Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊 微博



追帖 打印

[故事/經歷] <<關於網上識女友, 我想講>>



<<關於網上識女友, 我想講>>

[隱藏]
其實篇野係純粹UP下...  你見我係第2 個板出POST 都知我已經半放棄.

亦都希望各位女士睇完可以認真諗諗...  到底你地搵男友係做緊咩野.



但至少如果有一個女仔睇完覺得以往方法錯左或者可以行多步, 就算只係幫到佢一個, 我呢篇口水文, 都已經有價值了
以下係其中我見過遇過的女仔的綜合總結, 絕對唔係一個女仔有齊晒。


而我係認為呢D女仔唔係質素唔得, 係心態/方法唔得.  好簡單,你覺得場波係輸左算數,咁點贏?  其實未打你已經輸左9成.

可能大家覺得網上識的人質素可能差D, 或者網戀靠唔住. FINE,咁你可以唔好差隻腳入黎,但你試得就要信(咁帶眼識人就幾時都要GA LA)  
我同EX都係之前係UWANT識,佢好質.  我? 都唔失禮.



至於你好唔同意, OK, 自己去開個POST 講, 我冇興趣罵戰.
呢度我主場

1/ 了解
首先, 我唔明D 女仔開POST 徵男友點解可以係0 介紹, 部分連要求都係0.  即係點?  BF係楊過咁得一隻手又得? 光頭又得? 點都得?
同樣, 個男仔對於你外表或BACKGROUND, 無論點都要接受?
又同樣, 我唔明點解D女仔PM 黎, 可以係得一個HI 字.

有女仔話唔鍾意INTERVIEW, 但你係咪乜都得先?  
我自問自介都講了基本個人資料, 你係有睇的話, 即我合你要求.  咁你RE 我POST, 我係咪都想知你的條件係咪符合我基本要求?
因為唔係的話, 其實無謂晒大家時間.  因為你就算可以係乜都得(事實就係180CM 高差3CM 都唔得LA!!!), 但我都有D 基本要求. 個個女仔PM 都話唔鍾意INTERVIEW, 咁即係黎個250LBS 女仔我要花時間了解佢一輪先發覺佢唔係, 黎個178高 女仔我又要花時間了解佢一輪先發覺佢唔係, 黎個做IBANK, 搵成100K/月 女仔我再要花時間了解佢一輪先發覺佢唔係...#下省3000字即450個例子#  我用誠意比大家睇晒我的基本資料/背景就係唔想晒你時間.  做人可唔可以公平D?

你唔鍾意INTERVIEW? OK.  咁你咪唔好搵工(老公) LOR.


2/ 溝女王
第一, 我唔該你D 外貌協會唔好再HURT人, 邊有咁多靚仔會上網識女友?  如果我好靚仔, 就算唔喜愛夜莆, 都會有女埋身, 洗鬼上網咩?
如果你都真係要上網識, 咪老實講你要睇樣, 你係外協囉.
P.S. 本人絕對唔醜樣.  但生了一個眾生相, 一個招牌跌落黎唔知砸中幾多人果種普通樣.

咁另外就係TUM 女仔功力... 都係一樣...如果我叻, 我已經係本身的social circle 追到女友啦, 洗鬼上網咩?   所以希望你地明白...如果你都覺得人地唔錯, 咪比D 位人LOR, 唔洗下下皇帝女唔憂嫁咁, MESSAGE 永世人地唔講野呢, 你就唔會開口.


3/ flirty  girls
經過唔少失敗之後, 我發覺flirty girl 係好差 (SORRY 個人意見. 可能我對於女仔講GE野比較認真對待).  
第一, 佢地係可以勁假.   
第二,既然佢地咁輕易同你FLIRT, 亦都即係話佢地係老手... 你講再窩心GE野, 再認真GE承諾, 都唔會有用.  
第三就係到見面時係會由天堂直墮18 層地獄. 你諗下佢同你傾果時係幾咁SWEET? 到見面根本連1%都唔會有.  
得罪講句, 你要贏得呢種女仔芳心, 就好似你要估一個大話王講左一百件事到底或邊件真, 邊件假一樣.



