Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊 微博



追帖 打印

[其他] 我的借錢經歷-警世文



我的借錢經歷-警世文

[隱藏]
小弟幾年前借左邦x$100000,渣x$220000,本身渣x係攞黎還邦x既,最後我都有還哂邦x,點知好衰唔衰邦x個循環貸款重係到就再借100000啦! 最後緊係還唔到啦!14年終於頂唔順喇,走去老破,諗住4年後一條好漢啦!呢4年我都做左人生既重要事,結婚生仔,上年老破完喇,諗住重新做人啦!但我既惡習(賭錢)一路無介到,搞到借左老闆錢,幾個朋友錢加埋都成4萬,之後我上網見到唔洗睇tu既財務就whatsapp佢問下啦!點知佢話幫到我,第二日佢同事打黎話介紹我去一間財務,話係正經既,咁我就去試下啦,都知佢地抽水既,明知係中介都因為想還錢就走上去,點知去到只係借到20000,重要15日數,我諗住都還可以既,但之後agent話搵番間月供既比我,我都無理。但賭仔就係衰一有錢就賭,無幾耐就輸哂。又走去搵agent,今次呢間真係月供喇,25000分9個月,收1000服務費,啫係實收24000,但比票我,要我立刻還左15日數個間佢。
跟住唔洗再講又係輸左,再搵人幫我借,話有間借到30000比我,去到傾左勁耐,本身都話借到30000,點知落到去真係借只係比借15000,好喇,講到呢到都知我最後既下場係點啦!
最後係星期五爆左煲喇,唯有坦白同屋企人講啦…雖然屋企人幫我,但老婆因為我走去借呢d錢,加埋之前好多原因,已經搬左番娘家住,我唔知可唔可以另到佢回心轉意,但我都借努力去改,等佢知道我真心改變的。
可能師兄會叫我去介賭中心,其實我已經去左,但都係介唔到,可能決心唔夠,但為左個家我會用哂100%努力去改。
最後,係到勸大家真係唔好借錢去賭,真係無可能贏架,重借輸左頭家。同埋唔係好大條數既話,真係坦坦白白去同屋企人講,唔好諗住唔講走去借財仔,呢個係無底深淵黎架。

回覆 引用 TOP

引用:
原帖由 星星星杰 於 2019-4-15 01:27 PM 發表
小弟幾年前借左邦x$100000,渣x$220000,本身渣x係攞黎還邦x既,最後我都有還哂邦x,點知好衰唔衰邦x個循環貸款重係到就再借100000啦! 最後緊係還唔到啦!14年終於頂唔順喇,走去老破,諗住4年後一條好漢啦!呢4年我都做左人生既重要 ...


經歷同我有啲似,我賭癮雖然唔太大,但有時心想要贏快錢,想盡快還完錢,有時都會唔覺意賭多左,但我知有問題,所以,我一借到錢,就會將大部份錢即時還左先,咁就算輸左錢都唔會多,亦無咁多錢輸

我就無你咁好彩,可以結婚生仔,如果有,我唸我會為左個家完全改變,希望你可以改好啦.

回覆 引用 TOP

引用:
原帖由 ming1854 於 2019-4-15 01:34 PM 發表   

經歷同我有啲似,我賭癮雖然唔太大,但有時心想要贏快錢,想盡快還完錢,有時都會唔覺意賭多左,但我知有問題,所以,我一借到錢,就會將大部份錢即時還左先,咁就算輸左錢都唔會多,亦無咁多錢輸
我就無你咁好彩,可以結婚 ...

我會努力架




回覆 引用 TOP

唉,樓主同我差唔多一樣,只係我未結婚生仔可能短時間都唔會,唔想累人,因為潛在既魔鬼賭癮又爆發,我現年26尾,頭7年係賭博來借loan,又透支卡數,借loan琴數,又朋友數,又卡數,兜兜轉轉依加差成40萬分期左還多5年,念住自己死頂,到年中段因為卡數問題已經去到嚴重同左老母坦白幫我找左10幾萬卡數,洗心革面,個d分期繼續自己找,每日都行屍走肉,我將份糧全數俾哂老母,每月拎5千蚊洗,念住將賭博忘記,但係都係唔得,但都好因好輸極都係5千個人都未去到又借。

呢個月就低死180度轉變,黎緊要用幾雞做個腳手術唔急切,但應承左老母會做,所以俾翻錢我,一有錢係手真係唔得,我二星期內輸左4雞,每輸一雞個心就死啦,我一定要賭追翻,最後真係清埋,跟住上個星期我居然去左借二間財仔,第一間借款2雞又輸埋,第二間都超高息借左2雞唔敢再用。

我呢刻個心情好想死左佢,我月入都未去臨界點,因為一個後生仔染上賭仲要搞到周身債,念住都以為脫離賭字,每日徘徊係呢個環境入面,只係10幾日可以輸左接受連息都10萬。債務遙遙無期,我當初揼心口唔會再去借錢,應承左老母戒左佢都係做唔到。

