Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊 微博



追帖 打印

[小說] 拯救受詛咒的甜品店



[隱藏]
第四點四章:偷x香水 mix 毀x佳餚 (都話我冇做過咯!)

老闆站到眾人中間舉起右手:「得喇唔好嘈。嗱我地依度少咗邊個都唔得!係咪咁講先?」  

大口環說:「梗係唔係咁講啦!你想睇戲咋嘛?你估我唔知咩...你都唔志在間餐廳啦,少個人對你有乜影響啫?」  

「咁又唔係嘅,.妳唔想睇咩?喂金童出手整野食追返玉女返蒞喎,成敗就喺今晚!乜妳唔覺得好刺好激嘅咩?」  

「既唔刺又唔激囉!做waiter都可以開通宵嘅,你話有冇搞錯先?大佬我地幾晚冇返屋企喇!」  

「屋企有乜好返啫?依度冇位妳瞓咩?」  

「但係又要搞場大龍鳳嗰吓煩吖嘛!你俾啲息我休吓得唔得呀!」  

「且,場大龍鳳都唔係我地搞!金童搞咋嘛,關我地鬼事咩?都話我地睇咯,我地打氣咋嘛!」  

「係咪先?咁又唔同講法喇喎?」

大口環交叠着手臂,再朝金童的方向看去:「喂金童,試吓啦!係男人嘅就攞返條女吖嘛!你諗吓喎,就算衰咗佢都告我地唔入架喎。」  

老闆拍了下手掌:「ok!桃哈多、白日夢,買花生同薯片!大口環、阿源,買打氣棒!」  

大口環舉起了手:「老細,咁你做咩先?」  

「我?我咪負責坐喺度等你地囉!」  

「哈哈哈哈....」  

金童再次站起來:「喂玩野呀?你地越講越離譜喎!截住先,啲肉唔係我負責整架喎?你咪拉我入水,我剩係知甜品嗰啲架咋!」  

大口環攤開了雙手:「咁咪算囉!條女係你嘅,我地又冇損失...」

回覆 引用 TOP

金童瞪着她看:「好心妳講野就專心啲啦!擘大對死人手做乜啫?妳知唔知妳擘得好賤格呀?」  

大口環再次攤開了雙手:「我好enjoy喎...」  

「嗱其實就咁嘅!噚晚我地去金甜屋嗰陣,佢曾經同我講過佢喺出面有試食我地個主菜,仲有話俾我知個口感有啲怪,同埋同一般嘅牛肉有咩唔同。我諗我知道點樣balance啲味道....」  

老闆向他說:「一早就知你收收埋埋有料到啦!嗱,條女同你喺埋一齊咁耐啦,啖氣就一定會過架喇,係時間嘅問題啫。與其係要追返佢架喇,不如追得型仔啲吖嘛!你放心!我地依度成班都支硬持你!睇你表演!」  

