Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊 微博



追帖 打印

[故事/經歷] 發現男友帶女人反屋企



發現男友帶女人反屋企

[隱藏]
我2x歲,男友大我17歲,係男大女卑個種,我覺得自己只係佢嘅玩物,而唔係女朋友。

話說其實係幾個月前,我反左自己屋企一星期,之後反左男友家,總覺得好似有啲特如其來嘅感覺,真係好似人地講咁(女人可以聞到自己以外嘅女人味)我之後醒反起,佢之前都成日同一條女講電話,隔一兩日就打俾男友,咁正常都會問,男友話工作上啲客,為左咁已經係嘈到地震。
但我之後係廁所掃地竟然係雜物架最底個度掃到一個透明包裝袋,開頭都冇諗咩當垃圾但發現有啲英文字就拎黎睇,點知係棉條透明袋,我即刻就拎住個透明袋係度爆喊,(因為我係從來唔用棉條架)
我忍唔住問佢攤牌,佢開頭死都唔認,我問左好多次,我話俾機會你講真話,都係死都唔認仲吊反我轉頭話我有病話我屈佢搵架拗,我拎出證據來,無辦法唔認啦,佢就話係丫,朋友上黎坐一坐傾左陣工作嘅野,強調冇幾他野,我話你做咩工作要做到帶女人反屋企,當然再嘈之下,佢仍然覺得冇問題,仲話我小題大做,話我諗埋啲仆街野。話我唔信佢。

佢一路吊反我轉頭,仲大大聲講,係丫,我係帶女人反屋企丫,仲唔止一次tim,個屋企我架,我鍾意帶邊個反屋企都得,做咩都得丫,咁點丫,唔鍾意咪走囉。冇人留你丫。

我用左幾個月時間都忘記唔到,我控制唔到成日都係度諗個畫面,個女人同我男友究竟係度做咩?我好辛苦,其實我地本身成日都會為小問題而嘈,但過一陣就冇事,但而幾個月有時嘈大啲嘅架,我就忍唔住又拎呢件事出黎,佢每次都發脾氣跟住就板門走。反黎又當冇野。

[ 本帖最後由 廚房進擊的水樽 於 2019-5-7 04:43 AM 編輯 ]

回覆 引用 TOP



伸延閱讀
[按此隱藏 Google 建議的相符內容]
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!