wing_mcw

阿仙奴教練艾馬利終於體會了雲格執教兵工廠時，在收購方面受過的「傷」。這個冬窗他們只以租借形式，引入丹尼斯蘇亞雷斯一名球員。據英國《每日郵報》報導，艾馬利夏窗的收購工作，又將在嚴格的財政限制下進行。

報導中稱，阿仙奴今年夏天的收購預算只有4,500萬英鎊，艾馬利現在希望夏天的時候能夠簽下至少三名球員，其中包括一名左閘，但4,500萬英鎊的預算確實會對他改善球隊的工作造成困難。
但《郵報》表示，出售現有球員能夠在一定程度上補充他的收購預算。報導中提到拿著隊內最高薪水、35萬英鎊周薪的奧斯爾，如果他離開肯定會對球隊的財務狀況有所放寬，但也正是因為他的高薪，賣掉他就變得更加困難。

此外，藍斯和韋碧克將以自由球員身份離開，施治今季結束後亦將退役，這會使他們每周在工資方面減少近30萬英鎊的支出。球會還將考慮出售一些邊緣球員，以獲得額外的轉會資金，同時獲得歐聯資格也會對此有所幫助。

靠免簽搵返D質素球員

享受性的人

雲加最苦時...係要還債0轉會費...迫住年年賣主力球員...


轉會費少已經算係咁...最on9係季初唔續太子...先續後放都好...w23同r8又唔續又唔賣...呢到都蝕咗最少5000萬鎊...

othersprivate

賣走細梅, 沙加, 埃及仔 同埋外借左都打唔起嘅 張栢斯 同 淺野托X, 怕且都可以籌倒 50+ M 呱.......奧燒有人要就更好, 唔洗雙輸........

再送走埋季尾完約嘅球員: 施治, 蒙維爾, 列老, 藍斯, 黑碧, 加埋應該可以騰出唔少工資...........................
好似 Adrien Rabiot 呢D同樣係季尾完約, 可以免簽嘅國腳可以試下出高D 人工去爭

但係最重要都係要攞倒歐冠入場卷去吸引D 實力球員

享受性的人

M18都送走...???


再加埋英超嚟講...施治佢地唔算好高人工...

othersprivate

引用:

原帖由 享受性的人 於 2019-2-7 12:12 AM 發表
M18都送走...???


再加埋英超嚟講...施治佢地唔算好高人工...

季尾就完約到而家都未續, 一係球員唔想留, 一係球會無心留

再講蒙維爾年事已高, 今季佢有幾次打翼衞都係顧倒前顧唔倒後, 體能唔好得過列老好多, 所以先傳緊來季要買左閘

享受性的人

引用:

原帖由 othersprivate 於 2019-2-7 12:44 AM 發表   

季尾就完約到而家都未續, 一係球員唔想留, 一係球會無心留
再講蒙維爾年事已高, 今季佢有幾次打翼衞都係顧倒前顧唔倒後, 體能唔好得過列老好多, 所以先傳緊來季要買左閘 ...

買定左閘做準備係好事...但係起球場期間...我地都受過無老將帶領，指導球員，同做榜樣既苦況...今時今日又重犯...養奧燒就話貴啫...m18都養唔起...???

othersprivate

引用:

原帖由 享受性的人 於 2019-2-7 01:36 AM 發表
買定左閘做準備係好事...但係起球場期間...我地都受過無老將帶領，指導球員，同做榜樣既苦況...今時今日又重犯...養奧燒就話貴啫...m18都養唔起...???

後防已經有大師兄同柏柏呢D 經驗豐富嘅老將, 而家左閘再唔揾定接班人將來青黃不接仲大鑊..............

享受性的人

引用:

原帖由 othersprivate 於 2019-2-7 10:32 AM 發表   

後防已經有大師兄同柏柏呢D 經驗豐富嘅老將, 而家左閘再唔揾定接班人將來青黃不接仲大鑊..............

問題應該分開講...
第一...我無話唔搵...只係搵人同送走人有無必要混為一談...要留m18一樣可以搵人...



第二...k31正直當打...使唔使講到要接班人...最多咪m18年紀大要搵多個後備...除非愛美麗唔滿意k31...否則...市場除非有平靚正...如果唔係...預備組有可造之才既...不如係預備組升個上嚟好過...



第三...有誰肯定k6會留到掛靴...m18有紀律，有職業操手...最重要人工唔高...留多個真係咁重負擔...???

othersprivate

引用:

原帖由 享受性的人 於 2019-2-7 11:20 AM 發表

問題應該分開講...
第一...我無話唔搵...只係搵人同送走人有無必要混為一談...要留m18一樣可以搵人...



第二...k31正直當打...使唔使講到要接班人...最多咪m18年紀大要搵多個後備...除非愛美麗唔滿意k31...否 ...

首先, 如果預備組嘅左閘有 Smith Rowe 或者 Reiss Nelson 嘅 potential, 我絶對唔反對升個上嚟, 仲可以慳D 錢, 但係而家事實上唔多覺預備組有咁嘅高 potential 左閘.

第二, 而家坦克都就嚟 26, 後生得嚟成左名嘅買唔起, 人地都唔肯過嚟做後備. 買個18歲有潛質嘅返嚟都要浸3-4年, 到時坦克都30, 而家揾定接班人真係一D 都唔早.
如果買個人返嚟又要養住蒙維爾, 但係又無位俾佢出, 搞到好似埃及仔咁要佢長坐冷板, 對蒙維爾又係咪一件好事?

第三, 冬季轉會窗借個丹蘇返嚟都拖拖拉拉成個月, 巴塞話借完一定要買都唔敢點頭, 已經比好多人話肉酸. 而家仲要講到明來季得咁少錢增兵, 唔通咁都睇唔出阿仙奴呢個偽豪門財政負擔有幾重?
當然什麼阿記唔係無錢, 係上面唔放水云云又係另一個講到厭嘅話題......................

第四, 而家唔係我恨不得佢走, 而係事實上球會到而家都無同佢續到新約. 咁都係嗰句: 一係球員唔想留, 一係球會無心留. 而事實上蒙維爾打閘要走上走落體能跟唔上, 打中堅防守技術又唔夠高, 而家放走佢好過等到佢再跌 watt 到好似列老咁俾人小到九彩先走. 等佢再揾適合自己嘅球會, 對雙方都未必係一件壞事.

[ 本帖最後由 othersprivate 於 2019-2-7 01:52 PM 編輯 ]