金童不經意地笑了笑,然後叉着腰望着快要指向四點半的掛鐘,喃喃自語着。  

趁現在這段時間,桃哈多趕緊行去白日夢身旁。

桃哈多俏俏問她:「喂妳頭先望我望得好怪喎?究竟係咩事呀?」  

白日夢憋笑:「我...我話個秘密你聽吖?」  

「哦好呀....」  

「其實我成晚都冇瞓過...」  

「咁妳即係見到啲咩啦?」  

「你醒起啲咩事?」  

「妳話俾我聽妳見到咩先?」  

「我咪...見到兩條蛇喺度捱蒞捱去囉!」  

「噓!噓!細聲啲啦...嗱我都記得好似係咁,喂我都唔想架喎,我自己都唔知架嘛係咪先?」  

白日夢笑了聲:「你同我解釋做咩啫....我又唔係金童....」  

「佢知道嘅話我死咗喇...求吓妳....千祈咪講呀...」  

白日夢點了點頭。  

「多謝妳。我做牛做馬都制...」  

「咁你想做牛定做馬呀?定係做狗呀?」  

「吓妳講咩呀?我講吓咋喎...」

白日夢欲言又止:「.算啦...冇野喇都係。係喇,你知唔知呢,我之前見到你地...咁樣呢,我真係想扮醉join埋你地架。不過望咗一陣都係算啦,之後先出返蒞...」  

桃哈多望望周圍:「噓!噓!細聲啲....細聲啲....」






回覆 引用 TOP

「正唔正啫個感覺?因為我真係仲係處女蒞....」  

「妳想知應該問玉女啦吓嘛?」  

「咁佢唔喺度吖嘛....」  

「老實講...金童真係幾好眼光...佢真係好軟熟....」桃哈多再靠近她耳邊:「尤其係佢挨過蒞嗰陣....」  

兩人都暗自笑了幾聲。  「噓...噓....」  

老闆向金童說:「嗑一陣先囉,橫掂出面啲舖都未開門...」  

「講明先吓,我一個人攞唔哂咁多野架,你揾幾個同我去....」  

「梗係啦!你放心,我地今日唔做生意以示支持!」  

大口環打了一個呵欠:「講明呀,我話過今日睇戲架咋,唔好叫我做野呀...」  

金童對她說:「好心妳打喊露就專心啲啦,妳講野把聲好賤格呀妳知唔知啫?」  

「超!同你講野咩?喂一個人攞唔哂咁多野,你咪攞大啲個袋去裝囉...冇腦嘅...」  

「大啲個袋?妳變俾我睇呀?嗱!」之後再向大口環丟了個叉。  

「你俾個叉我做咩呀?」  

「妳聞吓個叉咩味先啦。咩呀,唔敢呀?」  

「聞咪聞囉,驚你跣我呀!」之後把叉垂直貼近到鼻和嘴邊。  

「嗱,keep住咁嘅動作就啱喇,叉住把死人口呀!」  

全場人都笑了起來,金童與老闆相互擊了掌。  

大口環把叉丟在一旁:「估到你啦,冇蒞新意...」  

這時桃哈多說:「咩呀?要大啲個袋都唔係冇喎?」




回覆 引用 TOP

老闆向他遞了個叉:「你變俾我睇喇...」  

「唔係呀,用返噚日個冰袋咪得囉!」  

「哈哈哈哈!」  老闆笑說:「我以為你做啲野好笑啫,估唔到你講啲野都唔差喎!哈冰袋喎...頂佢個肺吖真係...哈哈....」  

桃哈多皺起了眉頭來。  

