優先被關注 *
* 贏人先要嬴自己, 食鷄先要食鷄脾 *  * 貴人出門招風雨, 賤人出門撞燈柱 *
* 有智無情者白活, 有情無智者亂活, 有腦無心者不解情, 有心無腦者浪費情, 情傷之所以傷, 因看不透人性。*

回覆 引用 TOP

引用:
原帖由 Ms:A 於 2019-6-11 03:25 AM 發表 《第一篇》 那年,我媽媽16歲於街頭因給我爸爸24歲撞跌手袋而相識.故事發展得有點快,半年後我媽媽便懷上了我,我爸爸也順理成章地令我爺爺麻麻接受我媽媽過門.相信你們很好奇為什麼有了我才能入門吧⋯⋯我爸爸屋企是經營 ...

《第二篇》
弟弟的出現, 令我受盡一系列的無辜打與罵⋯到了我4-5歲,屋企發現了我爸爸染上了不良嗜好—白粉,然而我家人把他騙入了戒毒所.有一天,我媽媽卻帶了我去戒毒所探他,入邊的人真的很恐怖,我真心覺得我家人完全無唸過我的感受,也許我的大膽是這樣練回來的吧!到了我爸爸出來不久,雖然戒了毒但有很多後違症—州不時自言自語及無啦啦打屋企人.於是,我媽媽把鋪頭賣了,然後用了很荒謬的理由騙了爸爸和她離婚(這是爺爺麻麻同我講的).但是我爸爸是問媽媽拎撫養費的.自從我媽媽走了,我爸爸就每天鬧我麻麻了,試過無啦啦搵水潑她,真係想講慈母多敗兒.暫時來講,除了沒有媽媽的角色之外沒有什麼改變.但到了我6歲那年某一日,我在睇電視,無啦啦工人大叫,我走過去,她說:我麻麻走了.當時我都扔是平靜的,因為我未相信.然後我打電話叫救護車,直至麻麻真的離開了的頭幾日,我一訓醒都是唸住搵她—仍未習慣.於是,我爺爺訓練我一系列的家務.在不久,他不想見到個衰仔就搬出去住了.然而個衰仔將工人炒了,換了一些年輕的(換了很多個),當然原因係人地唔so他就炒人,直至到有一個她老公當時在坐監,兒子在鄉下的,就願意和他瘋.他同個女人每天都瘋狂xx,包括日頭都叫得超大聲,他的四仔也周圍擺.然後他們有時候還會嘈,聽聞我不在家時,他們嘈到逼個女人衫都未著好就跑落街避他(那個女人和我講的).當爺爺搬走了和麻麻離開了,那個衰仔想發神經的時候就發在我身上,我都試過同他打交,也許我殘雞的性格是這樣來的吧!某一天,那個女人和他嘈到回家了,我當時8-9歲,個衰仔又帶個19歲的女仔返黎,唔知在哪裡呃回來的,那個女人還和我弟弟講:你爸爸唔俾錢我用⋯(我心唸:點解你覺得她有錢),過了一個星期左右,那個工人女人自己回來了,見到那個19歲的妹妹,問我是誰,我叫她去問個衰仔!然而個工人女人很厚面皮繼續留低,過了兩日個19歲妹妹自己離開了.然而個女人試過唔俾飯我食,我同她也打過交了.我一直都好似有個隱形屏障咁和他們一起生活!個衰仔終於肯返工,3x歲先第一份工,做保安,因為唔使做就咁坐係度—呢個係選擇呢份工的原因.他的人工不多的了,還要經常自己和弟弟出去大吃大喝/嫖.我都是經常無飯食或者食杯麵.還要成日無啦啦打我,最搞笑的是,有一晚他和弟弟返黎的時候已經很夜,我肚餓了,見我弟弟拎了雞扒返黎,我吃了一啖,衰人罵我:你點解要食雞扒,呢d嘢唔係你食的!



