Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊 微博



追帖 打印

【蓋世寶屌老母】續約要減1/3人工僅得七千 蓋世寶劈炮:真係夠喇!【此情不在】



【蓋世寶屌老母】續約要減1/3人工僅得七千 蓋世寶劈炮:真係夠喇!【此情不在】

[隱藏]
https://hk.lifestyle.appledaily.com/nextplus/magazine/article/20190211/2_654289_0/-入行23年由主持做到變二打六-續約要減1-3人工僅得七千-蓋世寶劈炮-真係夠喇-


參加第八期訓練班嘅蓋世寶Lulu,入行後被派去主持兒童節目,一做就做咗18年。直到15年,無綫兒童節目大改革,舊有班底連根拔起,譚玉瑛姐姐成功拍住鼎爺主持《阿爺廚房》殺出新血路,Lulu就冇佢咁好彩喇!「運氣無得借嘅,我衷心希望身邊每一個人都會好好。」

轉咗去戲劇組,本來諗住有新開始,可惜不擅擦鞋嘅Lulu,唔夠其他藝人識做人,就算有friend帶佢去見監製,唔識搲撈嘅佢點搲都徒勞無功!

「性格其實已經決定咗某啲嘢,但都有打過吓招呼,不過都係無乜反應,我有喺同事陪同下入過監製房,不過都係無乜反應,唔通真係每一日都要咁樣做咩?呢方面又真係未做到咁積極。」喜歡與世無爭,舒舒服服嘅Lulu,一直嚮往主持兒童節目,由小朋友嘅世界跳入戲劇組,就如去了成人世界,一切變得很殘酷!「擦鞋,其實我兜口兜面見住人哋點樣擦鞋嘅,我係好欣賞,亦有記住嗰啲說話,袋咗入腦,但當我埋牙嘅時候,呢場戲原來我係做唔到!其實係一場戲嚟!我會用另一個態度,可能同一番對白,但係我嘅態度一定唔係嗰款!」

二月底即將與TVB約滿,Lulu決定唔續約,離開效忠咗23年嘅TVB!「其實今年一月二日嘅時候,電視台打俾我傾續約事宜,其實上一份約已經簽咗一年生約、一年死約,佢哋意願都係繼續簽嘅,只不過條件唔同咗,因為成績表問題,即係做唔夠騷啦。」TVB留佢嘅方法,唔係加人工,而係減。「我聽到又減,我係減人工,減1/3呀!冇萬三咁多,當佢一萬頭,唔係話佢哋對我差,我明公司有公司制度,我唔敢講話佢對我差,我呢23年喺公司唔係白過嘅!」

由兒童節目主持轉去拍劇,有得開工嘅日子唔多,Lulu好感激監製德哥(潘嘉德),一講起德哥,已忍唔住淚如雨下!「嗰次係我主動提出嘅,我去搵德哥,因為難聽啲講,我好似只係識得佢,因為喺數年前,佢開拍一套《大冬瓜》,當時已經合作,當時好開心,但拍完套劇又重返兒童組,所以壓力無咁大,曾經有過拍劇經驗,當我知道兒童組將會解散,我就WhatsApp對方,話我出番嚟,問佢有咩角色適合我嘅話,就幫吓我啦,佢答:『OK』兩個字。」結果,德哥開拍《拆局專家》一劇嘅時候,就搵咗Lulu做其第三女主角,角色有發揮,令人眼前一亮,只可惜無以為繼。

「無呀,呢個只係我嘅工作,其實我個人唔會諗下一步,先做好目前,自己覺得好,或者人哋覺得好,都未必有下一個step,呢個係我嘅態度,唔好有期望,有期望自不然會有失望。你就當我保守啦,我係咁樣做人。激動係嚟自佢夠膽用我,而佢嘅團隊亦都OK,呢方面好多謝佢,可以儲多一份經驗,唔理自己做得好唔好,但喺嗰個時刻我已經盡咗力。因為演員即使有機會,但都要累積返嚟,好被動。」

唔少觀眾應該記得Lulu喺《BB來了》,只得一句對白,原來對佢嚟講,仲有更差待遇嘅安排!「嗰個都唔係最差,我啱啱拍嘅《她她她的少女時代》感覺仲差,最慘我係收信去演嘅,意思係你已經加入呢套劇!我有經驗,所以唔會第一時間就開心,因為我唔知道做咩角色,所以就等通知,但係遲遲都唔通知,就算啦,我都唔理,因為《超時空男臣》之後,我其實睇到自己將來會係點樣,唔會再演到有人名嘅角色,唔識得點樣形容,總之就係無前景,唯有繼續做住先,呢套《她她她》我會形容為,仲差過啱啱訓練班出嚟,我唔想用個差字,呢個都係我嘅機會,坦白講每一次演出都係一個機會,無發揮空間裡面或者你搶到或上到位呢,我會咁樣諗,但係我唔會去睇低每一個角色,只不過係咪要去到咁樣呢?其實我係飾演田蕊妮嘅健身公司裡面嘅職員,唔只得我一位同事,對比起我,佢哋年資當然比較淺,但都已經唔算係新人,我相信大家都係因為under show而走埋一齊,但當佢哋見到我嘅時候,我相信佢哋都應該會覺得OK,呢位姐姐都咁樣,無問題啦。即係可能我俾到安慰佢哋啦,所以就一齊渡過咗。我諗夠喇,真係夠喇!」