[ 本帖最後由 連續紅色羊 於 2019-4-15 01:55 PM 編輯 ]

回覆 引用 TOP

[隱藏]
引用:
原帖由 連續紅色羊 於 2019-4-15 01:53 PM 發表
唉,樓主同我差唔多一樣,只係我未結婚生仔可能短時間都唔會,唔想累人,因為潛在既魔鬼賭癮又爆發,我現年26尾,頭7年係賭博來借loan,又透支卡數,借loan琴數,又朋友數,又卡數,兜兜轉轉依加差成40萬分期左還多5年,念住自己死頂,到年中段 ...



咁你又真係有病態,真係要去戒賭

回覆 引用 TOP

引用:
原帖由 連續紅色羊 於 2019-4-15 01:53 PM 發表 唉,樓主同我差唔多一樣,只係我未結婚生仔可能短時間都唔會,唔想累人,因為潛在既魔鬼賭癮又爆發,我現年26尾,頭7年係賭博來借loan,又透支卡數,借loan琴數,又朋友數,又卡數,兜兜轉轉依加差成40萬分期左還多5年,念住自己死頂,到年中段 ...

其實我都係2x歲,我都係因為賭,每個月月入都比哂老婆,之後比番3000蚊我當洗費,但老婆無做野要湊仔,搞到生活好困難,之後自己又介唔到,所以我都明我老婆點解要走,但呢兩日我個人真係灰到一個點,但我知天無絕人之路,我信會另佢回心轉意。
你都唔好咁灰心,但你借咩二線咁重息,月數定15日數

回覆 引用 TOP

引用:
原帖由 ming1854 於 2019-4-15 01:59 PM 發表   


咁你又真係有病態,真係要去戒賭

一個“賭”字,真係會上癮,愈輸愈想贏番

回覆 引用 TOP

引用:
原帖由 星星星杰 於 2019-4-15 02:36 PM 發表

其實我都係2x歲,我都係因為賭,每個月月入都比哂老婆,之後比番3000蚊我當洗費,但老婆無做野要湊仔,搞到生活好困難,之後自己又介唔到,所以我都明我老婆點解要走,但呢兩日我個人真係灰到一個點,但我知天無絕人之路,我信會另佢回 ...
我果d都有期數,未去到15日就要俾錢個隻,但個人真係好灰冇哂方向,我都冇得求個心仲有種心心不憤。都想去追。




回覆 引用 TOP

引用:
原帖由 連續紅色羊 於 2019-4-15 02:50 PM 發表
我果d都有期數,未去到15日就要俾錢個隻,但個人真係好灰冇哂方向,我都冇得求個心仲有種心心不憤。都想去追。

最慘二財就算你老破左都會搞你,唔係我都建議你去老破。老破左壓力真係無咁大

回覆 引用 TOP

[隱藏]
@連續紅色羊 真心既,雖然我都唔好得你幾多,但灰心都無用,不如諗下點樣可以做番個人

回覆 引用 TOP

引用:
原帖由 星星星杰 於 2019-4-15 02:38 PM 發表

一個“賭”字,真係會上癮,愈輸愈想贏番


都係架,不過都可以慢慢改正的,唔好唸住想一夜致富,就算要賭,你要唸下其實係長期作戰,何必一下就用晒啲子彈呢?

回覆 引用 TOP

引用:
原帖由 星星星杰 於 2019-4-15 02:57 PM 發表

最慘二財就算你老破左都會搞你,唔係我都建議你去老破。老破左壓力真係無咁大


我之前就係老破左,然後繼續供二線
不過都係壓力細左好多,但以後就麻煩囉,始終TU花左

回覆 引用 TOP

引用:
原帖由 星星星杰 於 2019-4-15 02:59 PM 發表
@連續紅色羊 真心既,雖然我都唔好得你幾多,但灰心都無用,不如諗下點樣可以做番個人


呢樣又講得好啱,灰心真係無用,正面啲重好




回覆 引用 TOP

引用:
原帖由 ming1854 於 2019-4-15 04:54 PM 發表   

我之前就係老破左,然後繼續供二線 不過都係壓力細左好多,但以後就麻煩囉,始終TU花左

唉…老破完我都唔生性,我真心覺得自己好無用

回覆 引用 TOP

[隱藏]
引用:
原帖由 ming1854 於 2019-4-15 04:53 PM 發表   

都係架,不過都可以慢慢改正的,唔好唸住想一夜致富,就算要賭,你要唸下其實係長期作戰,何必一下就用晒啲子彈呢?

我宜家都係咁諗

回覆 引用 TOP



伸延閱讀
[按此隱藏 Google 建議的相符內容]
 43 123
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!