回覆 引用 TOP

回覆 7#  Ms:A 的帖子

《第三篇》
在我9歲那年又有另外一個女人出現了,還成為了後母.她的出現的確分擔了我要照顧那家人的工作,我到現在都想不明白為什麼那個人為什麼要同個衰人結婚,雖然她年紀不細但保養得不錯.不久,後母也生了個弟弟,這才是惡夢的開始,除了要求我幫忙湊仔之外,她的兒子唔小心撲親都會怪落我度,有時候我都搞不清楚是我的BB還是他們的.這個女人除了要改變我們的所有生活習慣同周不時搵d嘢來話我(例如無啦啦黎鬧我:你點解叫親生弟弟唔好叫我吖媽)之外,都沒有什麼了,我心唸:我從來都不參與同不過問這家人的所有東西啦,何況呢個弟弟感染了他爸爸的所有懷習慣,超級討人厭,例如要吃完你的東西⋯我都唔想和他講話了.說說我吧,在我學習的過程完全靠自律及小聰明,沒有人會理你的成績如何,而由於我要湊仔等,我的所有學習的東西都在學校完成了.不用怎麼溫習都可以拎到不錯的成績,特別是英文,在我全職讀書日子裡,靠得最差那次是90分,多數是95或以上,另外中文在85-95間.都說上天拿走你的東西便會給予你其他東西.雖然我成績不差,但這種家庭令我無數次離家出走,但我仍會返學.但我不明白個衰人都這樣對待我,還要去學校捉我回家.我死都唔返,然後又和一班八婆家長說我有問題,然後其他人不知道他的傑作就係度叫我回家.但老師早已知道他的作為,因為我利用作文將他的傑作寫了出黎,我的作文時常拎A或A+,更試過A++.