4/肥妹
其實肥真係冇問題。 高矮肥瘦都會有人鍾意。 (拿我最多接受到小肥, 大肥妹唔洗pm我)
個問題係世界98% 港女都係覺得自己肥。。。  32a,  165 高,得果115 lbs都係覺得自己係肥。。。 150 lbs又係覺得自己肥, 220 lbs又係。。。
其實你個介紹係 "我係肥妹, 介意勿擾".  其實係想點?
同埋你個uwant account ja ma?  有鬼人知道你 uwant jojostar333 真人係乜水咩?! 當你自己係明星? 咁咪老老實實講自己到底有幾肥lor,  坦坦白白, 好過傾完一大爛餐。。。 個男又晒左心機時間, 你又比佢flirt完即棄。。。 大家都無癮。。。


5/ 一見鍾情VS compromise
上面都講左, 邊有咁多靚仔需要上網搵女友?  所以一見鍾情係好難成立... 同一個樣子平平的人一見鍾情?  
其實大家上網搵得男/女朋友...無非都係因為係現實社交中搵唔到對象...
咁係咪要現實少少...係咪要諗多D 係 "搵個伴", 多過 "搵個鍾意" ?

至於COMPROMISE, 我早前聽到一個好正GE 拒絕理由: 你同我SYNC (同步)唔到.
喂阿姐, 我同你傾得5 日, 你想點SYNC? 用ITUNES SYNC 呀?
我做左30幾年人, 你又差唔多30年人... 大家有不同的過去, 價值觀, 喜惡...等等.  你無可能EXPECT 一黎就SYNC 到, 你自問有冇落心機先?
其實上網識人, COMPROMISE真係好重要.
當然, 真係唔夾, 係冇計.  睇你要咩, 我覺得性格, 溝通係最重要...但亦都要比時間大家去了解, 適應同磨合.
我著眼的, 係大家夾的地方, 係大家的願景, 係女方的優點. 而唔少女仔只要一言不合, 就話大家唔夾.
有冇聽過: 大家都要削去自己一半, 2個人加埋先係一個心靈契合的SOULMATE.  唔去嘗試放開懷抱, 去接受對方, 去了解對方的世界...  一味幻想對方就係白馬王子, 就係知晒你所有心思...所以你永遠只係傾到一陣又覺得佢唔ARM 你.


所以如果你問我一個20尾或中女想搵男友, 想搵個伴, 我唔該你地唔好再話講FEEL, 唔好幻想會出一次街就有FEEL.  其實應該係搵個合你(已經COMPROMISE 左)的要求, 而同佢傾左一排都OK, 到見面時係唔覺得討厭, 咪出多幾次睇下咩環境囉.
好難一次就有FEEL, 唔該現實返少少.



你CLICK 去戀愛交友就可以知我係冇吹水.

[ 本帖最後由 jojostar333 於 2019-2-9 05:35 PM 編輯 ]

回覆 引用 TOP

有心機的文,無論同吾同意都要俾個讚





回覆 引用 TOP

堅呀呢篇,交友版果班女真係呢,十年前係咁,十年後都係咁

我就算單身都唔會睇得上果邊任何一個蠢女人

呢篇野響果邊出,管理層一定會嬲嬲豬,因為你呢篇野響果邊的版主眼中只會係趕客文

最後,希望各位別給條件主義束縛自己(其實都係晒氣,呢班堆填女個腦邊會諗到咁深入?)🤣




回覆 引用 TOP

引用:
原帖由 TSURUGI=RAI 於 2019-2-7 05:27 PM 發表 堅呀呢篇,交友版果班女真係呢,十年前係咁,十年後都係咁
我就算單身都唔會睇得上果邊任何一個蠢女人
呢篇野響果邊出,管理層一定會嬲嬲豬,因為你呢篇野響果邊的版主眼中只會係趕客文
最後,希望各位別給條件主義束縛自己(其 ...






