salepoint

最近終於有男朋友了，本來係開心事，同佢總共識咗都一年了，佢最近三個月轉咗工做保險，之前係做sales，咁佢其實都唔係好知我財政狀況，我唔係大花筒，不過就唔識理財，到而家都無咩積蓄（我會慢慢改善，唉），搵得亦唔多。

咁佢初初轉工果時好忙，之後同佢食飯都feel到佢好鍾意而家份新工，咁佢又唔係好等錢駛，小康之家咁啦，其實佢轉保險我都好驚佢會sale我，但我同佢講你諗清楚就轉，我都支持佢嘅，都想佢趁後生試下（我地30歲）。平時都會幫佢打氣加油，會話支持佢，亦有幫佢按摩膊頭，見佢忙我都唔會太多whatsapp佢，等佢搵我，整過一次野食俾佢咁啦。

不過其實我都feel到佢想sale我，有兩次佢都同我暗示佢公司啲plan都幾好，尋日仲話有個客識為自己打算，叫我都好好諗下自己。其實我本身自己都有份供咗好多年的保險，其實我唔需要，亦都無額外錢再買多份，但我唔知應該點同佢講，照直講我驚傷感情，又驚佢覺得我得把口，實際上無行動支持佢，但我金錢上又真係無能為力，最多只係將個強積金轉去佢公司（咁我本身都鍾意佢公司強積金嘅）。

最重要係，我唔想我地嘅關係有呢啲利益關係存在，我唔想佢將我當係客，變咗好似佢只係想我買保險先同我一齊咁，雖然佢係我地一齊之前就已經轉咗工。唉，好煩啊

[ 本帖最後由 salepoint 於 2018-9-11 09:56 PM 編輯 ]

最後知識人

其實識左一年，你應該清楚佢價值觀， 例如佢是否非常重視金錢，會叫你幫手搵客等。
你應該feel到佢係想sell你賺佣金，
定係純粹想為你好。



到卅歲都無乜儲蓄，但到底要儲幾多，
又視乎你人生規劃，每個人都唔同。
例如你唔洗旅行買樓結婚生仔養父母養老，
咁自然都無太大動力去儲蓄。

raydjibril

真係分清楚比較好，你直接同佢講你既想法就已經好

salepoint

引用:

原帖由 最後知識人 於 2018-9-12 12:22 AM 發表 其實識左一年，你應該清楚佢價值觀， 例如佢是否非常重視金錢，會叫你幫手搵客等。
你應該feel到佢係想sell你賺佣金，
定係純粹想為你好。



到卅歲都無乜儲蓄，但到底要儲幾多，
又視乎你人生規劃，每個人都唔同。
例如你唔 ...

其實我同佢係隔幾個月先見一次果啲朋友，係最近幾個月有一齊上興趣班先close咗，先慢慢係一齊，其實我對佢都唔係太了解。



不過你都講得啱，其實以我所知佢雖然慳，但唔係超重視金錢啲人，成日會請我食飯，我諗我要分清楚佢係想賺佣金定為我好，因為聽太多做呢行斷六親，加上我本身都有朋友做呢行勁煩住晒，搞到我地個個怕咗佢，而且自從佢轉工以來，好多時話題都係講佢份工有幾好幾幫到人，所以有啲顧忌。



我都知我唔識諗，太唔識理財了，我又無諗住買樓嘅，對我來講係天荒夜譚，所以最近都學緊關於投資理財果啲，當然係揀低風險果啲啦，畢竟我積蓄少，亦唔會擺晒落投資，會留番一半嘅。不過呢件事都未同佢講，因為佢唔鍾意人買股票。

salepoint

引用:

原帖由 raydjibril 於 2018-9-12 12:28 AM 發表 真係分清楚比較好，你直接同佢講你既想法就已經好

我會同佢了解多啲，留意佢的目的係咩，搵個時間同佢溝通一下。多謝你地啊^ ^

最後知識人

日久見人心，不過大家只係熟左幾個月， 唯有慢慢黎，不必急於脫單，不必介意單身。



如果之前只係幾個月先見一次，
而且你寫"終於"有男友，
咁我個人推測，大家應該沒有太大既互相吸引力。
因為如果佢係做sales又係外向人，
應該唔會隔咁耐先搵你見面，
除非有其他原因。