回覆 引用 TOP

回覆 8#  Ms:A 的帖子

《第四篇》
在我升到五年班了,認識了同桌的高佬.我對他真的沒有好感,還討厭因為他總是干擾我上堂,他讀書差到一個點的.我也認為這些‘小朋友’(由於經歷太豐富,所以同齡甚至大我10年的都是小朋友)只是貪玩,很快就轉移目標了.在我升中一之前他的確做了很多,甚至乎接受我剪了一個很醜的蘑菇頭,又同時覺得他太煩,每天來我家樓下,然而我們在我中一開學之前一起了,我開頭只是覺得只要曾經在一起了,他可以在同學面前威了就可以分手不會在纏繞我,在一起頭一年我每天都在唸如何飛他,但每一次他都很激動,要尋死,我連在電話講分手他可以一分鐘打7x幾個電話給我,我唔聽就係我屋企樓下等通頂,真係好痴線.當然這一年了他服侍周到,或者我太缺乏愛了,所以感動了.真的一齊了,這個人色出現令我不再沈默忍受我家人的行為,的確他給予我很多保護,甚至乎有一次那個衰人見我準備出街時問:你又去邊做雞啊?然後我返轉頭執了幾件衫就離開了,那一次我再沒有回過去,我沒有去男朋友屋企,雖然我沒有見過他家人,他也有叫我去但我聽他講他屋企人,我就沒有什麼好感.於是,我在公園生活了一個禮拜,想想也覺瘋狂.我很感激我的同學們,甚至乎有些很乖的同學既然為了讓她家長同意我留宿一晚講大話(話我屋企人唔係屋企,我怕黑唔敢一個人訓).最後,我媽媽當時是錫我的,因為無人俾她錫吧,她安排我係她家姐度住,在這段時間裡我又見識了什麼是雙面人,她家姐嫁了一個很窮的男人,還為了追仔生了3個女,然而很多時需要靠我媽接濟,但她家姐對住我啊媽就講一大堆好話,背後卻講她壞話,最好笑的是我將呢件事話俾我媽知道她選擇不相信我.自此之後,我在也沒有理會她們的事情啦.而我家姐的老公除了窮,那個性格還是超令人討厭的,都是那些在我啊媽面前就對我很好,背後就講各種難聽的說話給我聽.我啊媽當然不會相信啦,我就做了一件事情令她覺得我很反叛—堅決要去其他地方住.最後她安排去了她堂姐個度住,這一家人很好,沒有什麼特別,只是住落去你會覺得自己是一個多餘的人,這裡我承認我要求很多,雖然這裡算是吿一段落,但又到我的男同學們搞事了,或者我的外型比較早熟,雖然我是全班最細的,大部分同學都大我2-3年,青春期的男同學都是反叛的,每天都做一些很無聊的事情(估我著什麼內衣同上堂不斷係度幾個人傾成人嘢,我坐係方圓十里都是男同學的地方),有一次,幾個人既然來踢我pat pat,我便將件事搞到校長那裡了,寫了2-3千字描述事件經過,一開頭幾個人唔認,最後校長用我描述的經過去質問她們,最後他們認了,還集體喊了.之後,班裡的男同學們都叫我x姊,同我亦保持至少1米距離.他們好嬲我這樣對他們,但其實我救了他們.因為我男朋友原來是槍手(真正的槍手,不是考試那種),他雖然和我不同學校,但他透過小學的時舊同學知道呢件事,在我不知情的情況下,叫了2xx人係學校門口攻侯個三個男同學.終於安平浪靜升上了中二,我真的無語了,為什麼由我小一開始老師就安排我坐係方圓十里都是男同學的地方,中二重新編班了,又是給周圍的同學們騷擾,我同老師講了,他由我係A地方調去B地方(又是方圓十里都是男同學的地方).呢幾個真係好反叛,上上堂無啦啦問我:你知道你有大細胸問題嗎之類.有一天,我忍不住了,上上下堂,企起身用本書瘋狂揼佢,最後我們打起來了.然後繼續這樣下去我真的癲了,我同我啊媽講,今次她講:為什麼那些男同學咁鍾意搞你,係咪你勾引人!那一刻開始,我們的關係越來越差,我只要求轉校.轉了校D男同學們沒有什麼,或許同我男朋友同校吧,今次到我的班主任騷擾我了,這是我之後無在係個度返學先醒覺的,一開始我只覺得他只是關心轉班生,他經常在其他堂叫我出去同我單獨傾計,即使他知道我是一個人住,他有叫我搬去他屋企對面住,話方便照顧我,我委婉拒絕了,他也知道我男朋友是誰,由於高佬太高調,我唸連校長都知道我們的事情,他們還以為我們小學五年班就一齊了,話不忍心要我們分開,只要我保持現時的成績.最後他屋企人也屈服了,我還和他家人一起住,但知道的太多了,他屋企原來開低下賭場的,雖然我唔俾他做槍手,但他仍和那些壞人一起玩,我唔接受,他偏要去.對於我來說,當時我對他的期望很大,因為失去重心,然而我好唔開心.我憂鬱了,太多太多事情了.搞了一大輪,我退學了,當我準備自修時,我叫同學幫我係學校拎返d書俾我,同學講:個班主任搶了書,讓同學叫我去他屋企拎.那一刻,我覺得這個世界太恐怖了.那2年我很少和人接觸.