Haha  其實我揾gf都好有要求xd






回覆 引用 TOP

[隱藏]
我未得閒睇,今晚睇
金錢堆砌,才識累積
眾人他鄉遇故知

回覆 引用 TOP

我依家嘅男友都係uwants識架!真係睇你係米肯面前現實,搵個對自己好嘅多過係自己對佢有feel!始終人嘅feel只係過眼雲煙,眨下眼就無~





回覆 引用 TOP

唔覺意CLICK 左入黎睇, 見你咁用心,我都忍唔住手.
1.我好認同你藍色字講既野,另外要有好既心態,溝通同磨合, 但要雙方做到真係好難.
2.我唔係好認同靚仔就唔可以上網識女仔, 自問都算靚仔(起碼周圍既人都咁講), 但係工作環境令我好難識女仔,
   雖然我知好多女仔對我有意思, 但係自己鍾唔鍾意就另一回事, 所以先上網搵多D 機會.






回覆 引用 TOP

回覆 6#  love-neko 的帖子

好有同感,做左咁多年人好明白呢個道理!!




回覆 引用 TOP

甘岩見到就留下言
自問樣OK 不花心也是圈子小會想上網識 之前也識到Ex在這裡找的。也看到不少人識到另一半在交友區。
所以你說的那種隨便就叫人PM的女仔應該是少部分,或者年紀太小,根本亂來。講Feel正常既,說你不夾或諸如此類這是拒絕你的千萬個藉口,我覺得你太在意了。另外,找長相好的,正常人都會,人之常情,如果你不醜,又勁快比人拒絕,有思考過單純是女生的問題嗎?如果一大堆普通樣的男生同時追求這位女生那為何對方必須選擇你呢?如果在供低於求的市場裡面,你有更好的吸引力嗎?另外,男生一開始就給女生做你所謂的身家調查“interview",或者你所想的因為你提供了自己的資料所以要求對方提供一樣的東西給你,那這樣女生會覺得你一開始就沒有很大的誠意追求,只是想付出=回報,連基本的朋友也還沒做就要立刻變成你期望對方一定要先給你做什麼。我想這種必須是不討好的。或者你說直接說一說大家的要求不要浪費時間,換句話說,你口中的互相包容也不存在了,因為你已經一開始就是找契合的對象才來決定要不要談戀愛。主導權變成以你做出發點。我相信大部分女生會是希望得到追求,感動,然後是互相好感,然後才是磨合期,朋友再來才是情侶。
不是來戰的,單純回應一下你,覺得你有點情緒,放鬆D啦 香港人

回覆 引用 TOP

[隱藏]
引用:
原帖由 jojostar333 於 2019-2-8 13:40 發表

Haha  其實我揾gf都好有要求xd


有要求先有進步呀!

就算我冇要求極都唔會揀果班垃圾女,做朋友都咪搞

明知條六合彩中頭獎(中六個半字)都照meet飛,因為我不是個能被條件束縛的人😂
如果講事實都係人身攻擊的一種,咁呢度D人都幾玻璃心XDDDD

回覆 引用 TOP

1)唔係好明。如果原post有寫明基本要求,例如月入唔可以超過十萬,唔可以做金融業,身高唔可以超過178,咁應該無人會走黎運吉。

回覆 引用 TOP

高質post

回覆 引用 TOP

[系統消息] 您發表的帖子被評分



收到pm,  以為係扣分。。。  點知居然係加分。。。



真係未試過!




回覆 引用 TOP

呢篇野好正

回覆 引用 TOP

[隱藏]
add oil

回覆 引用 TOP



伸延閱讀
 36 123
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!