Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊 微博



追帖 打印

[其他] 戒賭小小分享



戒賭小小分享

[隱藏]
其實大家有無認真想解決自己賭博問題呢?我就係去左戒賭中心停左8年幾,依家都暫時穩定無再想賭錢了,所以外債,銀行債,財務,屋企人d 錢都還清了。首先我承認自己係病態賭徒,我以前最鍾意過大海賭百家樂,賭波同埋賽馬,依家我37歲,到29歲果陣已經試過俾大耳窿挾反香港2次,又因為以前掛住賭錢無心機反工成日射波,俾公司炒魷魚,再加上差緊財務錢,內外交困,屋企都差唔多完全放棄我,好彩家姐仲未完全放棄我,帶我去戒賭中心,我先可以重新振作。依家近況就係儲到少少錢,開左間小公司做生意,對自己前途未來都有方向目標信心。 我建議大家有d 方法去控制自己賭錢 1)俾自己一日出街可能只帶150蚊,袋夠洗,袋唔夠賭 2)打去1834633求助(只有放下認輸先有轉機) 3)停止再借錢 戒賭係無成功同埋失敗,只有堅持同埋放棄,大家加油 Ps, 有無諗過點解賭錢最終都係輸家呢? 馬交馬會竹館開賭係做生意,會抽水既。 澳門賭場抽得最少水就係百家樂,2.5%一舖,即係唔輸唔贏和和果果40舖,所有本金都已經無哂了。 有無諗過賭錢養咁多員工又交稅又交租燈油火立,受注又係任你買邊飯都得,基本係好蝕底,不過賭場設計過賭仔得勝率唔會夠50%,只要長玩實會輸光。馬會知道曼城利記巴塞贏面高,就會用賠率做手腳減低風險,俾你扑中贏錢都只不過拖延你輸光輸淨既時間,所以賭錢肯定係蝕錢遊戲

回覆 引用 TOP

引用:
原帖由 markpoon012 於 2019-5-11 04:58 AM 發表
其實大家有無認真想解決自己賭博問題呢?我就係去左戒賭中心停左8年幾,依家都暫時穩定無再想賭錢了,所以外債,銀行債,財務,屋企人d 錢都還清了。首先我承認自己係病態賭徒,我以前最鍾意過大海賭百家樂,賭波同埋賽馬,依家我37歲, ...
呢度吾係賭版

回覆 引用 TOP

引用:
原帖由 Cathycatleong 於 2019-5-11 11:02 AM 發表

呢度吾係賭版

因可能賭版講戒賭會唔人diu




回覆 引用 TOP

睇人遮,我都有賭波,不過每月只賭二千,只當娛樂。有D人就算唔賭一樣攪到成身債,我識過朋友,唔賭但沉迷購物,買對波鞋都幾千。賭只不過係其中一様。

回覆 引用 TOP

[隱藏]
引用:
原帖由 edwin907 於 2019-5-15 08:27 AM 發表
睇人遮,我都有賭波,不過每月只賭二千,只當娛樂。有D人就算唔賭一樣攪到成身債,我識過朋友,唔賭但沉迷購物,買對波鞋都幾千。賭只不過係其中一様。 ...


我都認同,不過賭就有機會加速欠債.
總之做乜都唔好過度,或者沈迷,攪到不能自控就係病態.
如果用閒錢的話,做乜都無乜所謂啦.

回覆 引用 TOP



伸延閱讀
[按此隱藏 Google 建議的相符內容]
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!