回覆 引用 TOP

[隱藏]
回覆 9#  Ms:A 的帖子

《第五篇》
補回第四篇小小詳情:最後我和初戀分開也因為他打我及因我要分手禁錮我,恐嚇我.他還在所有人面前對我很好,好到這些事情我講出去無人相信.還有我們在一起的兩年我們的使費98%都是我俾,而他愛面子的性格如果吃飯時遇到朋友/同學,還要我在檯底俾錢他去埋單.另外他還縱慾,每天要求7次,無論我黎m或者發燒.最搞笑是我們分手時,我好唔開心,因為他和他爸爸在只有我們三人的情況下,兩個人不斷講d好難聽的說話.他爸爸仲報警,同差人講唔知點講我咁唔開心,扮到事不關己.這時,個衰人由無啦啦出現,他仲問:他有無搞你,我地屈他強姦然後作他一筆.我真心無奈,最諷刺他知道人地屋企有小小錢後,他去人地屋企訴苦,甚至乎喊了,叫人地俾返個女佢.癲人同癲人先溝通到⋯
然而我仍然唔返衰人個度,最後他覺得我無利用價值了,收了我媽5萬蚊賣了我的撫養權給我啊媽,你地係咪覺得我終於有好日子過了,我也以為,在這之前,我也盒繼父相處過,因為當時他沒有小朋友,所以當我千金咁.話說她和這個老公的相遇是這樣的:這個男人是開裝修公司接工程的,然後她去了做裝修後的清潔工,由於不習慣那種味道而暈了,此時電梯剛好壞了,唔知話個男人係二十幾樓定三十幾樓揹佢落去,正所謂救了一命當然要肉償!返返去賣了撫養權個度,當手續未搞完,我啊媽竟然有左,仲要係仔,但已經俾左錢個衰人當然唔好嘥,她已經plan好要我如何幫她湊仔了,講一大堆,完全冇講過我的將來同我的計劃,我把是在諗我三你係咪為咗幫人湊仔,我的人生只有湊仔同湊仔嗎?然後同她一起生活並沒有多好,她成日打麻桌,輸了錢就不斷罵你,她老公對妳更是冷淡.她老公也試過無理打我,自從之後我沒有再和她老公講任何說話,而我啊媽更在屋企開3檯麻桌,打足24小時同一年365日,她為了有人黎打麻桌更俾d男人摸啊(她有抽水的)⋯⋯她更開過非法勞工者宿舍,而一堆唔3唔4又鍾意叫雞的男人係屋企出入,更試過想冒犯我,我直接搵熱水淋佢同鬧他,個隻雞只會話我趕走她的客人,完全沒有關心過我.我也試過很多次和她打交,甚至乎整到對方條頸就黎斷氣,有一次她的神婆朋友又黎教唆她趕我走,我再也忍不了,我搵把西瓜刀指住條八婆,她又恐下我要搵人劈我,我直接報警了,然後條八婆平時做得呃人嘢多即刻走,那邊廂個兩公婆係度收埋d幫人做假結婚的證件,到差人到了,那兩公婆將d嘢賴落我度是常識吧,我直接同差人舉報她做的所有事,呵,呢個世界真的有黑警,他不聽還勸我多一事不如少一事⋯⋯哎!發生了這麼多的事情,令我對人類失去信心,我真係覺得這個世界的人太恐怖了.sorry,跳得太快了.跟返各八婆時我14歲(身分證15歲),我出黎做full time了,第一份工是6-7個30-35歲的男人夾份開的,除了一個有d精神病之後,其他人還好吧,到最後唔做都是因為那個精神病老細,話說個客入黎想買銀包,我地只有袋賣,是正常size,我就話唔好意思,無銀包啦⋯⋯他就用d侮辱性的說話話我有問題,點解唔拎個袋介紹俾客人.我直接掉返鎖匙比佢就走了.話說當時還有搞笑的事情,當時有個老細31-32歲,有日開始無啦啦黎鋪頭食飯盒,然後問我平時鍾意做咩,我話訓覺.他又叫我買個錶帶,問我鐘唔鍾意帶錶,我就話我唔鍾意俾嘢束縛,他就話覺得我帶錶好睇,之後幾次見面都叫我帶錶,我一路以為他暗示我遲到/早退,因為另外一個好好ge老細叫我早10分鐘開始準備收舖d嘢,10:00鐘直接走.我以為他暗示呢樣,於是我無理.到我20歲個年睇一個節目講關於溝女,我先知道他想送錶俾我!

