Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊 微博



追帖 打印

[討論] 利物浦目前最大弱點



利物浦目前最大弱點

[隱藏]
雖然利物浦坐鎮榜首,但其實每隊波都有弱點。

大家覺得利物浦目前最大弱點係咩?

我覺得綜合黎講,係中後衛。一旦雲迪克受傷,幾近無可取替,今年爭冠夢就凍過水。

正選方面,右後衛阿諾仍然係比較弱嘅一環。

大家點睇?

[ 本帖最後由 catcat163 於 2019-1-2 12:21 AM 編輯 ]

回覆 引用 TOP

同意。雲迪績克太重要,有咩冬瓜豆腐就大柠乐。
my

回覆 引用 TOP

認同雲迪克重,但係冇可能用大錢買個差唔多級數中堅~所以真係聽天由命~TAA進步緊,佳尼踢得返



回覆 引用 TOP

話VVD如果受傷應該不算弱點;只可以話最大隱憂。而第二點即係TTA就的確係經常被對方重點打擊...呢方面同意樓主

回覆 引用 TOP

[隱藏]
引用:
原帖由 catcat163 於 2019-1-2 12:14 AM 發表
雖然利物浦坐鎮榜首,但其實每隊波都有弱點。

大家覺得利物浦目前最大弱點係咩?

我覺得綜合黎講,係中後衛。一旦雲迪克受傷,幾近無可取替,今年爭冠夢就凍過水。

正選方面,右後衛阿諾仍然係比較弱嘅一環。

大家點睇? ...


如果按此推測, 危危乎就不止中堅位置, 左右閘位置亦然, 因為本來屬於後備者因機遇而擔正, 而且比現在淪為後備者更缺乏應付硬仗經驗, 後備只得一員而再有人受傷就要由中堅抽調補上, 不確定性比中堅位置都大.

中堅位置上, 祖爾馬迪普來投後, 伙拍雲迪克時始終都係對方更搶眼, 攻守參與度都較實在. 上季兩人初次同場時, 高普嘅超低級防守錯誤部署令兩人一齊大漏波, 祖爾馬迪普始終仲係戴罪洗底嘅狀態, 穿上利物浦球衣後未曾有過任何光茫四射嘅表現, 但不代表佢能力上做不到. 所以大家應希望佢不要成為頂替雲迪克嘅選項, 反之希望二人可同場而各建奇功. 另外洛夫雲經歷過舊年摸過吓隻世界盃耳嘅過山車旅程後, 終於打番出佢喺里昂時期嘅集中力及全面防守能力, 如要用祖高美斯直接取代佢, 就容易睇得到祖高美斯喺技術上嘅不足, 目前而言判斷上祖高美斯本身都不見得十分好. 但洛夫雲亦曾經歷過一段教人嘔血嘅時期, 大家印象中都覺得衰起上嚟都無分高低, 所以兩人都不甚可靠.

換個角度, 目前雲迪克位置穩如泰山, 防守或反攻時可發揮指揮及執漏作用頭球亦上乘, 上述三位拍檔究竟有邊個較易幫忙接手其餘佢一人分飾不到嘅工作? 我個人覺得始終都係洛夫雲較具質素, 而且差不多一季嘅光景, 都見到雲迪克與洛夫雲都係較快可以建立到默契嘅一對. 問題就係當雲迪克傷停時, 如以祖爾馬迪普伙拍洛夫雲, 兩人仿似重疊而且亦未見到當中有人可做到中堅壓軸嘅效果, 仲有兩位仁兄都樂於喺危險區域慢慢用波, 如果是但一人拍祖高美斯, 仿似咁耐以來門將都係未曾輕鬆過. 所以結論不是越多可用人選越好, 而係利物浦硬係爭一個路數好判斷力強嘅後備去幫補祖爾馬迪普及洛夫雲, 可惜卡拉雲己不在.

[ 本帖最後由 meurette 於 2019-1-2 08:59 AM 編輯 ]

