Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊 微博



追帖 打印

[故事/經歷] 難離難捨,又能否抱緊些?同居左三年有多..



難離難捨,又能否抱緊些?同居左三年有多..

[隱藏]
我同我男朋友係係交友app 識,住樓上樓下咁近。識佢果陣我27,佢33歲。我地走埋一齊既原因大概好簡單,因為彼此都寂莫。

我地識左唔夠一個禮拜就一齊左,而家睇返真係唔知係咪好事。我都算識識地睇人,同佢相處左短短幾日中,我知道佢離左婚兩年,口氣中仍感受到佢對前妻果份既怨恨。我原本諗住做個朋友,開解下佢先,但佢竟然問我一唔一齊,而且佢希望一齊既話,可以一路走落去......我拒絕過佢一次,但佢再問,我都係接受左,跟住里三年既同居生活,我可以話係又愛又恨...

我係第一次同人同居,加上要同佢日對夜對,問題就開始上演。佢係一個對乾淨超級有要求既人,應該係有潔癖...同時佢都會要求我照跟。佢係一個完美主義者,做野要十全十美先過到自己果關。佢同時又係一個住家宅男,可以返工以外足不出戶。所以佢理想既生活,大概就係放假係屋企做家務,就可以了。

問題就係,我係一個外向主動既女仔,我鐘意keep 住自己可以見到朋友,更加多既係想帶佢去了解我既世界,亦都想同佢有多啲互動,同佢傾多啲計,了解佢對里個世界既睇法等等。

我好想同佢維繫里段關係,無奈里三年之間,我已經同佢關係緊張到控制唔到自己好想有死既念頭⋯⋯

果一種既折磨係心靈上。佢會check 我電話,洗完碗要檢查多次洗乾淨未,吸完塵見到有一條頭髮,都話我吸得未乾淨。我同佢一齊行街睇衫,睇親件件衫都話唔好睇,結果而家我再唔會同佢一齊睇衫。問我食咩餐廳,入到去又彈三彈四。

里三年黎,我係佢度喊過無數次,每一次佢都係攬返我,佢以為我喊完就無事.....亦都因為咁,我情緒愈黎愈抑鬱,將屋企唔開心啲野帶返公司,公司啲野又開始做唔好.......然後就開始出入左醫院有三次

係早一個月,我地再鬧交,然後佢叫我屋企人搬返晒我啲野走。再係而家我地又試一齊返。但係又試鬧交。

我都好想知,我,可以點?

回覆 引用 TOP

多謝大家既關心,花生都好,我知自己係好自相矛盾。你問我愛唔愛佢,我會答我愛,好想去愛佢。但係我同佢既距離就好似係,明明佢係我身邊,但係同床異夢既感覺。

可能佢係想食面包,而我係想食粒糖咁。我有諗過係我對里段感情太多期望,定係生活原本就係咁。佢係想娶個老婆返黎,安安定定咁睇下電視、食飯、訓覺,人生已經滿足。而我好想同佢分享,我心入面所有既諗法,包括我既價值觀、對未來既期待、或者咁講,係一個真正了解我既人,簡單啲黎講,就係明白對方既笑點,同時開放自己deep in heart 既野比對方。而家就係,係呀⋯⋯佢或者可能同我過下半世,得到佢既面包。但係我既糖呢?

可能我太天真啦⋯⋯以為自己可以開佢既心。之前有個女人同佢一齊左7年都選擇左離開佢,寧願同一個有婦之夫一齊.....而我又偏偏一次又一次咁慣性咁依賴佢,佢雖不善辭令,但佢從來都好好咁照顧我地同居時既所有事。

回覆 引用 TOP

就係決定唔到😭😭😭😭



回覆 引用 TOP



伸延閱讀
[按此隱藏 Google 建議的相符內容]
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!