阿源問:「話時話喇,個冰袋係咪俾返金甜屋喇?」  

老闆仍繼續笑着:「唔喺佢嗰度,唔通喺你家姐個床下底度咩...」  

「你又知我對上有個家姐嘅?我好似冇話你聽架?」  

「咁梗係啦,因為我真係擺咗落你家姐個床下底度呀吖嘛!」  

「哈哈哈哈....」  

桃哈多暗暗在白日夢耳邊說:「嘩佢地仲未醉醒咩?笑到咁嘅?」

白日夢微微笑說:「唔係吖...都幾好笑呀...」  

老闆說:「哎明知個袋有野仲拎返蒞咩!咪玩啦你真係...」  

阿源想了想再說:「咁又唔係喎...我記得我地返蒞嗰陣我好似仲見到個袋架喎?」  

「你眼花呀嘛?」  

大口環說:「喂唔係喎...你咁講我好似又有啲印象。噚晚我去廚房攞香檳嗰陣都好似見到...」  

老闆伸了個懶腰:「唔會啦!邊個會咁蠢走去攞返個死人袋呀?係咪你呀桃哈多?人少少唔怕認喎...」  

「梗係唔係我啦。不過我真係記得個袋仲係喺廚房度架喎?如果唔係我點會叫金童攞冰袋啫?」  

「係咪架?喂金童你一陣咪可以攞個冰袋買野囉?」

金童笑了幾聲再推了老闆一下。  

桃哈多走過去廚房:「嗱我揾俾你睇喇...」  

「咦?明明喺依個位架...」任憑他怎樣搜索,他都找不到冰袋。






回覆 引用 TOP

[隱藏]
老闆說:「揾唔到咪死撑喇,出蒞啦!都話你地記錯架啦。」  

阿源完全收起了笑容:「唔係喎,我真係見到架喎噚晚...」  

阿源望向大口環,大口環點點頭。  

餐廳一下子像被消了音,有五秒完全聽不到任何雜聲。  

老闆與金童對望了一會,老闆再說:「妳兩個女仔同桃哈多,查依度。我地三個上上邊揾。」  

數分鐘後,老闆他們下了來,兩方搖搖頭。

阿源說:「佢唔係咁醒吖嘛?」  

大口環面色一沉:「唔係喇啩....」

白日夢說:「我諗係喇。」  

桃哈多說:「係咩野呀?」  

老闆向金童說:「我諗你試吓再打俾佢啦。」  

金童一腳踢向面前的樓梯口:「shxt!」  

金童開始伸手入口袋:「咦?我部死人手機呢?」

阿源在右方的枱旁彎下了腰,並拾了樣東西:「你揾緊嗰樣野呀...」  

金童不斷在熒幕上亂劃:「起身啦!契弟!」  

老闆向他說:「唔駛起身喇,你部機差唔多裂開咗...用我部啦。」  

金童正想拿過他手機時,及時被老闆收回:「都係我打啦,我唔想我部野喺抬底執返。」  

老闆拿起手機放在耳邊,很快便放下並搖搖頭:「冇喇我諗佢熄咗機。」  

金童大力地嘖了聲。  

桃哈多說:「冇野呀嘛?」  

金童大喊:「冇野?原本就係!而家就真係冇好野喇!個叉應該一早俾你條木嘴!」

[ 本帖最後由 骨折入院 於 2017-3-3 05:10 PM 編輯 ]

回覆 引用 TOP

桃哈多見大家的神情比剛才更為嚴肅,連大口環都皺起眉頭,他頓覺不妙:「大家唔駛咁嘅樣嘅。金童,唔緊要喎,冇咗個冰袋咪算囉!你一個人攞唔哂咁多野,咪我地幫你攞啲囉,係咪先?」  