回覆 引用 TOP

負面情緒更
# 酒一再沉溺 何時麻醉我抑鬱 過去了的一切會平息
孟子曰:「天將降大任於斯人也,必先苦其心志,勞其筋骨,餓其體膚,空乏其身,行拂亂其所為,所以動心忍性,增益其所不能。」
> 睇開一點,放開一點,簡單一點,單純一點,輕鬆一點 <
* 傻傻似隻豬, 原來有好處; 隨時隨地有事, 優先被關注 *
* 贏人先要嬴自己, 食鷄先要食鷄脾 *  * 貴人出門招風雨, 賤人出門撞燈柱 *
* 有智無情者白活, 有情無智者亂活, 有腦無心者不解情, 有心無腦者浪費情, 情傷之所以傷, 因看不透人性。*

回覆 引用 TOP

回覆 11#  時間表 的帖子

這只是過程,還沒有到最後.我都忘記講個衰人試過半夜拎把刀係度亂劈d家私而我間房的鎖又壞了

回覆 引用 TOP

回覆 10#  Ms:A 的帖子

《第六篇》
我離開了這間公司之後,去了賣電話,成間公司得我一個女仔,這是好好認識男人背後的一面的時候了.聚一起還不是講女,然而這裡又發生了趣事,有個男同事好少講嘢的,他是賣gps同相機那team,每次他的客要買電話他都會介紹給我team的經理,他們很friend.直到有一天,他將d客介紹給我,仲每天都問我飲唔飲野,於是我開始觀察了解到他可能和我team的經理有什麼拗撬,所以他專登做俾個經理睇:我介紹d客俾個女仔都唔俾你啊!(這是我心唸的).真相來了,他依然問我飲唔飲野,然後我話好啊,他俾錢叫我幫他買了他想飲的,但我找返錢俾他的時候,他見到無計埋我個杯落去,於是他話都話請你飲咯,我呆了,因為他叫我去買的時候無直接講明,我就以為他是叫我順手幫他買姐,個下我話唔緊要啦,然後我一擰轉身,他就大叫:係啊,我想溝你!個下我先知道,我真係無嘢可以講,扮聽唔到直接行開啦,最犀利係其他男同事們都扮聽唔到先勁!最搞笑他誤會我拒絕他,但我一路都唔知!然而成日對住d客大部分係男人,同事又係男人,雖然無是非,但我想見識新的事物.然後就轉工了,呢份工不得了,一個月有7日要每日返14.5小時,雖然個老細真係好錫我,仲話如果我肯繼續幫手,無論如何22歲幫我買到樓,嗱嗱嗱唔好唸太多,他只是當我員工,他有老婆同小朋友的,最搞笑係我最後受不了這種工時要辭職了,他竟然用繼續做就介紹d有錢佬俾我,什麼留職員理由啊.我第一份工的老細也用過呢種理由!突然又醒起,以前成日用未夠18歲唔去得酒吧為由推了應酬老細同同事,最好笑賣電話個老板娘生日,班男同事搞到個頭高到呢,第二日係度diao,個乜嘢場黎架,全部都係姐姐,成晚就咁做係度.我仲記得佢哋好鍾意𥄫女,得閒無事做我就大叫:哇!條女好索啊.然後他們一支箭咁飛出去,我仲記得有兩個同事都4張嘢架啦,飛得最快.之後見到係無女的當然鞋我啦!然後再下一份工需要休息hea下,每日返8個鐘仲有得坐,生意就無乜㗎啦,開係間廟對面,唔通有人買鞋去祭神咩.然而又遇到d搞笑ge美國黑人x2,第一個行入黎係度show off自己,仲好直接一黎話睇啱我,我問他幾歲,他話18,個樣似30喔大佬,我直接質疑,他拎個銀包出黎俾身分證我睇時專登打開好耐先拎張身分證出黎,最明顯的地方擺張黑卡咯!最搞笑好自信咁留低電話叫我call他.成個過程我隔離個女同事都係度望住.第二個就係我地未開舖,我仲食緊個包時,一入黎自我介紹左3個鐘,最慌冒是我中間打斷他話我唔識英文,他竟然叫我女同事幫他翻譯.