好多時候無工開,早已過著節衣縮食的生活!「金錢方面,由兒童組跳出嚟之後,其實一直都有問題。坦白講演員人工真係唔高,其實最理想梗係靠外邊嘅工作,但你唔喺電視上出現,曝光率低咗,人哋諗唔起你,自然工作量亦會低。其實好多年前開始,啲人已經以為我無做。」喺TVB工作咗23年,今日Lulu返公司簽名拎支票,就正式同TVB say bye bye!「我唔簽之後,都有張票收返,但張票係等我老嘅時候,真真正正老嘅時候用嘅,所以呢啲錢應該會交俾媽咪幫我收埋,暫時唔好俾我用。」拎到TVB嘅長期服務金,真正加入「失業大軍」,Lulu未諗下一步要做咩!「我覺得香港人,香港唔會餓死人,只要你肯做,所以我從來都冇擔心過。」

COlJxL8PXzmhNHZyoWkOfY8100mt7u3_PmCnVT5gp1U.jpg


1528192844_GH-1280w.jpg

回覆 引用 TOP

如果想多工作做-定要講人際關係,不如去加入演藝人協會現在有app推薦找工作!

[ 本帖最後由 akc48 於 2019-2-12 09:41 AM 編輯 ]

回覆 引用 TOP

睇到好撚 SAD,閃電傳真機已經睇緊佢,成日著黑絲



回覆 引用 TOP

做百佳都仲高人工過佢
不過佢依家先走真係…
珍惜生命,遠離蟈歌

回覆 引用 TOP

[隱藏]
蓋世寶其實個樣好順眼,可惜唔識打關係,以佢性格,就算返大陸撈亦好難殺出血路

回覆 引用 TOP

都算幾靚,細細個就睇佢,但無身材而且唔識做戲,咁人地點會搵佢

回覆 引用 TOP

雖然我都細細個睇佢﹐仲記得佢第一次閃電傳真機同鄧健宏出鏡介紹自己嗰集我都有睇。嗰陣已經覺得佢幾靚。不過而家睇番我覺得攪成咁係佢自己唔夠發奮﹐安於現狀唔緊要﹐但情勢變時還一直以等運到心態面對。所以冇得怨。

回覆 引用 TOP

引用:
原帖由 莫問道 於 2019-2-12 10:49 發表
雖然我都細細個睇佢﹐仲記得佢第一次閃電傳真機同鄧健宏出鏡介紹自己嗰集我都有睇。嗰陣已經覺得佢幾靚。不過而家睇番我覺得攪成咁係佢自己唔夠發奮﹐安於現狀唔緊要﹐但情勢變時還一直以等運到心態面對。所以冇得怨。 ...

你講中曬

其實社會上好多人都有呢個問題,最後乞食都無力綜緩又申請唔到就係呢種




回覆 引用 TOP

冇樣冇波冇演技又老三色台仲肯簽你執到啦 唔好成日覺得自己懷才不遇先得嫁

以前佢做兒童節目嗰時都串串貢又暗串班啲小朋友 做兒童節目又冇愛心 仲要拉藝訓班落水 唔講其他  同為兒童節目既THINKBIG主持幾受小朋友歡迎由其係Mandy 班小明星最鍾意係佢 阿蓋小姐真係要檢討下

回覆 引用 TOP

[隱藏]
無好感,佢仲細咩仲闖,男無所謂,女就嫌你老
又無演技一唔做兒童節目即無野做

回覆 引用 TOP

引用:
原帖由 靜靜 於 2019-2-12 11:35 AM 發表
冇樣冇波冇演技又老三色台仲肯簽你執到啦 唔好成日覺得自己懷才不遇先得嫁

以前佢做兒童節目嗰時都串串貢又暗串班啲小朋友 做兒童節目又冇愛心 仲要拉藝訓班落水 唔講其他  同為兒童節目既THINKBIG主持幾受小朋友歡 ...


這正是古語 ..人必自無而后人舞之 ...

回覆 引用 TOP

譚玉瑛姐姐就識撈好多,人際關係好。
曾有5D3,8-15L,24L,35f/2.0,S50,85L,100L,70-200f/2.8II,100-400L,現有EOS-M & SONY a7R a6300 SEL35F28Z SEL55F18Z AE
F43M
PS4, PS3, PSV, PSP

回覆 引用 TOP

引用:
原帖由 winnietung 於 2019-2-12 11:56 AM 發表
無好感,佢仲細咩仲闖,男無所謂,女就嫌你老
又無演技一唔做兒童節目即無野做


事實上最好時期畀晒無綫!現在四十歲難道仲可以爭—姐?她不是阿譚港民級偶像,蓋世寶姐姐及早轉型!




回覆 引用 TOP

引用:
原帖由 akc48 於 2019-2-12 12:12 PM 發表



事實上最好時期畀晒無綫!現在四十歲難道仲可以爭—姐?她不是阿譚港民級偶像,蓋世寶姐姐及早轉型!

大塊田都四十啦⋯⋯咪呀姐級,佢仲唔係tbb 出身tim
蓋小姐我仲係小朋友果時睇佢都覺得佢唔夠親民,其實佢察覺唔到問題係邊

[ 本帖最後由 winnietung 於 2019-2-12 12:20 PM 編輯 ]

回覆 引用 TOP

[隱藏]
引用:
原帖由 winnietung 於 2019-2-12 12:18 PM 發表


大塊田都四十啦⋯⋯咪呀姐級,佢仲唔係tbb 出身tim
蓋小姐我仲係小朋友果時睇佢都覺得佢唔夠親民,其實佢察覺唔到問題係邊


大塊田本身捱得好久!還有一些人士關係當然不是杜先生!至於蓋世寶埋甚麼堆?難聽現在她肯同高層瞓到不會捧紅。

回覆 引用 TOP



伸延閱讀
[按此隱藏 Google 建議的相符內容]
 42 123
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!