大口環藐起了嘴:「阿多生,你係真心覺得佢攞唔哂咁多野係一個問題定係你只係想搞吓笑呀?」  

「我?我唔係呀...」  

「唔係咩先?喂講清楚喎,你答錯我即刻剷你架喎?」  

「吓?咁...邊個答案衰啲呀?」  

「兩個都咁衰啦白痴!」  

老闆走了過來:「阿桃哈多,你知唔知而家好大鑊呀?」  

「講蒞聽吓?」  

「你而家究竟仲知唔知個冰袋係邊個攞咗先?」  

「我點知呀?我醉咗吖嘛之前?」  

「哎...嗱我地呢就懷疑,其實都唔係懷疑架喇,我地都幾肯定係玉女攞咗嘅。」  

桃哈多試着推敲:「哦?玉女?我諗吓先...」  

「唔駛睇喇,我開估啦,你爆咗煲之後,咁玉女好自然就聯想到個冰袋裝過嘅係咩肉...」  

「哦,我知道喇,個冰袋係玉女噚晚攞返蒞嘅!」  

「當然啦,佢乜都唔知以為個袋係我地架嘛。嗱咁佢知道裏面裝過咩肉,咁走嗰陣咪順勢攞埋個袋,咁咪有把柄喺手囉,你明未呀?」  

「咁...咁裏面啲DNA查到架係咪呀?」  

「梗係啦。」  

「咁我地衰咗嘅話...就....」  

老闆點點頭:「一鑊熟囉!」  

金童緊盯着阿源,阿源亦以盯還盯。  

維持了七秒後,阿源終於開聲:「有咩就講啦!你咁啤法唔攰架?」  

「你噚日唔係睇住佢攞走個冰袋嘅咩?乜你咩都唔知架?」  

「噚晚鬼睇到咩!你咪賴得就賴啦而家,我點知啫?喂我見住佢喺廚房度一支箭咁標出蒞,拉到拉佢唔切,咁你話我可以點先?」  

「咪住,你見到佢喺邊度出蒞話?」  

「咪係廚房囉!做咩事啫又?」  

「廚房度?」之後便筆直地望着桃哈多:「你...頭先喺廚房度出蒞架係咪?」  

桃哈多呆站着:「係啩...」  

「乜你地成晚喺個廚房入邊嘅咩?」  

「吓?呃阿...阿源話阿玉女喺廚房嗰邊出蒞啫...冇話佢成晚都喺廚房吖嘛,係咪先?佢...可能一直都喺出面..跟住就...剩係入蒞攞完個冰袋就走呢?」  

「咁點解佢會知道單野?佢話係你爆架嘛,你突登走出去同佢講咩?」  

「咩呀?佢同我喺廚房入邊架嘛,咁可能我醉咗亂噏野俾佢聽到...咁就...依個解釋算唔算正常呀?」  

「咁樣正常好多。」金童面無表情向桃哈多走近:「不過你頭先又話佢可能一直喺出面,而家又話佢成晚同你喺廚房入邊,即係算點呀?」  

「我其實都唔知架,我都係估估吓....」  

「即係你成晚同佢喺廚房入邊啦?」  

「就算真係咁都唔代表啲咩啫,係咪先?」  

「我冇話過代表咩喎...你有咩想代表呀?」  

「冇...冇....」  

「我而家問你,yes or no?」  

「梗係no 啦!我邊有搞過你條女啫?」






回覆 引用 TOP

第4.4.4章:偷x香水 mix 毀x佳餚 (你要我點講先信呀?)

餐廳只有兩個人的對話聲。

金童再向桃哈多靠近些,差不多到面貼面:「你點知我問咩呀?」  

「咩呀我...我唔知架...你繼續問囉?」  

「唔駛問啦,你都答咗咯。」  

「我?我冇答呀...我答咗啲咩呀?」  

「你好似有樣野仲未答我喎,你點解會有陣朱古力香水味?」  

「咩呀?佢同我成晚喺廚房架嘛,咁咪...可能會黐到佢陣味呢?」  

「冇可能。除非你地兩個黐埋一齊嘅啫。」  

「冇冇...痴線你咁諗野都有嘅?」  

「咁點解你身上面陣朱古力香水會咁濃烈?」  

「都唔係好烈啫係咪呀?」

「點解?」  

「係喇!」桃哈多想了三秒,右手馬上彈了下手指,指向天花板的食指仍在震料着。

桃哈多繼續說:「我記起喇,我之前喺屋企自己鑽研過支香水架!」  

「吓?」

所有人都皺着眉頭望着桃哈多。






回覆 引用 TOP

「係呀...我而家先醒起呀!我呢...第一日返蒞嗰陣咪聞到你地陣香水味嘅?我...我咪試吓喺屋企整囉,點知我真係整到喎!原本諗住噴俾你地睇架喇,點知一路都唔記得,放咗落個袋度!估唔到醉咗先記得噴....唉,世事嘅野真係吖....」  