然後自我介紹完了死都唔走,突然問可唔可以錫一啖,我老作公司有cctv仲係隱形的,之後又問我拎電話,我唔俾他就唔走啦,最後我都知道他會即時打俾我確定係咪真電話啦,最後真係中左.然後他好似編劇咁設計了所有情節,包括他無問過我就直接講我今晚黎接你收工去食飯.真係好瘋狂d人,最好笑我唔知個日係情人節,他又當我應承左同他一齊,食完飯叫我去他 Service apartment睇戲,我梗係唔去啦⋯⋯我爭啲有生命危險, 佢唔俾我走,我仲見到佢喺度揸實個拳頭好似想打我,糾纏左好耐好耐佢終於俾我走了.第二天我同事一返到鋪頭就同我講見到他係麵包舖撩緊菲律賓女!唔好意思又有返轉頭,由於我的人生太精彩.賣電話個時有個 auntie 係我媽朋友,以前成日叫我去她屋企食飯ge,係好好.好耐無見了,突然打俾我話有嘢傾,最後竟然傾婚事,個陣我15歲,她話代她個仔黎同我提親,問題係她個仔30歲,仲要係每次去她屋企不是見到他之餘,見到也只是Hi and Bye.最好笑係 auntie 話問左我吖媽都話ok.我個下真係⋯最後我話:你個仔真係好靚仔(因為她不斷講她個仔好靚仔),但我有男朋友啦,她追住問:係咪你公司㗎,有無我個仔咁靚仔,你去過他屋企未吖,見過他家長未吖,有無過夜吖,最後竟然問搞左嘢未.然後我靈機一觸,醒起之前她係我屋企發現她個女ge男朋友唔係青頭仔之餘仲要離過婚有個女,她就捉住個女ge男朋友黎鬧:你個死仔,等我仲以為你係青頭仔,鬼知女都生埋.我真係介紹唔到我女婿唔係青頭仔咯!(我心唸,個男人35歲啦,仲期望人係處男,她個女都33啦).最後我同她講已經搞嘢先放過我,仲要追問幾時擺酒,話一定要黎飲.真係俾我老母玩死我.未計半夜差人上黎check,d偷渡者係我屋企爬窗走好似拍戲咁.然後無幾耐我16歲就搬出去住了,因為有人搬屋前2日同我講,他們要搬屋但無預我,然後我有一天就搬走了,再也無俾他們搵到我,除了個衰人好轉接咁搵到我聯絡方式,然後開始講一輪他有幾錫我之後就開始問我拎錢了,由20萬問到5000,一時話自己又離左婚要娶返個老婆唔係俾人笑,一時影自己撞瘀左ge相俾我話要做手術,我雖然唔係讀醫ge,但應該識分這些小東西掛.由16歲開始我真正解脫了,好似北韓d女可以離開北韓一樣咁痛快,接下來就是一些職場和情場上的問題了.雖然會將我一步一步推向不信任男人和上司的方向,但對於我黎講只是小兒科了.因為呢兩樣嘢不是必需品.只要活得自在和有尊嚴就很滿足了.


(如果想知道我如何拆解每一個社會上的問題就記得follow啦)




回覆 引用 TOP

引用:
原帖由 Ms:A 於 11-6-2019 17:36 發表
回覆 8#  Ms:A 的帖子

《第四篇》
在我升到五年班了,認識了同桌的高佬.我對他真的沒有好感,還討厭因為他總是干擾我上堂,他讀書差到一個點的.我也認為這些‘小朋友’(由於經歷太豐富,所以同齡甚至大我10年的都是小朋 ...
好好笑乜嘢料
一分鐘點打7x幾個電話給你
仲要中二就真係槍手拖馬2xx人

回覆 引用 TOP

[隱藏]
我的人生就是這樣荒謬!今天不舒服⋯⋯不update住

[ 本帖最後由 Ms:A 於 2019-6-12 03:25 PM 編輯 ]

回覆 引用 TOP



伸延閱讀
[按此隱藏 Google 建議的相符內容]
 46 1234
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!