回覆 引用 TOP

左路, 文尼個位

回覆 引用 TOP

左閘同翼鋒後備
中堅深度可以,只係VVD級數太高同其他比就差一截

同意阿諾都係正選較弱,特別防守

另外,中前場串連其實都有待進步

前面三個可以更多輪換更好

回覆 引用 TOP

利中堅基本齊人,質素都不錯。雲迪克最大的優點是領導才華和視野。這有錢都買唔到。

他的缺席會影響防守的質素,但沒有各位想像中嚴重。以前災難性的防守因素主要是龍門

當龍門畀唔到後衛的支援和信心時,各種慌亂、失位、犯規就會頻繁出現。所以利後衛背

這隻黑鍋都很久了。

雲迪克缺席都好的替補馬迪普。馬迪普配洛夫雲其實都不錯,一剛一柔。

高美斯的优點速度,有腦。洛夫雲的長處硬朗,霸氣。

雲迪克拍前者對一些技術形,速度形的球隊,如曼城,阿仙奴,巴塞等技術形球隊較好。

雲迪克拍後者對一些硬朗形的球隊,如曼聯、一些中下流球隊。或德國球隊較好。

當然,多人傷病對任何位罝都有大影響。




回覆 引用 TOP

搵個正宗右閘先喇

回覆 引用 TOP

[隱藏]
引用:
原帖由 三一一三 於 2019-1-2 07:44 PM 發表
搵個正宗右閘先喇


正宗右閘已在陣中, 佳尼

回覆 引用 TOP

羅拔臣是令其他教練羡慕不而的優秀左衛。是利的常規正選。由於摩闌奴不成器,所以只要為他找後備就可以了。看來會用客串,新人或執平貨解決,不會刻意買人。

右衛一直系缺員。由於阿諾打得好,所以忽視了這問題。佳尼守強攻弱,不符合利的攻守兼備的常規正選要求,所以只是後備料。阿諾是中場料,即是現在打衛,無論攻守都是中場打法。相信終歸會回歸中場,經過二三年的煅練,接正,副隊長的班(不是職位)。

所以要買會是右衛。要符合常規正選恐怕要四、五仟萬。不知現在有冇傳出人選?

回覆 引用 TOP

引用:
原帖由 chaucp28 於 2019-1-2 07:32 PM 發表
利中堅基本齊人,質素都不錯。雲迪克最大的優點是領導才華和視野。這有錢都買唔到。

他的缺席會影響防守的質素,但沒有各位想像中嚴重。以前災難性的防守因素主要是龍門

當龍門畀唔到後衛的支援和信心時,各種慌亂、失位 ...


如果卡拉雲仍在, 祖高美斯應該沒有太多機會以中堅身份上陣, 怕且只會窒礙佢成長. 而卡拉雲亦因為希望把握當打時期, 可獲得更多上陣機會, 但願望不似會兌現, 最後選擇轉去意甲準備養老. 即使祖高美斯有否如願成才都好, 失去一位補位, 釘人能力以及散出準確好嘅中堅, 始終都係利物浦嘅損失. 你提及利物浦以往嘅後防問題, 其實一直在分工上, 即使雲迪克來投最初情況都一樣糟糕, 可幸上季最終有出現修正, 雲迪克不單保持健康而且亦越打越融入, 令成績穩定地改善, 否則連卡拉雲都走埋, 整個故事發展會很不同.

門將表現差屬另一層問題, 但當時溝通及判斷不當, 都總與其餘後防球員不振有關, 而且米奴列出迎避動, 偏偏中場防守黑洞就在中堅企位前十碼出現, 中堅很難判決下一步要做什麼因為兩難, 波一彈地或轉向過頭就更加麻煩, 中堅失去自主不單吃力更吃虧. 其實今卡拉雲在卡利亞里都遇上近乎相同境況, 與佢同齡嘅安迪奧尼因為佢來投而退為後備, 卡拉雲原本與隊長施比特利成為新組合, 開初還算穩穩定定, 但施比特利級數不算高, 中場防守更開始發瘟, 卡拉雲受傷復出就開如運滯, 表現亦跟隨大隊走下坡. 主帥路蘭度馬蘭連隊長都換人輪任, 卡拉雲嘅位置亦開始被具潛質新人洛馬拿動搖, 屋漏兼逢夜雨, 球運與球隊表現一齊慢慢霉落去.

回覆 引用 TOP

雲迪克不但只系防守功夫了得,佢有領袖的能力系最重要,就似當年的希比亞同艾加一樣,其他中堅可以放心防守,諾夫雲及高美斯今季之所以穩定發揮,功勞有大半系受惠於雲迪克,兩人的自信心提高左唔少,本人覺得現在弱點上,阿諾是其一,還有中場的配對是其二,始終欠缺一個中場指揮官,控制節奏上雖然今季已有進步,但轉守為攻上依然做唔到強隊本色。



回覆 引用 TOP

唔好再係自己後半場橫傳😪

回覆 引用 TOP

[隱藏]
曼聯當年破紀錄買到里奧費迪南而稱霸十年,如今利物浦破紀錄買到雲迪克……呵呵

回覆 引用 TOP



伸延閱讀
 16 12
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!