「噗...」白日夢忍不住笑了兩聲,隨即掩住了嘴。  

金童很快把視線從白日夢望回桃哈多:「唔好同我講大話。」  

「冇呀!」  

「咁支香水樽呢?樽呢?樽呢?樽呢?」  

桃哈多馬虎地周圍望:「我呃...噴哂喇!唔知抌咗去邊喎....」  

面前的金童依然目無表情,再說:「你而家即刻返屋企攞過支俾我睇。」  

「冇喇,我整咗一支咋...」  

「好...咁你即係識整啦?」  

「ok啩....」  

「咁你而家即刻同我整過支,識整嘅好快整到嘅啫,一陣等啲舖頭開哂門,你就好快啲去買材料返蒞整。我兩三點度返蒞要見到支香水放喺枱面。」  

「如....如果見唔到咁點呀?」  

「見唔到嘅我即刻斬死你,等個死婆返蒞再斬死佢。我講得出做得到。」說完便轉身徑自往門口離去。  

阿源馬上攔截他:「喂,你去邊呀?」  

「我去刮條死婆。」金童再回望桃哈多一眼:「順便買刀。」  

「咪住咪住!唔對路喎而家,你走咗一陣六點玉女返蒞我地咪一鑊熟?」  

金童用力地瞪住了阿源,阿源唯有讓路。  

剩下五個人的餐廳,代表一切的時間已到了五點半。




回覆 引用 TOP

阿源說:「嗱,玉女頭先咪咁囉!越叫越走!」  

桃哈多隨即向老闆說:「唔好意思喇真係,雖然只係做咗三日,但係依三日我都好開心!真嘅!咁所以就...我要走喇!啲糧由得佢啦...」  

當他正要走時,被大口環當場截止:「想走?邊有咁易呀?你走咗我地咪等死?你咪咁天真啦!你就算走佬避得過金童,玉女攞個冰袋出蒞爆大鑊呀,你咪又係避唔過啲差佬!」  

「咁金童話明玉女返蒞就斬死佢架嘛,佢死咗仲點爆大鑊呀?」  

老闆拍着桃哈多的肩膀:「你咪咁天真,搞掂單野咪仲好!有我地一齊蒞承擔吖嘛!」  

「都唔知有咩好承擔,事實就係我做唔到吖嘛!」  

阿源走到他旁:「我地梗係知你做唔到啦,偷完食手尾都唔執?有冇咁着數呀?」  

白日夢舉起了手大聲喊:「既然大家都知道哂咁我講出蒞都唔拘啦,白日夢記者曾經親身視察過現場!」  

大口環瞪着她說:「好玩咩?而家好大鑊架!」

白日夢吐了吐舌頭。  

老闆向大家說:「好喇我决定咗喇,大家都攰喇,訓啦!」  

阿源向老闆說:「俾啲激勵啲嘅說話唔得呀?」  

「大家俾心機啲訓覺,訓完就俾心機做野!嗱其實我地係全世界最醒目嘅人,冇野係難到我地嘅!啱聽未呀?」  

「差唔多喇...」  

大口環叉着腰:「喂,話明我今日齋睇戲架喎!咁點計先老細?」  

「點計?唔好問我,壇野又唔係我搞嘅。」  

大口環轉身指向桃哈多:「最最衰衰都係你呀!唔偷食咪乜事都冇囉!」  

「喂我都唔想架....要怪咪怪啲酒囉....」  

老闆即說:「我夠有飲啦,又唔見我偷食?不過講開又講吖大口環,妳又唔能夠咁樣怪責佢嘅....」  

桃哈多點頭:「係呀,乜都怪落我度咁唔公道...」  

「我都未講完?要怪就怪你條桃哈多爆大鑊!唔係一天都光哂啦!」  

「咁又唔係咁講嘅...而家個天都就蒞光啦係咪先?況且...」  

「況咩呀收聲!」大口環指住桃哈多:「你唔好俾我再聽到你講野,即刻瞓覺!」

回覆 引用 TOP

[隱藏]
快要到八點,大家都拖着身軀起了來。  

老闆拍了下響亮的掌:「醒吓喇喎大家!懶成咁係咪想死呀?阿源,瞓咗未呀你?」  

阿源睜開了眼:「唔係...我諗緊金童佢地隻香水個牌子啫...我記得玉女好似講過...」  

大口環打了個呵欠:「剩係諗個香水牌子有乜用啫?」  

「咁最碼都要揾啱支香水先啦係咪呀小姐!喂白日夢,瞓咗嗱?」  

白日夢震了震:「唔係呀...我諗緊佢地好似係用唔知邊種水果做配料架....好似係香蕉?又好似唔係...」  

老闆望着桃哈多:「喂,你係主角蒞架!粒聲唔出嘅?冇心水咩?」  

「我有心水就唔駛粒聲都唔出啦...」  

「大家唔好嗲住喇,邊行邊嗲啦....咦?出面好似有啲人咁嘅?係咪呀?」  

一行五人準備出門口時,出面已聚集了三四個人。  

老闆走在前頭:「咩事呢請問?」  

站在最前頭的中年婦人說:「蒞食野啦梗係。我地聽講過依度有個甜品好好食架,好似叫做白朱古力芝士蛋糕呀可?我地突登晨咁早蒞試吓個甜品架,你地開鋪未架?」  

「唔好意思呀太太....我地今日閂門架啦。」  

「吓?你講緊笑呀?」  

大口環開始不耐煩:「阿師奶,我地夠想講笑啦!過唔過到聽日我地都唔知呀!」  

中年婦人皺着眉頭,後面的人都在搖搖頭:「嘩咩態度呀...」  

阿源馬上走上前:「各位,真係唔好意思呀,我知道大家都想試吓我地個甜品,但係我地呢今日就要進行一啲嘅裝修,所以唔係好方便。如果你地想蒞試嘅,聽日再蒞過啦,唔好意思....」  說完便以三十五度角向那些人躹躬。