如果你資產較少，咁最好個男仔要有d家底，
起碼唔會成日因為錢而鬧交，
不過你唔係比大份錢果個，可能好多野都無得話事，
要睇人面色。



同埋你覺得大家有幾大機會買到樓?
我覺得佢應該會搵個有d家底既女仔結婚，
如果個女仔係靠炒股搵到錢，有能力同佢供樓，
佢就唔會討厭人買股票。



做sales，人脈就是錢脈，就睇佢社交能力是否夠強，
例如佢識得睇人，識得小往大來，請左人食飯之後，
人地就唔係咁好意思拒絕你。



你都可以認同佢係幫緊人，
事實上有邊份工唔係幫緊人?
不過你的確係無閒錢幫佢買保險，
所以直接同佢講都可以，
例如你既儲蓄需要預備家人既突發支出。
如果佢係想同你長遠發展，應該都想你留多d錢傍身。

salepoint

引用:

原帖由 最後知識人 於 2018-9-12 02:56 AM 發表 日久見人心，不過大家只係熟左幾個月， 唯有慢慢黎，不必急於脫單，不必介意單身。



如果之前只係幾個月先見一次，
而且你寫"終於"有男友，
咁我個人推測，大家應該沒有太大既互相吸引力。
因為如果佢係做sales又係外向人，
...

我會搵時間同佢好好講下大家諗法，因為佢呢幾日都好忙唔得閒住。多謝大家的意見啊

iyarashiinoyaro

引用:

原帖由 salepoint 於 2018-9-12 01:23 AM 發表




其實我同佢係隔幾個月先見一次果啲朋友，係最近幾個月有一齊上興趣班先close咗，先慢慢係一齊，其實我對佢都唔係太了解。



不過你都講得啱，其實以我所知佢雖然慳，但唔係超重視金錢啲人，成日會請我食飯，我諗我要分清楚 ...

好明顥有心滾你,好多假暖男真又食又拎既新聞,你唔好為左唔想認自己比人呃失身又失錢而唔分手,係蠢上加蠢

米奇娘娘隻兵

有無諗過佢做左保險十幾年, 扮入行呃你?

小土子

引用:

原帖由 salepoint 於 2018-9-11 09:25 PM 發表
最近終於有男朋友了，本來係開心事，同佢總共識咗都一年了，佢最近三個月轉咗工做保險，之前係做sales，咁佢其實都唔係好知我財政狀況，我唔係大花筒，不過就唔識理財，到而家都無咩積蓄（我會慢慢改善，唉），搵得亦唔多。

咁佢初初轉工果 ...

照直講你冇閒錢供
同佢講如果佢真心為你著想
你可以叫佢幫你供住先
如果佢話唔合道理
成件事就當冇講過冇sell過

芥菜炒花生

引用:

原帖由 小土子 於 2018-9-12 05:26 PM 發表

照直講你冇閒錢供
同佢講如果佢真心為你著想
你可以叫佢幫你供住先
如果佢話唔合道理
成件事就當冇講過冇sell過

叫佢幫你供呢招絕

salepoint

引用:

原帖由 iyarashiinoyaro 於 2018-9-12 02:24 PM 發表   

好明顥有心滾你,好多假暖男真又食又拎既新聞,你唔好為左唔想認自己比人呃失身又失錢而唔分手,係蠢上加蠢

咁佢好規矩嘅，暫時我地都係拖下手仔攬下錫下咁，無咩好sex嘅野，我諗佢亦唔係呃錢嘅，因為係透過朋友識

salepoint

引用:

原帖由 米奇娘娘隻兵 於 2018-9-12 05:23 PM 發表 有無諗過佢做左保險十幾年, 扮入行呃你?

咁佢又唔係，因為我之前都見過佢番之前份工

salepoint

引用:

原帖由 小土子 於 2018-9-12 05:26 PM 發表   
照直講你冇閒錢供 同佢講如果佢真心為你著想 你可以叫佢幫你供住先 如果佢話唔合道理 成件事就當冇講過冇sell過

我照直同佢講無閒錢供算了，要佢供又唔好嘅

salepoint

引用:

原帖由 芥菜炒花生 於 2018-9-12 05:35 PM 發表   

叫佢幫你供呢招絕

哈哈