回覆 引用 TOP

「咁就差唔多冇計啦掃興...」那些人漸漸遠去。

大口環藐着嘴:「聽日再蒞過?你真係口響。」  

阿源嘆了口氣:「睇蒞我地已經打響咗個招牌喇。」  

說完後,大家都望着桃哈多。  

桃哈多拍了下掌:「打響咗個招牌係好事吖!我地係全世界最醒目嘅人蒞架嘛,冇野係難到我地嘅!Let's go!」  

正當一行五人快要出發時,走在最後面的白日夢經過街道的欄杆時,發現了有些東西矗立在欄杆上,份外顯眼。  

「咦?係香水蒞嘅?」  其餘四人馬上回了頭,沿着白日夢的手指方向望去。

欄杆上不偏不倚地站着了支香水,而裏面卻是空的。  

桃哈多目瞪口呆:「點解真係會有個香水樽嘅?我都冇整過!」  

大口環望了望香水:「關咩事吖?你唔俾人地用完之後周圍擺咩?一定關你事架?走啦咪嘥時間....」  

白日夢走上前拿下那支香水,往瓶蓋嗅了下:「你地大家快啲蒞聞吓!」  

全部人都往瓶蓋嗅着,大家即時面面相覷。  

白日夢問:「似唔似呀?」  

大家都點點頭,桃哈多說:「真係關我事呀原來...我地掂架喇今次!一模一樣呀!」  

大口環皺着眉頭:「係咪一模一樣架?就算係又點啫?你識將支香水 copy and paste 咩?」  

「用返依支咪得囉!仲有少少吖嘛...」  

「你對眼瞓醒未呀?支野空架!」  

老闆說:「白日夢妳咪話過支野有用過水果做配料嘅?大家聞唔聞到啲水絲果跡呀?」

回覆 引用 TOP

「香蕉!」「蕉咩呀?檸檬呀!」「有啲似青蘋果...」  

各有答案的五個人,主見源源不絕,更重要的是到現時為止都未有共識。

阿源說:「大家不如唔好估住喇,買咗依個牌子嘅香水先再聞吓有咩分別咪仲好!」  

大家只好繼續往面前的百貨公司方向走。  

首先知道了香水舖位於最底下層,然後依照既定的香水牌子去買香水。  

白日夢一眼就看得出那支香水並拿下:「依支吖嘛,係咪呀?」  

老闆看了看:「係喎...好野白日夢!咁而家就....」  

大家的目光再次回到桃哈多身上。  

桃哈多望着大家:「今次嘅眼望望有係代表啲咩呀?」  

大口環把香水拿到桃哈多手上:「嗱,好簡單啫,拎住佢去櫃台俾錢就得喇。」  

「我都想俾呀,不過我而家真係冇錢呀。」  

「碌卡囉,咁大個人唔係卡都冇呀嘛?」  

「咪剩係得張身份證同八達通囉...」  

其餘四人都沒有再出半句聲。

一直過了三分鐘後....  老闆終於開聲:「得喇,冷戰住咁多先,今日冇乜時間...」  

他拿了支香水走去櫃台。  

桃哈多雙手合十:「多謝哂花闆!」

回覆 引用 TOP

「多咩謝呀?幫你俾住先咋!」

百貨公司外面有五個人圍着香水嗅着。  

老闆說:「好喇,各位點睇呢?」  

「香蕉!」「蕉咩呀?檸檬呀!」「有啲似青蘋果...」  

「點呀?有係咁嘅?」  

阿源望向對面的超級市場:「唔好再諗咁多住喇。諗到乜就買乜先啦,買哂返去再慢慢諗...」  

「咦?」大口環開始拿起一個個水果在面前嗅着:「又好似有木瓜味喎,咦芒果....」  

不消多久,桃哈多推着的車子已堆滿了各式各樣的水果。  

阿源看着手推車:「嘩大口環妳乜都擺落去嘅?」  

「且,又係你話諗到乜就買乜嘅....唔啱駛咪食咗佢囉...」  

「妳差在未擺嚿榴槤落去咋...」  

「咦係喎....都好,攞嚿返去食都好...」  

老闆擺出厭惡的樣子:「咪搞!成陣味!」  

白日夢用手輕輕摸着榴槤的表皮:「成陣香味吖嘛!」  

桃哈多漸漸注意到一個奇怪現象。  

他向旁邊的白日夢說:「喂,妳覺唔覺得有啲怪呀?唔知係我嘅問題定係咩呢,車裏面啲生果好似唔同咗咁嘅?好似有人趁我唔覺意搞過啲生果咁...」  

白日夢壓低了嗓子:「我都話個秘密你知...今日喺百貨公司度呢我已經覺得有人跟踪住我地架喇,一直到而家都仲跟住喺後面...」  

桃哈多自然地向後望,白日夢馬上制止:「噓,唔好望後面!我地一齊數三聲先拎過去....」  

「一,二,三....」  兩人轉身,白日夢大喊:「紅綠燈!」




回覆 引用 TOP

第4.4.4.4章:偷x香水 mix 毀x佳餚 (我發誓我冇!否則我腸穿肚爛...)

與桃哈多和白日夢面碰面的是一個呆掉了的女人。

二人齊聲喊:「玉女?」  

走在前方的其餘三人立即轉過頭來。  

玉女正想逃跑之際,已被五人攔截着。  

玉女的臉旋即由紅變黑:「做咩呀你地!你地班變態殺人犯!」  

老闆嘗試把她冷靜下來:「妳冷靜啲先。妳點解會喺度嘅?」  

「關你咩事呀!」

桃哈多望望手推車再望玉女:「哦...妳搞過啲生果蒞係咪?」  

白日夢問:「支香水係妳留低架?」  

玉女的臉開始半紅半黑:「做咩呀!質問我呀?要質問都係我問你地而唔係你地問我呀!」  

阿源由上到下望着玉女:「玉女...我以為妳攞埋個冰袋出蒞添...」  

「你好想要個冰袋咩?咁想要個冰袋做咩呀?」  

老闆綻放着笑容:「唔係...我地蒞買野唔記得帶袋想問妳借啫。」  

「算把啦,知道哂你地想點啦!」

回覆 引用 TOP

[隱藏]
「哦?」大口環大喊了一聲再說:「妳點解咁落力俾提示我地呀?妳聽到哂金童今朝講嗰啲野呀?妳點知架?」  

「我根本冇走度,我喺附近行咗一陣,直到臨天光嗰時,我喺出面聽到你地講啲野...」  

桃哈多即問:「吓?咁妳聽到邊part呀?」  

「咪香水嗰part 囉!你唔想我聽到邊part呀?」  

「冇...冇冇...part part 都想妳聽到....」  

大口環眉頭深鎖:「妳喺出面點聽到我地入邊講野呀?妳喺後門入過蒞!」  

「妳理咁多做乜啫!」  

「哈!知道衰咗想補鑊呢?」說到這裏突然被老闆用手肘頂了下:「喂,頂咩啫老細...」  

「我damn you 妳唔好用咁嘅口吻同我講野呀!同你地好熟呀?我話你地知呀...我一時飲醉咗咋....我...你望咩呀桃哈多!」  

「我冇望咩呀...我頭先同妳講野都好自然呀,我地...冇野架嘛?」  

「梗係啦!飲...飲醉咗好...好正常咋嘛!我費時啲無謂人誤會咋,我地兩個都冇野!」

停頓了四秒,玉女即再說:「痴線!我駛咩同你地解釋啫...」  

大口環笑了笑:「金童話會斬死你兩個喎,點睇呀?」  

「有咩點睇啫!佢夠膽郁我?」  

老闆搔搔頸側:「咁...而家即係...點算呀?」

玉女指着他們:「ok!而家一單還一單,我大概都知點整嗰支香水,我會幫手!不過你地唔好咁得戚,你地一日未證明到噚日嗰啲係牛肉,你地一日都係共犯!仲有,你地唔好望蒞望去,個冰袋我而家冇帶蒞,收埋咗!我認得個口感架,唔駛諗住呃我!唔好以為我唔會報警!」

回覆 引用 TOP



伸延閱讀
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!